كان قريب من الموت + سؤال في الدفع الأمامي . . . حقيقة البارحة حصلت
السلام عليكم ورحمة الله وبركاته
كيف حالكم السالفة ومافيها: صاحب الموقف: "كنت طالع من الدوام وعندي كامري 2005 وقت مادخلت الشارع كنت ماشي 80 كلم\س كنت ادور على ورقة الموعد كنت حاطنها في المحفظة مادريت بعمري الا وانا داخل على الكدش "اللي يكون بدل الرصيف في الطرقات السريعة" سيح يعني " بر" من تقفيزات السيارة حاولت اتحكم بالمقود وخليت العجلات اليسار تدخل الشارع ثم ضغط على دواسة الفرامل ما اشوف عمري الا السيارة تدور وتدور كاني قاعد افحط وانا مستغرب والسيارات اللي خلفي دحوا بريك قوية عشان ما ارتطم بواحد منهم دارت السيارة يمكن اربع دورات وكانت رايحة على الحاجز اللي يكون في وسط الشارع. يوم شفت لحاجز لفيت بالمقود على الاخر يمين وبقوة وقفت السيارة" الخطأ: السائق ما كان منتبه للشارع لانشغاله بالبحث عن ورقة الحادث الاضرار والاصابات: لا يوجد غير ان شي من الرمث دخل في شبك الكامري ولصق عند العجلات سؤالي: هل دارت السيارة بسبب دخول تايرين فقط على الشارع ويعني ان التواير اللي على الشارع مسك البريك عندها واللي على البرما مسك مما أدى الى دوران السيارة؟ فقدان السيطرة يعني وخذوها عظة |
اول شي الحمدلله على السلامه والحمدلله جت سليمه
والسياره اكيد ما فيها ABS وعشان كذا الكفرات اللي في التراب وقفت لان الضغط عليها اخف من اللي على الشارع والكفرات اللي على الشارع ما وقفت فانحرفت السياره بجهه وحده وبعدين ترى مستحيل تدور السياره اربع دورات بس شكلكـ من الحوسه معد تدري :D في السعوديه يمشون 200 ويالله تجيب اربع واهم شي انكـ طلعت سالم |
اخوي كروزر ..
الحالة هاذي صارت لعدم توفر ABS و EBD وعن تجربة بالمكسيما حقتي ، جيت طاير ودخلت في مويه كانت بالشارع وكان كفر يمر على المويه وكفر على الجزء الناشف وضغطت الفرامل على اقوى ما يمكن ، ولله الحمد السيارة مسكت مع ان الدركسون اهتز كثير ... اخوكم الشبابي |
أول خطأ ان السيارة كامري :D
اللي يسوق شكله ماعنده خبرة المفروض مايضغط فرامل ونص السيارة بالرمل المفروض يشيل رجله عن البنزين ويحاول يتحكم بالمقود شوي شوي لين يطلع السيارة من الرمل بس بصراحة الواحد في هالمواقف ساعات مايعرف يتصرف من الخوف والربكة :sss: |
الحمد لله على سلامتك بوالوليد
ياخوي ماتعرف تسوق فشلتنا :D |
مرحبا خالد ، مب انت اللي كنت تسوق صح ؟ لانك ذكرت [ صاحب الموقف ] ..
يعني مب انت :) المهم .. بالنسبه للسؤال ، مثل ما قال الاخ قلق ورجه بالضبط ، كنت بقول نفس كلامه :) |
يا سيدي
الحمد لله على السلامه
ونظام منع الإنزلاق له دور لو كان موجود بالموتر الحمد لله على السلامه مره ثانية |
الحمدالله على السلامة
|
ياشباب شو فيكم مب انا اللي اسوق صاحب الكامري
وانا ذكرت [صاحب الموقف] :) المهم انا اتذكر انه قالي بعد يوم دخل نص السيارة انتبه على سيارة طايرة من الخلف فعشان جي دعس بريك قوي وايد |
غريب الكامري الجديدة على 220 و 230 يالله تجيب أربع
:D |
يا الله الحمد لله على السلامة
|
أسميه تفحيط هذا .. :D
تفسير بسيط .. التراكشن على القار أكبر عن الرمل .. ومن ضرب البريك .. الجانب اللي على القار وقف أسرع عن الجانب اللي على الرمل .. بالتالي أنحراف الجانب اللي على الرمل بأتجاه اليمين ودخول الأطارات الخلفيه في الرمل وخروجها على الأسفل يعني عطتك 180 درجه :D .. وأذا كنت مسرع وبعدك لاف السكان يسار .. بتكمل الدورة 360 .. :D :D شرايكم بالتفسير .. الله يسلم صاحبك ويبعدك ويبعدنا عن أي مكرووه .. تحياتي خالد |
الحمد لله على السلامة ياخوي :)
بس على سرعة 80 ماتوقع صاحب السيارة جاب اربع دورات :D |
الحمد لله على سلامة الاخ صاحب الكامري
واتوقع الحالة ماصارت من ضغط فرامل وعدم وجود مانع انزلاق او خلافة يمكن الاخ من الربكة لف بقوة شوي وخذ له هالشوط المحترم وصحيح ناس تمشى 200 كلم ماتجيب 3 عقد |
| الساعة الآن » 06:07 PM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.