ليش الامريكي ينزل سعره عند اعادة البيع ؟؟؟؟
السلام عليييكم
شباب ليش المواتر الامريكيه المستعمله ما تمسك سعرها عند اعادة البيع ؟؟؟؟؟ وخاصة الكاديلاك ..... :think: اما المواتر اليابانيه والالمانيه المستعمله دايما تحافظ على سعرها ... :banana: هل بسبب اسم السياره ؟ ولا بسبب جودة السياره ؟؟ |
بالنسبه لي.... سمعه السياره في ماضيها .. يأثر عليها ولو كانت جديده ..
|
هالامر يختلف بين دول الخليج
لكن سببها الرئيسي الوكيل لانه يقدر بخطط مدروسه يرفع سعر السياره بعد البيع والان سعر السيارات الامريكيه المستعمله اختلف هالايام وارتفعت وبصراحه ما يهمني سعر السياره بعد البيع لاني اشتري السياره عشان استخدمها ومب عشان ابيعها واذا بعتها بعد ما استخدمتها وكانت مريحتني بيكون السعر اللي رجع لي اعتبره ربح |
إقتباس:
احترم وجهة نظرك ...... بس في شركات قديمه ومن زمان تصنع سيارات بس مالها قيمه في السوق !!! وفي شركات جديده الى حد ماا واسعارها حلوه وتمسك سعرها بعد البيع ... |
إقتباس:
بالعكس اخوي سعر السياره بعد البيع هي من الاولويات لدى المستهلك ... يعني حتى لو الشخص ما يفكر انه يبيعها لمدة 10 سنوات على الاقل ... المفروض انها تجيب له سعر محترم بعد هالمده وما يخسر من قيمتها وايد ..... مثل التويوتا واللكزس دايما يقولون انها شيك في الجيب .... واعتقد هالشي هو سبب اقبال الناس على شرائها لانهم ضامنين الموتر وعارفين سعرها (المحترم) بعد اعادة البيع .. نشوف باقي الاراء ....... |
إقتباس:
إقتباس:
انا قصدت نفسي :-) |
والله انا من وجهة نظري (الشخصية) انه اغلب السيارات تنزل قيمتها بعد ماتشتريها جديدة... الا انواع محدودة مثل الكامري والهايلوكس والكورولا هذولي هم السيارات الي فعلاً اذا اشتريتهم جديدة ماينزل من قيمتهم واجد..غيرها تطيح مثل الماكسيما والالتيما والفورد والكاديلاك وغيرهم..بالنسبة للكزس والجيوب بانواعها ترا تطيح قيمتها اذا فكيته جديد ينزل من 10 الاف الى 20 الف....لكن لو اشتريته وهو ماشي 7000 الجيب مثلاً بتبيعه بعد سنة من الكرف والاستخدام بنفسسسسسسسسس القيمة وهذا الشي ينطبق على باقي سيارات التويوتا بشكل خاص (اكرر من وجهة نظري)
|
الكامري والكورولا والهايلكس تمسك سعرها
الكامري بدأ سعره ينزل اكثر من الهايلكس والكورولا باقي السيارات سعرها ينزل بدون استثناء سوق تحكمه قوانين الشريطيه :D |
إقتباس:
مع العلم انها اتفهه السيارات تقنيا وفخامه من الداخل واحيانا خارجيا ولاكن السمعه واسم الشركه وايضا الوكيل هم من يجعلوها دائما في المقدمه حتى في البيع |
انا موجود بينهم في امريكا
وسوق السيارات شفته اكثر من مره لان عندي ناس اعرفهم اصحاب معارض هنا في امريكا والكدلك والدودج اسعار المستعمل مرتفعه مره مره وخراباتها قليله ولها حل سريع اما بالنسبه للسيارات الامريكيه الموجوده في الخليج ينزل سعرها لان الوكيل مايقدم الخدمه المطلوبه للسياره نفسها + سمعتها في الخرابات بس بالمكان اللي انا فيه ماشيه زي العسل وعليها طلب بالهبل |
بالعكس اخوي عندنا
شوف اسعار الفورد من 98 الى 2002 راح تلاقيها بنفس سعر 745 من موديل 94 الى 2000 مع الاختلاف في سعر السيارة وهي جديدة انا رايح المعارض قبل اسبوع بي ام 745 ب 38000 جديييييييييد موديله طبعا 99 ماركيز 99 ب 39000 وارد امريكا طبعا الكلام هذا في السعودية |
الي ام والشبح سيارات تشخيص وترزز يعني الي بياخذها عشان يشخص مو عشان يكرفها زي الفورد.....لذلك اول ماينزل شكل مختلف يطيح الشكل القديم
لاتروح بعيد الفورد 97 تلقاها 25000 والبي ام ال97 تلقاها قريبة منها مع انه البي ام الـ95 اكثر مواصفات ومزايا من الفورد الـ 2009 :D بس اذا طلع شكل جديد وش يبون الناس بالشكل القديم..؟؟ اذا يبي سيارة عملية ياخذ له كامري او فورد...واذا يبي فخمة ماياخذها ياخذ الموديل والشكل الجديد :banana: |
من خلال تجارب شخصيه
الكل يخاف يمتلك سياره امريكيه مستعمله بسبب الخراب يعني مثلا تحط سياره امريكيه ويابانيه او المانيه من نفس الفئه يجي شخص يقول الامريكي يمكن مسكه رجال مايرحم والسياره كلها اعطال وخراب لكن لو ياباني او الماني ومسكه رجال مايرحم بيفكر فيه اكقر لانه اقل عرضه للخراب من الامريكي ويبتعد عن الامريكي ويفضل سياره ثانيه مكانه,, طبعا هذي وجهة نظري بالاضافه الى السمعه للسياره حتى ولو تحسنت حاليا سمعتها السابقه تأثر عليها |
السلام عليكم ورحمة الله وبركاته
الخراب على قولة البعض مااعتقد انه السبب..كل السيارات عرضه للخراب..جيب لي سياره يابانيه واخربها مو مشكله :sleep: مايبي لها واحد وثنين انا اقول السبب اسعار قطع الغيار وشعبية السياره واستهلاكها للوقود هم اهم عوامل النزول..والاهم عقول البعض الي تفكر كل ماكان فل السياره اكثر يعني تصرف بنزين اكثر ! وسلامتكم :sleep: |
إقتباس:
وعليكم السلام ورحمة الله وبركاته بعض الاعضاء يوم كتبوا الخراب كتبوا رايهم ووجهة نظرهم انت اكتب رايك من غير ماتقول بعض الاعضاء وغيره عشان ماتصير مناقشات جانبيه كنت تقدر تقول انا اشوف ان الخراب ماله دخل في السعر وانتهينا لكن هالاسلوب ترى يضحكني اكثر من انه ينرفزني :eek: والله يسلمك :p |
تبغى تعرف ليش ينزل سعر الكاديلاك زور معرض الجميح وانت تعرف زور صيانة الجميح وشوف الخدمه الزفت وانت تعرف اطلب قطعه من الجميح التعبان وانت تعرف
|
يا رجال 100000 للسيارة كل سنة 10000 بمعدل 10 سنوات شي ممتاز بعدها بعها واللي تجيبة اعتبرة حق صيانتها وما دفعتة للصيانة ( انا برأئيي اي سيارة اكثر من 10 سنوات خلاص انتهاء عمرها الافتراضي ) خصوصاً بأجوائنا والمستعمل تدفع فية اكثر من الجديد.
|
انا اللي استغربه لما تجي كامري كانت في شركة ايجار تجيب سعر اعلى من التيما و اكورد نظيفة
فعلا امر محير اما الامريكي و هو محور موضوعنا مشاكله لا تنتهي بسبب سوء الصناعة و ضعف الجودة و قلة الاعتمادية و نستثني بعض سيارات الفورد و السوبربان |
على طاري السيارات الامريكيه
عندي فوردين واحد موديل 99 رصاصي ورررررررررررده بمعنى الكلمه ماشي 120 ستاندر مرهم له شاشه وسيدي تشنجر 12 الثاني فورد مركيز اللون بحري موديل 2005 ماودك تنزل عينك من عليه الاول عندي في الشرقيه الثاني في ورشه سمكره في الرياض شريته فيه صدمه في الجنب غيرت له كل شي وكاله كلفني والله رفرف وكبوت وشمعه يسار اماميه شرط الفحص الكامل للسيارتين وانا بياع كشكشني واستلم مبايعتك حاضر بحاضر كاااااش ولااقبل الشيكات بس وين المدرهم :smart: للراغبين الجاديين ابو حمد 0500224000 0502344797 |
| الساعة الآن » 02:08 PM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.