لومي ولا ليمون... عسى الكل ضابط ترمومتر الضغط


الله يقلعه ويقطعه في كل كتاب .. والله يعين الثوار وينصرهم ..... حكام العرب للأسف عطوا صورة غير مشرفة عنهم ... الكل ضارب نفسه بمسامير على كرسي الحكم

ايه مافيش زيي اثنين ... والفوله اللي مبارح مانأسمتش نصين ... أوف مصري بالولادة مو بالتجنس

عسى مااحد(ن) تضرر... آر بي جي وتقول محدن تعور ... سو طريق خل ننقل القتلى والجرحى

ان شاء الله بس خليني افصل سلك الصوت والصوره... تعليقك جاهز ... افصل خل نشوف أخرتها وياك

اتمنى ذلك .. مع شوية دواء الضغط حبة ادلات 30 مع حبتين املور 0.5 :D


احتمال كبير :D


يمكن طاح في ارض غير مأهوله بالسكان <<< متعوب عليها هالجمله :damp: :help:


وش اسوي .. خل ولا زيت :D

قبل ما أشوف ردك يا مبدعنا بقول لك عن حالة الطقس عندنا

الجو متقلب بين رطوبة وضباب والظهر حر لا يطاق

رجع الصيف يا مبدعنا وما لحقنا نشبع من المطر

مع شوية دواء الضغط حبة ادلات 30 مع حبتين املور 0.5 ...ما شاء الله عليك صاير دكتور ومتخصص في الأدوية

احتمال كبير ... قول سعودي وأفتخر

يمكن طاح في ارض غير مأهوله بالسكان <<< متعوب عليها هالجمله... شوصف فيك وشخلي منك ... دكتور وصيدلاني وشاعر وفنان ولغوي بعد

وش اسوي .. خل ولا زيت... مو انت شتسوي أنا إلي شسوي ... ابتليت في واحد عسا ما أقول كلمة إلا علق عليها

الجو هاليومين متقلب كثير .. البارح رطوبه وهواء مشبع بريحة البحر ..

اليوم غيم .. وشوية عجاج .. الله يستر

قبل اسبوع تقريباً .. جاتنا عاصفه ترابيه بمعنى الكلمه ..

اسأل الله ان يلطف بحالنا ..

اللي بالاحمر .. على خفيف بس .. بعدين انا استشاري :D

اللي بالرمادي .. احرجتيني .. بس مايمنع اقول سعودي وافتخر ..

اللي بالاخضر .. من بعض ماعندكم :D

اللي بهذاك اللون .. ههههههههههههه الله يفكك من هالتعليقات ومن هالواحد :D

لما صارت العاصفة الترابية في الكويت نشروا عندنا على البلاك بيري إن العاصفة بتكون عندنا بعد يومين

الحمد لله ما صارت بس كان الجو وقتها رطوبة والجو غير شكل ... ما تقدر تتنفس بدون تكييف

لما نطلع الظهر من الدوام درجة الحرارة 38 درجة

الله يلطف فينا مثل ما قلت ويشملنا برحمته

على خفيف بس .. بعدين انا استشاري ... وين الإعلام عنك ... وين المستشفيات ... ليش المسؤولين للحين ما اكتشفوك ... بصراحه ما لهم حق ... عندهم واحد مثلك فلته وعنده كل هذه المواهب وهاملينه

احرجتيني .. بس مايمنع اقول سعودي وافتخر ... الحمد لله يا مبدعنا ان احنا نقول جنسياتنا بدون أي خجل ونفتخر فيها بعد ... الله يديمها علينا نعمة ويحفظها من الزوال

من بعض ماعندكم... ما نوصل لك طال عمرك ... ده انت الإبداع كله

الله يفكك من هالتعليقات ومن هالواحد... لا إله إلا الله ... أقول لو كنت ساكت كان أحسن ... قل خيرا أو اصمت ... من جد مبدعنا تراك تضيق خلقي لما تقول هذا الكلام ... الله يحفظك وأشوفك دايما منور صفحات سوالف بسوالفك الحلوة

يكون الجو رطوبه مايخالف .. لكن الجو عجاج وتراب ومافيه نفس والمكيف يسحب الغبار

حسينا بالاختناق .. وقف الهواء ومانشوف المصوت ومانشوف حتى البنايات اللي حولنا ..

واللهم لك الحمد عدت هالايام على خير .. والله لايوريكم المكروه ..

اللي بالاحمر ..لا ماهم بهامليني كثر ماني بمتواضع .. مااحب اطلع في الاضواء اخاف على عيوني :D

وبعدين ماكل واحد يقدرونه وانا اكبر دليل :glasses2:

اللي بالرمادي .. الحمد لله .. والاكيد نفخر ونفتخر بجنسياتنا وملوكنا وامرائنا وشيوخنا والله يحفظهم ويحفظ الخليج العربي ..

اللي بالبرتقالي .. اه اعملي لك شوية همه على شوية أرشين حلوين اهوه ينفعوك في وأت الزنأه :D

اللي بالازرق .. هههههههههه ذكرتيني بواحد من الشباب يقولي اذا عصب يازينك وانت ساكت :D

والله يحفظك ويجزيك كل خير .. والنور نورك الله يبارك لنا فيك ..

خطاكم السوء والله لا يعودها عليكم من أيام

حتى في الكويت تقول اختي صارت الدنيا ظلام من الغبار وفي دقايق ما عرفوا شلون صارت الدنيا ظلمة والتراب ملى البيت

الناس طغوا يا مبدعنا لذلك رب العالمين يرسل لنا هذه الأشياء حتى نعود إليه

لا ماهم بهامليني كثر ماني بمتواضع عاد هذه النقطة ما خذتها في بالي

مااحب اطلع في الاضواء اخاف على عيوني... الله يسعد قلبك يا مبدعنا تعرف شلون ترسم الضحكة على وجهه إلي قدامك من جذي ربعك مهما ترفع ضغطهم يحبونك ... سلامة عيونك وبعدين يا مبدعنا هذه ضريبة الشهرة طال عمرك

وبعدين ماكل واحد يقدرونه وانا اكبر دليل... توه تقول ما هاملينك ... إنت خل معنوياتك مرتفعة والباقي على الله

اه اعملي لك شوية همه على شوية أرشين حلوين اهوه ينفعوك في وأت الزنأه ... وهذه قاعدتي في الحياة يا مبدعنا ... من أول ما توظفت وأنا أحاول أرتب أموري ... ما أقصر على نفسي وفي نفس الوقت ما أبذر كل راتبي ... لذلك الحمد لله سيارتي ما عليها أقساط ودخلت مع زوج اختي مشروع أسأل الله أن يبارك لنا فيه

ذكرتيني بواحد من الشباب يقولي اذا عصب يازينك وانت ساكت ... يحليلك يا مبدعنا تلقاها مني وله من ربعك ... الله يعينك

خطاك اللاش .. والسوء مايجيك يابعدي .. والله يجزاك كل خير ولايوريكم المكروه ..

وكلامك صحيح .. ويكفي الفشخره والتبذير والبذخ اللي يعجز اللسان يوصفه ..

"ربنا لا تؤاخذنا إن نسينا أو أخطأنا "

اللي بالاحمر .. ايه اخذيها وحطيها حلقه في اذنك :D

اللي بالرمادي .. وياك ان شاء الله .. وهذا بسبب ردودك الله يجزاك خير .. وتفاعلها النووي :D

والشهره هذي لاحقتنا في كل مكان :OO: ومن قال يسلم ويسلم غاليك ..

اللي بالاخضر .. مخليها من ذا الرد ويمكن بعد شويه تصير في قمة افريست :D

اللي بالبنفسجي .. حلو والله .. والله يوفقك ويرزقك من اوسع ابوابه ..

اللي بالبرتقالي .. اي والله لاقيها منك ولا من ربعي :D << مايعرف يجامل ابد :32:

الله يلطف فينا ويرحمنا ويردنا إليه ردا جميلا

أمس مر علينا غبار بعد المغرب مبدعنا

وبعدها نزل علينا مطر ما شاء الله الشوارع الصبح مغطاية بالماي

الله يجعلها أمطار خير ورحمة ويشمل فيها جميع بلاد المسلمين

ايه اخذيها وحطيها حلقه في اذنك... حاضرين لطيبين ... بس نسيت أقول لك إن إذني ما تستحمل إلا حلقات ذهب وألماس بس

وياك ان شاء الله .. وهذا بسبب ردودك الله يجزاك خير ... الله يحفظك يا مبدعنا ... ذكرتني أول ما عرفت زهرة الكركديه استغربت مني وله تقول إنت غير في المنتدى شكلك جد وايد ... لكن مثل ما يقولون يا مبدعنا الطبع يغلب التطبع

وتفاعلها النووي... محد موهقنا غير ردودك ... وش له المفاعل النووي الحين في السالفة ... محد بيجيب العيد لنا إلا انت

والشهره هذي لاحقتنا في كل مكان...أبد إنت والشهرة مثل البني أدم وظله

مخليها من ذا الرد ويمكن بعد شويه تصير في قمة افريست... وأنا أقول خل طموحك أكبر ووصلها لعنان السماء

والله يوفقك ويرزقك من اوسع ابوابه... ومن قال يا مبدعنا ... ودائما اقول الحمد لله إلي وفقني لهذا الشئ ... الكثير من البنات إلي أعرفهم يصرفون كل راتبهم على الملابس والشنط والساعات والعبايات بدون تفكير وما توصل لنص الشهر إلا وهي مفلسة ... هذا غير ديون البنك لأنها ساحبة أخر موديل من السيارات

أنا ما أقول الواحد يبخل على نفسه بس بعد لازم يكون كل شئ في المعقول ... خذ مثلا العبايات ... في محلات تفصل العباية على 400 و500 وفي محلات تفصلها على 2000 و5000 بعض الأحيان ... إذا كان راتبي 10000 أو 12000 ليش أفصل عباية تاخذ نصف راتبي؟؟؟

لازم الشخص يصير عنده كنترول على كل شئ في حياته ... لأن ساعات سبحان الله يصير ظرف طارئ يحتاج يكون عندك شئ للزمن ... مثلا لما مرضت كل مصاريف الفحص والعلاج علي لأني رفضت علاج مستشفياتنا وما رضيت بجرعات الكيماوي والنووي إلي بيعطوني ... فشوف يا مبدعنا كم مستشفى خاص راجعت وكم بلد سافرت الحمد لله ... ساعدوني الأهل الشهادة لله لكن أنا ما أحب أثقل عليهم

اي والله لاقيها منك ولا من ربعي :D << مايعرف يجامل ابد... دفش من يومك الله يحفظك ... لكن بعد الله يعينك علينا

الحين اتصل علي شخص من عجمان يقول الأضرار من العاصفة أمس كثيرة

سبحان الله يا مبدعنا كل مرة يجي عندنا غبار نلقى في عجمان ضعف إلي عندنا

الله يلطف بالبلاد والعباد

اللهم امين .. وسبحان الله دوامة الغبار تاخذ لها لفه وسبحان مجري السحاب

ومطر خير ان شاء الله والله ينفع بها البلاد والعباد ..

اللي بالاحمر .. دامك قلتي اني طيبين فــتستاهلين الذهب والالماس والذي منه :D

اللي بالرمادي .. هههههه والله هذي السالفه :51:

والله يحفظك ويخليك لعين ترجيك ..

اللي بالاخضر .. طيب وانتي بتجيبين لنا رمضان :D

اللي بالبرتقالي .. زين والله معلومه جديده :glasses2:

اللي بالازرق .. اما لعنان السماء .. يبي لي مساعده ... تقدرين تساعديني :damp:

اما كلامك فهو عين العقل وموزون والله يرزقك وعقبال مانشوفك سيدة اعمال قد الدنيا قولي امين

اللي بالوردي .. عدال يارقه ماادري يانسمه .. خلي الدفاشه لي وخلينا الرقه والنسمه والنعومه

وكل شي فيه لطيف لك فأنتِ تستحقينه وبجداره .. الرجاء امسكوا اماكنكم لأني ابهزر مع اختنا الغاليه بشاير الخير :D

لا من جد انا دفش وهذا صفه مقترنه بالرجل ..

اما النعومه واللي حولها فهي مقترنه بالنساء ( كأني قلت شي جديد ذا الحين )

تراني امزح ولاتاخذين في خاطرك علي ..

تصبحون على خير ..

دامك قلتي اني طيبين فــتستاهلين الذهب والالماس والذي منه... إنت طيب يا مبدعنا وابو الطيبين كلهم ... اعتقد الحين استاهل طقم كامل

طيب وانتي بتجيبين لنا رمضان... شسوي فيك يا مبدعنا كل ما كلمتك في شئ قلت بتجيبين لنا العيد

اما لعنان السماء .. يبي لي مساعده ... تقدرين تساعديني... سجل اسمك في ناسا وانتظر الدور يمكن يطلعونك رحلة مجانية

الرجاء امسكوا اماكنكم لأني ابهزر مع اختنا الغاليه بشاير الخير ... تهزر وله ترسل صواريخ أرض جو

لا من جد انا دفش وهذا صفه مقترنه بالرجل .. اما النعومه واللي حولها فهي مقترنه بالنساء ... في هذه صدقت يا مبدعنا ... ومجتمعاتنا إذا شافوا واحد ذرب ولطيف في الكلام صرفوه على طول من الجنس الثالث

تراني امزح ولاتاخذين في خاطرك علي ... تراني وايد ماخذه على خاطري ... إلا إذا وصل طقم الألماس

تصبحون على خير... وإنت من أهل الخير

اللي بالاحمر .. ههههههههه يعني ذا الحين تراك ترشيني :OO:

اللي بالرمادي .. متى مااتذكر :damp:

اللي بالاخضر .. ههههههههه بس انتي قلتي لعنان السماء ماهو بعنان القمر <<< كف :help:

اللي بالبرتقالي .. مسكين وكم مره اقول مظلوم :cry:

اللي بالازرق .. يعني يكون معتدل ويتميز برجولته تفضل له .. ويخلي عنه التميع والمايعه :D

اللي بالبنفسجي .. اقول اختي بشاير الخير .. واحد زايد واحد كم يساوي :D

وتلاقين الخير ياوجه الخير ..

يعني ذا الحين تراك ترشيني... منو قال هذا الكلام ... أريد فتوة صحيحة تقول إني قصدت الرشوة

متى مااتذكر... زين عرفتك الحين وله كنت توهقنا إذا وديتك معاي المحكمة تشهد ... بتقول للقاضي أنا وين؟

بس انتي قلتي لعنان السماء ماهو بعنان القمر ... إنت الحين أوصل للقمر وتاليها الله كريم ... المشكلة الفقارة لما يحطون في راسهم شئ

مسكين وكم مره اقول مظلوم... كل مرة تبكي بالكذب ... الحين صرت ما أصدقك

اقول اختي بشاير الخير .. واحد زايد واحد كم يساوي ... يعني تختبرني ... طبعا في هذه الحالة واحد زايد واحد يساوي مبدعنا يهدي طقم ألماس لبشاير

اللي بالاحمر .. هههههههههه طيب كلامك .. تراه اكبر دليل :glasses2:

اللي بالرمادي .. ههههههههه بس اللي ضدي انسى واللي لي اتذكره 100% :D

اللي بالبرتقالي .. ههههههههه والله انك صادقه :D

اللي بالاخضر .. هههههههههههههه عطيني دور ثاني يمكن مااكذب :damp:

اللي بالازرق .. هههههههههههه هذا اللي انا اقصده تصدقين :D

طيب كلامك .. تراه اكبر دليل ... انت فسرتها على إنها رشوة ... وأنا أرشيك ليش من زود المنصب إلي عندك

بس اللي ضدي انسى واللي لي اتذكره 100% ... طلعت مب هين وراعي مزاج بعد

والله انك صادقه ... ومثلك يوصل لأنه حب الناس له يرفعه إلى عنان السماء

عطيني دور ثاني يمكن مااكذب ... وبعد تبي دور ثاني ... إنت حتى في الإعادة بتفشل

هذا اللي انا اقصده تصدقين واي الله يرضى عليك ويجبر بخاطرك ... متى بيوصل الطقم ... ياليت يا مبدعنا قبل شهرين لأن عرس ولد عمي بعد شهرين (عقبالك)

انت فسرتها على إنها رشوة ... وأنا أرشيك ليش من زود المنصب إلي عندك

ههههههههههه .. عندي منصب بس ماابي اعلمك اخاف وللمره المليون من العين :damp:

طلعت مب هين وراعي مزاج بعد

طالع(ن) عليك ياخيه :D

ومثلك يوصل لأنه حب الناس له يرفعه إلى عنان السماء

تراني اثتحي .. وماعليك زود والله يرفع قدرك كمان وكمان ..

وبعد تبي دور ثاني ... إنت حتى في الإعادة بتفشل

هههههههههههه .. كل شي جايز .. الا اعتقد واجزم بعد :confused:

واي الله يرضى عليك ويجبر بخاطرك ... متى بيوصل الطقم ... ياليت يا مبدعنا قبل شهرين لأن عرس ولد عمي بعد شهرين (عقبالك)

الا اقولك جيبي طقم البدله واجيب لك طقم الالماس :D ..

بعد الحين غيرت رايي ابي 100 طقم بدل ولاتنيسين الكرفتات بعد :32:

وعقبالك انتي والله يسعدهم مقدماً .. ويوفق بينهم ..

عندي منصب بس ماابي اعلمك اخاف وللمره المليون من العين ... كأنك وايد واثق من نفسك ... وبعدين ما سمعنا عنك من ضمن أصحاب المعالي والسعادة

طالع(ن) عليك ياخيه ... ما تتذكرني إلا في الشئ الشين

كل شي جايز .. الا اعتقد واجزم بعد... رحم الله إمرء عرف قدر نفسه

الا اقولك جيبي طقم البدله واجيب لك طقم الالماس .. ... أفا يا مبدعنا يعد كل هذا العمر تساومني

بعد الحين غيرت رايي ابي 100 طقم بدل ولاتنيسين الكرفتات بعد ... ليش حد قالك إني فاتحه محل ملابس ... وبعدين لاتتشرط لا أخنقك في الكرفته من الغيظ

وعقبالك انتي والله يسعدهم مقدماً .. ويوفق بينهم جزاك الله خير يا مبدعنا والله يوفقهم ويوفقك يا رب