تويوتا تواجه صعوبات كبيرة في سباق الفورمولا واحد
 

يتابع فريق تويوتا سلسلة الاخفاقات في سباق الفورمولا 1 بعد انفجار محرك سيارة رالف شوماخر في حلبة نوربرغرنغ بألمانيا اليوم الأحد 7\5\2006

وكانت تويوتا قد حصلت على 7 نقاط فقط في ترتيب الصانعين لهذا العام مقابل 62..46..38..19 لكل من رينو وفيراري ومكلارين-مرسيدس وهوندا على التوالي



http://www.planet-f1.com/News/Story...1210024,00.html

بالله اللحين شركة بحجم تويوتا ما تقدر تصرف كم شوية ملايين لتطوير سيارتهم وتحسين صورتهم.....

الله يفشلهم...:mad1: :mad1: :mad1:

المشكلة انهم قاعدين يصرفوا الملايين على السباق ووجودهم من عدمه واحد

يبدأ السباق وينتهي ولا كأنهم موجودين

لو يوفروا الفلوس يطوروا بها الكامري أحسن :knight:

أشكرك على خفة الدم وحسن الإستهزاء :D

يبدو إنك ماتدري إن تويوتا مالها إلا 5 سنوات في السباق .......وللمعلومية تويوتا هي الشركة الوحيدة في الفورملا 1 ( إلى جانب فيراري ) التي تصنع الهيكل والمحرك وكافة أجزاء السيارة في مصانعها الخاصة بدون الإستعانة بأحد ...

بقية الشركات تستعين بهياكل ومحركات من شركات أخرى يعني كل واحد ياخذ من الثاني أما تويوتا وفيراري فلكل منهم مصانعه الخاصة .


عموماً كان المفروض إنك تجيب خبر عن نجاحات هوندا أو رينو بدلاً من إخفاقات تويوتا أو تسوي تقرير عن الجميع بدلاً من الأساليب المفضوحة والصبيانية في كتابة المواضيع ....!!!

تحياتي

وش فيك معصب :confused:

ادري ان تويوتا مالها الا خمس سنوات في السباق

وأدري بعد انها كانت محققة نجاحات في سباق الرالي لكنها تراجعت بشكل كبير في النهاية واضطرت تنسحب من السباق :knight:

انا ماأعرف من اللي يصنع تويوتا لكن لعلمك بس... سيارة هوندا في الفورمولا 1 هي من صنع هوندا بالكامل

ولاتنسى ان تويوتا عندها رالف شوماخر اللي له خبرة اكثر في الفورمولا 1 من جنسون باتون سائق الهوندا

وفي الأخير اذا موعاجبك الموضوع مولازم ترد

انا حر في الموضوع اللي اكتبه طالما ماتعديت على احد كشخص ولا كان موضوعي مخالف لقوانين المنتدى

واذا تحب تسوي موضوع عن نجاحات فيراري فالمجال مفتوح قدامك ماأحد ماسكك :p

وفي الأخير اختيار الاسلوب والعبارات المناسبة في الرد تعكس عقليتك وطريقة تربيتك :p

XenonX®
ليش معصب ؟
غلط عليك الرجال لو في شي ثاني ؟؟
الاه غصب ما نكتب نقد على تويوتا :confused:




على فكرة كنت متابع السباق الاخير الي فاز فيه مايكل شوماخر :banana:
و اذكر ان المعلقين ذكروا ان فيراري و مكلارين تصرف تقريبا مليون عن كل نقطة انا مو متأكد بس الي متأكد منه ان تويوتا هي اكثر فريق يخسر المال و لا ينافس على المراكز حيث تصرف تقريبا اكثر من مليار في الموسم على ما اظن كل تصرف مليون عن كل 0.3 على ما اعتقد :sss:


عموما تويوتا صعب تنافس في الفورملا ون و ما اظن انها تنجح فيها


مثل ما قال Prelude 4 Life
لو يوفروا الفلوس يطوروا بها الكامري أحسن :D

بسم الله الرحمن الرحيم
السلام عليكم ورحمة الله وبركاته


اظاهر نسيتو ان الرينو(شاصي ومحرك) الي صار لها 4 سنوات حققت بطولة عالم :knight:


والتويوتا حتى فوز مافازت




الرينو حصل 3 نقاط لكل مليون يصرفه :D



التويوتا مليار لكل 0.9 نقطه !!!



شفتو الفرق الشاسع :sleep:


على فكره التويوتا اكبر ميزيانيه عندها في الفورمولا1 :sleep:




وياما تورطت في قضايا سرقات معلومات وتصاميم :knight:


مكان تويوتا غلط في الرياضه :sleep:






وسلامتكم :sleep:

المفروض يطلعو ويحفظو ماي وجههم

طيب وش المشكلة لو كتب عن نجاحات الفرق ..... :D

أنا ما أقول لا يكتب عن تويوتا شيء .......بس خلونا واقعيين أسلوبه واضح ياشباب مادري كأنكم أول مرة تدخلون المنتدى :glasses2:

بالنسبة لأسلوبي ما أظن الصبيانية أقل مستوى منها :-)

على العموم تعال يافلان وانتقد هوندا ولا GM وشف وش يبي يجيك :D

تحياتي

اسلوبي وانا حر فيه دام اني ماغلط على احد :knight:

انتقد السيارة اللي ابيها دام اني ماأجيب كلام من عندي

اخوي تقدر تراجع كل ردودي في المنتدى

خصوصا ردودي على اللي ينتقدوا الهوندا

واذا لاقيت رد مني يدل على اسلوب مثل اسلوبك هذا فراح اعذرك

ساعتها راح تعرف من اللي ردوده صبيانية :sleep:

شعر سيارات رينو في سيارات الفورملا 100% رينو يعني تصنع سياراتها بالكامل و خلال العام الماضي وهذا العام رينو تتسيد السباق

ممكن تذكر أسماء هذي الشركات ؟

تشترون المشاركات ؟؟ :D تخفيض خاص لأعضاء المنتدى خصوصاً سيدكو لأنه ماشاءالله مروج منتجات من الطراز الأول ...... :D

وينك ياصاحب الموضوع عن اللي يطلعون عن الموضوع .....خروج عن الموضوع تقلبها فكاهة وضحك .....نقد لك ولموضوعك على طول هجووووووم :banana:

اخوي silver الشركات هي بقية الشركات الثانية ... أنا قلت تويوتا وفيراري فقط وبقية الشركات تستعين بغيرها .......عد جميع الشركات اللي مشاركة بالـفورملا ون :-) أوضح من كذا مافيه ..!!

فيه رابط يثبت كلامي بس والله تعبت وأنا أدوره ..!! :m:

تحياتي

يقولوا اللبيب بالاشارة يفهم :sleep:




واخوي سيدكو ياخذ راحته

يطلع عن الموضوع والا لأ هو حر وياخذ راحته

يعتبر البيت بيته :knight:

^
^
^
^
^

يتكلم عن موضوع عمره 5 سنوات (من سنة 2001)

طيب أنا ما أعرف الشركات أو الفرق إلي تشارك في الـ F1 (أصلاً ما أتابعه لأني أشوف أن الرياضة هذي ما لها فايدة في تطوير السيارة بعكس الرالي) ... فياليت تذكرها انت لي :)

كان فيه سيارة مشتركة مع شركة اروبية Lotus Ford F1 بس أحين ما فيه حسب علمي :confused:
كان تتكلم على الفورملا 3000 ذاك كلام ثاني :sleep:

اتمنى منكم عدم الخروج عن الموضوع !

ويا ريت يكون النقاش بهدوء وبدون استخدام كلمات مالها داعي ..

السلام عليكم ورحمة الله وبركاته

بسم الله الرحمن الرحيم


الفورمولا1 بسم الله الرحمن الرحيم مالها بسم الله الرحمن الرحيم فايده؟؟؟؟؟


باقولك بعض الاشياء الي جت من الفورمولا1


1- ABS
2- TCS
3-6-7 SpeedGearbox
4- Launch conrtol
5- Fuel Injection
6- Direct Fuel Injection
7- Double-wishbone suspension
8- ESP
9- Ceramic cabron brakes
10- Progressive Suspension Coils
11- Independent Suspension


و
و
و
و
و
و



اعتقد الرياضه مهمه في تطوير السيارات العاديه :sleep:



وسلامتكم :sleep: