ماذا يقود شباب الامارات ؟؟ جيتي ؟ مارك 2 ؟ لكزس توين تيربو ؟!(صور + فيديو مفاجأه)
 

السلام عليكم ..
فترة التسعينيات أعتبرها الفترة الذهبية لتويوتا ..
وهي ما زالت مواصله انجازاتها حتى يومنا هذا ..
خلال هذه الفترة .. أصدرت تويوتا العديد من الموديلات المختلفه
مثل المارك 2 .. ستارلت .. كريستا وغيرها .. وللأسف لم تصلنا الى الخليج
في وقتها .. ( مسكتيننا بالكرسيدا ) :D

في الامارات بدأت تنتشر ظاهرة السيارات الوارده بشكل كبير ..
مع سماح القوانين بتحويل المقود من اليمين لليسار .. وتسجيلها
في بعض الامارات .. مثل مرور ام القيوين وعجمان وابوظبي ..

وانتشرت السكايلاين والمارك 2 والستارلت واللكزس تون تيربو !!
لرخص الاسعار وارتفاع جودة السياره ونظافتها !

هذي مقدمة بسيطه ..
الحين بعرفكم على بعض الموديلات اللي انتشرت في الامارات من قبل الشباب و طبعا اقصد السيارات الوارده .. وأخص بالذكر هنا شركة ( تويوتا ) ..

أول موديل هو تويوتا MARK 2 :

وهل يخفى القمر ؟
ثاني أشهر سيارة بعد الجيتي في الامارات ..



عليها محرك 1JZ-GE المزود بتيربو .. 2.5 لتر .. 6 سلندر .. وهو محرك السوبرا المعروف :) بـ 280 حصان ..

----

ثاني سيارة هي toyota starlet ..
ثالث اشهر سياره بعد الجيتي والمارك 2 في الامارات !



عليها محرك 1.3 بقوة 135 حصان و 4 سلندر مزوده بتيربو !
لا تستهينون فيها .. هذي تروح عن المكسيما في القومة لمسافة عمود كامل !! والسر في الوزن الخفيف .. :) اول وثاني وثالث بس :D
عيبها الوحيد هو الخط .. قدرت مره أمشي وراها الى سرعة 220 بالكامري بس ما طفتها !!
معروفه بأسم baby Gt :D

----

ثالث سيارة هي TOYOTA ARISTO ..
وهي لكزس gs300 المعروفه عندنا ..
ولكن تنزل في اليابان بأسم ارستو بمواصفات خيالية !

المحرك 2JZ-GE من 3 لترات بقوة 280 حصان توين تيربو .!



هاي السيارة أعتبرها ممتازة جدا لانها تجمع بين الفخامة والقوة !
تصدقون انها تنزل بشاشة وهيدروليك وكراسي اوتوماتيك ووو ..
مواصفات تعور القلب .. ولا ننسى القوة ;)
بس ما اشتهرت وايد ونادرا ما يبيعونها ..

----

السيارة الرابعة هي TOYOTA CHASER
تشبه المارك 2 لحد كبير جدا باستثناء الاسطابات الخلفية والامامية ..
وبعض المواصفات الخفيفه في المقصورة الداخليه ..



ومحركها مشابه لمحرك المارك 2 ..
6 سلندر 2.5 لتر بقوة 280 حصان توين تيربو !

هناك أيضا تويوتا cresta بنفس مواصفات المارك 2 والـ chaser ..

----

و أخيراً ..
السيارة الاولى في الامارات بلا منازع ..

Nissan SkyLine Gt-r & Gt-s

الجيتي مثل الدم يمشي في عروقنا :D
الياهل اللي توه صغير تقوله شو امنيتك في الحياة بيقولك ابا اسوق جيتي :D و أقص ريولي لو ما قالك R34 بعد :D

الموديلات المشهوره عندنا مثل الصور التالية :
من موديل 92 الى 94






ومن موديل 95 الى 98 وهو الاكثر شهره :



أما الشكل الجديد المعروف بالـ R34 فهو أيضا موجود ولكن أقل ..
في وحده جديده زرقة طالعه هاليومين على كورنيش الممزر روعه :)

------

الحين مفاجأتي لكم :

ريس بين مارك 2 و z350 على كورنيش الممزر يوم الخميس ;)

http://www.uaeboost.com/Mamzar/videos/350Z_Vs_Mark2.rm

والمفاجأة الكبيره في سوالف :
<<-- cnn على غفله :D

ريس بين جيب شيروكي و لومينا ss .. أيضاً على كورنيش الممزر ..
واترك الحكم لكم ;)

http://www.uaeboost.com/Mamzar/vide...ee_Vs_Lumina.rm

وفي الختام .. ان شاء الله الموضوع عجبكم .. تراني تعبت فيه واستاهل ردودكم الحلوة :)

ماشاء الله !!

سيارات حلوة !!

احلى شكل عندي Skyline 33 ..

مشكور على موضوعك :)

مشكور وما تقصر :cool:

مشكوووور اخويه uae speed على هذا الموضوع الرهيب
والمارك 2 سياره ما عليها كلام
:D :D :D :D :D

وهاذي كم صوره لسيارتي المارك :glasses2: :glasses2:








شو الراااااااااي :banana:

السلام عليكم ورحمة الله وبركاته

ماشاء الله اخوي عبدالله يايب غنايم هالمرة،والله هي السيارة كاسحة اسواق الامارات وخاصة الشباب عدنا من مارك تو وستارلت جي تي ،وسكايلاين ،لكزس تيربو،وسيارات كثيرة .
بوخالد ماشاء الله تبارك الرحمن سيارتك نظيفة مصورنه المسجد الي عند طريق عجمان الحمرية ام القيوين.

تحياتي

:)

:think:


مو زي اللي عندنا :D



:banana:

هلا اخوي grandv8
الله يسلمك السياره مصورنها عند مسجد جامع المغفره وهالمسجد في الشارجه صوب شارع المينا
والصوره الاولى على بحر عيمان :D

تشكر على الموضوع الرائع و اللي يستاهل الردود الحلوه.

و أحنا عندنا في سلطنة عمان اللحين منتشره السكايلنات اللي يجيبوها من الإمارات , وهي في الأصل مجيوبه وارد.:black:

أخوي كاتب الموضوع : ألف شكر على هالجهد الرائع والمقاطع قيد التحميل (يجيك التعليق بعدين :cool: )

بوخالد : ماشالله مع إن السيارة قديمة بس ماشالله نظيييفة بكل ماتعنيها الكلمة ونظافة السيارة تدل على أخلاق راعيها .. يعطيك خيرها ويكفيك شرها ..


ABD 911

تسلم أخوي على الموضوع الرائع,,,صراحة أنتو محظوظين بالسيارات هذي




تحياتي

تسلم اخوي uae speed على الموضوع المرتب هذا..

وهالسيارات تستاهل..

والمقاطع جارية التحميل..


ومع السلامة

و الله ذكرتنا بايام الكرسيدا

و الكرسيدا الـ جي تي اكس و اللي عفست الدنيا

و صراحة شيء حلو ان مثل هذي السيارات متوفرة بالبلاد

لكن المشكلة ان الشباب يتدربون على السواقة في الجياتي و الماركات و .... ينفدون الخلق:cry:

تسلم يا uae speed على هذا الموضوع

وياريت لو اصير الي عندكم في الأمارات عندنا

striver

مشكور يالغالي .. :)

AMG

العفو مشرفنا .. :)

loolicpolic

حياك الله :)

TOYOTA

حياك الله .. :)

بوخالد :

ما شاء الله موترك ما عليه كلام .. توه طالع من المغسلة ومبلس .. ;)
الله يعطيك خيره ويكفيك شره .. :)

جراند :

هلا والله مشرفنا .. مشكور يالغالي على تشريفك .. :)
وحياك الله ..

bashar_255

هلا بك .. :D

racing guy
هلا والله بأهل عمان .. انتو معروفين بالجيتي بو طابوقه القديم :D
ويقولك المثل : القير الاول احرق القار .. القير الثاني انا في صحار :D
وحياك الله :)

ABD 911

هلا بك والله .. وحياك الله :)

Third Eye

الحمدلله حظنا حلو .. والله يعز الحكومه :D

Dreams_Maker

هلا حياك الله :)

بو اربع

هلا اخوي .. مثل ما قلت ايام الكرسيدا ولت خلاص :D
كانوا مستانسين اخواننا السودانيين .. :D
والشباب الله يهديهم .. مب مصدقين .. اهم شي التييييييربو :D
ودعاااااس كل يوم :D

A7medo

ان شاء الله يصير عندكم وأحسن بعد :)

وحياكم الله ..

على فكرة محد قال رايه عن الجيب واللومينا ;)

شباب السعوديه لو انا مثلا شريت سكاي لاين او مارك 2 او اي سياره سكان يمين طبعا كلهم محولين هل اقدر ادخل فيها السعوديه لمجرد الزياره فقط ؟؟

طيب لو كان الشخص اماراتي يقدر يدخل في هذول السيارات زياره للسعوديه ؟؟

مادام انك سعودي ماتقدر .... يعني لازم تشوف لك واحد اماراتي يمشي لك السيارة من الجمارك بس بتظل السيارة بلوحات اماراتية وبأسم شخص اماراتي.

بس في حل ثاني====> جنسية اماراتية ;)

مشكورين على تعبك...هالموضوع هو حاليا حديث الشباب هنا:good:

موضوع جميل وترتوووووب .. واستمتعت بقرائته

الله يعطيك ألف عافيه خيوو uae speed :banana:

مشكور أخوي على المعلومات الرائعة و هذي الأمارات جنة الدنيا ما نستغرب من شبابها كل هذا:banana:

Super SS

السلام عليكم

الأخ uaespeed >>>

حصلت في معارض العوير هوندات سفك 96 وأكورد 98 سكان يمين ...

ما أدري شو رايك بالهوندا سكان يمين ...

هل التحويل مثل التيوتا والنيسان وللا أصعب ...؟

وسعر الهوندا سفك 12ألف ...

وفي بريليود 97 تو بوينت تو فتك ب16000ألف ...

ما أدري شو رايك ؟

أو شو رايكم عموما ...

مشكور uae speed

وبصراااااحة موضوعك كثير ممتاز ومرتب في نفس الوقت ــ يسلمو علر هالجهد


وتصدق عااااد كانت عندي TOYOTA STARLET >> BABY GT

بس للأسف ضيعتها من يديني بعد ما اشتريت الريح :cry:

مشكووووووووور على الموضوع الروعه والمقدمه الحلوة الله لايحرمنا منك هاذي المواضيع الحلوة