قررت اشتري سياره غير الافالون
 

اهلين شباب كيف الحال
ان شاء الله بخير
---
طبعا عرفتو اني سويت حاثد بسيارتي الافالون
الحين هي بالوكاله وراح اصلحها على التأمين
السياره باقي لها فتره ويخلصون منها
قررت اني راح ابيع الافالون واطلع سياره غيرها
الفتره هذه انا محتار بين 3 سيارات
انا اقولكم وش هم
---
1- كرايزلر 300M

3.5 لتر
6 سلندر
250 حصان
-------------------------
2- كرايزلر PT CRUISER

2.4 لتر
4 سلندر
150 حصان
------------------------------------------
3- ساب SAAB 9-3 Convertible

2.0 لتر
205 حصان قابل للتلغيم بنفس الوكاله وتوصل الى 250 حصان

بالله شباب عطوني رايكم بالثلاث السيارات الي فوق

السلام عليكم ورحمة الله وبركاته أخي الكريم
 

أول شيء أنا زعلان وشرهان عليك ..;)

يعني الحين حنا مقاطعين المنتجات الأمريكة بالذات . من طعام وشراب ..حسب الإستطاعه ..وهي مبالغ بسيطه ..

وتجي وتفكر مجرد تفكير إنك تشتري سيارة بمبلغ كبير .. يعني بالله عليك تدفع هالمبلغ للأمريكان الله يخسرهم ..:(

تكفى أخوي تراي أمون عليك .. يعني من ترك شيئا لله أبدله الله خيرا منه ..:rolleyes:

وبعدين الm300 بصراحه راحت عليه والله .. اليوم تشريه بمية ألف . وبكره تبيعة بستين ألف .. وسيفتي ماكو .. هلا كيف حالك ..:D

أنا برشح الإختيار الثالث ..لأن مافيه غيره .:p

وبعدين ترى شفتها الأسبوع الماضي بالوكالة بشارع التحلية . والله لي فتره أفكر أشريها .. يعني يمكن يمكن نصير إثنين مكشوفين :D

بس بأقترح عليك بعد عدة سيارات ..

مثل الAUDI A4 والله حلوه دامك تفكر تاخذ سيدان ..

ولاBMW الفئه الثالثه كوبيه . تلقاها بالوكاله بشارع التحليه .
سعرها 108000 مسوين عليها عرض ..
أنصحك تشوفها ...:rolleyes:

انا قلت الي عندي والشباب أبخص ..بس لا أحد يقولي إشتر أمريكي ..:mad:

وأكيد بيقدمون لك النصيحه بإذن الله ..

آسف على تحيزي ضد الأمريكي ...بس يا إخوان الحين بيضربون العراق ..

يعني لهم أكثر من عشر سنوات وهم يسرحون ويمرحون بالخليج ..
تحسبون ببلاش ...والله ماهد ميزانيات الدول الخليجيه إلا وجودهم فيها ..

نعم للمقاطعة ..:D

عبدالعزيز

هلا والله ب سميي عبدالعزيز
كيف ان شاء الله بخير
زمان عنك بالماسنجر
---
ان مثلك ارشح الخيار الثالث عشان انها كشف
وان شاء الله الله يجيب ايل فيه الخير

AVALON2000XLS
 

اول شي سلامات
ثاني شي
انت فقط حدد المبلغ اللي تستطيع دفعه وابشر بالخير

لكن امريكي بتاتا مانصح فيه وخاصة ان كرايسلر قطع غياراها نااار غير ان سياراتها ماهي ذيك الجودة


لا تنسى حدد المبلغ المقدور عليه لان امامك خيارات كثييييييرة

السيارات إللي ذكرتها مختلفة من ناحية الفئات والأسعار.....

يعني لو تحدد فئة معينة ممكن نعطيك الأفضل "على الأقل في تصورنا".

هلا والله اخوي S8
يعني السعر يكون في حدود ال 140.000 ريال
---
هلا بيك اخوي NFS
صح السيارت الي حطيتها فئات مختلفه
بس كل وحده عجبني فيها شي
مثلا ال300M
شكلها حلو وداخليتها بعد حلوه وقتها 250 حصان ودفع امامي
----
السياره الثانيه PT CRUISER
عجبني فيها شكلها خصوصا ان مافي مثلها بالرياض غير 3 بالضبط
وهذا شي حلو عشان حتى لو نزل موديل جديد ما حد راح يلاحظ انه تغير شي بالموديل الجدي والقديم
-----
اما السياره الثالثه
فالي حببني فيها
انها كوبيه وغير كذا قوتها حلوه وغير كذا سويديه
يعني الامان فيها مره مره مره ممتاز
انا سويت test drive ل ساب بس نوع عادي 150 حصان
تسارعها مره كان فضيع
و breack system مره ممتاز بدرجه خياليه
في نوع من الساب 4 سلندر + فل تيربو
يعطيك 250 حصان
الي يشتغل بالوكاله
يقول ان النوع هذا اسمه ( ايرو ) يتقارن بال كابرس والومينا ال ( اس اس )
من جد تسارع السياره فضيع
لدرجة اني ما صدقت ان السياره 150 حصان بس
اتوقع اني لو تسابقت بسيارتي مع الساب هذه النوع العادي (150 حصان )
راح يكون فرق كبير مره لصالح الساب

طيب حلو
 

اعتقد مبلغ كهذا راح تنطوي تحته سيارات كثييييييرة جدا

شوف اذا كنت تريد سيارة فخمة وممتازة ورخيصة بالمقارنه بما ستأخذه وماتقتنيه من تقنيه متوفره لها
فانا اشوف لك سيارة بيجو 607
لكن تأكد انها ليست للسرعة والتسارع لانها وبكل بساطة ثقيله وعلى محرك 3 لتر و210 حصان
وسعرها فقط 110 الاف
وبقائمة طويله جدا من التجهيزات والمواصفات واولها 8 ايرباق:)


سيارة جدا مميزة وانسى انك تشوف واحد زيك في الشارع
يعني كلللل الانظار اليك
واسأل مجرب:cool:

والله ياخوك اذا انت مصمم على انك تشتري احد هذول السيارات انا انصحك بهذي لانها كشخه او اكثر وحده فيهم رزه

أيش رايك تضيف إلى القائمة سيارتين إضافيتين؟

أنت تحب الهاتشباك؟

أيش رايك في السيات ليون 1.8T؟

السيارة حلوة مرة ، 4 سليندر و 180 حصان توربو قير عادي 6 سرعات.......

وأهم شيء السعر:

مع كامل التجهيزات بـ65,000 ريال بس.

وعندك خيار ثاني :

السيفيك تايب آر الجديد.
محرك i-VTEC الجديد و 2 لتر بقوة 200 حصان وقير 6 سرعات

والسعر بيكون في حدود 75,000 ريال بتنزل خلال الأشهر القادمة عند الوكيل.


الشيء إللي عاجبني في السيارتين هو السعر + الشكل + والأداء الغير متوقع "كثير من الناس يسخف بأداء السيارتين هذي بس يبغالك تشوف وجههم بعد ما يشوف إلا غبار السيارة :D "....

NFS
انت متأكد ان عبدالله هاشم راح يتصدق علينا باحضار السيفيك تايب ار؟:eek:

هلا
اول شي لا للأمريكي
ثاني شي الكرايزلر خرطي واسعاره حتى اغلى من الاودي!!!!!!!!!!!!!!!!!!!!!

بالنسبة للساب جيدة الصراحة!! بس يبيلك تتأكد من الوكيل ، لانو القطع الغيار جمر مو بس نار ودايما طلبيات من السويد!!
وانتبه انو شركة ساب مملوكة من قبل GM :D :D

ب 140 الف تقدر تشتري الفئة الثالثة من بي ام دبليو! شوفها احسن ، ويمكن حتى الفئة الخامسة بعد







:( :rolleyes:











NFS
شوف الحلاوة!! الفرق 10 الاف ريال بين سيارة يابانية"هوندا" مع سيارة المانية "تقريبا" بتجميع اسباني!!!!!!!!!!!!! لا وبتقنية VW
غير الفرق في الجودة والامان والثبات و"العزم" الخ الخ الخ ....بال10 الفا ريال تقدر توصل الليون الى مراحل مو معقولة وقوة فوق ال250 حصان :)

تحياتي

أرضى بالقرد لايجيك الي أقرد منه :D




على العموم أنصحك بـ

مرسيدس E240
أو
لكزس ES
أو
البيجو 607 وإن كانت مكلفة في الصيانة بشكل كبير

هل كون السيارة يابانية صارت عيب؟

عند التكلم عن الجودة : الهوندا أفضل من الـVW في الـQuality والـReliability عندك مجلة Consumer Report شوف مين المتصدر.

وحكاية العزم ، أنت سمعت عن شيء أسمه i-VTEC وأنت شفت الداينو للسيارة؟؟؟

أنا أريحك وتفضل هذا هو الداينو:



المصدر

وعن تقوية المحرك ، مو كل الناس تهتم لهذا الشيء........

الـReliability يجوز
بس الـQuality ، لا حبيبي قوية دي!!!!!!!!!!!!!!!!!!!!!!
ركبت "بولو" وركبت سيفيك صح؟ احكم انت بقى ، وافحس السياراتي من فوق لتحت وشوف اي وحدة هي الـQuality


وحكاية البتاع i-VTEC والعزم
انت سمعت عن ال 1.8 توربو!!:confused: :D

اخ افالون
 

انت تبي سياره اي كلام الكليزلر ترها كلام فاضي وديكوراتها من الرخيص وقطعها ممكن تكون اغلا من الارسيدس والكزس والسيارات الكبيره بس خذ نصيحتي ولك الاختيار
1- اذا تبي سياره حلوه وقطعها رخيصه وقويه وتتحمل الكرف مالك الي لكزس GS ,ولا ES الاسعار ES بحوالي 110000 اذا ما رخصت و الGS 135000
2- اذا تبى الفخامه الاكثر ولاناقه وجذب الناس وقطع غيار اغلا من الكزس وتخاف عليها ويبالها محافظه اكثر من الكزس او من غيرها عندك BMW 520iA بحوالي 136000 سته اسرندل 2.2 لتر
3- واذا بغيت نوع من الفخامه والقوه وقطع ممكن ارخص من BMW بس اغلا منها كلها سعرا و اذا كان ماتحب المرسيدس ممكن تبطل ولا لوكان تحبه لا تفوته عندك E320 سته سرندل 3.2 لتر بحوالي 155000
اما بنسبه لسيارات الي عرضتها مو داخل مزاج بس من نحيت الشكل الا اول وحده وبصراحه لو اشتريتها راح تكون خسران بنسبه لي


ومعليش على الاطاله
والله يوفق لشراء السياره المناسبه لك

اقول يا اخ AVALON2000XLS
عليك با الساب بس شوف 2003 لان 3-9 راح تتغير كليا 2003 وراح تكون شئ خيالي وعلى حسب كلام الوكيل يعني هذا الشهر او الشهر الجاى راح تنزل واذا كان تفكر في حدود 140 الف فعليك با 5-9 ايرو سعرها 120 الف تقريبا 250 حصان وتسارعها من صفر الى 100 تقريبا 5.5 ثانية

السلتام عليكم ورحمة الله وبركاته
 

ههههههههههههههههههههههههههههه
كيف حالك اخوي افليون ان شاء الله تمام

عز الله اللى مابتشترى ولا سيارة هههههههههههههههههه

شوف خل رايك شخصي وصريح في سيارة واحدة وحددها بعدين اسال الناس عنها .............


ويعطيك العافية

عزيزي افالون
 

بس اقولك شي واحد: حد يطلع من الجنه للنار؟؟
الحين انته مرتاح و تبغي تعور راسك؟
انا مع راي اخوي NFS بانك تغض النظر عن اللي في بالك لاني ما انصحك بهم.
هناك العديد من السيارات اللي تستاهل الواحد يشوفهم بس قولي شو المميزات و المتطلبات و نحن ندور لك بس لا تبهدل نفسك مع الشي الغير مضمون؟؟

عزم الـ1.8T


عطني الداينوغراف لهذا المحرك وخلينا نشوف كيف "تكنولوجيا" VW قدرت تستثمر هذا العزم "الهائل":cool: ;)

AVALON2000XLS

اذا تبغا الصدق .. بصراحة ولا وحدة من اللي انت حاطهم ممكن تصلح !

تبغا نصيحتي ..

اصبر شوي .. وخذلك أكورد كوبيه 6 سلندر .. قير عايدي 6 سرعات .. و 240 حصان :)


وما راح تندم أبد :cool:

M5

الأكورد الجديدة غير متوفرة بجير عادي لموديل ال 6 سليندر وأنا متأكد من ذلك

لكني لاأذكر المصدر بالضبط

ويمكن هذا هو المصدر
،،، دور ويمكن تحصل

http://www.hondanews.com

وأنا متأكد من موضوع الجير العادي
العادي متوفر في الأربعة سليندر فقط


وأوعدك اذا حصلت المصدر اجيبه ان شاء الله

:D


تحياتي للهنداوية:D

أولا الحمدلله على السلامه ياأخ افالون .





أما بخصوص السيارة أنصحك بالساب لكن الظاهر اسمها ساب 5-9 مش 3-9 والساب الـ 5-9 النوع السبور اسمه ايرو وقوته 250 حصان بدفع أمامي وقير أوتوماتيك بخمس سرعات أما المكينه فهي 4 سلندر سعه 2.3 لتر توربو .




وهي سياره قويه جدا جدا جدا وفيها مميزات حلوه بعد مثل نظام الرد على المكالمات من خلال المسجل .

وعلى فكره لاأحد يقارن اللومينا والكابرس الأس أس بالساب لأنه لامقارنه بينهم في التسارع والخط ..... لصالح الساب طبعا .


أما بالنسبة للسعر فسعرها حاليا 110 الآف والدفعه الجاي راح تنزل زينون ........ وعاد لو أنت رياضي 100% وتبي تكسر هيبة اللومينا أس أس والكابرس بقوة واقتدار اطلب ايرو قير عادي <<< ( حريقة ) .


ولاتنسى أن شكلها جذاب جدا ورياضي وركز على المقاعد والجنوط الـ17 بوصه .



بالنسبة لزيت السياره فهو يتغير كل 10 آلاف كيلو ... وخدمة الوكالة ماأعرف عنها شي ... لكن بعد أو تشيكيين في الوكاله يعني بعد اول 20 الف كيلو ..راح تدفع مع كل تشييك 1500 ريال وهم يغيرون لك الزيت والفلاتر والفحمات ( القماشات ) حقت البريك ... وتشييك من الصدام إلى الصدام .................








ولا تنسى عندك سياره حلوه هي الفولفو S60 .. القوة 250 حصان ويوجد تلفون والقير تيبترونيك


ولله يوفقك

كابريس
 

كل اللي أتمناه منك يالحبيب انك تعرف تقرا انجليزي :rolleyes:

هذا المصدر يقول :
" This six-speed manual transmission will be standard in the EX V6 Sport Coupe model..
which is due to arrive after the first of the year. "


وهذا مصدر ثاني يقول :
" A new V6-powered Accord Coupe equipped with a 6-speed manual transmission will be available early in 2003. "




تحياتي لك يالكامرياوي :cool:

يمكن المقصود الأكورد السيدان لن تكون متوفرة بجير عادي من 6 سرعات

أما الكوبيه ستكون متوفرة حسب المصادر التي ذكرتها


يمكن ماانتبهت


آآآسف
:D

تحياتي للهنداوية;)


ولآهل الهنداوية:D

هلا اخوي AVALON2000XLS
شوف انت ماخبرتنا يعني تبي سياره للفخامه او سياره بتاع كلو او سياره غريبه مميزه او سياره اهم شي فيها التسارع
يعني يهمك اكثر شي التسارع او الفخامه او الشكل او القوه..

عموما دام المبلغ اللي وياك 140000
مبلغ محترم فأنا اعطيك خياراتي لو كنت مكانك
لكزس GS300 2003
سعرها تقريبا 140000
....................
BMW 520iA
سعرها زي ماقالوا الشباب 136000
...................
هوندا اكورد 2002 V6 كوبيه او سيدان
سعرها مايتعدى 100000
..................
:) :p

عموما الخيار اولا واخيرا لك لكن هذي السيارات اللي بالبال لو كنت مكانك :)

بالنسبه للسيارات اللي عرضتها احس مافيها يعني سياره مقبوله ومعروفه الا


ام الباقيات ماادري عنهم


تحياتي لك:)
حبتين:D