مازدة 6 زووم زووم صفقة ناجحه!!!
 

سيارة مازدا الجديدة بدات تلاقي رواج خاصه عند الشباب والصراحه انا اشوفها من الخيارات المناسبه والحلوة
اولا لأنك تحصل على سيارة ذات شكل جذاب وعصري
ثانيا سعرها مناسب جدا وبمقدور الجميع

المحرك
السيارة تاتي بمحركين
سعة 2.3 DOHC 4-cylinder بقورة 160
اما المحرك الثاني سعة 3.0 بقورة 220 حصان على ستة اسطوانات ((مادري لو المحرك هذا نزل الخليج))

بالنسبة للجير الأوتو السيارة تاتي 4 سرعات
اما للجير العادي السيارة تاتي 5 سرعات يدوية

جلسة السياره حلوة والديكور الداخلي حلو خاصة في اليل هو رياضي مش فخم

اعتقد ان الواحد يتسرع يوم يقارنها بالكامري او الأكورد اعتقد ان هذا النوع من السيارات له فئة خاصة بس السيارات فيها قليلة مثل النيسان بريميرا والمتسوبيشي جالنت



عيب المازدة انها نامت كثير حتى تطورت ووصلت لهذا المستوى
العيب الثاني مش عيب بس في ناس يشوفونه عيب ان السيارة مملوكة لفورد

اتمنى ان يعجبكم الموضوع ويكون بالمستوى واعتذر عن توقفي للكتابه لفترة خاصة اني مش محصل وقت في رمضان

مشكور اخوي بوعبود
فعلا السيارة حلوة من جميع النواحي وخصوصا السعر

لكن سمعت ان فيها بعض المشاكل


وشكرا مرة اخرى....

السيااااارة حلوة بس عندي سؤال كيف تعرف إنها 4 أو 6 سلندر ؟؟

ومشكور على الموضوع :cool:

سياره حلوه .. بس للأسف محرك الـ6 سلندر مانزل في الخليج :headshak:

و الله السياره حلوه:p

بس يقولون ان صوت المكينه عالي داخل السياره:confused:

بسم الله الرحمن الرحيم

السلام عليكم ورحمة الله وبركاالسيارة ممتازة ولكن فيها عيبين اساسيين وهما

1- السيارة ينزل سعرها كثير عند البيع

2-الوكالات الموجودة بالخليج سيئة جدا جدا

مشكورين على المشاركة وللأسف محرك 6 اسطوانات ماينزل
بالنسبة للصوت العالي محرك المازدا من النوع الي يعشق الدورات المرتفعه 4 ار بي ام وفوق لذلك قومة المازدا ضعيفة على الدورات المنخفضة