الرجاء الالتزام بقوانين الحوار الهادف
السلام عليكم ورحمة الله وبركاته
مع الاسف الشديد في الآونة الاخيرة حصلت بعض الامور اللي ما كنا نتنمى نوصل لها ، ومع الاسف ان بعض المشرفين قام بإثارة المشاكل في سوالف في وقت كان من المفروض منهم يقومون بتهدئة الاعضاء ( حتى لو كان هناك قصور من المشرف العام ) فبدل المشرف نقدر نعين 2 و3 و 4 لكن المشكلة ماكانت في المشرفين بقدر ما كانت في سوء تصرف بعض المشرفين . علماً بأننا سمحنا للأخوان بالدعاية لصالح انشاء منتدى جديد ، لكنهم تجاوزوا هذا السماح بتأليب الاعضاء وخلق المشاكل ، وراح نبقي على الاعلان لحين ما تفتتحون منتداكم ونكون اول المباركين لكم ولا راح نغلق هذا الموضوع حتى بعد ما نتأكد بأن كل من يرغب في ترك سوالف والانتقال قدر ينتقل إلى المنتدى الجدي . وحتى نتجنب الخوض في هذي التفاصيل نود منكم مساعدتنا في الامور التالية :- 1- عدم التعرض لأي عضو سواء مشرف أو غيره . 2- عدم اثارة اي موضوع يتعلق بمشاكل الاشراف . 3- عدم فتح اي موضوع يتعلق بما حدث . وعلى ذلك فسوف نضطر إلى الغاء عضوية اي مخالف وليس ايقافه ومسح كافة مشاركاته في سوالف . نعم إنه إجراء قاسي ولكن ليس باليد حيلة فالبعض قد آثر بأن يضر بمنتدى سوالف وعلماً بمبدأ العين بالعين والبادئ أظلم سنتعامل مع المخالفين . والله الموفق وهو الهادي إلى سواء السبيل . |
افهم من كلامك ان المشرفين غلطانين ..
ياخوي (اداره سوالف) لي كلمه اخيره .. الله يهنيكم في منتداكم من دونهم |
ra3y_v8
عضو مثلك صار له فترة يشارك في المنتدى شو رايه يعني ؟ هل يجوز لشخص أو لأشخاص حملوا امانة بأنهم ينقلون كل شي بينهم وبين المشرفين إلى الاعضاء ؟ اللي ماكان يقدر يواصل كان من المفروض من قبل يعتذر عن الاشراف ويترك المجال لغيره ، اما يستبيح ويستحل اعراض المشرفين اللي مو على هواه فهذا ما لا نرضى به ولا راح نوافق عليه مثل ما للاعضاء حقوق علينا كذلك المشرفين لهم حقوق علينا مافيهم حد يتقاضى راتب ، هذا تبرع من وقتهم للمنتدى . |
أوكي آنا وياكم
بس شدعوه وقفتوا كل الأعضاء الفعالين يخي أعضاء مشاركين من سنيييييييين و مشاركات في الآلاف ، بعدين بكل بساطة يتوقفون بدون سبب ؟ و أكيد هالرد بينمسح بعد مع إني ما غلطت و لا شي |
بصراحة انا بديت اقتنع بكلام الاخ سوالف ....
وبادرة طيبة وذات خلق عالي انه يتيح ويدعم دعاية الموقع الجديد للي يرغب... والكل حر بتصرفاته... انا موقع مثل سوالف صرت ادخله بالفطرة يعني من سنين وانا عليه وصحيح اني مش عضو كبير بس متابع الموقع من قبل ماصير عضو يعني من سنة 1997 .... يعني حوالي 11 عام وانا اتجول في ساحاته... وصعب مني اني اطلع منه لو شو ماكان... وبالفعل اصبحت هناك كثير منتديات منافسه ... بس مايهون عليه الموقع كونه تاريخ وبيظل اسم راسخ لدرجة اني احسه من اوائل المنتديات العربية ... الكلام مش مجاملة بس شعور من داخلي.... واعيد واكرر الكل حر بتصرفاته... الكل ماقصر... بس احس هناك نوع من سوء التفاهم وهالشي اللي نتج عنه اللي انشوفه الحين... والى الامام ياسوالف...... |
إقتباس:
أمركم عجيب .. يعني أحين بان الحق .. وينكم من قبل .. أذا حاطين مشرف عام .. نص المشرفين بسوالف يتذمرون منه تلومون مشرفين .. "بفضلهم" .. سوالف قايم .. بالله عليكم شوفوا الأقسام الباقيه .. أقسام ميته .. الكل يعرف سوالف الجميع = سوالف السيارات .. وسوالف السيارات بدون أعضاءه المؤسسين شو يسوى .. متى خلى سوالف السيارات من grandv8 و AMG وUae speed وزورو الأمارات .. والأعضاء الكبار أسمحلي .. بس بالمره مالكم وجه |
المشرفين ماقصروا واعتذروا من الاعضاء وتنازلوا عن الاشراف وتركوا المنتدى
لكن الاعضاء هم الي وقفوا بوجه العضو grandv ومنعوه من الطلعه من المنتدى يعني المشرف ماكان يبي يألّب او يسبب ويخلق مشاكل في المنتدى.... لكن اذا بيطع مرة ثانية من المنتدى وهو عارف انه الاعضاء بيوقفون له...لازم يشرح الأسباب الي خلته يطلع من المنتدى ومع احترامي للادارة...صار لنا فوق الاسبوع ويمكن اكثر او اقل ماني متذكر بالضبط...بس صار لنا فترة والمنتدى (قسم السيارات) ماله اي حوار غير بنطلع من المنتدى وبنقعد في المنتدى...وين كانت الادارة؟؟؟؟؟؟؟؟؟؟؟؟؟؟؟؟؟؟؟ :think: هذا يعطي دافع قوي للاعضاء انه يصدقون كلام المشرفين...المفترض الادارة تتجول بالأقسام مو جالسين لحالهم كانهم في مبنى اداري جنب المنتدى ومالهم خص بشي :confused: |
طيب اللي مضايقينكم لية ما تلغون الاشراف منهم وتريحون بالكم وبالنا من هالموضوع الممل
|
إقتباس:
شلون يعني ماعجبك قسمي ولا كيف :ranting: ما ملا عينك :bomb: :D اذا انت مشارك او اي احد شارك فالمنتدى عشان قراند او غيره فقراند راح وذا انت مشارك عشان سوالف ان شاء الله الاعضاء الموجودين فسوالف حاليا فيهم الخير وراح يظل ان شاء الله :p بوعلاء اللي ما ملى عينك قسمه :cry1: على فكره اخر جمله قلتها ما عجبتني ولا تدل على ادب الحوار :sss: |
ايش ذنبنا أحنا تعاقبونا على فشلكم ؟
أخوي مع احترامي لك انك تخص هذي القوانين على قسم معين يعتبر قمة في الإنحيازية و عدم المنطقية الله يرحم ايام المشرف العام ارث احزان و مدير شؤن الموظفين أبو غادة :lol: |
إقتباس:
:19: أول شي لا تخصص وأنا معمم .. تقول قراند راح .. جنه البارحه حاطينه مشرف عقسم السيارات .. المنتدى بأعضاءه ومشرفينه .. مب أسمه .. وأذا أنشال هالسند .. طاح القسم .. وهذا اللي صاير .. والعموم أنا كلامي مب من فراغ .. نعم الأقسام الثانيه ميته مقارنه بسوالف السيارات .. شوف الأعضاء وين متمركزين .. وعدد الضيوف اللي يوصل 600 بقسم السيارات لحاله .. عشر أضعاف أي قسم آخر .. يا كثر الأعضاء اللي عندهم وصله قسم السيارات دايركت .. :D سوالف الجميع كان = سوالف السياسه وسوالف السيارات .. سوالف السياسه ما بقى منه الا الأرشيف .. علشان يتذكرون الماضي المجيد .. حال سوالف السيارات في نفس الدرب .. سوالف للجميع بيصير أرشيف للجميع .. :D :D ما أقول الا الله يعين الجميع .. |
حسنا يا ادراة سوالف
المهمة تعود لكم الان عوضونا عن فعالية اخونا AMG و تفاعل اخونا grand الدائم مع الاعضاء واستجيبوا للمطالب المتنوعة ( بحسب الاستطاعة ) فمن حيث ارى الموضوع هناك اعضاء .. مازالوا متمسكين بالبقاء هنا لعل هذا يعطي القسم فرصة للعودة مرة اخرى ..وهي فرصة لكم يضا لكي تنقذوا الوضع لاتفسدوا الموضوع كالعادة ...رجااااء فالكرة في ملعبكم الآن :) |
السلام عليكم ...
اخواني الكرام خلاص كلنا عارفين الوضع وما في داعي كل يوم نعيد نفس الكلام وما في داعي اننا نتعب عمرنا ونتكلم في الموضوع مره ثانيه وانا اعتذر لجميع الاخوان على اي غلط او اي كلمه قلتها لاي اخ لي بالمنتدى في جميع مواضيعي السابقه شكرا :-) |
لا فات الفوت ما ينفع الصوت
وإحنا مع قراند وين ما راح |
إقتباس:
ما وقفنا أحد كفريق مؤقت ونرجو كتابة اسماء اللي تقول وقفناهم وباذن الله ماراح يصير الا الخير ، وليش نمسح الرد وانت ما غلطت بكلامك ؟ |
إقتباس:
فعلا هناك سوء تفاهم وعموما راح نحل هذا الاشكال حتى لو بقى القسم من غير اعضاء ، فهذا المنتدى انشئ من اجلكم وراح نحاول نديره عن طريقكم وقريب بنفتح باب الترشيح لمشرفين لهذا القسم . وجزاك الله خير على صراحتك وانصافك للاخ سوالف فهو يشهد الله ما قصر ولكن البعض مابين في عيونهم وصار حتى سوالف متهم عندهم . |
إقتباس:
اي حق بان ؟ وايش هذي المغالطات ؟ متى كان منتدى سوالف متخصص بالسيارات ؟ متى انشهر منتدى سوالف بالسيارات ؟ الظاهر انك توك جديد على سوالف للعلم فقط ارجع لأول بدايات قسم السيارات وشوف عدد المشاركات في اليوم وبعدها تعال احكم ، وللعلم فمنتدى سوالف منتدى عام ويشمل الكثير من الاقسام الفاعلة مهب السيارات فقط . وجملتك الاخيرة المفروض منك تحترم من يحاورك وتناقشهم بما عندك اما هذي الالفاظ فهي مرفوضة عندنا ، وهذا تذكير لك واعتقد انك انسان فاهم ومتعلم وتعرف اساسيات الحوار . وشكرا على مرورك . |
أشتركت بالمنتدى .. والكل يرمس عن المشاكل ..
بكمل سنتين .. والكلام نفسه .. أظني بعدني "جديد" |
إقتباس:
بدون زعل اظاهر انك انت جديد على المنتدى عدد مشاركات سوالف السيارات في هذه اللحظة 341,090 مشاركة عدد مواضيع سوالف السيارات في هذه اللحظة 31,536 موضوع عدد متصفحين سوالف السيارات في هذه اللحظة 488 متصفح شوف بقية الأقسام فيهم كم كلهم على 12-15-20 متصفح ما عدى القسم العام سوالف الأصدقاء 247 متصفح |
إقتباس:
هدوا اللعب ياشباب... وتصرفوا كانكم كبار ولاتتهورون فالردود... واوضح الصورة لك اخوي بأن قسم السيارات في اول فترة لسوالف كانت المواضيع محدودة جدا يعني فالشهر تحصل 3 مواضيع لا ومكرره فقط مقارنة بالاقسام الاخرى كقسم الاصدقاء والطرائف والسياسة والدين.... انا اتكلم عن بداية سوالف في ايام التسعينات... وسوالف السيارات بدأ ظهورها في مطلع 2000 ... هذا اللي يريده ادارة سوالف توضيحه.... |
أدري
بس لا يغلط على العقرب :D بعدين هذا دليل أكبر في أن سوالف السيارات أقوى من بقية الأقسام لأنه عدد مواضيعه بالنسبة للفترة الزمنية أكبر من بقية الأقسام :ranting: |
|
أتم وياك بس بشرط إنك ما تخليني***أنساك شلون وأنت بس اللي مالي عيني
مهما الناس يـــــلومــــــــونــــــــــي***غيــــــرك لا مــــــــــا هــــــــمــــــونــــــــي إهداء إلى: ( جراند-زورو-amg) |
الله يسامح الجميع بس
تحياااااتي |
ادارة سوالف ...
بغض النظر عن المشاكل ومن تسبب بها لكن يا اخي انا لي هنا بالمنتدى من عام 2000 وقبل كذا كنت اتابع المنتدى وماعمري بحياتي شفت ادارة المنتدى تدخلوا وحلو مشاكل .. اكون صريح معاك .. وفي سوالف لايوجد منتدى متحرك مثل منتدى السيارات ، كم من مرة طلبنا تغييرات في المنتدى للافضل ولم نرى تجاوب ، ونحن كنا على اتصال بمشرفين قسم السيارات وكانوا يؤكدون محاولاتهم معاكم ولكن بدون استجابة ، حتى والله صاروا محرجين منا .. اين انتم من مطالب الاعضاء ؟؟ لماذا لم ينشط قسم سوالف للسياسة مع العم انه يوجد فيها اعضاء لايكتبون الا في الساحة السياسية وفي الصحف المحلية ولهم وزنهم الكبير؟؟ ويكفي منهم ابولجين ابراهيم .. و اتمنى لكم الحظ الطيب .. اخوكم الشبابي |
| الساعة الآن » 12:39 AM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.