سوالف للجميع
(http://www.swalif.com/forum/index.php)
- ســـوالف الــسيارات
(http://www.swalif.com/forum/forumdisplay.php?f=69)
- - غسيـــــــــــــــــــــــــــل السيارات !!!
(http://www.swalif.com/forum/showthread.php?t=167306)
غسيـــــــــــــــــــــــــــل السيارات !!!
بسم الله
السلام عليكم , تحياتي للجميع اليوم جا على بالي اتكلم عن موضوع غسيل السيارات وكيف كل واحد يغسل سيارته لاني عندي عامل يغسل سيارتي بالشهر ونبتلي نخلة في راسي الخميس والجمعة غايب مرة يغسل السيارة بعد الفجر ومرة في الظهر مايصدق ان السيارة تكون مقفلة يمسحها من برة ويمشي يوم غسيل ويوم تمسيح غسيل الكفرات اي كلام اخر الشهر يكون واقفلي عند الباب تحياتي |
السلام عليكم
عني انا...يمكن كل 3 ايام اغسل سيارتي...او على حسب الظروف الجويه...احياناً اخلي واحد من هالهنود اللي يوقفون في مواقف السيارات يغسلها واحياناً قليله اوديها مغسلة السيارت وبعد احياناً قليله اخلي الخدامه تغسلها...طبعاً اذا سمحت حضرت جنابه لانها بدت تتذمر وتقول هذا ما في شغل مال انا ماما....وساعات اطنشها لين ما يكتب احدهم عليها.. ارجوج اغسليني :p خخخخخخخ
بس اعتقد الغسيل اليومي يضر بصبغة السياره... تحياتي:) |
موضوع جميل .. انا عن نفسي اغسل سيارتي مره في الاسبوع في المغسله.. وفي بعض الاحيان مرتين .. يعني حسب الحاله الجويه او الحاله النفسيه .. يعني ما ألي موعد محدد ...
المهم .. انا انصح الاخوان والاخوات الي يريدون يغسلون السيارتهم في مغاسل السيارات .. يحاولون مايغسلون المحرك بالزيت .. او انه يرش زيت اسفل السياره .. هذا له اثار سلبيه كبيره على المحرك وعلى هيكل السياره من الاسفل لان الزيت يخلي الرمل يعلق ويلصق بجسم السياره والمحرك مما يسبب ارتفاع درجه حراره المحرك وطبعا تاكل الهيكل :) |
السلام عليكم ....
اغسل سيارتي مرتين في الاسبوع . اغسلها بالماي والصابون (صابون خاص للسيارات ) ويا اسفنجه :D  |
موضوع جميل
أنا أحب السيارة تكون نظيفة دايما , بس المشكلة ان مش دايما في وقت أغسلها , مرات أخلي ناطور البناية يغسلها و أخليها وصخة من الداخل و بس يكون عندي وقت أغسلها كامل مع الماكينة و كنت أخلي يرش عليها ديزل من تحت و على الماكينة
بس بعد كلام مسولفي ما بخلي يرش مرة ثانية و سلامي للجميع :glasses: SL 55 AMG:glasses: |
والله مرة في الأسبوع او الأسبوعين في محطة عندنا اذا شريت بترول ب100 ريال نغسل مجانا بس والله ارمي الكبون او يضيع وما استفيد
|
من صجكم تغسلون سيارتكم بالسبوع مره:OO:
انا كل يوم وترك اخلي السايق يغسل السياره وتواير ولرفوف كل يوم او بالصابون كل سبوع او من داخل على حسب لمه احسها وصخه اخليه يغسلها اعتقد انه كل يوم وترك تمام حق السياره لانه يحافظ على نعومة البدي او كل سبوع بالصابون يكفي ولحمدالله السايق يهتم بالسياره اكثر مني او مرات يشتري صابون على حسابه لانه يدري ان ما غسلها شبسوي فيه:corsair: او نصيحه اول شي يرش بالهوز السياره كلها عشان يطيح كل التراب بعدين ينشفها او بس تحياتي :) |
الاخت غالية
ولايهون الاخوان مساء الخير سوال عن وجودك في قسم السيارات في السعودية متعودين انها للذكور فقط وماهوا نوع سيارتك ؟ وهل تربطين حزام الامان ؟ وهل تسابقيني , اذا جيت للامارات بسيارتي الاكورد ؟؟؟؟؟؟ تحياتي ابولين الحزين !!!!!!! |
الاخ مسولفي شكرآ للنصيحة
هدية صورة شبيهة لسيارتي  مع اختلاف اللون والكوبيه |
سيارتك حلوه .. بس تعال انا الي ابي اسابقك :D
على فكره هذي سيارتي او اقصد صوره مثلها  |
ماشاء علـى النظافـة !! .. :OO:
تدرون أنا أغسل سيارتي في الشهر أو الشهرين مرة !! :o |
مرحبتبن
اهلين اخوي ابولين
سؤالك عن وجودي في قسم السيارات.... ...ادري انه شي غريب على بنت التواجد في هالقسم... بس أنا مولعه بسيارات جداً ومن زمااان.... واحب اعرف و اتعلم عن السيارات كل شي... عشان جذيه انا اشارك في هالقسم... وسؤلك عن نوع سيارتي...فهي باسات... وسولك إذا اربط الحزام....بصراحه ..لا... اول ما بديت اسوق كنت اربطه...بس ما استحملته اكثر من اسبوعين يمكن.. بعدها و لا اربطه... وعن سؤالك اذا اقدر اسابقك او لا... والله شو اقولك اخوي ابولين .. انا تراني ما اسابق الا في سباقات الفورملا 1 هيه هذا أنا مستوايه في السواقه.. حلبة الفورملا 1... مع الألماني شومخر و ربعه.... وإلا سباقات شوارعيه...لالالالا.. :D :D :D :D تحياتــــــــي لك :) |
اهللللين
انا على حسب اي وقت اكون فاضي اروح اغسلها طبعا ماي محله وتاالي تلميع فيها لين مااستمل . وشكرآ |
اخوي ابو لين
اخبار الاكورد؟؟؟ تمام شكرا على الموضوع بصراحه انا اغسل مره في الاسبوع اومره في الاسبوعين الاسباب: 1-كسل 2-احس ان كثرة الغسيل تضر البويه وتخلي اللون باهت وخصوصا للالوان الغامقه وشكرا.... |
الاخ / ERT
كيف الحال على المشاركة وحاول تغير لون سيارتك تحياتي الاخ / SL 55 AMG مدري اش معنى ناطور البناية وشكرآ على المشاركة |
ناطور البنايه يعني حارس العماره:D
|
شكرآ يازميل
اكورد في 6 مع اني اصغر منك سنآ 4 - سلندر |
اغسل سيارتي كل يومين ... انا بنفسي احب اغسلها ....ومااحب احد يغسلها غير ..
|
عندي سياره اغسلها في الشهر مره و احيانا تمر عليها 3 شهور ولا تتغسل :D :D :D
اما العروسه الجديده كل يومين لو 3 ايام وعلى حسب الجو ;) |
سيارتي الحالية
اغسلها مرة كل يومين و لكن السيارة الجديدة ان شاء الله ما راح اغسلها الا في المغاسل مرة في الاسبوع لانه البويه تتأثر بتغسيل العمال اللي في الحواري :black: |
انا يوميا اغسل سيارتي في مواقف الجامعه عندنا هنود مساكين يغسلون السياره احسن غسيل ب3ريال بس
|
انا سيارتي يغسلها السواق كل يوم اذا كنت موجود في البيت
بس اللحين:cry: للاسف صار ما يغسلها الا في الاسبوع 4 مرات لاني ما اكون في البيت (الجامعة:mad: ) طبعا انا اغسلها كل اسبوعين او ثلاثة بنفسي لان في بعض التفاصيل ما يغسلها السواق مضبوط بعد المكينة وتنظيفها و ما ادراك ما تنظيفها بعد التلميع الداخلي هذا اختصاصي بس بصراحة بديت اهمل السيارة موزي اول ماشريتها:damp: |
السلام عليكم
اخباركم شباب طيب نبي نعرف ايش الطريقه المثلى لدلك السياره والفترات بين كل غسله وغسله وما هو احسن انواع المواد التلميعيه للسياره والجنوط والكفرات وشكرا :black: |
الباثفايندر يتغسل مرة وحده في الاسبوع بصابون خاص لغسيل السيارات وممكن اكثر من كده اذا كان الجو غبار او دخلت في طين
السيارة الثانية ما تتغسل الا في الشهر يمكن مرة ( الرانجلر ) اصلاً بويته معدومة يعني يتغسل كأنه ما اتغسل اما التنظيف الداخلي بنفسي اسويه ولا احب احد يسويه غيري لانها سيارتي وانا ادرى بالتفاصيل ومن الخارج السواق يغسلها. ان شاء الله با انزل موضوع عن تنظيف السيارة من الداخل بطرق بسيطة وغير مكلفة جداً وفعالة جدا جدا :) :) |
ابو لين:confused: بالعكس عندنا بنات بالسعوديه يحبون السيارات موووووووووت عندك انا مثلا العايله كلها من اولها لاااااخرها سيارات وتحب السيارات :D الوالده تبي بي ام من زمااااااااان انشاله اكد تكسي واجيبه
الا الوالد .....اشك انه يحب السيارات بس مايبي يعترف بس انا صدته والا اشلون اختار سيارته بدون لايستشير;) (الوالد يحب التويوتا والحين تطور بالاونه الاخيره اللكزس) تصدق مره كنت طالع انا وخويي واخوي الصغير عمره سنتين الراشد كان محل الالعاب على اليمين وفيه سياره على اليسار راح للسياره على طول :banana: وهو يقول سلاله سلاله......يعني سياره:laugh: الظاهر اني طولت بس بلنسبه للغسيل انا سيارتي ماغسلتها لي شهر وعليها تدرون ليش......:confused: لانها مصقوعه بالوكاله تتصلح :cry: :cry: :cry: بس انا بصراحه اشوف ان غسيل لسياره اسبوعيا بالمغسله شي حلو يعني كل اسبوع اغسلها مره يوم الربوع:D:D |
| الساعة الآن » 01:35 PM. |
Powered by: vBulletin Version 3.0.16
Copyright ©2000 - 2026, Jelsoft Enterprises Ltd.