كمبيوتري الجديد
 

بسم الله الرحمن الرحيم

احبتي الكرام

السلام عليكم و رحمة الله و بركاته

اليوم قررت اشتري كمبيوتر جديد Desktop

و هذا المواصفات اللي لقيتها

شوفوها و قولوا رأيكم

المعالج : AMD athlon 64 3800 Dual Core :banana:

سعره 1670 ريال :cry1:

المذربورد : MSI K8N SLI

سعره 490 :think:

ميموري :1G.B DDR2

سعره 300

كرت الشاشة ATI Gigabyte 128

سعره 245

مزود الطاقة : Dual Pwersupply 500w

سعره 220

و بقية المواصفات العادية زي الفاكس مودم و case و الشاشة فلاترون 17 و فلوبي و سي دي رايتر فقط و هاردسك 120 جيجا ساتا 2 و الكيبورد و الماوس


السعر الاجمالي

3870

هل هو سعر معقول

هل ممكن الاقي سعر ارخص

ايش رايكم في المكونات و القطع

:cool:

المعالج والمذربورد زين مااخترت

بالنسبه للرام لي تعليق

حاول تدور على نوعية كنج استون

وخذه قطعتين عشان تفعل خاصية الداول شنل

بالنسبه لكرت الشاشه انصحك بجي فورس جي تي 6600

خذ 120 + 120

اثنين عشان تشغل تقنية الرايد

البور سبلاي حاول تاخذه فوق 500 واط

في نقطه مهمه ماتطرقت فيها وكثيرين يتجاوزوها الكيس

حاول تاخذ كيس مقاوم للحراره وفيه كميه كافيه من مناطقه التهويه وان يكون مصنوع من ماده لكي يمتص الحراره

ايضا نوعيت الدفي دي

في نوعيه طبعا هي الأفضل ولكن غاليه الي هي البلاكستور انصحك فيها وبقوه ففيها خصائص خطيييييره

ارشح بعدها asus والي اشك انك تلقاه لأنه الوكيل بطل يجيبه

فخليك على البينك 160 تلقا الموديل هذا الحين متوفر بكثره في السوق ورخيص حاول تاخذه 200 ريال

او nec

او البايونير

وخذ قارئ دفي دي لايت اون عشان ماتتعب عدسة الرايتر

الهاردسك حاول تحصل على ماكستور اذا لقيت ولا اعتقد انك تلقا لأنه شركت وسترن اشترت شركت ماكستور

اذا لقيت سامسونج او هيتاشي خذها

واذا لقيت ويسترن صناعه غير التايلنديه توكل على الله

حاول تاخذ مدخل فير وير عشان لما تستخدم كميرت الفيديوا

بالنسبه للشاشه الي اعرفه عنك انك مبدع وتحب التميز والي يدل على كذا اختيارك للمعالج الي فوق

ليه ماتفكر في شاشة فيلبس 19

ترى حلوه جدا

والله اذا موب متخصص في تصميم افلام لهولييود
انا اقول ان هذي المواصفات اكثر من ممتازه و السعر رمزي
انا شريت ثلاث كمبيوترات في حياتي للويندوز
ولا واحد اقل من 8000 ريال

بالعكس في اثنين بسعر عشرة الاف

اهلا الهاوي جروب

انا مخطط اني اخذ اثنين 512 بس ما فهمت ايش هيا الديوال تشانل


اما كرت الشاشة فالمذربورد اللي اخترته فيها اثنين سلوت يعني كرتين شاشة بس ما فهمت ليش

و الى الان ماني فاهم كيف 2 كرت شاشة 120 قصدك 128 ؟

و ليش ايش الفايدة

و ايش معنى جي فورس

مع العلم اني سألته عن نفيديا 128 قالي ما عندهم لانها ما صارت تنزل في السوق 128 من جي فورس


اما البور سبلاي فأعتقد انه كافي 500 وات انا ما ابغا انور البيت فيه :D


اما الكيس والله انا ما ابغا اتشرط كثير عشان ما ابغا ارفع السعر

يادوب انا ابغا ابيع الاسهم و اشتري الكمبيوتر ولا انا مفلس :cry1:

بس شغلي زي منت عارف heavy duty :black:

اما الهاردسكات لفيت السوق كله مالقيت الا ويسترن ديجتال و كمان تايلاندي

و السي دي انا اخذت رايتر بس من غير دي في دي قلت ابغا اخفض السعر

بس شكلي باشتري قارئ دي في دي من غير ناسخ للدي في دي عشان الافلام

بالنسبة للفاير وير ما احتاجه

اما الشاشة فعلا ابغا 19 و راح اغيرها في الطلب الى 19 انش فلاترون

اهلا بخبيرنا محمد العربي

اعطينا رأيك في التفاصيل و القطع و الاسعار و ركز على الاسعار هل هي مناسبة

و انا شغلي اغلبه داونلوود و مشغل ملفات فيديو و صوت و الجهاز شغال 24 ساعة و احيانا جيمز

شوف الدايل شنل تقنيه تساعد في سرعت البيانات المنجزه يعني تقسم العمليات على الرامات انه الشغل يتقسم بينها اي يقوم كل رام بعمليه لوحده

اما120 جيجا اقصد الهاردسك لو ركبت اثني من الهاردسكات نشغل تقنية الرايد عليها وطبعا تقنية الرايد لها مميزات اخرى يعني

تدمج القرصين مع بعض وتعطي ايضا سرعه

بالنسبه للجي فورس فحرام تاخذ بروسيسر بهذي القوه ورامات بهذي الوحشيه ومذربورد بهذى التسلط وفي النهايه تاخذ جي فورس 128

كأنك اشتريت اوبل وركبت عليها جنط ميتين ال

بالنسبه للعلبه فهي مهمه اذا ماتبي جهازك يروح وطي من التشغيل الطويل

لأنه لها دور في تبريد الجهاز الى غير ذلك

بالنسبه للبور سبلاي مع هذي المواصفات ماينفع صراحتا حيشغلها بس ماانصحك

اخيرا اذا تبي تشغل الجهاز طول اليوم داون لود وتشغل افلام وقيمز

فهذا الجهاز اكبر من كذا بكثير
خذلك

سيلرون وركب عليه ميموري 1 جيجا وكرت 256 يفي بالغرض الدعوه كلها تكلفك 2000 ريال صافي

بالنسبه للفلوس

ففي طرق خطيره تجيب منها الفلوس منها انك تبيع ح ش الوصول لهذه الجمله غير مسموح

وبعدين شيل البلاطه الي تحت السرير فيه هناك فلوس تكفي وتزيد

على فكره انصحك بالمذربورد هذا

سناري ,,,
بتسوي أبحاث مستقله عن ناسا , و إلا ناوي تتنبئ بتاريخ هبوط الأسهم الجاي.
هالجهاز ,, أقوى بكثير من إحتياجاتك.

وفر على عمرك ,, أنت خابر شوي و تنزل مواصفات جديده

ليش هذا الموزر بورد؟ شفيه من المزود؟

في الحقيقه اذا عملك على الجهاز فقط مشاهدة افلام و الوسائط المتعدده
فانت لست بحاجه الى كل هذه الطاقه الكبيره
اما الداونلود فهو من سرعة الانترنت ليس الا

السعر في رأيي ممتاز و انا مستعد ان ادفع حتى 6000 ريال لنفس الجهاز
اللهم بس الشاشه ابغيها lcd
و مو اضغر من 17 انش ، حبذا لو 20

هذا فقط

طبعا السر في جهاز سريع و سلس للويندوز هو ان دائما تقوم بتظبيطه من خلال الديفراقمت و السكان
كما ابعاد السباي واير...و كلما قلت البرامج المسجله عليه كان افضل

نصيحتي هو ان يكون لديك هارديسكين
واحد تسجل فيه الملفات و الثاني تشغل منه البرامج و النظام....بهطا تقدر تقوم بعملية فورمات لاعادة الحياه لجهازك كل فتره من دون ان تفقد ملفاتك المهمه

اهلا بالهاوي جروب

امممممم

كلامك مقنع

شكرا لمشاركتك


اهلا بطران

طيب نورني الله ينور عليك بالمواصفات اللي تنصحني بيها

شكرا


اهلا محمد العربي

والله انا ماني مستعد ادفع اكثر من 3000 ريال لجهاز مثل هذا ليس بخسا من مواصفاته لكن لاسباب مادية

اما البروسسر شكلي بغيره و احط AMD athlon 64 3200

ايش رايكم

اخوي
لمشاهدة بعض المواد الفلميه و الصوتيه تقدر تشتري جهاز ارخص بكثير
بس فكر اذا بتشغل في ويندوز فيستا او لا
لأنه اذا اردت ذلك...سوف تحتاج الى جهاز اخر(اذا اخذت جهاز بمواصفات اقل من ما ذكرت)

إذا ما تشتغل على برامج أحجامها كبيرة ولا تستعملها في المونتاج فما اظن في حاجة للـ Dual Core
أخذ واحد بمعالج واحد مش دبل

شكرا لكم اخواني محمد العربي و سلفر على المشاركة

سلام

:cool: