سوالف للجميع
(http://www.swalif.com/forum/index.php)
- ســـوالف الــسيارات
(http://www.swalif.com/forum/forumdisplay.php?f=69)
- - تجربة جيب غراند شيروكي الجديدة 2005
(http://www.swalif.com/forum/showthread.php?t=211072)
تجربة جيب غراند شيروكي الجديدة 2005
السلام عليكم ورحمة الله وبركاته اخواني الكرام قمنا اليوم انا واخونا زورو الامارات (خالد) واخ خالد بتجربة جيب غراند شيروكي هيمي 5.7 الجديدة كليا.والسيارة ماشاء الله تغيرت بالكامل . تم تعديل العازلية للصوت من الداخل والمحرك صار اهدأ من قبل والتعليق احسن واريح من قبل،وعزم السيارة على سرعات مختلفة ، اداء قوي على الطرقات والطرق الوعرة. القير اصبح نظام تبرتونك من خمس سرعات واصبه اهدأ وانعم من قبل. والشكر والتقدير لشكرة المشروعات التجارية بدبي والاخ السيد صالح مندوب المبيعات لجيب وكلزيزر بدبي. وسعر السيارة حوالي 161 الف درهم المواصفات: تضم مزايا الامن والتصميم المعززة لنظام الفرامل المانعه للانغلاق العجلات ABS نظام تحكم بتشبث الرامل على العجلات الاربعه 4BTC ونظام الثبات الالكتروني ESP الذان سشاعدان نظام ABS الجديد توفير درجة اعلى من الثبات والسيطرة. محرك هيمي V8 سعه 5.7 لتر الفائق القوة مع النظام المتعدد الازاحة MDS الحصرى والاقتصادي في استهلاك البترول الذي يمتاز بغرف الاحتراق النصف كروية الى توفر لغاية 20 % في استهلاك الوقود. نظام الدفع الرباعي الدائم كوادرا درايف 2 مع الاجهزة التفاضليه الاكلترونيه المحدودة الانزلاق ELSDSوهو احدث نظام،يتوزع 100% من العزم المتوفر الى العجلة التى تتمتع باقصى قوة تشبت. انظمة الامان: مصابيح امامية عالية الاداء نظام مراقبة ضغط الهواء باالاطارات الهيكل الموحد يونيفرايم نظام الرامل المانعه لانغلاق العجلات ABS برنامج الثبات الالكتروني ESP وسائد هوائية من اربع مواصفات اخرى وضع المسند الخلفي مكيف خلفي فتح الزجاي الخفي بجهاز تحكم الاطار اصبح تحت ومعدوم الرؤية من تحت طي الكراسي الخلفية بسهولة تامة ومكان فسيح للاغراض واليكم الصور والفيديو ان شاء الله بعد التحميل من موقع اخر،واي اسالة انا بالخدمة:             يتبع |
تابع                الي حاب ينقل الموضوع ماعندي مانع بس يكتب اسم المنتدى حياكم الله اخواني ونتظر اسألتكم |
السلام يعطيك العافيه
السعر مبالغ فيه وخصوصا إن مالهم شغل بإرتفاع اليورو يعطيك العافيه |
شكل السيارة روووووووووووووووووعــــــــــــة ... وخصوصا اللون الاسود ...
السعر نوعا ما مبالغ فيه لكن اتوقع ينزل مع الوقت ... وسعر المستعمل بيكون ممتاز لليبون يعدلون عليه ... اخوكم الشبابي |
1000 مبروك عل التجربة الجديدة
|
بسم الله الرحمن الرحيم
السلام عليكم ورحمة الله وبركاتة اليكم الصور ومن ثم التعليقات :) الصورة الاولى  الثانية  الثالثة  الرابعة  الخامسة  الصور في بعض الاحيان افضل من التعليقات لكن التعليق قادم ان شاء الله |
يعطيكم العافية والله ما قصرتوا ... ومثل ما اتوقعت جربتوا جيب قراند الجديده ..
بو جاسم كيف كانت قومة السيارة ؟ وكم ثانية تسارعها ؟ ما جربتوها في الخط ؟ وكيف تشوف أدائها في البر ؟ ننتظر الفيديو .. :) |
شكرا على الصور V8
بس ما كثرت منها ياخوي وين الصور وهو على الدوار وهو شال على تايرين وهو يريوس وهو............الخ بس السياره حلوه والصور أحلى |
السلام عليكم ورحمة الله وبركاته red_RPM الله يعافيك اخوي والسعر له علاقة والجيب هذا جاي من النمسا بااوروبا وليس من امريكا الشبابي هلا اخوي ماجد اكيد شوي السعر مرتفع واكيد بينزل ،السعر مستمعل بيحصل سعر زين فيه AMG الله يبارك لك اخوي عمر وان شاء الله اذا تعرف احد بمرسيدس نجرب ام كلاس الجديدة وبيكون حلو معاك التجربة. uae speed هلا اخوي عبدالله قومتها حلوة مع ان السيارة بعدها بالتمرين مامشت الا حوالي 155 كلم فقط يعني ماقدرت احكم بالضبط بس عليه سرعه حلوة وقوية. جربنا على الخط تسارعها حلو وعزمها بالمناورة قوية ماشاء الله ادائها بالبر حلو وخاصة اول شي كان ثقيل ـماعرفنا كيف الوضع وبعدين وقفنا تراك اووف صار خفيف وماشاء الله يمشى مع ان ما نسمنا الهواء من الاطار. dbooor هلا اخوي وان شاء الله المرة جاية نصور اللقطات الي تحبها :eek: شكرا لكم :banana: |
والله تغطيه ممتازه
بس ماقلتو لنا السياره كم حصان ومن الصفر للميه كم توصل ....يعني معلومات ميكانيكه والسياره كيف رساوتها على الطرق العاديه وانا اتفق مع الشباب بخصوص السعر احس مبالغ فيه شويه ومشكورين على التغطيه والمجهود |
ماشالله تجربة رائعة وتقرير مميز وناقصه الفيديو.... :-)
بغيت اسئلك أخوي محمد عن شعورك يوم ركبت السيارة هل شعرت بفرق بينها وبين الافالون....ياليت تعطينا فكرة عن أهم الفروقات بينهم... وبالنسبة للسعر يوجد بدائل أفضل وبسعر اقل... تحياتي... |
يعطيكم العافيه ماقصرتوا تجربه وااايد حلوه ومميزه
لووووووووووووول مارحمتو السياره مال بلاش كثر منه لووووووول ((امزح معاكم)) الصراحه السياره حلوه وماعليها كلام شوي السعر مرتفع ممممم بس الحين كل السيارات غاليه مشكورين ويعطيكم العافيه واهم شي تغسلون السياره قبل ماترجعونها عشان تمحون اثار الجريمه لوووووول عندي ملاحظه هل هذة الحراره طبيعيه انا اشوفها وايد مرتفعه |
يعطيك الف عافيه بوجاسم
موضوع روووعه وفيه اسأله وايد ببالي بس الحين مستعيل شوي بحاول اجمع الاسئله وارجع اكتبهم لكم بس من الداخل انا شفتها عالطبيعه وكان شكله ضيق ومب حلو من داخل تصميمه تعبان مول |
تجربة حلووووه ...
وشكركم على مجهودكم الواضح , زوزرو الامارات و grandv8 ... |
مشكورين على التجربه الحلوة ...
بس مره ناقصه المفروض تكتب اكثر عن السياره .... |
السياره حلوه بس سعرها ! مرتفع جدا
يعطيكم العافيه كل من : مشرفنا زورو الامارات وجراند واخ زورو الامارات :) |
مشكورين مشرفينا على الموضوع و التجربة
بس ليش الحرارة مرتفعة في الصورة اللي حطها أحد الأعضاء ؟؟ |
يعطيك الف عافيه اخوي على الموضوع
والسياره رائعه |
السلام عليكم ورحمة الله وبركاته الكبريت هلا اخوي 326 حصان من 5.7 ليتر محرك هيمي من صفر الى ميه اقل 7 ثواني رساوتها على الطريق ثابته ماشاء الله بسبب نظام ebs وabs saymyname اكيد فرق ولاتنسى سيارة صالون ودفع رباعي . طبلون افالون تحس انه كبير ونازل صوبك ام جيب عادي واحسن. عازلية الصوت حلو بالسيارتين ماتحس ان صوت المحرك عندما تغط عليها بالقومة. المكيف بارد وخاصية لها تحكم بتبريد السيارة من داخل كل مازادت الحرارة. عزم افالون يعطيك بعد الفين دورة وشوي تقريبا وجيب قبل الفين. هذا اتذكره من افالون. لأنصاري هلا اخوي انس والله سعره مرتفع وكل السيارات اسعارها صايرة نار. هذا بعد الضغط عليها بالرمل والمكيف شغال طلعت عن النص بشوي. اصلا السيارة كانت جديدة وبعدها بالتمرين ونحن ماحبينا نضغط عليها كثير بالرمل ولاتنسى ان ماخففنا ضغط الاطارات وكان الهواء كثير فيها. حرارة جيب حرارة عادية اقل من نصف شوي.مافي اي مشكلة, TOP-SECRET هلا اخوي حمد حاضرين اي شي تسأل بالنسبة من داخل اجوفها اكبر من سيارتي واوسع واريح وخاصة الجلسة الخلفية صارة احلى واريح وخاصة مع المكيف الخلفي تصميم مسوينه كلاسيكي شوي :think: رفجة عرب حياك الله اخوي وشكرا على مرورك الطيب :) GMC 8100 حاضرين اخوي وبنكتب :smart: ERT الله يعافيك اخوي عبدالعزيز واكيد سعر :confused: sayedco حياك الله اخوي والحرارة شوي ارتفعت كنا نجربها بالرمل والمكيف شغال وضغط الاطار كثير والسيارة بعدها جديدة ماشية 15 كلم فقط Mr_CoRvEtTe الله يعافيك اخوي وماتقصر بالرد شكرا لكم اخواني :banana: |
ما شاء الله صور حلو و سياره حلوه بعد و حتى التصوير ما شاء الله حلو و الصووووره الي عجبتني الصرااحة مشكووووور الف شكر مشرفنا قراند و مشرفنا زورو |
مجهود تشكرون عليه .. ماقصرتوا والله ...
يعطيكم العافية مشرفينا الكرام ... |
السلام عليكم
مشكورين اخواني زوروا الامارات و grandv8 علي التجربه الرائعه ، والصور احلي بكثييييييير اذا تقدر اخوي زوروا الامارات تنزل الصور بحجمها الطبيعي من علي الكاميرا بتكون خلفيات رائعه تحياتي لكم جميعا :) |
مرحبا .. ماشاء الله .. تقرير مميز ورائع .. والسيارة ماشاء الله .. تصميمها جدا رائع . . . !!! الف شكر لك اخوي .. جراند .. والاخ زورو :banana: :banana: انتضرو .. بعد ساعات قليلة .. تقريري عن احدى سيارات الدفع الرباعي المميزة في فئتها .. التقرير جاهز بس ناقص اللمسات الاخيرة .. وانشاء الله راح احاول انزله في اقرب وقت .. تحياتي |
شنو الألوان المتوفره للسياره الخارجيه والداخليه
وشلون عزل الصوت فوق سرعة 120 اذا جربتوها.. شنو المواصفات الاضافيه عن الجراند شيروكي السابق والرنقات الي عليه 16 ولا 17 اقصد الي سويتو فيه تجربه زينون ولا لمبات عاديه لول المفروض زينون على اساس السعر الشوي مرتفع لول يعني عالاقل مواصفات تبرد القلب شوي ماتشوف لو ان خلو ليتاته الي جدام نفس قبل احسن؟ اقصد موديل 2004 |
السلام عليكم ورحمة الله وبركاته mr.lamborghini هلا اخوي الكريم وهذا لقطة من تصوير زورو الامارات :banana: O|D حياك الله اخوي عمر ماتقصر على ردك الطيب JUST CORVETTE شكرا لك اخوي على مرورك الطيب وماتقصر وان شاء الله اخونا خالد ينزل باقي الصور الامير الاحمر حياك الله اخوي وشكرا على مرورك الطيب ونتظر مفاجأتك الحلوة TOP-SECRET هلا اخوي حمد وهي اجابتم على اسألتك اخوي: الالوان المتوفرة كم 8 الوان منها كاكي داكن واسود بريليانت واازرق باتريوت وفضي لانع واخضر بيريل داكن وجرافيتي وكاكي فاتح وابيض ستون. عازليه الصوت معدومة وخفت عن سابفتها بكثير جدا. القير صار نظام تبترونك والتعليق صار احسن من قبل والمكيف اصبح خلفي والمكان اوسع من قبل رينك 17 الي عليه من نوع غوديير الي عليه لمبات عدية بس اقوى من زينون ويعطي اضائة احسن واقو ى عن قبل زادت مواصفات احس عن الي قبل من عازلية للصوت والمكيف والسعه والقوة والتعليق الجديد حتى هذا حلو والسابق حلو والجديد صار اكبر لمبات عن قبل واحسن شكرا اخواني :smart: |
| الساعة الآن » 07:58 AM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.