موضوع مصور متكامل عن الكورولا 2005 وماهو الفرق بينها وبين2004
 

السلام عليكم ورحمة الله وبركاته



وش اخبار شباب سوالف

لي فترة ماكتبت موضوع
واليوم جايكم بكورولا 2005
وماتغير فيها بالصور والمعلومات




ندخل في الموضوع

امس صباحا وفي عز النهار
وتحت اشعة الشمس المحرقة
قررت زيارة المعارض
اتفرج
واصور الكورولا اذا لقيتها

وصلت المعارض
لقيت الكورولا عد واغلط
كل معرض فيه كم وحدة
لكن المشكلة ولا وحدة نظيفة


اضطريت اصورها وهي وسخه وبلصقات الوكالة
وبعد انتهائي من التصوير
لقيت معرض مغلق مب مكشوف
ومنظفة وطالعه عرووووسه
واستأذنت وصورتها


السعر:
في المعارض المكشوفه 46500 ريال كاااااااااش
في المغلقة 47500 ريال كااااااااااااااش


موديل 2004
سعرها حاليا 45000 ريال


وفيه لون جديد اللي هو البحري مثل لون الكامري 2004

طبعا مافيه الا اقل نوع XLI فقط في جميع المعارض
والغريب انها لم تنزل عند الوكيل حتى الان


الفرق بينها وبين 2004

تغير الانورا الامامية والصدام الامامي كاملا

الشبك الامامي

الانوار الخلفية
واضاءة الرجوع اصبحت لوحدها مع اللوحة
ووفيه نور عاكس في الصدام الخلفي

المرايا الجانبية
تغير شكلها وصار التحكم بها الكترونيا من الداخل في اقل نوع



صورتين توضح التغييرات
















الان اترككم مع الصور









































يتبع

طبعا هذه هي اهم الصور

الصور الباقية ستظهر على شكل روابط

صورة من الخلف
اضاءة الرجوع الى الخلف
المرايا الجانبية
المرايا الجانبية
صورة اللون الذهبي من الامام
اللون البحري من الامام
اللون البحري من الامام 2
اللون البحري من الامام 3
ازرارات التحكم بالمرايا الجانبية





اتمنى ان يعجبكم الموضوع
واتمنى ايضا ان يعجبكم التصوير

واتمنى ان اشوف ردود تشجع
وتقدر التعب اللي تعبه صاحب الموضوع قبل نزوله





صورت صور كثيرة جدا تصل الى 70 صورة
لكن اخترت الافضل لعرضها






اسف جدا على الاطالة


مع اجمل تحياتي

موضوع رائع ومقارنة جميلة جدا..

مشكور يالغالي..


تحياتي..

السلام عليكم ورحمة الله وبركاته

اخوي عبدالعزيز ماشاء الله عليك اخوي وين هي الغيبة عنا.

شكرا لك اخوي على التغطية والتعب والمقارنة الحلوة بين المودلين.

بس اجوف السعر 47500 ريال يعني محرك 1800 بس غيار عادي ونوافذ عادية. ام السعر لكامل المواصفات.

واللون السماوي لون جديد على كورولا،وخاصة انا نزلت قبل نفس اللون بس مواصفات عمان.

http://www.swalif.net/sforum1/showt...threadid=191917


شكرا لك اخوي

تحياتي
:)

loolicpolic
تسلم على الرد السريع حبيبي





grandv8
هلا والله بمحمد حبيبي
نورت الموضوع والله
اولا تشكر على التثبيت السريع والرد الاسرع

ثانيا
انا ماغبت ولاشي
انا موجود معكم
لكن سافرت كم يوم ورجعت الحمد لله
وسوالف مثل بيتي


وفيه شي نسيته وكالعاده لازم انسى شي

انا مب اول واحد صورها ولا شي
فيه ناس سبقوني
واول واحد صورها وسوا السبق هو الاخ العزيز grandv8
وانا كنت ناوي اكتب هالكلام بس نسيت والله

اسف جدا



والسعر 47500 لاقل نوع اللي في الصور



مشكور على ردك حبيبي

مشكورين جميعا

مشكور اخوي اكورد على المجهود الطيب والطرح الراقي :)

والكورولا لو يحطون فيها مثل الي في اللكزس ما راح يغير شي فيها

لأن الواحد لما يفكر يشتري سيارة من الفئة هذي ما راح يهتم بالمرايات الكهربائية او الاضافات الاخرى اهم ما يميزها انها سيارة عملية لا اقل ولا اكثر :think:

مشكور يا أخي العزيز بس أحس انه موضوع كورولا 2005 كبروه الشباب أكثر من الازم :p

احس انه فيها شبه من الامام من المتسوبيشي لانسر!!!!!!:)

الف شكر لك أخوي ACCORD-V6 على التغطية والمقارنة الأكثر من رائعة وعلى جهدك الرائع ..

رأيي هو إن شكلها من الأمام أفضل شوية وصار يشبه السيفيك الجديد واللانسر ..

من الخلف الإسطبات أجمل (خاصة عقب ماغثونا بآخر موديل مع الخطوط الزرقاء الصغيره الي في الإسطب)

ولكن منطقة اللوحة خلها على ربك .. شوهت السيارة بالكامل ..

بالمناسبة السيارة بدت تنزل للشوارع

أمس شايف وحدة عند ميناء الدمام .. الناس ماعندهم وقت :laugh:


شكراً مرة أخرى ..


ABD 911

بسم الله الرحمن الرحيم


السلام عليكم ورحمة الله وبركاته


مشاء الله موضوع مميز مثل صاحب الموضوع حبيت اشكرك اخوي على هذا الموضوع الجميل منك الي الكثير من الشباب يحتاجون له ويتسائلون له


والسياره عجبني شكلها الصراحه بالنسبه لي اشوفها اجمل من السابقه


وننتظر منك المزيد من المواضيع المميزه اخوي:)

Thanks!!
:cool:

والله جدا ممتازه:)

RamAir
هلا بك اخوي
كلامك يمكن يكون صحيح لكن اتوقع في حالات قليلة
تظل وجهة نظر وقد تكون صحيحة وقد تكون خطأ
وانا اشوف ان هالميزة ماتقدم ولاتؤخر
لكن فيه ناس يمكن تقدم وتؤخر عندهم






AMG
العفو حبيبي
لكن ليش كبروه
بالعكس
وبعدين سيارة جديدة متغير شكلها
هل فيه ضرر انا نصورها ونكتب عنها موضوع
اذا كان هذا قصدك
اسمحلي اقولك
هذا سبب تأخر سوالف












black scorpion
فعلا في بعض الصور فيها شبه










ABD 911
هلابك حبيبي
مشكور على ردك
والسيارة نزلت والناس ماعندها وقت
وعلى فكرة في وحدة شفتها لوحتها مميزة 999:D

شكرا على ردك











TOYOTA - OBAS

وعليكم السلام ورحمة الله وبركاته
انت المميز حبيبي
مشكور على كلامك الحلو
وان شاء الله تشوفون افضل من كذا
وتشكر على ردك الحلو





RED Chevy
اهلا وسهلا
شكرا على ردك










Pure_Intimidation

Welcome
:banana: :banana:







B4_STI
فعلا احلى من القديمة






اشكر جميع من رد على موضوعي

السلام عليكم ورحمة الله وبركاته
مشكور على الصور بس على قولت مشرفنا AMG كثر الهرج عليها معنو مهي متغيرة كليا اشياء بسيطة لاتذكر بس حلوة

بس في نظري مو أحلى من المازدا 3 زووووم قمة في الأبداع :banana:

والى الأمام يا مازدا



والسموحة



أبو عزام

مشكوووووووووووووور اخوي عبدالعزيز على المجهود الرائع وموضوع متكمل كما عودنا على موضيع الرائعه اللي تقدمها
واشكرك على ابداعاتك المتوصله




سياره في نظري احلى من اول بكثير

هلا اخوي وجعل يمناك تسلم

بس ابسئلك هاللون البحري بيكون فيه زياده بالسعر عن باقي الالوان زي ماهو صاير بالكامري

شاكرلك.

الكورولا الجديدة احلى من القديمة والسعر

ممتاز .. هل محرك السيارة نفس محرك كورولا 2004 ؟ :think:

واذا لا .. ماتعرف معلومات عنه ؟

ومشكور على الموضوع الرائع .. :glasses2:

يا سلام على المجهود ....شكراً ألف شكر
 

وعليكم السلام ورحمة الله وبركاته

هلا بو سعود :) نورت الحته كلها ياراقل ياسكره :D

موضوع ممتع ....

خصوصاً لواحد مثلي ...لأننا بإذن الله بنشري كورولا جديدة في البيت

حقت المشاوير البسيطه ...والي يزورنا من أهلنا بدل ما يستأجر..

لو عشرة أعضاء سواليفيه فقط ...يقومون بعرض مواضيع مثل هالموضوع يومياً ..كان سوالف بخير ...

بدل النقز في كل موضوع ....(( أنا ما أحب السيارة هذي ...بس شكراً على الموضوع ))
(( أنا أشوف السيارة الفلانية أفضل ...بس شكراً على الموضوع ))

يجب أن نرتقي بالحوار قليلاً على الأقل ...:think: :think:


تشكرات أفندم

:)

TT

آلاف التشكرات أخوي ACCORD-V6 .. على الموضوع المتميز ..
طالع عليك ذا الموضوع ماشاء الله ..

وإلى الأمام سر .. واحد .. اثنين ..
<== تحمس :D :D :D


تحياتي ..
محبك Yukon GT

هلا اخووووووووووووي أوكوورد :glasses2:

تصدق نحن نزلت عندنا وسوووها تكاسي يسوقونها الخانات ( الباكستانيين) :laugh:

والله وأحلويتي يالكولولا :D

بسم الله الرحمن الرحيم

السلام عليكم ورحمة الله وبركاته


كفوووووووووووووووووووووووووووو و الله يا زكرت :D

لا زلت أقول و أكرر انك نجم سوالف بدون منازع

لكن ما أدري يا أخوي انت أخذت الصور من البازعي و الا من عبد اللطيف جميل ؟؟؟:confused:



:Sad2:



و سلامتكم :sleep:

السلام عليكم ورحمة الله وبركاته

موضوع جداً رايق

وسيارة غنيه عن التعريف

واللي محلي السيارة تصويرك يامبدع


الف شكر على الموضوع ولاتحرمنا من ابداعاتك


اخوك902

بصراحة تعديلات حلوة ...

بس مو هذا بيكون آخر موديل لهذا الشكل ؟ ... ولا هذي هي التعديلات اللي حصلت ؟ ...

شكلهم صاروا يعملوا مثل اللكزس .. في آخر الموديلات يقوموا ببعض التعديلات الخارجية و الداخلية :D ...

أوه نسيت .. هذي الفئة الأولى أو الثانية في اليابان .. و توها واصلة عندنا :headshak:


مسكور أخوي أكورد على الموضوع اللي فعلاً مميز ..

بالنسبه لي كل التعديلات عاجبتني
 

وشوف أنها زادت من أناقة التصميم العام للسياره

بس للأسف أكبر عيوب الكورلا مازال موجود في الموديل الجديد كسائر
إنتاج شركة تويوتا واللي هو تسريب الهوا على سرعات منخفضه نسبياً:Sad2:

السيارة ما عجبتني! لكن أفضل من الموديل السابق وحركة أنوار الرجوع للخلف عاجبتني..

مشكور على الصور







سلام :banana:

yazed
هلا وغلا بأحلى كابتن
نورت الموضوع ياحلو
يشرفني ردك
ومشكووووور





R32 HPA
فعلا المازدا افضل بكثير









GTO MR
على الاغلب المحرك لم يتغير
وشكرا على ردك












Yukon GT
ياهلا بك حبيبي
والله احرجتني بكلامك العسل ياعسل
تسلم والله يحييك











لون الليل
ياهلا حبيبي:D :D
شكرا على ردك :D :D











MuGeN
العفوووو اخوي
ومشكور على ردك













@elmalghoom@
كلامك صحيح
وتشكر على ردك










Imaj
حرام عليك
شكلها صار احلى
وفعلا انوار الرجوع للخلف حلوة
شكرا على ردك












شفراوي للابد
شكرا على ردك








اشكر جميع من رد على الموضوع...

Re: يا سلام على المجهود ....شكراً ألف شكر
 

ياهلا ومرحبا
نور الموضوع بهالرد الحلو
من شخص احلى



مشكور على كل حرف كتبته
ثانيا ان شاء الله تشترون السيارة
والله يعطيكم خيرها ويكفيكم شرها



ثالثا
كلامك عين العقل
لو 95% من الاعضاء يردون بمثل ردودك
كان شفنا سوالف رقم 1 على جميع المنتديات



تسلم على حرف كتيته
وشكرا على ردك الاكثر من رائع

وعليكم السلام ورحمة الله وبركاته

ياهلا والله بالزكرررت كلهم
نورت الموضوع
مشكور على ردك وكلامك الحلو
واظن انك تبالغ
فيه اعضاء في سوالف افضل مني بمرااااحل واولهم انت




والصور الله يسلمك
خذتها من معرض الشورى
على طريق خريص جنب البازعي
الجدار بالجدار
لاني اول شي رحت لعبداللطيف جميل
قال بعد شهر تجي
رحت للمعارض ولقيتها كثييييرة
صورت وتعبت
طلعت والقاها عند الشورى مغسلة ونظيفة وفي وسط المعرض
وصورتها


البازعي منيب متأكد هي عندهم ولا لا



ادري اني طولت عليك


مشكور على كل حرف كتبته

وعليكم السلام ورحمة الله وبركاته

ياهلا والله ومرحبا

اللي محلي الموضوع كله
رد 902 عليه



مشكور على ردك الغالي علي كثييييير

ونورت الموضوع

Re: بالنسبه لي كل التعديلات عاجبتني
 

_____________________________________________
 

بصراحة اشوف ان موديل 2004 احلى موديل لحد الآن وخصوصا المـــؤخرة...وخسارة انهم غيروها ...صارت ملامحها حااااااادة جدا وغير مرتبه


((وجهة نظـــر))

ما تلا حضون ان كل السيارات عليهم شهادة مطابقة انهم يدخلون الخليج ( يعني مثل الوارد)
عندنه استاذ يابله كورولا من السعوديه وطلبه اب فتحه ورنجات وسكان خشب و abs وغيرها من المواصفات ونتظر عليها وجاتله عليها شهادة المطابقة .


مثل الامريكي لين يطابقونه معنها سياره جايه عن طريق الوكيل وجديده



:shock2: