كم سعر الرنج روفر سوبر شارج ؟؟؟وشو رايكم فيه كاستخدام ؟؟؟
كم يبلغ سعر الرنج سوبر شارج ؟؟
وكم يبلغ سعر الطراز بدون سوبر شارج ؟؟؟؟ وشو رايكم فيه كاستخدام ؟؟؟ :p :p :p :p |
اسمع ونا خوك السبورت سوبر شارج يجي نوعين
الاول 340 الف ريال الثاني اسمه فريست اديشن قيمه 365 الف ريال الفرق ان النوع الثاني يجي الخشب اسود وفيه استكرات تحت الفتحات اللي برفرف الايمن والايسر وستكر على الطبلون ونا شايفهم يركبون الاستكارات عندنا بالوكاله يعني شغل ضحك عيني عينك تقول طيب ليش الفرق هذا بالسعر يقولك لكم خدمه افضل واولويه من الزبون العادي :ranting: المهم النوع اللي بدون سوبر شارج 280 الف ريال بس الشبك الامامي يختلف والفتحات اللي على الرفارف ومافيه كزوز بالخلف وشكل الجنوط غير المهم السياره اعرف واحد استخدمها 14 الف كيلو يقول كل شي تمام ونا فكرت اشتري وحده ودورت وتعبت مالقيت لابالوكاله عندنا ولا حتى بالبحرين يقول لازم تنتظر لين تجي السياره تقوله متى بتجي يقولك مدري المهم السوبر شارج اللي ذكرته فوق كلهم فيهم شاشات خلفيه وضمان الوكيل عندنا خمس سنوات بدون تحديد الكيلو بس تراهم حراميه يعني يرفعون السعر على كيفهم يعني ممكن يوصلون الفريست ادشن الى 370 الف عادي |
مثل ماقال الاخ غانم ومازيد على كلامه بشي
كفى ووفى |
ghanim79
شكرا على مرورك وردك طيب شو ريك لو اشتري النوع الاول ..بس الشكل يكون فيرست ادشن ...يمشي الحال ؟؟ واذا يستوي ... كم لازم ادفع زياده ؟ :smart: :smart: |
السلام عليكم و رحمة الله و بركاته
ما أقدر أفتيك في هالنوعيه من السيارات الا في شئ واحد ما أدري اذا كان يهمك سعر السياره عن اعادة البيع يطيح بشكل حاد جدا |
والله الأسبورت مستويه تكسي ..
وكفايه أنهم يبيعونها بأمريكا بسعر 215 من الوكيل .. |
إقتباس:
اصلاً غلطان اللي ياخذ فيرست ادشن لانه ضحك عيني عينك نفس السياره بس مثل ماقلت الاختلاف في الخشب والاستكرات سجل عندك سعر الخشب اذا بتغيره اسود بالوكاله 7000 ريال وسعر الاستكرات اللي هم اصلاً يركبونها عندهم 1500 ريال وشغل يدهم هو اللي يعور القلب يمكن حدود 3000 ريال يعني المجموع 11500 ريال ويطلع فيرست ادشن بس والله لو علي ولا اسوي فيه شي لانه كله كلام فاضي اما كلام اخوي 560 sel تراه والله صادق سعره بعد الاستخدام يطيح حيل وقطع الغيار نار جدا غير كذا صيانه مكلفه نوعا ما TOP-SECRET ماعليك زود |
TOP-SECRET
560SEL EL_3grab ghanim79 شكرا لردودكم واسعدني حضوركم :) |
ياشباب الرنج روفر العادي موديل 2006
كم سعره في الامارات |
السلام عليكم ورحمة الله وبركاته اخوي امير ابوظبي انا ماانصحك برينج سبورت وخاصة بسوبر جارج ولان عليه مشكال كثير وخاصة السوبر والورش وخاصة الوكالة مليان من السيارات, حاول تشتري رينج سبورت بدون سوبر جارج بالتوفيق لك وسعر ارخص وايد اظن تقريبا 100 الف فرق وهذا سعره من امريكا |
grandv8
شكرا على مروك وردك يامشرفنا الغالي |
| الساعة الآن » 01:28 PM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.