AshQ [قصيده] ملح القصايد AshQ
الإهداء : إلى روح الوالده الغاليه أم سعد ( رحمة الله عليها ) التي وافتها المنيه فجر يوم 18 شعبان 1431 هـ .. ~¤§ دنيا دنيه §¤~.. دنيا دنيه عشتها بالنكايد ما يوم ربي فكني من نكدها من طاح حولي حطني له سنايد وإن طحت ماحدن حالتي قد سندها دايم يبوني واقفٍ بالشدايد ناسٍ أنا [ عقب المهيمن ] عمدها عاده ,, تجلت فوق كل العوايد ونفسي على ما تريد ماحدن نشدها وأنا [ كسرني ] فقد ملح القصايد اللي رحلت ما شفت حتى لحدها واللي لها شوقي غدى حيل زايد اللي رحلت من دون [ تحضن ] ولدها كلا نعاها .. مو بوسط الجرايد كل [ العيون أدمت ] وكلا فقدها ويوم إن حبست الدمع كلي وقايد أصبِّر [ أختي ] وأشبك ايدي بيدها واقول : هذا يومها ,, وكل بايد بيجيه يومه وما بيخلف وعدها يمه فقدتك ,, منهو عقبك بعايد والعيد يصرخ : وش أبي بك بعدها يمه .. رحلتي قبل اسمع وكايد إني [ رضيتك ] في حياتك وأمدها يمه .. أنا [ بريت ] ولا الجحايد هي مني أكثر ,, نعنبو من جحدها يمه ,, عساك بجنةٍ للخلايد يا رب ترحمها وتوفي سعدها وانك تصبرني بحسن القلايد و [ أمي ] تغسّل في الجنان ببردها وتعين قلبٍ ما لقا له رفايد زادت همومه ,, ما درى كم عددها منهو يبيني ,, لا يدور فوايد و اللي [ الفزعات ] مانيب أسدها عشّاق لحفظ الملف الصوتي {على الجوال فقط و لن يعمل على RealPlayer 11 } اضغط بزر الفأرة الأيمن على الرابط أدناه واحفظ الهدف باسم .. (حجم الملف = 846 كليو بايت ) http://3ashaq.o-f.com/danya_deneyah.rm أو إضغط على هذا الرابط للإنتقال إلى صفحة تحميل ملف MP3 ( حجم الملف =3282 كيلوبايت ) http://www.4shared.com/audio/2accHD...ya_deneyah.html |
اسأل الله لها الجنه بغير حساب ..
وعظم الله اجركم ولو انها متأخره .. نبي منك السموحه اخوي عشاق .. والقصيده لاشك معانيها قويه وصورها زاخره بالمفردات اللي طرزت بماء من ذهب .. وماشاء الله تبارك الرحمن صوتك رائع .. الله يحفظك وين ماكنت .. |
أبداع تسلم يالغالي وأحسن الله عزاءكم وأثابك وجزاك خير |
الله يرحمها ويغفر لها ويسكنها الفردوس الأعلى من الجنة
لله ما أعطى ولله ما أخذ وكل شئ عنده بأجل أحسن الله عزائك أخي عشاق ورزقكم الصبر والسلوان لن أقول إنك تأخرت في إبلاغنا ومن ثم أتت تعازينا متأخرة ... لأن الحزن على فقد أحد الوالدين حزن متجدد لا يضاهيه حزن على أحد أسأل الله أن يبارك فيكم ويرزقكم برها حتى بعد وفاتها |
بشاير أحسن الله إليك وأثابك وأشكرك على تواجدك الكريم ومشاعرك النبيله |
الله يرحمها ويسكنها الجنة ..
ويصبر محبينها يارب .. |
فراشة الربيع الله يجزاك خير أختي ويرحم والدينا ووالديك |
الساعة الآن » 04:10 AM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.