شعار GM الجديد : اذا لم نجد من ينافسنا بالدنائة فسننافس أنفسنا
بالفعل هذا هو الحاصل اليوم ,,,,
فالمتمعن في مخرجات هذه الشركة الحقيرة وفي سياراتها وفي جودتها التي تكاد تكون معدومة فانه يلاحظ التلاعب الكبير الذي مازال مسؤلوا الشركة يمارسونه بشراهة وبخداع وسرقة دعوني اتكلم فقط فقط عن فئات السيارات الموجودة لديهم ونلاحظ التشابه الكبير بين هذه الفئات لومينا V6 وكابريس V6 وجهان بشعان لعمله واحده اسمها هولدن كومودور ..اصلا لو كانت ناجحة الشركة من الاصل ماكان باعت اسهمها لجنرال موتورز ,,,,. جمس سوبربان وجمس يوكون ...نفس السيارة اللهم شويه تمطيط في الطول او بالاصح تقصيرا لطول اليوكون .وانتم تلاحظون انها نفس السيارة من الداخل والخارج اللهم الطول هو الفرق فقط بل وبعضها بدفع رباعي والبعض الاخر بدون ...,,,,. جمس سوبربان وجمس يوكون XL صار كرسيدا هذا مو جمس ...هو من الاصل والمنشأ والتربية سوبربان لكن سبحان الله مغير الاحوال وتحول اسمه الى يوكون ,,,, جمس يوكون وكاديلاك اسكاليد نفسسسسسسسس السيارة مع بعض التحسينات لاظهارها بمظهر الفخامة والترف ..,,,... جمس سوبربان دينالي وكاديلاك اسكاليد والله مشكله عويصة لجنرال موتورز مدري تبغى تصرف الاسكاليد ولا تغطي عليه بالدينالي اللي ماشفت منه في الشارع ولا سيارة ...,,,مع العلم ان السعر متقارب جداً جمس انفوي وشفروليه تريل بليزر هذه السيارتين اصلهما دفع رباعي بمحرك 4.2لتر والمفترض وبما ان المحركات الامريكية خاليه من التقنية فالمفترض ان هذا المحرك يكون ذا عزم مرتفع وعدد احصنه معقول لطبيعة استخدامه في الرمال ولكن الملاحظ ان المحرك يتمتع بقوة 292حصان من 4.2لتر فقط وعزم منخفظ قد يكون معدوماً ,,,,ومن يلاحظه في الطعوس بيشوف بعينه قد ايش هذه السيارة فاشله مع صرفيه كبيرة جدا للوقود ولا تقارن بالسوبر بان جمس سفاري وشفروليه فنتشر واحدة بدفع خلفي والاخرى بسحب امامي والله ماني داري كيف راح يتوفقون في تصريف هالسيارتين المعفنتين ...,,, هذه فقط ملاحظاتي على اموديلات ولم اتكلم او اتطرق الى العيوب والمشاكل لاننا قل مللنا منها غثاء ودمتم :cool: |
السلام عليكم
فعلا شعار في محله اذا لم نجد من ينافسنا في ردائة الجوده سننافس انفسنا في كثرة الاعطال والتوقف بلا مبرر وسنوفر لك قطع الغيار ولاتنسى ان قطع الغيار مصنوعه للخلييييييييييييييييييج فقط من اردأ انواع المواد واقلها خدمه رضائكم هدفنا اتصل الآن مع تحيات جنرال موتورز ( الخراب يمشي على اربع عجلات) :banana: :banana: :banana: |
وكيف تبيهم ما يغشون ومبيعاتهم بالكوم والناس شاريه وما تسئل ولا تقارن بين السيارات
الحاصل عندنا ان النظره الاوليه هي السائده يعني اي سياره لو كانت ممتازه تاكد ان الجيل التالي منها بيمشي حتى لو كان سئ :glasses2: |
بالفعل مع ارتفاع ملحوظ لاسعار قطع الغيار
|
شكرا لك على المشاركة روح الغريق
ولكن تأكد ان السمعة ستتشوه يوما بعد يوم سؤال لاحبابنا في الخليج ماهو مستوى مبيعات الخرد الامريكية عندكم ...والمقصود بالخرد هي السيارات |
جمس سوبربان وجمس يوكون XL
-------------------------------------------- هذا المسمى موجود في امريكا بس (يوكون XL) وهو للتفريق بين شفروليت سوبربان وبين جي ام سي سوبربان. جمس يوكون وكاديلاك اسكاليد -------------------------------------- الشبه الوحيد هو بإن الإسكايلد مبنية على قاعدة اليوكون غيره ما فيش . جمس سوبربان دينالي وكاديلاك اسكاليد --------------------------------------------------- ما في شبه من الأصل السوبربان دينالي هو سوبربان عادي معدل بعض الشيء. جمس انفوي وشفروليه تريل بليزر ----------------------------------------- ما عندي فكرة بس انا اشوف انه ما في شبه بينهم غير في قاعدة العجلات وبعض الناس يقولون إن الإنفوي افخم. جمس سفاري وشفروليه فنتشر ---------------------------------------- السيارتين ما في شبه بينهم لا من قريب ولا من بعيد . ممكن يكون كلامك في الكابريس واللومينا صحيح لكن الباقي ما اظن. على فكرة وش بينك وبين الشركة :D :) |
بالنسبه للبحرين
مبيعاتهم في العلالي خصوصا أن وكالاتهم قويه جدا من حيث التسويق أو خدمة مابعد البيع.
وبالخصوص للي يبي سياره متوسطه أو كبيره . أما بالنسبه لجودة السيارات نفسها فأنا لا أنفي حصول بعض المشاكل وهذا حال جميع الماركات تقريبا إلا أنها تكاد لا تذكر خصوصا عند أخذ السعر بالأعتبار :glasses2: |
ممممممممممممم لهذة الدرجة هذة الشركة نصابه اجل ليش الناس تشتري سياراتها وخاصة في السعودي احنا في قطر مبيعاتها عادية الصراحة ما توقعت ان gm بهذا السوء
|
السلام عليكم
بخصوص المبيعات فالسيارات الامريكية مبيعاتها تتناقص لصالح السيارات الالمانية واليابانيه الجيب انخفضت مبيعاته بشكل كبير خصوصا بعد الشكل الغير متوقع من الشيروكي والمحرك المتواضع الرانجلر مازال وضعه متماسك قليلا والسبب ان لايوجد له منافسون الدودج والكرايزلر انسى سالفتهم نادرا ماتشوف سياره موديل 2001 منهم فمابالك بموديل 2003 الكابرس فيه قليل من المبيعات لسيارات الايجار او بعض الشركات وقليل من الناس العاديين الجمس والشفر المبيعات جيدة الكاديلاك نادرة الوجود اكثرها اكسالايد اللومينا لم تحقق المبيعات المنتظره منها والسبب يعود للكامري والاكورد والمكسيما حيث ان ثقة المستهلك في هذه السيارات غير محدودة ابدا تحياتي |
السلام عليكم
اخوي S8 انا معك في الكلام اللي قلته لكن السوبربان سبب ارتفاع مبيعاته هو عدم وجود بديل الماني او يابانبي او كوري |
اخوي S8 انت تكلمت عن الشكل الخارجي وانا من وجهة نظري مافي احلا من شكل اللومينا الجديد ولا الكابرس ولا كمان الاسكاليد وكمان الانفوي والبليزر يعني الشركه من ناحية الشكل والفخامه اوكي وكمان الراحه بس لكل شي ضريبه ... فاهمني
وياشباب والله اول مره اسوق كامري قبل اسبوع قلت والله لو اخذ اي سياره حتى لو تخرب كل دقيقه ولاتقعد معي الكامري يوم والله ياشباب سياره فاشله من كل النواحي ولالا ادري وشلون الناس يمدحون فيها وبنظري والله العظيم الكفالير احسن منها بمليون مره فياشباب شركة GM مو لهالدرجه فاشله بس فيها عيوب وبالعكس هي من اكبر الشركات من ناحية المبيعات اي خدمه |
إقتباس:
محرك الكاديلاك اسكاليد هو نفس محرك اليوكون ( 6 لتر V8 ) تحياتي |
سلام
صراحه عجبني عنوان الموضوع وبشده هع المهم الاخوان ما قصروا بس حبيت اقول كدليل على اهمال GM و عدم مراقبتها لجوده منتوجاتها تلاحظ ( و بشكل عام على جميع سياراتهم ) مثلا لو تكلمنا عن السياره الفلانيه يجيك واحد و يمدح فيها و يقول انا ما اقصر عليها دوس تفحيط و جور و لا اختربت ولا قالت اح و الثاني مسكين يشتكي منها و بس يبغى الفكه منها اذته باعطالها و هو ما في احسن من سواقته لا يتعب السياره ولا يجور عليها طبعا العيوب موجوده حتى في الياباني و الالماني المعروف بدقته و جودته العيب لو وجد في سياره او سيارتين ، عشر سيارات ، ميه مو مشكله تعتبره خطأ تصنيعي لكن ان تكون 50 % من السيارات تحمل نفس العيوب و احيانا تعجز الوكاله عن ايجاد حل لهذه المشكله و تقوم بتبديل القطع المضروبه كل مره على حساب الGM ( في فتره الضمان طبعا ) و بعدين يبتلش بها هالزبون المسكين هذا يأكد على ان ال GM ما تدق خبر للزباين اهم شي الربح و بس و طز و مليون طز في الزبون لا جوده اسعار الصيانه و قطع الغيار زي النار و قطع الغيار الاصليه مضروبه و كثير من القطع التجاريه افضل منها و اجود منها لا صيانه عدله و معاملة الزبون بعد ما يشتري الموتر زي الزفت و ابسط مثال اضربه على غباء و عدم اهتمام GM بجوده مواترهم طرمبه البنزين من 88 لما استحدثوا البخاخ و الى الان تعاني سيارات GM من مشاكل غبيه في طرمبه البنزين مره تتوقف لما ينزل مستوى البنزين تحت النص تطفي السياره و احيانا ما ترضى تشتغل و لا حاولوا انهم يسووا حل لهالغباء حقهم :D خلي الزبون يدفع :D هذي مشكله وحده من مشاكل fuel systems اللي تعاني منها سيارات GM من اول ما بدأت و اعتقد ما بيشوفوا حل و لا بعد سنه 2010 |
إقتباس:
اخوي كلامك غريب الموضوع عن شركة جنرال متورز وش جاب الدوج والرايزلر والجيب .... بالعكس الحين مبيعات الجراند شروكي والشروكي جدا مرتفعة عندنا بالسعودية خصوصا الجراند شروكي الاوفر لاند اللي ما طلع الا من موديل 2002 ...... اما سيارات الدوج ما يدخل للسوق الا الدورانجو والداكوتا والرام طبعا الدورانجو له انتشار كبير وبالعكس اغلب اللي اشوفه بالشوارع موديل 2003 .... الكرايزلر الجراند فيوجر ماسك السوق زي العادة والمبيعات مرتفعه ومنتشر بصورة كبيرة وبعد الكنكورد انتشرت خصوصا موديل 2003 لانهم عدلو بالشكل طالع شكلها روعه وM300 لها انتشار حلو والموديل 2002 و 2003 موجود بكثرة من هذا النوع .... بس هذا تعقيب بسيط على كلامك اخوي زورو بس هذا اللي انا شايفه .. فاااااااايبر . |
silver
ياخي عندك اقرب مثال على فورد ..... الاكسبيدشن والاكسيكيرجن مافي اي شبه وتشابه بينهم |
لا فض فوك والله يا ماجد
بس الشباب هنا اهتمامه الاول والاخير الشكل الخارجي جودة القطع , المكينه , نظام التعليق , خدمة ما بعد البيع , عمر السياره الافتراضي كل هذا طز والصراحه ان الجي ام عرفت تسحب الشباب بتصميم اللومينا اس اس ولا تنسى شلة علي بابا والاربعين حرامي((المسوقين اللبنانيين )) عند الجميح وربعه لسانهم يقطر عسل وانت تدري انه كذاااااااب بس تمشي معاه حاجه ثانيه وهي سيارات الشرطه تفكير الشباب // دام ان الحكومه خذت لومينا للشرطه اجل اكيد انها سيارة كد وكرف والمساكين ما يدرون عن قضية الخمسه مليون السنويه من الجي ام ========== اما بالنسبه للاخ فايبر يا عزيزي اي انتشار واي زياده في المبيعات اللي تتكلم عنها في السعوديه وكالة الدوج والكرايزلر والجيب من سيء الى اسوأ لا القراند شيروكي منتشر ((اعني 2002 وفوق ولا الكونكورد ولا الــ300 ولا الفوياجر ولا غيرها والله ما اذكر اني شفت دوج رام يمشي في الشارع الا لشركة الكهرب اما الديورانجو هذا مستحيل تلاقيه في الشرقيه نهائيا والداكوتا توني ادري انه يجي للاسواق الخليجيه منك :D |
إقتباس:
لاتعليق :Sad2: :Sad2: :Sad2: |
موضوع رائع جدا اخوي s8 ......ومع ذلك في ناس ماتقتنع:(
|
إقتباس:
هع الله يخلف على دوريات اللومينا تمشي و تقطع تقول موديلها 80 مو 2002 :D بعدين ترا من قبل سيارات الشرطه و التكسي تجي طلبيات خاصه heavy duty فيها اشياء كثير ه تختلف فلاتر ، مكاين ، قماشات ، نظام التبريد اما هاللومينات حق الحكومه مواصفات انزل من الستوك :D |
إقتباس:
والله انا معجب بالرانجلر مع انه امريكي لكن وش اسوي مافي بديل عنه |
إقتباس:
الســـلام عليكمـ ويش قصة الخمسة مليون !؟!؟ وأسعد الله صبحاك :) |
إقتباس:
ااااااااايه هذي قصتها قصة |
مرحبا اخوي منذر
الجي ام تقدم للحكومه سنويا خمسه مليون ريال صيانه لسيارات لومينا وكابريس تبع الشرطه والمرور وغيرها من سيارات الدوله والمقصد واااااضح جدا اغروا الشباب بان سياراتنا تدوم وتدوم وتدوم وهي في الاصل اعفن واتعس سيارات من اعفن شركه في العالم تعتقد لو ان الجي ام ما تقدم صيانه مجانيه لسيارات الحكومه الحكومه راح تاخذها وتترك الفكتوريا اترك التعليق لك |
بسم الله الرحمن الرحيم
اهلاً اخي corvette :) 5 مليون في السنة هممممممم معنى ذلك ان شركة GM دفعت للحكومة 20 مليون ريال على مدى اربع سنوات 2000 _ 2003 20 مليون ريال لصيانة جميع سيارات الشرطة والمرور خلال اربع سنوات يُعتبر مبلغ زهيد جداً ,,, مع إعتبار كثرة الأعطال في اللومينا (( على حد قولك )) وعلى ما اعتقد ان اللومينا موجوده في دول خليجية اخرى كسيارات شرطة أو مرور ,,, صح ؟ تقبل خالص تحياتي ,, اخوك M o n t h e r ,,, K.S.A |
جي ام و فورد والاسطوره مستمره
والله هذه الشركتين ضاحكه علينا وبقوه بعد وعينا تشوف ياناس السياره وهي في المعرض الكابرس او الفكتوريا تسمع لها طقطقه ومن الداخل مافيها اسم الجوده صار كل شي فيها بلاستيك وين الاوربي من الداخل تشوفه ملبس صح جلد مشدود واكسسوارات تحس انها لو فلت عليها قرد مايصير لها شي وما نقول غير الله يفك اوبل من شر جي ام ياناس اوبل اللي كانت سياره جودتها عاليه بس وكيلها زفت صارت الحين كل البلاوي فيها والله مااعرف احد معه اوبل الا ويشتكي منها . الحين صارت الشركات الامريكيه مستخفه فينا وتستهبل علينا سياره الخليج وصممت للخليج وهم والله ماهم دارين عنا والله لو سعر قطع الغيار بين السيارات كله واحد كان تشوف الامريكي في ذيل القائمه كان تلقى الساب احسن من الامريكي كله بس مانقول غير حسبي الله ونعم الوكيل بالشركات الامريكيه كلها اللي ماتستحي منها مثل جي ام وفورد واللي مربيتها مرسيدس مثل كرايسلر والاهم من هذه الشركات الناس اللي يشتروا هذه السيارات وهم عارفين انها معدومه بس عذرهم مافي بديل وهم يسحبون مافي جيوبناوحنا نايمين :sleep:
|
| الساعة الآن » 09:27 PM. |
Powered by: vBulletin Version 3.0.16
Copyright ©2000 - 2026, Jelsoft Enterprises Ltd.