View Full Version : سؤال عن السيارات الجديدة والتمرين؟
s3ood
24-06-2001, 11:52 PM
السلام عليكم ورحمة الله وبركاته
شباب حبيت اسئلكم عن التمرين اقصد تمرين السيارات الجديدة
و ايهو افضل انك تمرن السيارة أو لاء ؟ و ما هي مدة أو مسافة التمرين ؟
وما هي فائدة التمرين ؟ وهل هناك أنواع من السيارات لا تحتاج إلى التمرين أو التدخيل إلى الوكالة أول 1000 كلم؟
بالتأكيد التمرين من الأشياء المهمة واللي لازم تحافظ عليها عند شراء السيارة الجديدة
وهي مذكورة في كتيب أو دليل المالك وتسمى (فترة تليين المحرك) وفي الغالب لا تزيد على 1000 كيلومتر وأحياناً 1500
s3ood
25-06-2001, 12:09 AM
اهو قول مبروك بس بس
انه يوم خذت السيارة وانا طالع من الباب سئلت المندوب
قلت له كم التمرين حقها ..... استغربت يوم قال لي ماتحتاج تمرين مع العلم انها كانت اصفار .. قلت له طيب امشيها على الـ 80 قال لي لاء ... قلت له 100 قال لي دوس و قد ماتقدر جيب..
قلت له انزين والفحص الأول اجيبها في 1000 قال لي لاء بعد جيبها في الـ 5000 مع العلم ان السيارة هي ميركري سيبل
واتذكر من ثلاث سنواط طلعنه فورد بعد قالو لنه دوسوا علية على كيفكم بس كانت الصيانة الأولى في 1000 كلم
والله شيء محيرني
واخوكم ماعطلها بعد طلعت على نفس الشارع من الوكاله على طول 160 كلم ...
موضوع محير صح
أخوي
إقرا كتيب المالك وتأكد من هالموضوع
بصراحة ما عندي أي فكرة عن سيارات فورد
لكن كل شي جايز
وألف مبروك :):)
s3ood
25-06-2001, 12:45 AM
مشكور اخوي E55 تعبتك معاي
ان توني فاتح الدفتر حق السيارة و شفته عدل
و توصلت للأتي ....... السيارة خالصة و امرنة (كيف مادري وهي اصفار)
والصيانه الأول عند الــ 5000
وشكرا مرة اخرى على المساعدة ماخلو شيء الأمريكان
هاهاها