الموضوع صار له سنتين
|
إقتباس:
شكلك تقصد مازن ادا ماني غلطان صح؟؟؟ |
الله يرحمنا ويرحم اموات المسلمين ... على العموم الموضوع قديم لكن بما انه مفيد فلامانع حتى من تثبيته للعبرة ... انا ولله الحمد الان ما اسرع مثل اول وان اسرعت فما يكون ذلك الا بأماكن مفتوحة واكون شديد الحذر ومركز و اذا كانت سيارتي بحالة ممتازة من ناحية الكفرات .. ووالله كل مرة اتذكر المستشفيات ودخلاتي لها اكره الرجوع لها ..
إقتباس:
صح هو مازن الله يرحمه ... اخوكم الشبابي |
السلام عليكم ورحمة الله و بركاته
اللهم ارحم موتى المسلمين أجمعين و عظم الله أجركم أخواني الحادث اللي صار لي في عطلة الصيف الماضي السيارة الله يحفظكم صايبتها عين سيارتي الاتيما 2005 و الله يا شباب إني من خذيت السيارة حادث ورى حادث الين انعدمت السيارة أول ما طلعت السيارة من الوكالة بعد ساعتين ونصف امشي بالحارة اللي في الوسط 100 بسرعة و كان على يساري فورد تقريبا يمشي 110 و كان على يميني باص TATA و جه ورى الفورد كرسيدا يمشي ألف و حاط الليت على السكن و سيارته سوده و بالليل و من مسافة قريبة كبس للفورد الفورد طبعا ما عنده مجال انه يوسع له لاني جنبه و فجأة يقوم راعي الكرسيدا بحركة غبية و راح للحارة اليمنى و أنا الاحظة و عارف شنو جنبي اللي هو باص تاتا الهندي و معروف حديد x حديد فأنا قلت وين راح الغبي هذا و فجأة أسمع صوت اصتدام بالباص و في هذي اللحظة راعي الكرسيدا خاف انوا يدخل تحت الباص راح و صدمني في الباب الخلفي من سيارتي وتفتر السيارة بالخط السريع و الحمد لله ثبتها بعد 500 متر تقريبا و الحمد لله أيضا إني ما صدمت راعي الفورد و لا الباص و بعد ما ثبت السيارة و قفة على حارة الأمان (كتف الطريق ) ورجعة و أنا اهدد و اتوعد :ranting: و راعي الكرسيدا اول واحد و قف و ثم و قف جدامه الباص اول ما وصلت ولا الهنود و الصعايدة اللي في الباص كلهم يلعنوا و يسبوا فيه قلت الظاهر ذبحوا ملاحظة الحادث صار فوق الجسر فلما كلمت واحد من الهنود ابي اعرف و ين راعي الكرسيدا قالي رجع قري و نزل تحت الجسر و دخل داخل المنطقة وانحاش :cry1: طبعا طاب خاطري من السيارة بعد ساعتين و نص من خروجها من الوكالة و كل هذا بسبب استهتار راعي الكرسيدا و الله المستعان . و يا شباب السيارة مثل ما قلت حادث ورى حادث هذا الحادث الاول و مجموع الحوادث اللي حصدتها الالتيما 8 حوادث فقط في اربعة اشهر و الحمد لله إني ولا حادث كنت أنا المخطئ كل حوادثي كانت امشي في حالي و اندعم و آخر حادث صار لي في ضحايا اثنين و بعده انعدمت السيارة و آسف على الاطالة :shy: |
| الساعة الآن » 07:18 AM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.