من عنده خبرة عن الـ Parking sensors؟ (الحساسات)؟
 

السلام عليكم ورحمة الله وبركاته


مثل ما تعرفون إنه اللكزس ES300 ما فيها حساسات ‘إلا خلفية و على الجوانب و هذا عيب من عيوب السيارة للاسف ..يعني مو دقيقة 100% علشان كذي أنا أفكر أركب حساسات إضافية خلفية في نص الصدام.. و أيضا أفكر إني أركب حساسات أمامية.. لأنه مع الزوايد الإضافية المركبة على السيارة تخليها عرضة دايم إنها تشحف الرصيف يوم أوقفها في الباركينج.. بس المشكلة ما أعرف هل بالإمكان إني أركب هالأشيا.. و للا لا.. ووين ممكن أركب.. في أبوظبي أو دبي.. و بكم يكلف تقريبا؟
أنا سألت الوكالة قالوا ما يركبون..!!


يا أصحاب الخبرة شو تنصحوني؟

السلام عليكم ...........

اخوي مدردش متقاعد
بخصوص الحساسات في واحد يركب حساسات في عجمان على ما
اظن بس انا ما جربته بس سمعت عنه
وهذا رقم موبايل صاحب المحل .....
اتصل فيه واساله وشوفه لانه واييد عندهم انواع حسب ما سمعت من عند الشباب .....
( 050-4818911)

أول شي إذا ركبت نوع مثل اللي على الكامري بتنزعج منها إذا سرت بسرعة لأنها تؤشر عند إرتطام الهواء بها :confused:

وعند طلب لو تكرمت

أريد أعرف ماهي الإكسسوارات اللي تركب على ES300 (سمعت ان فيه لها جناح ) الرجاء الإفادة ولو فيه صور فياليت

أخوك
أبوطارق

هلا اخوى مدردش متقاعد

قبل فترة سرت محل في دبي اسمه الدوحه بجانب فندق حياة ريجنسي

عنده حساسات نوعين الاول (لصق) وهو ماينفع له يخترب وقت غسيل السيارة

والثاني الاحسن .بس لازم تعمل فتحات في الصدام الخلفي وهو ايجيك مع صوت ومع شاشه صغيرة مثل شاشه المرسيدس وسعره 230 درهم مع التركيب (طبعا قطعتين فقط)

وانا سالت البايع عن الحساسات الاماميه قالي ماتقدر اركبها ..ليش؟؟
لان الحساسات تشتغل على الجير لما لتحطه على(R)

بس قالي اذا تبغي امامية الوكيل ممكن يركب لك

والله اعلم اذا في اماكن اتركب حساسات امامية

السلام عليكم ....
بخصوص الحساسات

حبيت اضيف انه المحل اللي يركب في عجمان اعتقد انه يركب حتى جدام...
وعنده كذا نوع يبدا السعر من 300 درهم على ما اظن لين 1200
المهم نفس ما قلت سو له تلفون واهو بيفييدك اكثر انشاء الله ......

والسموحه

معقوله؟:damp:

ادخل على موقع الفطيم وبتلقى مجموعة الزوايد .. والله اعلم

تحياتي

وعليكم السلام ورحمة الله وبركاته

هلا أخوي supra97:

مشكور ياخي ما قصرت..و إن شاء الله بتصل و بسأل الريال في أقرب فرصة..أنا الي خلاني أسأل إنه جيرننا عنده لكزس 400 وارد.. و الوارد عادة يجي بدون حساسات.. و تفاجأت إنه ركب 4 على الصدام الخلفي!..

مرحبا أخوي أبو طارق:

أول مرة أعرف إنه في حساسات مزعجة:)..
بالنسبة للزوايد.. فأنا اشتريت السيارة و عليها زوايد...لأنه في موديل ينزل عندنا بالإمارات عليها زوايد...بس لازم تزيد 5000 درهم على السعر الأصلي...يقولي موظف المعرض إنه الزوايد لو بتركبها في الوكالة بتكلفك أكثر من 5000 آلاف .. و الله أعلم... الزوايد تشمل جناح خلفي... إضافة إلى زوايد جانبية تحت الصدام الخلفي و الأمامي..و على الجوانب.. و بصراحة تخلي شكل السيارة أحلى بكثير من الشكل العادي..بس المشكلة إنك لازم تحاسب شوي يوم توقف السيارة في الموقف لأنه يمكن تحك معاك من جدام...

قبل يومين صار لي حادث.. بسيط.. راح فيها الصدام الأمامي.. و إلا كنت بصور لك السيارة و بعرضها... إن شاء الله أول ما أصلحها بصور لك كم صورة..و بشوف على النت إذا لاقيت صور


تحياتي لك

هلا أخوي غريب السيف :)

أكيد تقصد المحلات الي عدال (الخطيب) في دبي.. جنب سوق نايف:)..
إن شاء الله بروح عنده بسأل ..أنا متأكد إنه في محلات هناك..بس المشكلة ما تعرف إذا شغله نظيف و للا لا..

أنا سائل في الوكالة و قالوا ما نركب.. بس قبل فترة شفت سيارة مثل سيارتي بالضبط مركب عليها حساسات أمامية.. على الجنبين.. يا ليتني سألت راعيها!

أشكرك أخوي على تكرمك بالمساعدة..:)

أخوي أبو طارق.. هاي صور للموديل الرياضي.. حصلتها في موقع وكيل اللكزس في عمان..
لاحظ الفرق:)






و راجع هالرابط للمواصفات.

http://www.lexusoman.com/English/se...ifications.html


تحياتي لك:)

السلام عليكم ....
العفو اخوي مدردش متقاعد
بالنسبه للحساسات انا مركب قبل كم يوم على استشن بس ركبت الصدام الخلفي بس والحمد لله طلعن اوكي صراحه......
كنت بروح صوب اللي في عيمان بس لانه بعييد ويباله وقت ولازم تخلي السياره عندهم يعني شغله طويله عريضه ولو انه اللي في عيمان ربعي يمدحوونه ...
بس تبه الصدق ما سرت عيمان ركبتهن في بوظبي
موسسة دربي حتى ركبت عنده تخشيب حق السياره كلها صبغ
بس تبه الصدق ما عليه كلام .....
مع السلامه

هلا أخوي supra97

وين ركبتهن في بوظبي..و بكم كلفك؟ أثاري إنت من بوظبي.. و تبناني أصك لعيمان الله يسامحك:)

مؤسسة دربي؟ وين هاي بعد؟؟:)

أتريا منك الرد..

تحياتي لك:)