دراسات: الحلقة الثانية - نيسان باترول
 

بسم الله الرحمن الرحيم

السلام عليكم ورحمة الله وبركاتة

نستمر في برنامج الدراسات واليكم الحلقة الثانية:


موضوع حلقة اليوم عن النيسان باترول

المحرك : 4800 سي سي بشكل طولي
وضعية المحرك
6 اسطوانات على خط مستقيم
بنظام تعدد الصمامات وكذلك بالنظام المتغير لعمل الصمامات
القوة : 280 حصان عند 4800 دورة فقط
العزم:46 كلجم على 3600 دورة
الفارق بين كامل القوه والعزم 1200 دورة تجعل المحرك يتمتع بأداء خارق وقوي
مع المحرك الجديد نجحت نيسان بخفض استهلاك الوقود بنسبة 20%
وهذا شي جيد جدا

ناقل الحركة: آلي من 5 سرعات + نظام التغيير اليدوي
بالاضافة الى توفر ناقل يدوي من 5 سرعات

التعليق: All-terrain suspension يناسب جميع انواع الطرقات
يصنف بأنه من افضل التعليقات في هذا النوع من السيارات

المواصفات والكماليات:

كراسي امامية آلية
فتحة سقف
وجود ثلاجة
قفل للمحاور (للدفريشن)
تكييف مركزي موزع على جميع انحاء السياره
وجود خزان وقود احتياطي بسعه 45 لتر
وجود مقابس للكهرباء

http://www.nissan-me.com/patrol/ima..._gal_b_img2.jpg

http://www.nissan-me.com/patrol/ima...trol_ext_ub.jpg

صور خاصة من الامارات للباترول :)










خالص التحيات للاعضاء الكرام

صراحة السيارة ما يحتاج
سيد الصحراء
خاصة الجديد 4800 سي سي :)

لدي سوال يا زورو
ما هي التقنية الجديدة المساة VTC ?

__________________
 

و الله يا أخوي زورو الاحظ ان الباترول محبوب جدا عندكم في الامارات .. لكن عندنا في السعوديه اغلب الناس تفضل الاندكروزر مع العلم ان اللاندكروزر اضعف من الباترول و ذلك للأسباب التاليه :

قطع الغيار .. الباترول يقرقع بسرعه يعني يبي له تربيط بعد كل طلعه للبر ... صرفية البنزين .. كذلك شكل اللاندكروزر افضل من شكل الباترول



تحياتي

هو اختصار للنظام المتغير لعمل الصمامات مثل الفي تيك في هوندا

لكل شركة تسميه :) يعني توقيت الصمامات يختلف وفقا لطبيعه المشي بالسياره كلما زادت الحاجه الى القوه او العزم يتغير النظام فيبدأ بالعمل ويولدطاقه اكبر ويوفر بالبنزين

Re: __________________
 

السلام عليكم يا 560

الباترول احسن من اللاندكروزر في البر منذ سنة 88 من اول ماطرح الموديل القديم والسبب يعود لخفة حركته + عزمه العالي

صحيح له عيوب كما ذكرت لكن في الرمال ماله منافس ابدا

ولاتنسى ان حرارته ماترتفع اللاندكرورز ترتفع حرارته احيانا بعد الضغط الشديد لكن النيسان انسى هذي المسألة

كذلك ارتفاع السياره عن الارض اعلى من الكروزر ممايتيح له حرية الحركة بشكل اكبر

وجود دفريشن امامي يزيد من قوة التحمل بشكل كبير

المحرك الجديد للنيسان اصبح اقل استهلاكا للوقود بنسبة 20% كم تعلن نيسان

وكذلك قوة المحرك وعزمه العالي يؤمنان له اداء خالِ من العيوب

Re: Re: __________________
 

و الله يا أخوي انا جربت الاندكروزر في الرمال ... بصراحه الموتر جبار و نادرا ما تحتاج للدبل فيه كذلك انا ما اشوف ان ارتفاع السياره مسبب اي مشكله له .. بالنسبه للحراره فكل سيارات تويوتا توصل حرارتها للنص (الكامري مثلا ) و هذا شئ طبيعي لكن ما قد وصلت حرارة اللاندكروزر ابدا لفوق النص ..

احب أضيف شئ بانسبه للسياره اللي ما لها اي مثيل في الرمال انا ارى انها الشيروكي ال 4.2



تحياتي

السلام عليكم

اللاند كروزر مع احترامي الشديد له ولجودته وسمعته

من الامام منخفض خصوصا صدر السياره فتعلق في الرمال كثير

المحرك قوي لكن محتاج لقوه وعزم اعلى والسبب يرجع لوزنه العالي جدا 2500كجم مب شويه

4800 نيسان باترول الجديد افضل جيل حتى الان من نيسان وانا اسميه البعيير وسفينة الصحراء لان فعلا ما بلاقي موتر يستحمل وله هذه القوة في البر غير النيسان ونسى شي اسمه تغريز الا اذا كان راعي النيان مايعرف له :) :)
شكرا زورو الامارات على الموضوع والصور الرائعة للنيسان:)

هلا روح الامارات


اعتز بشهادتك هذي

وماشاء الله الموضوع مولع :)


حياكم الله

شكل الباترول يعجبني اكثر من اللاند :D

السلام شباب و علومكم بس خلنا نروح على الموضوع ::glasses:
السفاري الجديد 4800vtc جبار بقوه اذا وضعوه بجنب منافسه اللندكروزور و جابه في الفخامه عندما نزلت الوكاله نظام الملاحه شكله اجنان :shock2: :shock2: .
بس لا تنسون النيسان الربع غيرو مكينته من 4200 الى 4500 و صارت صرفيته أحلى يعني أعبيه 50 ريال يقعد وياي قرابه الثلاث أيام مع العلم بوجود قومتين على الأقل العديتهم :black: :black: :glasses2: .

الباترول وبس;)

_________________
 

فعلا قوة اللاندكروزر ضعيفه مقارنة بوزنه بالرغم من ان محركه V8 (240 او 250 حصان على ما اعتقد)

لكن انا اشوف ان الباترول افضل في القوه الحصانيه فقط لكن من باقي النواحي ما يقارن ابدا باللاندكروزر (وجه نظر)


تحياتي

Re: _________________
 

وجهة نظرك صحيحه جدا جدا الكروزر جودته عاليه وسعره فيه
اوافقك الرأي 100%


ومايسوي اصوات لكن عند الافعال النيسان يتقدم خصوصا مع جونا في الخليج ورماله القاسيه

Re: Re: _________________
 

و الله اذا جينا لمسألة الافعال فهذي 90% واقفه على مهارة السواق



تحياتي

Re: Re: _________________
 

ليش الباترول و مع الكرف و الاستعمال ( خاصه الربع )
يصير صوت مكينته غريب
كأن فيها خرخشه

غالبا في سيارات الحكومه
هل هو شي طبيعي :eek:

Re: Re: Re: _________________
 

صحيح
احيانا تشوف ناس مغرزين بلاندكروزر او سفاري
يطوف عليهم دتسن او هيلكس في البر :D



و مو شرط ان الموتر دفع رباعي عشان يطعس :D
مره طعسنا بكابرس 85 :D
مغامرات ما في احلى منها :D

السلام عليك يالارهابي


هذا صوت السيور في المكينه + الفالفات او الوالات

الصمامات احيانا تسوي هالصوت بس لاتخاف محرك الباترول محد اشتكى منه ولا القير العادي بعد وكذلك الدفريشن


تحياتي

صراحة النسيان بترول موتر لا يعلى عليه
الشي الي مستغرب منه ليش اللاند كروزر 8 سلندر 250 حصان أما النيسان بترول فهو 6 سلندر لكنه 280 حصان يعني أتخيلوا لو كان الباترول يجي 8 سلندر يعني كان قوتة أتعدت ال 300 حصان :o

VTC : Valve Time Control

صحيح مثل ما قلت صوت البلوف
بس ليش يكون عالي كدا
هل هو كدا و الموتر جديد :eek:

أخوي A7medo ترى نيسان أرمادا الجديد (اللي ما نزل عندنا لحد الحين) 8 سيلندر قوته 300 حصان :shock2: :banana: :black: .

طيب ايهما أفضل
الكروز الربع أو الباترول الربع ؟

يا عينيييي :shock2:
300 حصان بشق الشارع

أما صوت البلفوف طلع عندي بعد ما مشت سيارتي 25000 كيلو :o و سئلت واحد من الشباب انه ما يضر المكيته و اذا حبيت يروح وده للوكاله يسويلها وزنيه ب 80 ريال بس أنا كسلان :sleep: و الحمد لله ما شيه الحين 30000 تقريبا و ما غيرت فيه الا شغلات العبث و الزجاجه الأماميه واحد كاسرها (على التأمين غيروها لي أصلي) و السيلره ما شيه زي العسل و أنصح أي واحد شباب يشتري سفاري ربع يدربه لين 20000 و يغير القطع الأصليه (الحقيقه تجاري خاتمه عليه الوكاله) لنظام الكهرباء بالمكينه و يركب هيدرز يحس بشيء داخل المكينه يبي يطلع بأي ظريقه و أنا مقدر أسيطر على نفسي كلما أشوفلي راعي VXR رافع خشمه أحب أحطمهز:black: :black:

شباب آسف آخر كلمه هي "أحطمهم"

الموضوع شيق جدا والجدال فيه كبير بعد

تحياتي لكم

;)

مممممممممم اوكي انا اوافق الشباب ان الباترول رقم واحد في البران حتى تجهيزاتة حلوة ومن النظرة الواقعية ان الباترول يتغلب على الكروزر بس السوق ما يعترف في هذا الكلام خاصة ان قيمة الباترول المستعمل تطيح بسرعة
واعتقد ان المشكلة الثانية الي قللت مبيعات الباترول وجود الباثفايندر الي جعل الناس تتوجة للفئة المتوسطة وترك الفئة الكبيرة

موضوع رائع جدا
...........................
انا بصراحه افضل الباترول على الاند خصوصا اذا طلبته بأنوار زينون...:shock2:

اللي يطيح قيمه السفاري شيئين و هما :
قيمه القطع متوسطه السعر و "تفككه" مع العلم ان المشكله تنحل عند اي محل ربط ب300 ريال أو عند الوكاله ب800 ريال.:Sad2:

النيسان 4800 قوته جباره في الرمال بس اسمحولي في الشارع ترى الكروزر وخاصه الG الي هو اقل نوع في الاندكروزر هذا يشق النيسان شق وانا مجرب في سيارة اخوي في اكثر من مره بعد:glasses2: :black:
والنيسان انا اشوفه افضل في الكروزر في شي واحد بس في الرمال اما باقي الاشياء اسمحلوي الكروزر افضل وبكثير بعد:laugh: :laugh:

على فكره انا جربة مع نيسان 4800 من يومين ولاحظة عزمه يقل وبصوره كبيره بعد التبديل للنمره الرابعه:headshak: يعني هذي المشكله لحد الحين النيسان ماحلتها من يوم النيسان 88:headshak:

:banana: :banana: ثانكيو على الموضوع

زورو الامارات

مشكور اخوي على الموضوع

حاليا انا عندي نيسان بترول موديل 2003 مطلعنه من ثلاث اسابيع
و السياره غير عادي

جربت قومه و خط مع ابن عمي و هو عنده لاندكروزر V8 غير اتوماتيك خمس تباديل

بالنسبه للقومه كانت من محاولتين من 0 - 120 كلم
المحاوله الاولى هو تقدم علي و المحاوله الثانيه السيارتين بنفس المستوى الى تقريبا ال120 النيسان يبدئ فيها يتقدم

الملاحظه:
اللاندكروزر يستخرج عزم اقوى على دوران محرك منخفض اتوقع السبب المحرك V8

النيسان تلاحظ عزمه يقوى بعد ما يعدي دوران المحرك 3500 دوره (تلاحظ تغير في الاندفاع و صوت المحرك) و هذا بسبب تقنيه الVTC

لاحظت ايضآ ان النيسان (الغير العادي) و هو على الغيار الخامس و على سرعه 200 كلم يكون دوران المحرك فيها 5000 دوره
للعلم الخط الاحمر يبدأ من 5100 دوره :confused:

هل تنطبق هذه الملاحظه على النياسين الاوتوماتيكيه ؟
او على الموديلات الغير عادي السابقه ؟

الي عنده علم ممكن يفيدنا :confused:


:) :) :) :) :)

أخوي corvette 40th تبغى تنزل الRPM روح ركب هدرز اذا كنت تقدر هو ينزل الRPM مثلا عندي الضغط و أنا أمشي 120 و بالقير الخامس يكون على 2600 دوره و بالرابع و أنا أمشي 180 يكون الضغط على 4900 دوره و شوي و يقطع الموتر علي (اجنان) و لا تخاف اذا ما كان عاجبك صوت الهدرز العادي (ازعاج) فيه نوعيه جديده ما يطلع صوت (خفيف) الا عند ضغط 3000 دوره و هذا اللي مركبه على السفاري حقي و يخلي اللي واقف جنبي عند اشاره ما يشك اني معبث بالسياره الا عندما أطوفه :banana: :banana: و شفتلي باترول ستاندرد VTC مركب هدرز بس (كامل) يقوم مع كامري جراندي و لا يجيبه الجراندي الا خط. :banana: :banana: :black: :black:

King 4x4

مشكور اخوي على ردك السريع
بس حبيت اعرف نيسانك موديل 2002 او 2003 ؟
لاني سمعت ان الغير العادي تغير في موديل 2003
و خلوه يحكر اكثر من السابق :confused:
هذا الي سمعته و بس حبيت اتأكد :)

بالنسبه للهدرز كلامك صحيح لازم بيفرق
لكن حاليا ما افكر اني ازوده ;)


:) :) :) :) :)

خوي سيارتي ربع 2002 حاليا أقوم على VXR ويجيبني عند 140 (الجير الرابع) بس أجيبه عند 165 و اسمع كلامي لا تتردد و روح الحين ركب هدرز و الله ما تندم أنا سيارتي أمس (أو قبله ما أتذكر) كملت 30000 مغير سيستم الكهرباء (بواجي أسلاك كويل) عند 20000 و الهدرز مركبه عند 28000 و الله ما ندمت ما شاء الله السياره قمت بها على مركري قديم عاد فيما بالك الVTC وش يسوي اذا ركبت هدرز روح ولا تتردد و تراه يريح المكينه بقوه و اذا ما كنت من الناس اللي يحب يدوس البنزين بقوه (سواقه شيبان) صرفيه السياره بتصير حلوه (خاصه خط).:glasses2:

اخوي king4*4 قل ماشاءالله ترى مايحسد المال الا اصحابه الله يعطيك خيره ويكفيك شره

بس ترى مافي ازين من البليزر 81 ماكينه 454 مع هيدرز وعبارات طالعه من تحت الرفرف الامامي يعني راحه للمكينه مابعدها بس صوت يجنن كانك فالت 20 دباب شاردين من الجوازات(لانهم غسالين تشاديه):D
بس يبيلك تسوي تانك بنزين جديد حتى لايقطع عليك بعدماتفرق للبر ب30 كيلو
بس الصدق بعد البليزرات القديمه طبعا انا ماشفت ياكذا الدفع الرباعي يابلاش بس تكون454

شتلت عن الموضوع الاصلي صح :confused:
بس حاليا بعد البترول الربع انا ماشفت يعني لو ابي اشتري سياره دفع رباعي مااشتري غير باترول
يكفيك رزته ماشاءالله عليه مومثل الكرتون عاشق القلبات (قصدي ربع التويوتا )
ومبروك عليك البترول يا corvette 40th الله يعطيك خيره بس بدري على اللعب لسه الشتاء باقيله 6 اشهر
سلالالالالالالالالالالالالالالالالالالام

هذي مقارنة تساعد في الموضوع و هي بين انواع انظمة الملاحة في الباترول و السيارات الاخرى اتمنى تعجبكم

مدري ياشباب انا سمعت انه في الكويت ينزل عندهم باترول ربع 4800 VTC

المعلومه هذي صحيحه ولا لا؟

لا تقهري السفاري ربع كربريتر قوي و اذا جاء بخاخ لا تقاومه اذا كان عندك تيوتا بجميع أنواعه أما يجي 4800 و الله ليقوم العبث و السياره تركبلها أجنحه عشان تطير.:shock2: :shock2:

نيسان ..