ابي استشيركم ياجماعه..هل تنصحوني اشتري هالسياره؟؟
 

ابي استشيركم ياجماعه..هل تنصحوني اشتري هالسياره؟؟

مرسيدس 560sel موديل 89

نظافتها غريبه ياشباب..وكل شيء فيها شغال..وفل اوبش فيها كل شيء..والسياره شاصي كبير

والسياره ماشيه 154 الف كيلو..يعني لو تقسمون 154 على 16 سنه..راح يطلع اجمالي مشيها بالسنه9500 كيلو ..يعني تخيلو فقط 9500 بالسنه..

السؤال اتوكل على الله وآخذها..والسياره مالت صاحب الوالد..عجبتني وايد وارتحت لها..

في واحد قبل مايشوفها قال تسوا 950 دينار كويتي ..لكن بعد ماشافها قال تسوا 1500

مع العلم انه طالب من الوالد 1300 وممكن ينزل شويه..هل سعرها مناسب...

ياريت لو يجي الاخ sel560 واسمع رأيه لأنه عنده خبره بالموضوع

ياريت الكل يشارك..

تحيااااتي

غالباً القديم ما يجي الا معه المشاكل

هلا وغلا
انصحك لاتشترى سيارة قديمة اذا ودك
اشترى اي سيارة في اواخر التسعينات

اخوي بهذا السعر تاخذ سياره ثانيه واجدد بكثيييييير....
وخاصه المرسيدس في الثمانينات واول التسعينات مشاكل في ال 8 سلندر......
لكن السياره بعيدا عن المشاكل الي فيها روعه وقويه ومثل متقول نظيفه وايد.....
الراي راجع لك....
نصيحتي....بتحصل شي افضل وبهذا السعر ولاتنسى مضى على السياره 17 سنه :-)

انا كانت عندي وحدة
وكلها مشاكل من فوق لتحت
كل يوم وطالعة ليي مشكلة في طرمبات البنزين والفلاتر
وكل شهر بتحط فيها مبلغ جامد

اخوي روح افحصها عند الكيل واذا تمام توكل على الله

انا اشوف انه رأي الاغلبيه اني لا اشتريها..

المهم انا حاليا متردد يعني احتمال اكنسل نفس ماقلتو مشاكل

والسياره صارلها 17 سنه

على العموم مشكورين يا اخوان..

تحياااااااتي

انا راح اخالف الجماعة شوي ..

560 معروف بقوته .. وإذا هي نظيفة مثلما قلت .. اتوكل على الله لكن قبل كل شي اتفق معاه على السعر اللي يناسبك .. بعدها قله بتفحصها كمبيوتر ..

والسعر اشوفه مناسب نوعاً ما .. على حسب وصفك .

وأهم شي إذا اتوكلت على الله وآخذتها .. (( شببها )) :D عن الحسد .


والله يوفقك فيها .

^^
أحسن حل

السلام عليكم....
جماعه المشكله مب في فحص السياره قبل شرائها...
المشكله شو بيواجهه اخونا بعد مايشتري السياره....
السياره لها ايجابيات وقويه ...
لكن قديمه جدا وصرفيتها متعبه ومشاكلها كثيره و اخوي احمد مجرب وعندك جوابه....

المرسيدس ما علها خوف خصوصا ال 126

خويي عندة واحد كمل ماشاء اللة 280 الف ولازال يصك طبلونة

مع ان المكينة والقير والدفرنس حق بلدها الاصلي :banana:

توكل على الله اذا الموتر نظيف لان المرسيدسات القديمة مشاكلها اقل من الجديده وقطع غيارها منتشره بشكل رهيب وفوق كذا 560 يعني في الخط سيارة ولا في الاحلام :banana:

حط لنا صورها خلنا نشوفها على الطبيعه علشان نقدر نشوف نظافتها .. :think:

انا قريبي اشترى وحده موديل 91 نظيفه مره يابانية ولاكن بعد فتره من الاستخدام كل دقيقة تطلع عله ونصيحة اخو لاتشريهاولا بتعض اصابع الندم لاحقآ

مرسيدس 560sel فيها مشاكل في الكهربه وسياره مب عمليه يعني انا انصحك شوفلك سياره موديل حديث اشوي

أنا أشوف لو اشتريتها و طلع فيها خرابات وبعتها ما راح تخسر فيها كثير لأن أصلاً سعرها مو غالي ..

لو كانت نظيفة وخاطرك فيها اشتريها .. على الأقل راح تكون جربت الـ 560 :glasses2:

للأسف يا اخوان السياره الي يشوفها يقول جديده

لكن بعد الفحص طلع فيها بدايه صرفيه.. :(

تحياتي للجميع ومشكورين على الردود

تحيااااتي

استخير قبل ان تفعل اي شي....