سوالف للجميع
(http://www.swalif.com/forum/index.php)
- ســـوالف الــسيارات
(http://www.swalif.com/forum/forumdisplay.php?f=69)
- - نتائج سفرتي للسعودية
(http://www.swalif.com/forum/showthread.php?t=217450)
نتائج سفرتي للسعودية
السلام عليكم بداية الموضوع اني اشتقت للرياض واهلها وقلت مالها الا سفره سريعه نروح نوسع الصدر فيها رحت يوم الثلاثاء في الليل من ابوظبي الى الرياض طبعا ما وصلت الا الفجر وعلى طول على السرير من بكره رحت على طول لاقارب لي وتغديت وبعد الغدى على طول اتصل بي واحد اعرفه قالي يالله بسرعه اطلع وانا اللي اروح له واسلم عليه عند السيارة وعلى طول قال اركب وين قال ما عليك ابوسع صدرك بنهجول(بنشوف تفحيط) شوي وطبعا انا من محبي التفحيط عندكم ومتابعين له في الامارات بالاشرطة والنت قلت يا سلام على الاستقبال والله كرم حاتمي والله كان يوم رهيب وطبعا مستحيل انسى اخواني هنا لازم اصور لهم واطلع الكمره واصور واللي معي يقول انسى الكمره شف بعيونك على العموم اخليكم مع الصور وفيه اخر الموضوع فديو لكم لقطة حلوة             واخر صورة احلى وحده  هذا هو الفديو انشالله عجبتكم التغطية والتصوير وفي النهاية اقول والله هذا فن لكن لو يضبطون لكم اماكن صح كان خلصنا من هالحوادث ويعطيكم العافية ملاحظة: نوع الكمرة فوجي S7000 والفديو من نفس الكمرة |
هلا اخوي طاارق
الحمدالله على السلااامه تسلم على الصور الحلوه ولو اني ما احب هالاستعراضات لانها خطيره وياما ناس ماتو فيها لان مافيها تنظيم ويعطيك العااافيه سي يو لييطر :knight: |
تصوير ممتاز اخوي طارق
وبالنسبة للكيمرا اذا تذكر ال 9500 سألت عنها كان سعرها 2699 مع ذاكرة 512 هذا كان في المحلات الكبرى في ابوظبي اما العين كان في العين مول وسعهرا نفس الشي بس الفرق انها تجي مع ذاكرة 256 :( |
رووعه .. وفنفس الوقت خطره ..
يسلمو .. صح والفيديو ما يتحمل .. :D |
تصوير حلو مشالله
بس التفحيط خطير جدا ويا ما ناس راحو فيها انا سمعت انهم منعوا الشباب واتصير فيه مداهمات :damp: بس قوللى ما شفت (يا قاهرهم) بالكورولا تبعته :D |
كفوا والله
جيت الرياض :banana: ووين التفحيط هذا ؟؟؟؟ :knight: شكله شارع جديد لان الاسفلت لونه اسود ومشكور على الصور :eek: |
وبعد مضارب .. نزلنا الفيديو .. :D
ياخي بس تحمل على عمرك .. وتحياتي |
انها جريمه بحق الانسانية !! تفحيط بهوندا اكورد 2006 !! ليش ؟ ليش ؟ ليش ؟ خلاص بعد ما شفت الصوره هذي ما بطلع من البيت أربع ايام .. اااخ يا قلبي بس ! :headshak: |
احم احم عشان تعرفوا انو اهل السعوديه كرماء :laugh: :laugh: :laugh:
على طوووووول سو لك تكريم مع انو الدوريات طايحه فينا دحين :m: خلاص المره الجايه تعال جده وتشوف الشغل الصح :-) |
احلى لعب والله...
اموت في الاشياء اللي فيها مخاطرة:19: |
للأسف عالم ماتقدر النعمة الي عايشة فيها
سيارات جديدة ويفحطوا بها في شوارع عامة وغير كده احتمال يموت في انقلاب السيارة الله يهديهم :headshak: |
إقتباس:
كلامك صحيح خصوصا إنها مجرد تبذير للمال لاأكثر :headshak: |
UaE Nightmare الله يسلمك ومشكور على المشاركة cruiser2000 مشكور على مرورك وبالنسبة للكميرة يعتمد السعر على العدسه اللي معاها ونوعيتها لكن اشوف انها رخيصة نوعا ما EL_3grab يعطيك العافية على الرد وما عليك :D غريب السيف اللي اعرفها ما فيه اي مداهمات وبعدين ترى اذا جت الشرطة حلها بسيط جدا وما فيه اي خوف منها وراعي الكورلا ما جى اليوم :D 300C مشكور على الرد والشارع ما يمر معه احد وهو في الثمامة ويسمونه دريم والشارع الثاني اسمه غروب وطبعا ما يمر معه احد uae speed ههههههههههه الحين ركزت على الهوندا وما ركزت على الكابرس وترى عادي اذا انتهو من التفحيط يودون السيارات للوشه وتتعدل وترجع زي ما كانت وبالعقل كيف الاجار بيقبلهامره ثانية اذا فيها خراب ZOOM _MPS والله يبيلها سفره لجده بس ما اعرف احد هناك ومشكور على المشاركة RED Chevy فاهمني انت والله فن بس محد يقدر HaKeM & لكزس ل س 400 يا اخوي تقدر تشوف هالاشياء من عين ثانية اولا السباقات والتزويد وتجهيز السيارات ما تحس انه ينصرف عليها فلوس كثير لكن لو شفنا تنظيم وترتيب لهالشي وسيارات مجهزه كان الوضع تغير على العموم مشكور على المرور |
يعطيك العافيه على التغطيه
|
الله يعافيك الهاوي
مشكور على الرد |
هو فن بس يبغى من يستثمره بالطريقة الصحيحه
بس والله التفحيط انا ملاحظ عندنا هنا بالرياض قلت شعبيته بشكل كبييير مو مثل أول ... الحين الناس طايحين بالمقاومات :D الصور ماشاء الله متميزة ودقيقه :-) |
عورني قلبي على الكابريس الجديد :cry1: ..
بس هواية خطيرة والله .. الله يحفظكم جميعا .. ما قصرت يا طارق على الصور والفيديو .. والحمدلله على السلامة :-) |
قلق انا اعرف شارع الشروق الي في حي الخليج
اما الي في الثمامة مليان شواااااااارع اشهرها البعارين والفروسية :knight: |
وعليكم السلام ورحمة الله وبركاته
بصراحه هل نوع من الهويات انا ما حبها وما احب اشوف حد يسويها :corsair: |
قلق ورجة اسمح لي اقول لك ان النوع هذا من الاستعراض موب فن الا تخلف بحذافيره الفن يكون له قواعد واحكام والتفحيط لعب ((( بزراااااااااااااااااااااااااان ))) للأسف :headshak:
|
بعدها هالعادة اللي مالها معنى سائدة هناك؟؟
والله حاله خبايل والله بيذبحون اعمارهم صدق مخهم متنح :damp: |
انكار بالنعمة وعدم تفكير ولا عقلانية
اللهم لاتعاقبنا بما يفعلونة بنعمتك |
الف شكر على كل من رد
ويا شباب يطول الكلام عن هالشي المشكله اغلب الموجودين يشوفون نص الكاس الفاضي يعني لو تناظرون للموضوع من عدة جهات كان طلعنا بشي حلو يعني تخيلوا هالكلام في حلبة وسيارات مؤمنه وتنظيم محترم يعني هالسواقة ما تلقاها ولا في احسن سواق في العالم اذا الواحد ما دخل صح في هالكلام مستحيل يفهمه اما اللي يشوف بس الحوداث اكيد بيحكم بطريقة سريعه وبدون ما يشوف الموضوع من عدة اوجه لذالك ياليت الواحد ما يحكم عليهم بهالطريقة ولا تنسون وضع الشباب هناك والله فيه كلام كثير ودي اقوله لكن ما فيه وقت (تخبرون الدنيا عيد :D ) يعطيكم الف عافية وياليت ما ينقلب الموضوع عن مساره |
إقتباس:
بصراحة مع احترامي احسها انتحار ولا واحد فالعالم يكون عاقل علشان يسوي هالنوع من الاستعراضات يعني مالها اي معنى ... خلك فالمضمون ... شو من العقلانية والوعي اللي يخليك تمشي فوق 200 كم وتلاعب الستيرنج يمين ويسار بانعطاف حاد.؟؟!!!! اوكي وشو اخرتها..!!! سويتها وبعدين!!!!... صدقني كلها استعراضات تهريج مضيعه للمال والوقت والنفس اللي هيه اكبر نعمة من الله عالانسان... ومن الاخير... اكيد الكل شاف حوادث هالنوع من الاستعراضات .. ومافي حادث عدى على خير.. يعني ضحاياها اقل شي الاعاقة واكبرها الموت خلال ثواني... ولاتقولون حلبات وماعرف ايش على هالنوع من الاستعراضات.. لان هذا جنون وانتحار مش استعراضات... الواحد يوم يلتهي ويحب يستعرض المفروض يستعرض على بعقليه واعيه ماتكون نتيجتها غلطة وحدة تؤدي لحياتك للموت... يعني مثل هالرياضه كأنك تلعب بالسكين الحاد على رقبك... ياتسلم بجروح وياتموت... والسموحه:) المندهش كــرمـــبــع :blink: |
بالعكس يا كرمبع
انا متاكد كثير انك ما شفت كثير من اللي شفته سواقة غير طبيعيه وشلون تتحكم في السيارة وهي على هالسرعه واللي يقولوك صدف وما يتحكمون اقولك نصاب لان اغلب الحوادث من ناس مالهم دخل في التفحيط نرجع للخطر انت لو تشوف للفورملا ون بتشوف ان معدل سرعتهم فوق ال 240 وهذا بس المعدل يعني ما قال اقصى سرعه ومع ذالك مجهزين حلبات ومجهزين سيارات صح وامان وتعبانين يعني خطر التفحيط اقل من هالشي ولا تنسى الدرفت في اليابان ترى يشابه اللي في السعوديه بس على سرعه اقل والطريقة غير فالامر ما يستحق هالهجمه الكبيرة صحيح الحوادث كبيرة وماتوا فيها الكثير لكن لو ضبطوا الوضع من زمان كان ما صار اللي صار ( طبعا هو مكتوب) ولك احلى تحية :D |
| الساعة الآن » 03:30 AM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.