مشكور اخوي راعي البيج على ردك
وياخوي صدقني ان التعصب والاشياء اللي فيها تحيز موجودة في العالم كله مو بس في هذا المنتدى .. وطبيعي جدا التعصب الموجود
وحتى لو وصل الى بعض التعليقات الغريبة والمضحكة والخارجة عن المألوف .. فصدقني احسن شي انك تكون قاريء وبس ولا تدخل نفسك في عوار راس انت في غنى عنه
وصدقني كل واحد بيقول رأيه ختى لو كان مو صحيح او فيه تعصب او تحيز لذلك اخوي صدقني انا مااحب هذي المبالغات والمدح الزائد لكن كل واحد حر في مايقوله .. وبخصوص ان اغلب الكلام عن الهوندا فهذا شي يدل على شعبيتها الكبيرة في هذا المنتدى . وعلى العموم فيه منتديات اخوي متعصبة للكابرس واللومينا وفيه منتديات متعصبة للالماني ...الخ والقائمة تطول
فالنصيحة اخوي انك تستمر على اسلوبك مؤخرا لاني لاحظت انك ماشاء الله عليك صار طرحك عقلاني جدا وصرت تقلل من الهجوم على الهوندا او غيرها من الشركات وهذا الاهم انك ماتسبب حزازيات وكراهيات بينك وبين عشاق الهوندا او اي شركة اخرى لان اخوي اي واحد معه هوندا يحس انك تهاجمه بشكل شخصي .. وهنا المشكلة يعني بالضبط مثل التعصب الرياضي فلو واحد هاجم لاعبك المفضل فانت على طول وبدون شعور راح ترد باقوى رد عندك
وياليت اخوي لو تستمر على طرحك العقلاني في مشاركاتك الاخيرة التي فعلا بينت انك كاتب جيد ولكن عليك الابتعاد عن المهاترات والاشتباكات الجانبية
على العموم انا طولت واسف على الاطالة
والشهر مبارك على الجميع
تحياتي وتقديري لك اخوي
تحياتي لجميع الاعضاء