مرة اخرى وثانية وثالثة,,, السوناتا تثبت تفوقها على اليابانيات ولا عزاء للمتأخرين....
السلام عليكم ورحمة الله وبركاته في انجاز آخر لهيونداي ( عموما ) والسوناتا ( خصوصا ) قريت هذا الخبر في جريدة الجزيرة اليوم ,, واللي والحمدلله أبلغني عن نتيجة أحدث الاختبارات للسوناتا ,, اللي جلست انا وأخوي العزيز vAMP ندورها لنا شهر وعموما هذا نص الخبر ,, ( الجزيرة - نوافذ تسويقية ) حصلت السيارة هيونداي سوناتا على أول جائزة تخصصها مجلة بوبيولر ميكانيكس لفئة السلامة والامان وهي احدى اشهر المجلات المتخصصة في شؤون السيارات وتحظى بثقة كبيرة لدى القراء في الولايات المتحدة الامريكية. سوناتا الجديدة كليا كرست معايير جديدة لوسائل السلامة والأمان اذ جاءة مزودة بست وسائد هوائية واقية للصدمات لتوفير اقصى حماية للسائق والركاب,فضلا عن المساند الواقية للرأس في المقاعد الامامية وجهاز فرامل مانع للانغلاق ABS ولأول مرة في سيارات الفئة المتوسطة انفردت سوناتا بتوفير جهاز التحكم الالكتروني للثبات ESP اضافة لجهاز التحكم في منع الانزلاق TSC وقد استقر رأي فريق التحرير للمجلة على اختيار سوناتا بعد أن قامو بتجربة قيادة أكثر من 100 سيارة مختلفة لمئات الآلاف من الأميال . وفي مجال تعليقه على هذا الحدث قال محرر شؤون السيارات بالمجلة ( جون شيكين ) < لقد استحقت سوناتا هذا الفوز بجدارة لانها قدمت كل وسائل ومعدات الامان كمزايا قياسية في كل طراز منها واضاف ( ومع توفير سوناتا هذه المعايير العالمية من الامان وجعلها متاحة لكل شخص في سوق السيارات فانها تكون فعلا قد حققت مستوى جديدا تجاوز حدود هذا السوق)> وفي خبر آخر مجاور لهذا الخبر في نفس الجزيرة ,, وهذا عنوانه ,, (سيارتان من هيونداي تفوزان بجائزة أمريكية في السلامة ) فازت السيارة سوناتا والسيارة توسان من انتاج هيونداي لعام 2006 بجائزة ال 5 نجوم للسلامة والأمان المقدمة من ادارة المرور الوطنية الأمريكية للقيادة الآمنة بعد اجتياز اختبارات التصادم الامامية والجانبية . وتعد هذه الجائزة انعكاسا لالتزام شركة هيونداي موتورز في ان تبقى متربعة على الصدارة في مجال تطبيق أرقى تكنولوجيا لمعايير السلامة والامان وأكثرها فعالية في صناعة السيارات . وبهذه المناسبة صرح السيد كيم سانغ - كون نائب رئيس هيونداي للشؤون الهندسية قائلا ( الجودة لدى هيونداي تأتي في أول اهتماماتنا .فهذه الجوائز الصادرة من الادارة الوطنية الامريكية للمرور للسيارات الفائزة في اختبارات التصادم تثبت فعلا ان سوناتا وتوسان لا تتفوق عليهما سيارة اخرى في نطاق السلامة والأمان ) ويذكر ان توسان موديل 2006 للاستخدامات الرياضية وسوناتا الجديدة كليا في فئة سيارات الصالون متوسطة الحجم ترسخان معايير جديدة في مجال السلامة والأمان ومزودتان بشكل قياسي بجهاز الكتروني للسيطرة على الثبات وست وسائد هوائية واقية للصدمات كمزايا مصممة خصيصا لزيادة مستويات السلامة والأمان للسائق والراكب انـــــــــــــــــــــــــتهى هنيــئا لعشاق السوناتا ومحبين هيونداي عموما بهذه الجوائز التي لا تدل الا على تطور هذه الشركة الكبير والرائع ومنافستها بشراسة للشركات العالمية العريقة ,, وحبيت أذكر في هذا الموضوع ,, عن قرب نزول 3 سيارات جديدة من هيونداي ( بعد العيد ) وهي الأزيــــــــــــرا ( نجمة هيونداي الجديدة للفئة الفاخرة ) و ( الأكسنت ) الجديدة 2006 وسيارة الدفع الرباعي ( سانتافي ) ,, وراح اعرض لكم مواضيع مفصلة حال نزولها ان شاء الله ,, علما بأن الأزيرا متوفرة للعرض فقط لدى الوعلان لكنها استاندر وليست الفئة الكاملة المواصفات وبالختام أوجه تحياتي لكم ,, أخوكم حارش الموضوع منقول بدون تصرف من الأخ (حارش مارش ) من منتدى السيارات وهذا ماوصلني على ايميلي . تحياتي |
المشكله ياخوي لو تكون واقعي اكثر... الناس بشكل عام ماراح تخبر بمثل اللي انته تقوله ان لو حصلت على جائزة امريكيه وشي من ذلك...
الناس ماشيه على شي اسمه تويوتا السيارة الاقتصادية والناجحه ... يعني صدقني سمعت تويوتا مايهزها ريح .. واسال اي واحد من حواليك بتلاحظ من بين 100 شخص حوالي 85 منهم يؤيد تويوتا... وصدقني دعايات الهونداي هذي ماراح تثير بنتجيه .. لان اساس ثقة العملاء بتويوتا صار عالي ومافي شي يهزه.... ومانكر جودة الهايونداي... بس هايونداي جيدة لكن دمرت نفسها من البداية واخذت الفكرة اللي ماراح تتغير عن نظر الناس انها شركة سيئة في الانتاج وشراء منتجاتها يعتبر خسر.... وجهة نظر .. |
سبحان الله مع اني ركبت هاذي السياره :headshak: بس ما احس بهل الكلام والمديح الي تقوله
يعني السياره باقي زي اول تحس انها خفيفه وبذات في السرعات العاليه برضو من جد مو ثابته مقارنه مع اليابانيات الفرق كبير وا واضح علما ان سيارتي اوربيه اختلاف الراي :ranting: ......... الخ :-) |
السلام عليكم ورحمة الله وبركاته بصراحه انا مؤخراً جربت السياره ماشاء الله تبارك الله ممتازة من جميع النواحي والي يقول ركبها ولاحس بفارق بصراحه احب اقله :headshak: انا اشهد بالفعل بأن هونداي من تقدم الى تقدم تحياتي |
انا مجرب سوناتا 2006 ايجار ماشيه 5000 والله اول ما اخذتها اخت الجديده مافيها اي صوت رحت عليها الرياض امشي حدود الميتين وعشرين واول ما وصلت الرياض سمعت صوت البلوف بالمكينه وخرفشه كأن السياره ماشيه ميتين اللف كيلو والقير حقها اذا كان بالاول وجيت بحطه بالثاني تسمع صوت طقه ومع الكرف والمطبات صار يطلع بالطبلون صوت صرصره قهرني وانا راجع فيها لشرقيه طول الخط وهو يصرصر بس الكامري عالم ثاني واستخدمتها نفس استخدام السوناتا وزي الحلاوه ماقالت شي وسياره مريحه على الخطوط مو مثل السوناتا ويقول المثل اسئل مجرب ولا تسئل خبير
|
حتى الـCTS ذكرت فيه احد المجلات ان جودته ممتازه ومحركه اقتصادي وناجح!!
جربت اخوي الـcts ؟ ياريت محد يرد بتعصب من عشاق الامريكي انا ذكرت مثال فقط... الكوري تطور محد ينكر هذا الشي لكن تتفوق على اليابانيات!! اسمح لي اخوي شي مايدخل العقل واذا هي حصدت جائزه ترى التويوتا والنيسان والهوندا حصدوا عشرات الجوائز مثال على الجوائز: محرك المكسيما السابق الجوائز ماذكرها الحين بس اعطي على سبيل المثال وجائزه لهيونداي ماتنعي انها تفوقت على اليابانيات الشركات كلها تشتغل وكلها تحاول تطور مش غلط انها تحصد نجاحها بجائزه لكن هالشي مايخص السيارات اليابانيه ولا الامريكيه ولا الالمانيه وسلم على اخونا حارش مارش!! :)وياريت لو تبلغه بردودنا اذا مافيه كلافه |
مرة اخرى وثانية وثالثة,,, السوناتا تثبت تفوقها على اليابانيات ولا عزاء للمتأخرين....
أسمح لي أقولك أنك مبالغ كثير في العنوان |
إقتباس:
في الخليج فقط اما باقي العالم هونداي |
إقتباس:
يا الله من جد انك متفائل بس ترى الواقع غير كذا :black: |
إقتباس:
شكلك ماركبت يابانيات اخوي والا ما كان طموحك كبير بهل كوري |
مبروك لهيونداي.
شركة كافحة، وبذلة جهداً كبيراً لكي تقدم ما يرضي زبائنها، وبسعرٍ مناسب. مبروك مرة أخرى لهيونداي! |
إقتباس:
زين اخوي وين المبيعات؟؟ بصراحة مانسمع عن الهيونداي شي يشجعك انك تشتريها !! والله أنا مستغرب ليش كل هالحقد على الياباني << من يوم ما طلع الياباني للسوق وهو متفوق وهذا أكبر دليل لنجاحها من قبل والحاظر والمستقبل .. وبعدين ليش كل ماخذت سيارة كورية جائزة الكل يدري وتصير فوضى <<< دليل الفشل أما الياباني كل يوم ياخذ جوائز فهالشي صار بديهي بالنسبة للصانع الياباني .. وتحياتي لعشاق الكوري ! |
و ( الأكسنت ) الجديدة 2006 ... نزلت موجودة حالياً بالسوق وصار ليها اكثر من شهرين ..!
|
هايونداي شركة متطوره وتتجه الى الأمام بخطوات سريعه ، لكن مسألة انها تنافس السيارات اليابانيه ( حالياً ) .. تو الناس ، باقي عليها شوي :)
رأي شخصي :) |
مرحبا ...
تطور جميل للهايونداي :-) بس لحد الان لم تتغلب على الياباني بس اعتقد انها اذا استمرت في تقدما .. بأذن الله راح تتقدم على الياباني :-) |
ليش لا !!
ممكن قبل 10 سنوات ماحد يفكر في هيونداي بالنسبة لي إذا شفت مسيرة هيونداي في تقدم وتطور ليش ما أفكر فيها :o وبعدين هيونداي أتاكل العنب حبه حبه يعني اصبروا عليها وشوفوا |
إقتباس:
:D :D :D |
إقتباس:
ما بقى إلا تقول انفجرت |
طيب سؤال هل جميع الانظمه المذكوره والي خلت
المجله تعطيها جائزه موجوده في السونتا الي تنزل عندنا |
الجائزة ماجت من فراغ والي يقول ان صاحب الموضوع يبالغ اقولة جرب السوناتا وبتعرف بنفسك ان مبالغته في محلها الحين المجلة يقولك جربت اكثر من 100 سيارة ولا نجح معهم الا السوناتا معنا هذا ان الشركات الثانية قاعدة تفكر كم تبيع من سيارة في السنة ولا فكرت في انتاج سيارة ناجحة بكل المعايير يعني تويوتا وغير تويوتا من الشركات الي في وجهة نظر البعض انها ناجحة بكل المقاييس في المرحلة هذي ما يهمها الى الربح فقط :cool:
|
صراحتاً انا مااستغربها..سياره بسيطه وخاليه من التقنيات والتعقيد يعني مو صعبه تكون جودتها عاليه ويمكن احسن من الياباني
|
مبروك للهيونداي الجائزه الوحيده من مجله غير متخصصه بالسيارات ألف مبروك
|
انا لو قلت رأيي بتقولوا متعصب لكن شوفوا الرابط.....
Hyundai Beats Toyota in New Consumer Reports Survey and Last J. D. Power Initial Quality Study http://www.auto123.com/en/info/news...rtid=37563&pg=1 |
تسلم على الخبريه الحلوه والسنوناتا سياره حلوه في كل شئ وانا عاجبتني :knight: ..... واتوقع سوناتا توفقت على الكامري والهوندا والمكسيما في المواصفاات :glasses2: والدليل الكبير على نجاحهااا انتشارها الواسع في السعوديه ودول الخليج.....
|
إقتباس:
لا وين يابو بدري عليها الموتر جديد |
| الساعة الآن » 08:59 AM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.