سوالف للجميع (http://www.swalif.com/forum/index.php)
-   ســـوالف الــسيارات (http://www.swalif.com/forum/forumdisplay.php?f=69)
-   -   أبي رايكم يا شباب في BMW 745 IL ؟ ضروري جدا (http://www.swalif.com/forum/showthread.php?t=202470)

MYBACH 62 13-12-2004 03:03 PM

أبي رايكم يا شباب في BMW 745 IL ؟ ضروري جدا
 
أبي رايكم يا شباب في BMW 745 IL ؟ ضروري جدا .

أنا ناوي إن شاء الله أشتري هالسيارة خلال أيام قليلة لكن المشكلة اللي تواجهني إن سمعة ( بي ام دبليو) شوي تعبانة بسبب المشاكل لكن ربما تغيرت هذي النظرة في الموديل الجديد ....... لكن الأهم هو رايكم ومشورتكم يا شباب . وإذا إتضح لي من خلال كلامكم إنها راح تعبني بمشاكلها راح إن شاء الله آخذ لكزس LS 430 وهذي السيارة كمان حلوة وتستاهل ولا عليها كلام لكن حبينا نروح لـ ( BMW ) أولا ... وأتمنى أشووووف ردودكم . وشكرا

HAMANN.de 13-12-2004 03:40 PM

هلابك اخوي انا ابصراحه اسمع الشباب يتذمرون من ال bm مع ان اغلبهم ماجربوها انا باكلمك عن نفسي
اول سياره BM اخذتها كانت 730i وارد المانيا استعملتها 8 شهور وكانت معاي عال العال
وبعدها بعتها لانها كانت عاديه واخذت 735il مو98 كامل المواصفات وهاذي استعملتها سنتين ومابدلت لها الا زيوت وبلكات(بواجي) وبعدها خذت X5 4.4i استعملتها10 شهور وبعتها لاني سويت فيها حادث جامد وبعتها بعد ماصلحتها لانهي كرهتها بعد الصبغ والحين غيرت ورحت حق اختها البورش وابصراحه سواقتها ماشالله روعه

1100R 13-12-2004 04:12 PM

إقتباس:
رد مقتبس من HAMANN 5.0
هلابك اخوي انا ابصراحه اسمع الشباب يتذمرون من ال bm مع ان اغلبهم ماجربوها انا باكلمك عن نفسي
اول سياره BM اخذتها كانت 730i وارد المانيا استعملتها 8 شهور وكانت معاي عال العال
وبعدها بعتها لانها كانت عاديه واخذت 735il مو98 كامل المواصفات وهاذي استعملتها سنتين ومابدلت لها الا زيوت وبلكات(بواجي) وبعدها خذت X5 4.4i استعملتها10 شهور وبعتها لاني سويت فيها حادث جامد وبعتها بعد ماصلحتها لانهي كرهتها بعد الصبغ والحين غيرت ورحت حق اختها البورش وابصراحه سواقتها ماشالله روعه


صحيح كلامك:glasses2:

اضيف ان البي ام تحتاج منك عنايه بسيطه بس(تسخنها قبل ماتمشي ,ماتسرع على المطبات...

يعني اشياء بسيطه


وصدقني لوسقتها محا تقدر تسوق غيرها ((ادمان
:D :D :D

قلق و رجه 13-12-2004 04:13 PM

والله السيارة ما عليها اي كلام
بس اهم شي انك تنتظم في التشيكات في الوكالة
وبعد كذا توكل على الله

على العموم مبروك مقدما واهنئك على هلإختيار

حبوب بوظبي 13-12-2004 04:53 PM

البي ام ....
إذا انته انسان رايق ... وما تسوقها إلا كل خميس ... وتاخذلك لفه وترد البيت
لاكن ... إذا انته راعي مشاوير وخطوط ... فما انصحك..

يعني مثل ما قال 1100R ... لازم تعتني فيها


RED Chevy 13-12-2004 06:46 PM

زين بس اللكزس شكله احلى بنفس المواصفات تقريباً لكن الهيبة والرزة للبي ام بدون منازع:cool:
اذا تبي نصيحتي مالك الا A8:black:

boos_2005 13-12-2004 07:15 PM

الصرحه حيرة البيم عدل واللكزس هم عدل لكن بصرحة يقولو الكزس أحسن من البيم

هدا الي سمعته على العموم الله يوفق:)

عاشق الهوندا 13-12-2004 07:23 PM

الله يوفقك في السيارة اولا

المهم,,

البي ام احيانا تكثر فيه المشاكل وهذا العيب اللي فيه
واللكزس ماعليه اي كلام

والراي الاخير اليك عزيزي

بالتوفيق,,,,:glasses:

EL_3grab 13-12-2004 08:29 PM

ياخي .. بي أم .. كيف تقارنها بلكزس ..

وين مواصفات هاي وهاذيج ..

حنا خذينا 735LI من سنه 2002 وللحين ولا خرابه والله ..

ومنكثر ما حبينا السيارة خذينا 760LI .. عالم ثاني يختلف عن الـ745LI ..

السيارة قمه في كل شي .. سواقه .. خطوط .. أداء ..

مشاوير ولا غيرها تنفع لكل يوم ..

مالك غيرها .. توكل على الله ..

والله يباركلك فيها ...

صح وسالفه الأهتمام ... هي في كل السيارات مب البي أم بس ..

لازم بشكل دوري .. يعني على كتيب التشييك ..

كل السيارات لازم تبدلهم الفلاتر بكل أنواعها ..

الزيوت باماكن تواجدها ..

الشمعات وغيره من قطع الغيار المستهلكه ..

وسيارتك بتم تمام التمام والله ..

وتحياتي :banana:

s_sfs 13-12-2004 08:30 PM

المهم الله يفوقك اذا كان اختيارك اللكزس او الbm

الbm اذا بدلت علله فلته

واللكزس ما عليه اى كلام

المميز 14-12-2004 09:33 AM

رأيي
 
بسم الله الرحمن الرحيم
السلام عليكم ورحمة الله وبركاته

البي ام ممتاز وسيارة عملية جدا جدا وسبق أن كان معي 98 ألماني استمر معي 9 شهور والحمد لله بدون مشاكل وكذلك 99 جربته واسافرت عليه وكان ممتاز وكذلك مع أحد الأخوة 2002 735 ممتاز جدا ...

بالنسبة للوكيل في السعودية عمل عرض رائع جدا 5 سنوات الأولى ما عليك إلابنزين السيارة على حد قولهم لي ...
وأنا سألت أمس الأثنين عن 730 طبعا ستة سلندر قال القصير ب 220 الف ريال والطويل قرابة 246 الف ريال يعني سعر جميل مرة وأقل مشاكل مره وشاملة الضمان ال 5 سنوات...

على العموم توكل على الله وصل الإستخارة عند كل أمر وعند الإقبال على شراء سيارة...
وأنا بالنسبة لي أفضل البي ام دبليو ...

نصف الناس اللي ينصحون بعدم شراء البي ام صدقني لم يجربوه...

FSM 14-12-2004 11:58 AM

Re: رأيي
 
إقتباس:
رد مقتبس من المميز
بسم الله الرحمن الرحيم
السلام عليكم ورحمة الله وبركاته

البي ام ممتاز وسيارة عملية جدا جدا وسبق أن كان معي 98 ألماني استمر معي 9 شهور والحمد لله بدون مشاكل وكذلك 99 جربته واسافرت عليه وكان ممتاز وكذلك مع أحد الأخوة 2002 735 ممتاز جدا ...

بالنسبة للوكيل في السعودية عمل عرض رائع جدا 5 سنوات الأولى ما عليك إلابنزين السيارة على حد قولهم لي ...
وأنا سألت أمس الأثنين عن 730 طبعا ستة سلندر قال القصير ب 220 الف ريال والطويل قرابة 246 الف ريال يعني سعر جميل مرة وأقل مشاكل مره وشاملة الضمان ال 5 سنوات...

على العموم توكل على الله وصل الإستخارة عند كل أمر وعند الإقبال على شراء سيارة...
وأنا بالنسبة لي أفضل البي ام دبليو ...

نصف الناس اللي ينصحون بعدم شراء البي ام صدقني لم يجربوه...



كلامك 100 %.....
والبي ام الجديد .... يختلف عن القديم 360 درجة :)
من ناحية المواصفات والجودة ...

يعني شي خيالي ... وهذي من تجربة ...:glasses2:

الكزس سيارة ما عليها كلام .......

لكن ما تقارنها بالبي ام ....خصوصا 745 :black: ... فرق السماء عن الارض :shock2:


واحس شي بالبي ام الجديد زي ما قالوا الاخوان ...... 5 سنوات ضمان .. ما عليك الا من البنزين !!!!


توكل وخذها :banana:

TOP-SECRET 14-12-2004 03:43 PM

مع اني من محبي لكزس 430 وفخامتها

لكن اقولك مافيه مثل الألماني في الفخامه والرزه

واستخير ربك وفالك طيب

عين الحر 21-12-2004 12:11 AM




توكل على الله


وهذا كلام واحد يستخدمها الحين



:cool: :cool:

والالماني :banana: :banana:

_z06_z06_ 08-07-2009 09:11 PM

نصيحه نصيحه نصيحه

انا معي 2004 745

نصيحه من اخو ابعد عن الشر وش لك فيه اسئل مجرب

والله بلشان فيها وانا احافظ عليها بعيوني

ومو بس انا حتى زملائي مطلعه لهم الشيب

توني مطلعها من الورشه

دينمو كهرب 5800 ريال+رديتر ماء 2700+ ليات الثلاجه الصغير 500+بطاريه 1700 ريال

وقبلها بــ20 يوم كانت بالورشه مساعد خلفي

واللي قالك حافظ عليها بالوكاله الوكالة اقل تشييك 2500 ريال ونصابين يرزعونها بالشمس

وبعدها يقولك شييكنا عليها وغسلناها لك

وربي بهذله مخصص راتب لها ابي الفكه منها سياره تاخذ ماتعطي وش لك بالهم

خذ راي اخوك اللي قال اللكزس وربي اللكزس سيارة ولا بعدها سياره




وشكرا

بشاير 09-07-2009 07:59 AM

ما شاء الله بعد أكثر من أربع سنوات تسجل رأيك أخي _z06_z06_

لكن كما قلت البي إم دبليو لا ينصح بشرائها وكل من اشتراها لم يكمل بها سنتين

أما اللكزس فمجموعة كبيرة أخذ من جميع أنواعها وأنا معهم ... وحتى عندما أرادوا التغيير أخذوا الموديلات الجديدة منها

وهي فعلا كما قلت (اللكزس سيارة ولا بعدها سياره)

_z06_z06_ 12-07-2009 09:30 PM

ماعليش ماسلمت ولا شي وانا اسف على انقطاعي المده هاذي كلها

اربع سنوات كنت بوضع لا احسد عليه والحمدلله على كل حال

وارجو المعذره على تقصيري

شكرا على الملاحظه

بشاير 13-07-2009 10:37 AM

حياك الله أخي الفاضل _z06_z06_ والدار دارك

الله يهون عليك كل عسير وييسر لك أمورك

ونتمنى أخي الفاضل مشاركاتك دائما ويانا في سوالف البيت الكبير

_z06_z06_ 13-07-2009 08:04 PM

شكرا


الساعة الآن » 10:24 AM.

Powered by: vBulletin Version 3.0.16
Copyright ©2000 - 2024, Jelsoft Enterprises Ltd.