تدهور حال . . . . . اللومينا

[CL 600]

مما لاحظنا مؤخراً إنخفاض مبيعات لومينا بشكل كبير .. وهذا ما أكده لي أحد الزملاء ( في مبيعات شركة الجميح ) .. مما جعل الشركة الكبرى تبحث عن إعلانات جديدة لهذه السيارة ..
وهذا واضح من خلال مايلي : -

- بدأت المجلات في التحدث عن إرتفاع مبيعات لومينا وكابريس عام 2000 حتى وصلت لـ ....... سيارة ( لا أعلم كم الرقم ) وهذا مايجعل الناس ترتاح إلى حدٍ ما تجاه السيارة ...

- تجربة لومينا مرة أخرى في آخر عدد لمجلة سعودي أوتو ( لا أعتبرها مجلة سيارات ) ومدح السيارة بشكل يجعلها تنافس البي إم و المرسيدس بنز ..

... أذكر لكم بعض من مدحه في اللومينا التي كلكم تعرفونها وبالذات أصحابها ...

ـــــــــــــــــــــــــــــ سيارة التجربة LTZ ـــــــــــــــــــ

* تتألق مقصورة لومينا بتفاصيلها ذات الثراء ومستوى التشطيبات الراقي .

* أكدت لومينا في قيادتها على مختلف عوامل الثبات والتشبث بالطريق والتوازن الكبير عند المنحنيات والمنعطفات الحادة ..

وغير ذلك كثير ..



وش رايكم بصراحة في الموضوع ؟؟

[S8]

أنا أوؤيد كلامك وبقوة
لأن الناس عرفت الجردة خلاص لأنها في الحقيقة ضحك على الدقون
وللمعلومية وانا قلتها قبل كذا وهي معروفة لدى الجميع
(ان صاحب السلعة يدور العيب فيها ويقوم يمدحه )

ولا انسى اني دخلت مستودع الجميح الأسبوع الماضي وشفت نص السيارات الموجودة لومينا 2000
لا ومصلحين عليها عروض ولا احد اشترا الله يكون في عونهم

الظاهر انهم زي كيا راح يغيرو الشكل والإسم ...لي لا ??;);):)

[E55]

:):)

[CL 600]

S8 .. تكلم بشكل علمي .. أفضل .

E55 .. ودّي أسمع رأيك بحكم إنك مجرب .. ولا تفهم غلط مرة ثانية .

[S8]

:confused:،،،،;);)>>:):)

[E55]

رأي !!!

رأيي قلته أكثر من مرة ، لكن مب مشكلة لو أعيده لك مرة ثانية

خاصة وإني أنا مجرب اللومينا ولا زلت أمتلكها ... "وإنتوا لأ"


أنا بتكلم عن اللومينا SS لأن ما عندي فكرة عن الـ LTZ

سيارة رائعة ، ممتازة ، ما واجهتني أي مشكلة فيها إلا الأن (اللهم لك الحمد)

شكل ، قوة ، مريحة من الداخل

تنقصها بعض التجهيزات من الداخل ... لكن الأشياء هذي مب مهمة لشخص يحب سيارة تحمل هالحرفين .... ٍٍSS :)

أعرف إن رأيي ما بيعجبك ولا بيعجب صاحبك ... لكن اللي يفرق إني جربت ... "وإنتوا لأ"




تحياتي :)

[S8]

E55
ليش فهمتها غلط :(:(
الله يسامحك والله ما كان قصدي الا طيب ...

[E55]

شو هو اللي فهمته غلط يا S8 ؟؟

[S8]

أعرف ان رايي ما بيعجبك ولا بيعجب صاحبك :)

===========================================انتهى

انا اعرف ناس كثير مرتاحة من اللومينا وماشافت منها ولا عيب وفي ناس تبكي منها:(
يعني المسألة على ما اعتقد مسأله حظ
سؤال انتظر منك جوابه
ليش ناس تشتكي وناس مرتاحه مثلك مع العلم انهم محافظين ؟؟:):)

[شرخشين2000]

السلام عليكم ورحمة الله وبركاته

بغيت أنوّه على كلام الأخ العزيز CL600 ،، ان اللومينا انتشرت بشكل واسع في الآونة الأخير ،، و أنا أعرف الى الآن 7 لومينا SS خالية من المشاكل و 12 لومينا V6 خالية أيضاً ،، و فوق هالشي إنك لو تسأل صاحبها ،، وش راح تاخذ سيارة بعد اللومينا ؟؟ راح يكون ردّه وبدون أي انتظار ( لومينا ‍‍‍ )

و بعدين اللوميناLTZ مو ناقصها الا شي واحد أو بالأصح شيئين اثنين فقط لا ثالث لهما ،، و هما :
1/ خشب الطبلون 2/ محرّك 8 اسطوانات

بعدين من ناحية الشكل ،، بكل صراحة ،، أحلى لومينا على الاطلاق ‍‍
ومن ناحية الاستعمال و التحمّل ،، عندك الأخ E55 اسأله عن الـ 8 سلندر كيف تحملها ،، و تقدر تسأل أي واحد عن تحمل اللومينا 6 سلندر ‍‍‍
و أنا أتكلم كصاحب لومينا 2001 LS ،، السيارة قـمّـة في التحمل ،، لكن تحتاج الى شئ واحد فقط ،، انـّك تحمّيها قبل لا تمشي ،،،،

هذا كل ماعندي ،، وتحياتــــــ للجميع ــــــي

[S8]

استاذ شرخشين >>ستوب شويه

معليش احنا ذكرنا انه في ناس كثيرة محافظة عليها ومع ذلك خربانة واكبردليل صيانة الشركات

وقلنا كمان انه في ناس استخدامها وسخ ومع ذلك ماشاء الله مافيها سياراتهم ولا شئ

بس حبيت اعرف وبكل جدية ليش هالفروق ؟؟

وسلامتك

[E55]

S8

تعتقد الشي ينطبق بس على اللومينا ؟؟؟

ما قرأت قصة الدكتور صاحب الفولفو ؟؟؟

في ناس يعشقون الفولفو ، وهذا مسوي موقع خاص عشان يفضح فيه الفولفو

وفي ناس تسب وتلعن ليل ونهار في البي أم ومشاكله وخاصة الـ 750 ، وفي ناس تستغرب من اللي يشتكي منها

ونفس الشي هذا ينطبق على سيارات كثيرة

إنت شو رأيك في الفورد ؟؟؟؟

تعال الإمارات وإسأل أي حد تقابله في الشارع عن رأيه في الفورد (باستثناء الموستنج)

مافي داعي أوصف لك جوابه

إذا حبيت تسأل عن شي ، إسأل شخص يملك الشي هذا

وأنا وشرخشين وكل اللي شاركوا معانا في القسم من أصحاب اللومينات :) ما إشتكوا منها !!!

وكل اللي مالهم علاقة باللومينا يشتكون منها !!!!

شي غريب :):)



وبعدين ...... مافي سيارة في الدنيا غير اللومينا ؟؟؟؟؟

كل مواضيعكم عن مشاكل اللومينا (وينك يا وكيل اللومينا تعال شوف) :)

على فكرة ، شرطة أبوظبي إشترت مجموعة جديدة من اللومينا 2001 (الشكل الجديد)

وهذا دليل على نجاح تجربتهم مع اللومينا

وأعتقد إن شرطة الشارقة بدؤوا باستخدام نفس السيارة :)

تحياتي :)

[S8]

غريبة :)
صحيح ليس على اللومينا فقط
لكن ماهو تبريرك بوجود موديل 2000في الوكالة وحتى بعد العروض ما احد اشترى
خلني اقولك >لمن دخلت مستودع الجميح لقيت لومينات كثيرة 2000 ولمن سألت الموضف اكد انها جديدة وما احد اشتراها قلت له خلاص الناس عرفت المقلب ....عارف ايش قال >>قال هم اصلا ليش اشتروها من البداية <ماهم عارفين انها تعبانة >قلت له ماعرفوا المقلب الا بعدين قال الله يعينهم
هذا الكلام مع مسؤل المستودع
اول مرة اعرف انه في ناس كثيرة بتشتكي من البي ام
اما عن فضائح الفولفو فهي كثيرة جدا ومعروفة وفي كل السيارات موسيارة عن اخرى ومنها القير والمكيف والكنداسة وووالخ

واما عن مشاكل الفورد كمان معروفه حتى ان اسمها ((سيارة الورش))من كثرة اعطالها

واذا واحد يبغى فورد لازم في الأول يتعرف على ورشة قريبة من البيت عشان مايتعب في المشاوير والروحات والجيات :):)

واما عن اصحاب اللومينات فعندك مثلا الأخ ماجد اللي جانا واشتكى من اللومينا
بعدين بالله عليك كيف تبغاني اشتري سيارة زي هذي وانا اسمع كثير من الناس يشتكوا منها ولا انسى اقولك اني شايف الورشة حقت الوكيل كلها لومينا وكابريس 2000 وخراباتها بالهبل
مع اني ناوي اشتري سيارة في حدود الـ85الف ريال لكن مافكرت باللومينا ابدا
وعندك الشرطة السعودية عندنا خسرت خسائر كبيرة بسبة هاللومينا وكل يوم تلاقي 15الى 20 سيارة واقفة تنتظر دورها في الصيانة للجير
وكمان سمعتها من مسؤل في الصيانة ان اكثر السيارات الموجودة في الورشة هي لومينا وكابريس
والمشاكل تتلخص في
البخاخ
طرمبة البنزين
القير
لمبة الطبلون (والعة على طول)
طقطقة في الأذرعة والمقصات
وفوق هذا كله الكورولا ارسى منها في الخط >>>الكلام هذا بعد تجربتي لها وبعد ماسمعت ناس كثير عندها لومينات
على العموم الله يبارك لك في سيارتك ويحفظها من عين الحسود وان شاء الله ماتشوف فيها شر :):)

[BRABUS]

ما شاء الله عليك

كل ما حد فتح موضوع عن اللومينا اتقول إنك زرت المعرض ولا المستودع ولا الوكاله قبل طرح الموضوع بكم يوم :)

أقوول ليش ماتسير تشتغل حارس عندهم في الوكاله مب أحسن ;)

والله أسميكم اتضحكون يوم ترمسون عن اللومينا

وهني عندنا في الامارات زاد سعرها

ليكون الدفعه اللي توصل الامارات غير واللي توصلكم في السعوديه غير ;)

والله جايز ليش لأ :)

[NFS]

تصدق يا برابوس هذا نفس توقعي ، اللومينا إلي في السعودية صناعة "أم الحمام:D:D:D، أما إلي عندكم صناعة أسترالية أصلية.

[S8]

;);)
:):)

[مسيطر]

شباب تصدقوني,,












والله ثم والله ثم والله إن اعرف كذا واحد مرجع اللوينا تبعه للشركه

اولهم,, سيارته كملت ثلاث اشهر واقفه وماعنده نيه يطلعها

مره ثانيه

سألته ليه ما تطلع سيارتك من الشركه قالها وبالفم المليان


مستحيل,, السياره مااكملت ست أشهر ومغيرلها جربكسين(على الضمان)


ومعاه الحين اكورد 97 ولا فالنيه يغيرها,,


أما الثاني مرجع سيارته بسبب صوت حنه شديد يصدر


من المحرك شهرياً ((سارة مجله مسارت سياره));):)

والحين معاه ((سوبارو2001)) ومرتاااح معاها,,



والبقيه الله اعلم وش حالهم..,,

_____________________________تحياتي_______________

[زورو الامارات]

السلام عليكم ورحمة الله وبركاتة
اعزائنا في منتدى سوالف الكرام
لنتكلم عن اللومينا اس اس بشكل منصف جدا لابد ان نضع المميزات والعيوب للسياره وبعد ذلك بأمكاننا تقرير ما اذا كانت سياره فاشله او ناجحه

من اهم مميزات اللومينا اس اس محركها الحديث والغني عن التعريف 5700 325 حصان من مميزات هذا المحرك محافظته على البيئه واستهلاكه المعقول جدا من الوقود وهدودء عمله على دوران منخفض ونغماته الجميله في التسارع ولا ننسى عزمه المرتفع يجعل من هذا المحرك ثوري
ولكن من عيوب هذة السياره واغلب السيارات الامريكيه من جنرال موتورز هو الجوده في التصنيع والتشطيبات في الجسم الخارجي والتفاصيل الداخليه للمقصوره لكن مايشفع لهذة السياره سعرها البالغ 82 الف درهم إماراتي
لو قارنا بينها وبين اي سياره بنفس المحرك والاداء سنجد اللومينا تستاهل اللقب بدون مجامله وبمرتبة الشرف
يكفيها محركها فهو الفهد الصيااااد

[S2000]

راي E55 + رأي زورو = عين الصواب

مع ان عندي شوية تحفظات على كلا الرأيين لكن who cares :)
السيارة ماشاء الله اثبتت وجودها وقوتها في الميدان..

وسلامتكم........

[شرخشين2000]

يا شباب ،،،

ممكن نسكّر موضوع اللومينا و الكابرس ؟؟؟

و الا نغير اسم القسم ويصير

سوالف للجميع > قسم اللومينا و الكابرس > .....

[S8]

شرخشــ2000ـين ;)
ممكن لي لاء بس ياليت الكل يعترف بمحاسن:) وعيوب :(اللومينا

قال ايه قال صممت للخليج:( قال
:):)

[E55]

صدقت والله يا برابوس ;)

NFS
تصدق ، أنا سألت نفسي هالسؤال وقلت يمكن اللي عندكم في السعودية غير عن اللي عندنا في الإمارات

الفاضي
أفهم من كلامك إن صاحبك تبرع بالسيارة للوكالة ؟
ما شاء الله ، والله إنه ولد عز
بس أشوف إن "جيربوكسين" في أقل من ست شهور ... واسعة شوي :)
هو يسوقها مثل البشر؟؟ :)

زورو
كلامك مقنع ويعجبني إسلوبك
تحياتي لك :)

شرخشين
عندي رأي أحسن
سوالف للجميع>>>السيارات والتكنولوجيا>>>قسم مشاكل اللومينا :)

S8
نعم صممت للخليج ، إنت ليش زعلان ؟؟؟ :)
ممكن أعرف شو نوع السيارة اللي تستخدمها حالياً ؟؟

[شرخشين2000]

E55 ،، اللومينا اللي موجودة في السعودية صناعة ولا شي

يعني مو مصنوعة في أي مكان ;) واللي في الامارات مصنوعة في أستراليا :):)

يعني شو الفرق ؟؟؟ كبهم جايين على نفس الباخرة :):)

[E55]

والله ما أدري يا شرخشين

كان مجرد تساؤل :)

[مسيطر]

نعم كلامي صحيح ميه لميه


أنا قلت رجعها للشركه مو معناها عطاهم ايها هديه لا!!


السيارتان المذكورتان عن طريق التأجير المنتهي بالتمليك

وعند إرجاعها للشركه انتهى,, تتوقف الأقساط الشهريه

وصلى الله على محمد,,



______
خرب الجربكس بدون اي سبب

المره الأولى كان واقف عند إشاره,, ولعت الإشاره

جاي يعشق مهي راضي تعشق,,

سحبها وودها الوكاله ,, وصلى الله على محمد,,

المره االثانيه

أسألك أياه بكره,,

=========================شكراً=============

[C6]

شباب اعرف واحد معاه لومينا2000 وتوهاطاقه 20000 مايحركهاكثير(تقولوالامبورجيني):):):):):)......................ومسكين شايف الويل منها!!!!!!!!!!!!!!!!!!!!!!!!!!!!!!! مع العلم انه واجهتها اختفت بسبب عوامل التصحر في البلد

[S2000]

C6...
و"كيلو الفيري" ماكان له داعي!!!!:)!!!!!

[زورو الامارات]

السلام عليكم
حبيت اشكر الاخ E55 على اطرائه واقول له اعتز بصداقتك يا خي العزيز
تحياتي للجميع

[S8]

E55
ابدا انا ماني زعلان >>>وشوف بنفسك:):):)شفت

بس بغيت اقول ان العيب فيها انها صممت للخليج :):)

[CL 600]

أرى إن المشكلة ماهي في السيارة .. لأن اللومينا بالتأكيد أفضل من الكيا كلاروس وأتوقع إنها أفضل من السوناتا ..

لكن الكلام اللي سمعناه والدعاية الهائلة والتجارب والمدح و.. و.. و .... إلخ .

هي السبب في ..
.
.
.
.
.
.
.
.
.
.
.
.
.
.
.
.
.
.
.
.
.
.
.
.

حبّي الشديد للومينا :):)

[كابريس]

للرفع
للفائدة

[البعير]

أنا أشوف أنه اللومينا لا تنفع للخليج ولا شي وكل هذا الكلام
كذب...والدليل...الأعطال الكثيرة اللي اكتشفوها الناس بعد ما اشتروها(بكم يوم بسسس)!
وإذا بتتقارن هذي السيارة لازم ما تتقارن بسيارات لها وزنها وإنما مع(بعض)السيارات الأمريكية والكورية فقط...http://www.swalif.net/sforum/images/icons/icon4.gif

ــــــــــــــــــــــــ
حبيبكم الـhttp://www.angelfire.com/ar/zamel1/images/cmil.gif

[VTI]

اريد ان اقول بعض المواصفات الرائعة للومينا ــــــــــــــ






االبقيه في الحلقة بعد الظهر:):):):):)

[BORA-V5]

ياشباب وش فيكم شايلين على اللومينا
بصراحة احلى مافي اللومينا المحرك والشكل فقط والباقي الله يخسها
كانت عندي وحدة موديل 2001 SSوالحمد لله اني افتكيت منها فقط بعد 4 اشهر غيرت جير وطرمبة مويه وغير كذا ماهي راسية ولا هي مناسبة للمناورة ويقولوا ايه قالوا صممت للخليج صدق والله صممت للضحك علي اناو امثالي ..لا وكمان الفرامل تصدقوا بالله غيرت الأقمشة حقتها لا وكمان ابشركم ماكملت معايه 2شهرين الا ودرج الطبلون مكسور واللمبة ماتنطفي ... الحمد لله لك يارب اني بعتها وافتكيت منها وزي ماقلت سلموا لي على الألماني ...ياشباب انا سمعت بأوميجا 8سلندر صحيح الكلام هذا ولا لا؟؟؟بشروني الله يبشركم بالخير .

[كابريس]

وين المشرف E55
ماشاء الله
اللومينا معاه من سنتين وكمان موديل 2000
وليس 2001 مع انه من المفترض انه 2001 أحسن من 2000

وعلى فكرة واحد يقرب لولد عمي معاه لومينا S
والراجل يمدح فيها

BORA-V5
ايش تقصد بأنها غير راسية؟؟!!

[BORA-V5]

كابريس
اي مدح الله يرحم لي ابوك اقولك كان عندي وحدة موديل 2001 وانا بصراحة اغتريت فيها لمن قالوا لي انهم خلاص تخلصوا من الاخطاء التصنيعية لكن طلع الكلام كله زي مايقولوا ضحك على الدقون ...ياحبيبي اللومينا S هي نفس الـLSوروح شوفها عند بالبيد جديدة ودرج الطبلون مكسور :(:(والله خسارة على الـ105 الاف ريال اللي حطيتها فيها واليوم بيبيعوها في حول الـ95 الف ريال ولا احد اشترى الا محسوبكم المضحوك عليه BORA-V5لكن الله يعوض من عنده ..انا استرسلت في الكلام .هي نعم غير راسية ابدا يعني شوف عندي البورا صغيرة وخفيفة لكن ارسى من اللومينا بكثيييييير .مع ان اللومينا دفع خلفي والوزن اثقل من البورا ...بعدين انا لاحظت فيها شئ ..ان الكفرات الخلفية مايلة شوي لبره ما ادري وش السبب ..لايكون يبوا يقلدوا مرسيدس :(:(:(:(:(:(:(:(:(:(:(

[كابريس]

جديدة ودرج الطبلون مكسور !!! كيف هذي؟؟
وإلى الآن مافهمت قصدك بكلمة غير راسية مع انها مجهزة باطارات مقاس 17 عريضة
فهل تقصد أنها سريعة الإنقلاب؟؟