سوالف للجميع (http://www.swalif.com/forum/index.php)
-   ســـوالف الأصــدقـاء العامـــة (http://www.swalif.com/forum/forumdisplay.php?f=41)
-   -   ليش يا ( سوالف ) (http://www.swalif.com/forum/showthread.php?t=234403)

LS 460 L 30-04-2011 04:55 AM

ليش يا ( سوالف )
 
السلام عليكم ورحمة الله وبركاته


كيف الحال إن شاء الله تكون بخير



مابي أطول عليكم بدخل في الموضوع على طول horror




الموهم في الأونه الأخيره ماكنت أدخل هنا الي هو منتدانا الحلو ( سوالف ) تدرون لييييييييش ...؟





لأن من عادتي أدخل على قوقل و أكتب ( سوالف ) و أحصله في المركز الثاني ...

وقعد مده موب بسيطه وانتقل للثالث و مكث في الثالث مده طويله جدن ...

وقبل فتره وجيزه جيت أبدخل ( سوالف ) عن طريق قوقل طبعا و ماحصلته ... :shock2:


تدرون فين صار :

لا مركز ثاني ولا ثالث ... بل في الصفحه الثانيه ... و اليوم ونا أعد هذا الموضوع صار في الصفحه الثالثه ... :Sad2:

عشان كذا زعلت على هالمنتدى الرائع ( سوالف ) وقلت لازم أقدم له خدمه ... و أصحي النائمين عشان يرجع ( سوالف ) في أول صفحه وفي المقدمه و أحسن من أول ... و نوقف قوقل عند حده ... :34:


الموهم معليش طووولت عليكم و أعذروني على تداخل اللغات الفصحى مع العاميه ... :help:

ملاحظه : الكلمه اللي مالها مرادف في اللغه العربيه دخلت مكانها كلمه عاميه ... :OO:



و أخيرا أتمنى من كل قلبي التوفيق للمنتدانا ( سوالف ) و لكل من ساهم معنا في نقل معلومه أو فائده لكل الأعضاء والزوار ... و أرجو من جميع الأعضاء نقل أو مشاركه بموضوع جميل و مفيد و الرقي في طرح المواضيع بشكل رائع و بأسلوب مميز ... :good:



و تحياتي لكم من محدثكم : :o

ابو عبدالله

بشاير 01-05-2011 12:31 PM

وعليكم السلام ورحمة الله وبركاته

الحمد لله احنا بخير ونتمنى الجميع يكونون بخير

يقولون يا بوعبدالله دوام الحال من المحال

والمنتديات مثل ما قلت من قبل أغلبها في ركود تام

ولا تحط في بالك إن التجديد والديكور هم أساس تحريك المنتدى

المنتدى أساسه وروحه هم الأعضاء إلي يشاركون فيه

الكل لما طلع من سوالف كان عذره إن صاحب المنتدى ما يهتم فيه

وراحوا لمنتدى يتجدد باستمرار وفيه ديكور وبهرجه وتجمعوا فيه فترة

روح الحين لهذا المنتدى وشوفه راكد أكثر من سوالف وأغلب أعضائه هجروه مثل ما هجروا سوالف

أنا عن نفسي أدخل لسوالف لأنه صار جزء مني ما أقدر استغني عنه هذا سبب

والسبب الثاني إني من خلاله تعرفت على ناس قمة في الوفاء والإخلاص

منهم: زهرة الكركدية ... وشمس سوالف ... وفوزية الجزائرية ... وإبداع ... والضبع

والجوكر (انت يا بوعبدالله) ... وهايدي ... ومتاهه ... وبوعبدالرحمن ... والطارق ...

وشهناز ... وبومكتوم ... وميثة ... والبراء ... أحمد كيوت ... نور بوظبي ... راحيل

والحين أنت المنى ... وسلامتكم ... وغيرهم من الأسماء إلي قد أكون ما ذكرتهم لكن لهم في قلبي مكان

وبعدين أخي بوعبدالله منتدى سوالف فرصة للنقاش مع أناس أخرين حتى لو كان عددهم قليل وتبادل الأراء معهم

موضوعك لمسة وفاء من أخ فاضل مثلك لمكان يعز على الواحد منا أن يكون فالقمة ثم يرجع إلى أواخر الصفوف

حزاك الله خير يا بوعبدالله ... ونبي نشوف نشاطك في عودة سوالف للمراتب الأولى مرة ثانية

ابداع2004 01-05-2011 04:08 PM

وعليكم السلام ورحمة الله وبركاته ..

هلا اخوي بوعبدالله ..

لي مداخله بسيطه من بعد اذنك واسمح لي وخوذ الكلام بسعة صدر ..

انا ماادخل سوالف من قوقل .. ادخله من المفضله ..

ورحت لقوقل وبحثت فيه وكتبت ( سوالف للجميع )

والنتيجه هي .. لازال في الصفحه الاولى ...

حتى النتايج مصاحبه لسوالف سوفت ..

هي كلمه دلاليه البحث عنها بأحترافيه ..

وحلوه غيرتك على المنتدى ..

وشد الهمه وانا اخوك ..

اجمل الاماني ,,,

LS 460 L 02-05-2011 04:29 AM

بشائر الخير /



عساك دوم تكونين بخيييير...


وشكرن على الاطراء الجميل ...



اما عن نشاطي فانشاء الله يكون في قسم السيارات لانها من اهتماماتي و أولوياتي وما عرفت هالمنتدى الا عن طريق قسم السيارات ...


وانشاء الله بــكون في كل مكان بما اني ( جوكر )...


و يعجبني في هالمنتدى بساطته و خفته في التحميل ...


والردود هي اللي تسعد الواحد يوم يشوف مثل مرورك العطر و مرور ابداع المميز...



فــــشكرن ع مروركـ الرائع ...

LS 460 L 02-05-2011 04:35 AM

مبدعنا ( ابداع ) ...



هلابك ونا جدكـ نورت الموضوع ...


المنتدى في المفضله على طوووووووووووول بس اذا استخدمت لاب موب لي لازم ادور في قوقل ...


ونا أول كنت اكتب في قوقل بس ( سوالف ) ما جربت أكتب سوالف للجميع ... لكن جاري التجربه...


و زي ما قلت انشاء اهتم في قسم السيارات بس اذا شفت تجاوب ... لكن اذا ما حصلت تشجيع رح أكون متابع فقط و هذا اللي ما ابيه ...



و عساك دوم بصحه وسلامه ...

تحياتي لك ...


الساعة الآن » 05:37 PM.

Powered by: vBulletin Version 3.0.16
Copyright ©2000 - 2024, Jelsoft Enterprises Ltd.