مدري وش جابني ..!!
السلام عليكم ورحمة الله وبركاته
تحية خاصة لأهل الطرائف ... أخوكم نواف لو تذكروه كان عضو على قد حاله .. مدري وش جابني لعندكم .. حنيت لأيام أول ..أيام الأخوة والصداقة والمواضيع الحلوة .. أيام القصص والمقالب .. أيام لمن كنت أصحى في منتصف الليل أكتب قصة للأعضاء وأرجع أنام ... أيام حروب ومشاكسات وردود ما تنسى ... ومع ذا مدري وش جابني ... يمكن علاقتي أنتهت بالمنتدى من زمان لكن من هنا بدأت علاقات حميمة ومخلصة لبعض الأخوان أصبحوا أكثر من أصدقاء .. ونبعت من هذا المنتدى .. كان المنتدى بيت ثاني وكان يحتل جزء كبير من حياتي .. فجأة انكسرت أشياء كثيرة ولملم كثير من الأحباب وألعضاء عفشهم ومشيوا ... وانكسرنا وكرهت كل المنتديات ... ملايين المنتديات لم أجد منتدى له طعم ... لم أفرح بمنتدى مثل سوالف ... قضيت فيه أيام حلوة في البداية ... ورشحوني الأعضاء للإشراف وقضيت فترة وتركت الإشراف .. ورجعوني مرة ثانية .. وكنت أعمل بإخلاص وأخاف الله في المسئولية .. لكن كلها تحطمت ... وخسرنا أشياء كثير بنيناها ... أحبك يا منتدى سوالف وأكرهك في نفس الوقت لم أعلم أنني سأحمل مشاعر حب وكره في نفس الوقت لشيء ما .. فقدنا كل شي ... بس عزاي إني ما خسرت الأصدقاء اللي فيه ويجوني من أماكن بعيدة ... ما انسى الأعضاء اللي حضروا حفل زواجي ... كيمو ... وجهاد ... وأخص بالذكر حبيب قلبي أبو غادة اللي جا من الرياض لحضور حفل زواجي ... يكفيني هذا يا منتدى سوالف ... يكفي كسب شخص يأتي من بعيد ليحضر زواجي ... ماعاد أبغى شي منك .. ومني عارف أنا ايش جابني هنا ... وقلبيب مكسور منك ... :cry: تحية خاصة جدا ... لكل اللي لهم معزة في قلبي... :glasses: |
حياك الله نواف بن احمد
حبيت اقولك اني من فتره الى ثانيه ادخل المنتدى واشوف في احداث جديده او لا الفتره تكون من شهر الى شهرين واحاول ما اقطع بس الاقي مجموعه جديده ماعرفهم انزل موضوع واطلع بس كنت دايم اتمنى اننا نرجع لهلمنتدى لان من جد دورت منتديات واجد بس مايعجبوني ادخل واطلع فيهم :geek: :geek: اتمنى التوفيق للكل وتحياتي للجميع |
السلام عليكم ورحمة الله
يا هلا والله بنواف ولد عم خالة أم احمد , , تحية خاصة من كتيبة الطرائف للخيل العربية الأصيلة :knight: :knight: :knight: :knight: :knight: :knight: :knight: :knight: :knight: :knight: :knight: لحظة :25: ! :knight: << حصان لوبيز مضيع الدرب تحياتي , , أبو غادة |
السلام عليكم ورحمة الله وبركاته
هو الشـوق ما يعيدني الى صفحات المنتدى اتصفح مواضيعه واتجول بين أقسامه أرى وجوها جديدة وأتذكر الوجوه القديمة ...نعم لم أنسى اللحظات الجميلة التي قضيتها بين صفحات هذا المنتدى الغالي ...سررت كثيرا عندما رأيت موضوعك أخي نواف فهاهنا شيء من الماضي.... لم أنسـى قصصك ومواضيعك المتميزة :shy: أنا أيضا كانت اخر مشاركاتي في عالم المنتديات هنا ...فسوالف كان بيتي الأول والأخير تحيـــاتي |
اهلين وسهلا بيك نواف والله شتقنا لسوالفك يا شيخ
فيه اعضاء اعتقد بانهم نسو سوالف ما اريد اذكركم بالاحباب في سوالف لكن والله فيك الخير يا نواف تتذكر سوالف تحياتي لك |
حيالله الشباب أسفرت وأنورت :)
وتحية للشيخ نواف بن أحمد مادري يتذكرني ولا ناسيني :think: والله هيجت في القلب الأحزان وحركت المشاعر في الوجدان :( <<<< الزعيم يقول كلام كبير :blink: على العموم نتمنى عودة القسم مثل ما كان :) تحيات الزعيم |
السلام عليكم ورحمه الله وبركاته
كل عام وانتم بخير جميعاً تصدق يانواف اول ماجاء طاري رمضان تذكرت سوالف وايامه الرمضانيه اللي قضيناها فيه غير كذا انه مر رمضان وانا كنت مشرف وكانت مواضيع المسابقات والترشيح كلها على راسي كانت مواضيع متميزه فعلاً من الأعضاء الله يرحمك ياسوالف انتكست من بعد إلتزامك الله يهديك ويرجعك لصوابك اجمل تحيه اخوكم كيمو نقيب سابق في احد الحروب الأهليه برايفت © MATCHLESS حصان لوبيز تراه حمار مو حصان بدري عليه يشتري حصان ، واذا يبغاه تراه عندي رابطه بأذانيه |
السلام عليكم ورحمة الله وبركاتة
كل عام وانتة بخير وبصحة وسلامة يارب والله كل ما ادخل سوالف اقول ان كل شىء تغير وين ايام كنت اقضيها فى هذا المنتدى , ادخل من البيت من الكلية عشان اشارك ولكن الوضع تغير .. تعرفنا على اخوان واستفدنا شغلات كثيرة وان شاء الله الكل بصحة وسلامة يارب فى امان الله |
الله الي جابك انت ذلحين لازم ترجع للمنتدى
اعذرني على تطفلي لكن انا اعرفك قبل تعرفني انا من المعجبين بك لأني دايم اندهش من مواضيعك الحلووووه كمان انا كنت ابغي اسجل في سوالف من زمااااااان لاكن ماقدرت الا قريييب. |
السلام عليكم ورحمة الله وبركاته...
فعــلاً أخي نواف ...كانت أيامكم حلوه وكنت أتابعكم ... أيامك ..وأبام ماتشيلز ..ولوبيز .. وأبو الفياصل ... ميس اكتيوبس ... والكل.. حبيت المنتدى منكم ... وتمنيت اني اسجل معكم ونكون شله وحده ... بس كل مره يفوتني التسجيل وأكتفي بمتابعتكم... لدرجه كنت أشكر أخوي لأنه عضو بينكم وهو اللي عرفني بالمنتدى ... صحيح المنتدى تغير عن أول يوم كنت أتابعه كنت أتمنى إني أكون عضوه فيه... والحين أحسه بارد مو مثل أول... ربنـــــا يوفق الجميــــــع... وكل عام وأنتم بألف خيــــر.. |
يا هــــــــلا والله بنواف :good:
اسف على تأخري عن الرد ------> (مشرف على الفاضي :D ) اخوى نواف بالنسبه للمنتديات فأنا شخصياً تشبعت منها بمعنى اني ماصرت احب ادش المنتديات والمشاركة فيها :aoh: ولكن عند مشاهدة المواضيع القديمة والرائعة التي تحمل اجمل الذكريات اتراجع عن هذا القرار وأحن إلى المنتديات والكتابة والمشاركة فيها ، وعندما اعزم على كتابة موضوع ما يعود إلى شعور التشبع ولا أدري مالسبب -------> ( الظاهر يبغالي اراجع دكتور القوى العقلية المركزية في الاكواع :Sad2: ) عموما كم اتمنى رؤية مواضيعك يانواف ومواضيع مميزة من قبل الاعضاء القدامى والجدد تكون في غاية الروعه والتجديد :rolleyes: والسلام عليكم |
:help:
باااك العميييد داريين انك مشرف مسخره مايبيلها كلام :lol: نوااف الا صحيح وش جابك هنا :think: ونا بعد :anger: فالاخييير :help: |
| الساعة الآن » 03:38 AM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.