ربيعي يبي يركب نظام صوتي زين ... مشورتكم
السلام عليكم ورحمة الله وبركاته
كيف الحال عساكم على القوة ربيعي واحد من الشباب عنده كيا سيراتو ويبي ركب عليها نظام صوتي مكون من تلفزيون + سماعات + امبلي فاير + صب ويفر صغير مشورتكم في اقتناء نظام زين وما يكون غالي . . . . السيارة عليها سماعات الوكالة 4 سماعات . . . . . . مشورتكم |
UP
|
يارياااااااااال هب لازم ايركب الا كيا :D :D :D :D :D
|
شكرا اخوي حمد على الرفع
BaDDaW_DxB والله اخوي انشاء الله مازدا 3 طن الريال يبي يركب يعني يبي يركب :D :D :D |
أخوي كروزر ...
بالنسبة للشاشة فأحسن نوع شاشات هو ALPINE ... في منه 3 نوعيات ... وحدة تتركب في السقف ... (ما أنصح فيها) ... وحدة اللي تركب عادي مثل حق الوكالات ... والأخيرة اللي هي أحسن شي تركبها مكان المسجل وتطلعها متى ما تبي ... هذي أحسن شي لانها ما تاخذ مساحة وشكلها كشششششخة ... طبعا تشتغل باللمس وبالنسبة للأمبلي فاير ... أنصح بنوعين ... SOUND STREAM ... وموجود في محل الخليج للإلكترونيات في شارع الدفاع ... والنوع الثاني KENWOOD ... أما السماعات فيركبله سماعتين KENWOOD 460 WATT ... والووفر .. SOUNDSTREAM أو JBL أو JALUDE ... يعني كالتالي : سماعتين كينوود 460 وات ... ووفر 400 من أي ماكة من اللي ذكرتهم .. وأمبلي فاير ساوندستريم 4 قنوات (Four Channels) ويكون 400 أو 600 وات ... ولا تنسى الكاباسيتر Capaseter ... مهم جدا جدا جدا ... واحد أظنه يكفي ... وبالنسبة للتكلفة التقريبية : سماعات 400 درهم للسماعتين ... ووفر 400 درهم ... أمبلي فاير 600 درهم ... والكاباسيتر 150 درهم ... الأسعار تختلف من محل لمحل ... ولا تنسى تفاصلهم وتقطع أبوهم ... أما الشاشة فهذا شي يرجع للميزانية ... لأن شاشة ALPINE تسوى بروحها 4000 درهم ... انشالله أكون فدتك ... وأي شي حاااااضرين ... وسلمتم ... |
اخوي الرمحي
تحليل ممتاز جدا يلا بكثر من الاسئلة دام حصلت الخبرة :D شوف بالنسبة للسماعات انا قلت بركب سماعتين 220 واط بايونير في الخلف مكان الوكالة + سب ويفر 12 انش داخل بوكس واحد + امبلي فاير كينوود 1200 واط + مسجل النوع الثالث اللي ذمرته والتكلفة قالي راعي المحل بتكون 2200 درهم شو رايك ؟ المشكةل اجت في الويفر ربيعي ما يبي ويفر كبير يعني حتى الويفر اللي يكون جنب المرايا الجانبية يكفي لكن المحل قالي ما يعطي طبلة قوية !!!!! شو الحل الحين؟ ==================== قلت اركب امبليفاير صغير + سماعتين بايونير 220 واط + مصفيات صوت + تلفزين النوع 3 بس هل التلفزيون هذا بيخرب على مسجل الوكالة اقصد هل لازم اشيل مسجل الوكالة ولا المكان يكفي؟ |
شوف أخوي ..
بالنسبة للتلفزيون تقدر تحصل نوعيات كثييييرة نفس الشي بس بأسعار أرخص ... ويوم تركب التلفزيون ما بتحتاج المسجل ... لانه يشغل كل شي : DVD, MP3, Audio أما بالنسبة للووفرات الصغير اللي عدال المراية الجانبية فأعتقد انك تقصد التويترز Tweeters هذيل مالهم خص بالطبلة .. هذيل يطلعون الأصوات الحادة بشكل واضح ... سماعات البيونير 220 واط فيهم تويترز بيلت ان .. فلا تغلب نفسك ... إذا الميزانية 2000 - 2500 فأنصحك بالتالي : 1. امبليفاير الكينوود 1200 وات ممتاز ... 2. ووفر 12 انش كبير جدا وما تحتاجه ... خذ 8 أو 10 انش كحد أقصى ... 3. السماعات 220 ممتازة لكن ال 460 أفضل وسعرها ما يفرق وايد ... ولو تكون كينوود أحسن ... 4. لا تنسى الكاباسيتر ... من أهم الأشياء ... وأكرر مرة ثانية ... مهم جدا ... بس سؤال انت في أي إمارة ؟؟؟؟ |
فالعين دار الزين :D :D :D
|
حيهم والله هل العين ...
والله زمااااااااان ما حدرت صوبكم ... بس انشالله قريب ... دومك من دار الزين معناها قريب ... مر بوظبي وبوديك كم من محل وبخلي راسك يفتر ... ترى عندهم شغل 100% ومع الفايبر لو تبي تدلع السيارة بعد ... اذا تحب طرشلي ايميل وبنتفاهم ... mr_syl@hotmail.com وحياك ... |
بـ 2500 يقدر ياخذ امبليفاير 5 قنوات من ساوند ستريم بـ 1000 تقريبا "يمكن اكثر و يمكن اقل"
و ياخذ سماعات كمبوننت الي اتيك طقم مكون من سماعات و تويترات و كروس اوفر في الامام و خله يركب سماعات 2 way للخلف انصحك بسماعات DLS لأنه صوتها جدا ممتاز و أنا اظمن لك انه ارخص سماعه من DLS يكون صوتها افضل من افضل بايونير كـ نقاوة و صفاوة :D بالنسبة للووفر, بتكون القناة الخاصة بالووفر موجوده و يقدر يركبه في اي وقت اذا حس انه محتاج bass اقوى لا تنسى انه الاسلاك الممتازة "مونستر" و شغل اليد بيكلفونكم 500 درهم تقريبا |
| الساعة الآن » 02:29 PM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.