سوالف للجميع
(http://www.swalif.com/forum/index.php)
- قسم الحلويات والكيك والبسكويت
(http://www.swalif.com/forum/forumdisplay.php?f=36)
- - حلا الشيوخ
(http://www.swalif.com/forum/showthread.php?t=228697)
حلا الشيوخ
( طبعا بكل امانه ، ترى الموضوع منقول ) كنت معزومه وفكرت اسوي سويت حلو وغريب في نفس الوقت ويلست أدور وأدور لين حصلت هاذي الطريقه وجربيتها وحبيت انكم تستفيدون منها لأنها وايد سهله.. اليكم المقادير:-  مثل ما باين في الصوره عجينة السمبوسه بس الحجم الصغير حليب مركز 4 جبن كيري كاكاو سائل ( هيروشي ) مكسرات ( لوز وبندق وعين الجمل(الجوز)) ومله فيها قليل من الماء والطحين...  ثانيا يفكك العحين حبه حبه  ادهن طرف العجينه بالقليل من خليط الماء والطحين حتى يلتصق فقط من الجوانب  وهكذا يكون شكله بعد ان لصقنا الحواف..  نبدأ بقليها في الزيت حتى تحمر في المره اليايه افكر احمصها في الفرن وبشوف النتيجه هل بتكون مقرمشه ولا لأ؟؟؟ بجرب وبخبركم..  هذا شكلها بعد ما قليناهن...  أدق المكسرات في المنحاز الخشب..  أصفه في قالب متحركه عشان يسهل اخراجه..  أخلط في الخلاط 1/2 الحليب المركز والجبن الكيري حتى يتجانس وأنا حطيت اشوي ماي عشان الجبن مارضى يذوب..   أصب الخليط على العجينه وبعدين أصب الكاكاو السائل ( هيروشي ) والمكسرات وأحط القالب في الفرن لعدة دقائق فقط..  وعقب ما أطلعه من الفرن أرد أحط الكاكاو السائل عليه الصراحه غرقته... وحضرت شريطه وصحن التقديم  أطلع القالب وأحطه في صحن التقديم وأربطه بالشريطه...  وهذا الصحن اهداء لكل أعضاء المنتدى... شورايكم في الأكله وفي التقديم..؟؟ أنا في انتظار ردودكم وانتقاداتكم... |
والله تحليه ماهي طبيعيه صحيح حلا شيوخ ...
الله يعطيك العافيه على النقل وثاني مره ابي اذوق :D تسلم والله والله لايحرمنا منك تحياتي محمد الهاجري |
إقتباس:
حياك اخوي وان شاء الله فالك طيب والصراحه مرورك وتشجيعك هو الاحلى اللي في الموضوع |
حلا الشيوخ بس بدون بشت
شغلات بسيطة بس تقديم ولا أحلى ... يعطيك العافية أنا أناديك أختي .... وأخي إبداع يناديك أخي ... نريد نعرف أخ وله أخت |
هههههههههه
حيرتيني اختي بشاير الخير .. سواء اخت اخ كلهم فيهم الخير والبركه واسف مره ثانيه ان كنت غلطت او ماميزت الاسم السموحه السموحه والله وحضوركم شرف لي والله يبارك فيكم واسف على المداخله تحياتي محمد الهاجري |
تعرف أخي إبداع أنا أناديها أخت لأهتمامها بمواقع الطبخ والبيت وخلافه ... مع إن الاسم هداف الإمارات يعني رجل
المهم مثل ما قلت المهم تواجدكم ذكورا كنتم أم إناثا والظاهر أخي الفاضل محد في القسم غيرنا احنا الثلاثه ... مع إن القسم وايد حلو ويشرح القلب الله ييسر الخير وينتبه الباقي له وينتعش دمت بصحة وعافية |
الله يعافيكِ اختي بشاير الخير كم تمنيت اثاراء الاقسام النايمه وكم تمنيت اشوف الجميع يشارك بما فيهم الاخ الغائب الحاضر uae_kicker وانا بدوري اشكره كثير لأنه له لمسات سحريه في القسم والله يقويه ومزيداً من التواصل...
لكم شكري واحترامي/محمد الهاجري |
إقتباس:
اشكر لج اهتمامج واجتهادج في التفسير ( في اعتقادي ان الامر لا يهم اذا كنت واحد او وحده ) بس بتصدقين انه حتى الاسم اللي مختارتنه يصلح لواحد او لوحده يعني ان جيتي للانجليزي اللي يفرق بين الهداف هو الكلمة اللي تسبق الصفه ( he او she ) اشوفني جلبتها درس انجليزي :D علشان اريحكم وننهي الضرابه اللي بينكم :31: ( انا وحده ) وما ادري انه الاسم بالانجليزي يصلح للتذكير والتأنيث الا بعد ما اختلفتوا انتوا. شغله اخيره ملاحظتنها انه فعلا مافيه اي تفاعل في القسم غيرنا نحن :OO: اتمنى الازدهار والرقي لهذا المنتدى وان يرجع الى ايامه الخوالي في الماضي.  |
إقتباس:
مشكور اخوي على التفاعل معنا وعلى ردودك الرقيقة ، وان شاء الله راح يعمر ، بس الموضوع محتاج وقت . ممكن اخوي اتساعدني كيف اني اضيف توقيع في الخيارات والا هذه الخاصية لاغينها عني :cry: |
اسف اختي uae_kicker بس موقصدي ابداً ... بالنسبة للاسم فكلامكِ صحيح اللغه الانلجليزيه ماعندهم هاء التأنيث :D بس ولايهمكِ اختي انتي غاليه في كل الاحوال :) بالنسبة للتوقيع فهو ملغي من المشرف العام للعل بعد ذلك يحدث امرا.. ومره اخيره شاكر لحضوركِ المميز لاعدمناك والمكان مكانكِ وكم انا سعيد لتواجدكِ ومشاركاتكِ تحياتي واحترامي محمد الهاجري |
شفت إبداع طلعت اخت وليس أخ
معناها أنا إلي ربحت وعليك بعث هدية الفوز |
 ههههههههه ... ابشري وماطلبتي شي هذي الهديه     والسموحه على القصور :) تحياتي محمد الهاجري |
جزاك الله خير ... وما عليك قصور أخي المبدع إبداع
وعلشان نحقق العدل بنقسم الهدايا بيني وبين اختي هداف الإمارات ... شرايج هداف |
تستاهل اختي uae_kicker والله كل خير ..
تحياتي محمد الهاجري |
إقتباس:
ليش اختي ما اتقولين هدافة الإمارات احسن. ومشكوره حبوبه على الهدايا اللي حابه تتقاسمينها وياي . ممكن حد يساعدني علشان اغير اسمي في المنتدى ( احس انه مسبب لي بعض الاحراج ) لاني مختارتنه من زمان والحين اعتزلت اللعب :D |
إقتباس:
حلوة اعتزلت اللعب ... هذا عدنان الطلياني المهم بالنسبة لتغيير الاسم ادخلي قسم الشكاوي وقدمي طلب وسوف يقومون المشرف العام ونائبه بتغيير الاسم موفقه لكل خير اخيتي الغالية |
شكله وايد سهل وحلو
يالله على المطبخ بنشوف أحلى شي رمضان على الأبواب تسلمين |
الله يبلغ الجميع في شهر رمضان
اللهم امين تحياتي محمد الهاجري |
آمين يا رب العالمين........
|
| الساعة الآن » 09:27 AM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.