سوالف للجميع
(http://www.swalif.com/forum/index.php)
- قسم الحلويات والكيك والبسكويت
(http://www.swalif.com/forum/forumdisplay.php?f=36)
- - الكلاج وصل يا حلويين
(http://www.swalif.com/forum/showthread.php?t=233374)
الكلاج وصل يا حلويين
الصراحه هذا السويت من يوم كنا اصغار والوالده الله يطول بعمرها ان شاء الله اتسويه حقنا وما شاء الله ما يتم منه شي على طول يخلص وحبيت اقدمه لكم لأنه واااااااااااااايد سهل... الكلاج ............... أولا المقادير شوفوا اشكثر المقادير........  سمن وعجينة البقلاوه وقشطه الصفا بس الطريقه: انخلي العجينه خارج الثلاجه عشان اتذوب وبعدين طلعيها من علبتها بهذا الشكل  نحضر بايركس وندهنه بالسمن..  اقسم العجينه قسمين وهي تراها عباره عن شرايح فأحاول أقسمها من النص واحط قسم في البايركس  وادهنه بقليل من السمن  واحط عليه قشطة الصفا  وبعدين احط القسم الثاني واقطعه بالسكين وادهن الوجه بقليل من السمن وبحط الصور بالترتيب   ادخله الفرن لين يحمر  طبعا انا سويت الشيره قبل لا أبدأ بعمل الكلاج عشان تبرد لين أخلص لأنه لازم اصبها على الكلاج وهي بارده والكلاج حار .. وهاي طريقة الشيره ( وكنت حاطه الصور في موضوع بسبوسه بالقشطه) فنجان ماء + فنجانيين سكر ونضعه على النار حتى يغلي ثم نضع بعض من قطرات الليمون وقليل من الفانيليا.... وهنيه عقب ما صبيت الشيره على الكلاج  ونقطعه بالسكين ونقدمه وأول قطعتين بهدييه للأخ ابداع والأخت بشاير.....  ها شوراييكم بالطعم لذيذ ولا لأ؟؟؟ وهذا طبق ثاني لباقي الأعضاء  |
ياهلا بأختي الغاليه بيوتي شيك ..
الله يطول بعمر الوالده ويخليها لكم ويحفظها ان شاء الله .. والاكيد الطبق لذيذ وبرضوه سهل ماشاء الله تبارك الرحمن .. والاكيد الهديه مقبوله من يد مانعدمها .. يكفيني حضورك اختي بيوتي شيك هذا اكبر هديه لنا .. سلمت يداك من كل شر وانا في انتظار المزيد وهذا طمعنا فيك .. لاخلا ولاعدم والله يسعدك ويبارك فيك ويحفظك .. |
هذا والله من حسن حظي إني أكل من إيدك الحلوة يا بيوتي
ما شاء الله عليج أطباقج سهلة وشهية أقول شرايج أعزم نفسي عندج مرة ... بشرط أكون صايمة يومين قبل علشان استمتع بطبخج الحلو الله يحفظج ويديم عليج الصحة والعافية ويبارك لج في الوالده ويحفظها |
اولا انا زعلانة منك يا اختي بيوتي وين قطعة فوزية ههههههههههههههههه
تراه الحلوة حلوة بزااااف وسهلة التحضير اختي بيوتي تراه القسم منور بوجودك وتسلمين على اطباق الحلوة |
إقتباس:
الله يخليك أخوي ابداع وتسلم على الكلام الطيب .... :4: اسعدني تواجدك الدائم في مواضيعي...... |
إقتباس:
حياج الله أختي بشاير أنا في انتظارج شو رايج اتزورينا يوم الجمعه واشكرج على الطله الحلوه والكلام الأحلى ........... :) :33: ولا تحرمينا من مرورج الجميل...... |
إقتباس:
ليش الطبق الثاني لج لا تزعلين أختي كله ولا زعلج وتسلمين على المرور الطيب.......والقسم امنور بأصحابه....... |
بشاير انتظرتج اليوم وما زرتينا وكنت امسويه كلاج عشان اتذوقينه على الطبيعه...
|
إقتباس:
حبيبتي بيوتي ... سويتيها صج أكيد وانت تاكلين الكلاج تتذكريني الله ما يحرمني منج ويبارك فيج عسى الله يجمعنا مع بعض قريب بإذنه تعالى وتسلم إيدج اعتبريني كلته معاكم ... صحتين وهنا |
ان شاء الله حبيبتي .........
واكيد اتذكرتج ....والله يسلم غاليج ان شاء الله........ وانتظر زيارتج حبوبه................ |
| الساعة الآن » 04:57 AM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.