الله يقلع الحب وسنينه :( :( :(

[خالدالفيصل]

هذا الموضوع كنت كاتبه بـ سوالف الاصدقاء بس مالقيت ردود كثيرة :(:(ان شاء انتم هنا تحبون قصصي:)
بسم الله ابدأ
سلاااااااااااااااام...

يا شين الواحد اذا هوعايش في امان الله وجاه ما يعكر صفو حياته..
وهذا اللي صار لي مع نورة بنت جيران خالتي(مشوار انا عارف)..

انا عارف انكم متحمسين وكل واحد قاعد يقرا وهو متحمس ولو يناديه اي واحد كان يقول:وش تبي انا مشغول انقلع مانيب فاضي لك الحين..ولو دق عليه جوال صكه في وجه المتصل..ولو يدق عليكم واحد في البيت قلتوا صرفوه..
لكن تحملوا..(اقول ترفق بس)ابدخلكم معي معاناتي اللي ما راح انساها مهما طال بي الدهر(ابوك يالبلاغة)...

*********

في يوم من الايام وفي احد الخميسات كنت مصفر في غرفتي نايم لاني كنت
جاي متأخر وساحبها نومة وانواع الشخير..وما دريت الا واسمع صفق الباب وافز واقول : مين..قالت امي: افتح يا خالد نبيك تودينا نزور خالتك في المستشفى مصخنة.....
قلت يا حووول على ذا الخالة العلة ما سلمنا منها وهي طيبة لا وهي مريضة واجيك واشيل الشرشف ويالله سحبت خشتي من المخدة لان السعابيل كانت مسوية حلقة وصل بين خشتي وطرف المخدة(وعععع) المهم واقوم والبس فنيلتي(يا روحي على البنغالي نايم بدون فنيلة) والبس ثوبي وانزل..
يوم نزلت واشغل الموتر(200ال)..واقعد انواع الصراخ والبواري حتى ركبت امي...وادوس... ولو تشوفون شكلي ..لابس ذاك الثوب الكويتي(ابو صفطة)..ولابس ذيك الطاقيه اللي ما فيه امل اخوياي يستغنون عنها لانها المفتاح السحري في فك غطاء المندي..وفوقه القعال والشماغ العقل اللي على كيفك على الكتف وفاك الزرار(يرحم ام الشكل).. وادوس على المستشفى وانواع المشاكل مع البشرية.يا اخي عندك هنا شعب مفروض يخلونهم يمشون رجليّه..
يعني عندك مثلا اتحداك تاقف عند اشارة ماسك السيد اليمين يعني حق اللي يبون يلفون يمين وتبي تحتري الاشارة تفتح اتحدى وانا مسؤول عن ما اقول اتحداك يجي وراك واحد وينتظر حتى تفتح الاشارة..ما فيه امل..بالمشمش ..لو تطير..اللي يشوفه هو وخشته يقول وراه مليون شغلة..ذاك اليوم وقفت وانا عارف ان الاشارة باقي عليها ثانيتين او ثانية وتفتح ويجيني ذاك الطعس وانواع البواري والقلق..لو امي مهيب معي كان نزلت عليه بأبو عكفة من تحت الكرسي(منتب عاقل يا سلامة العبدالله)
المهم فكه الله..وين رحنا.خلوني اكمل لكم السالفة...
وصلنا المستشفى وانزل مع الوالدة وادخل المستشفى وانواع التميلح عند السساتر واستخفاف الدم..المهم وبعد ساعة من الفلسفة اللي ما لامها داعي عرفت رقم الغرفة..
ورحنا انا وامي ويوم وصلنا باب الغرفة وادخل(عادي امون على خالتي) من غير احم ولا دستور..ويوم دخلت واشووف ذيك البنت اللي ما قد شفت في حياتي مثلها..اللي تقول لنيكول بردويل وباسكال خلوكم ورا عند العفش(ابوك على التشبيه يا شيخ)..انا تأكدت لحظتها انها ما فيه امل تصير من بنات خالتي لاني اعرفهم ما فيهم ملح ابدا (الاشباه وحدة)..
المهم صار اكشن خفيف البنت قامت واخذت غطوتها ونقزت وابعدت عني ..انا سويت فيها اخلاق ورجعت خطوة وحدة(يا روحي على الاخلاق)..
جت امي ودخلت وسحبتني وطلعتني من الغرفة واطلع واروح واطلع وانا لا زالت عيونها وهي تناظرين مرسومة في مخيلتي الطاهرة..وانتفاضتها اللي كأنها انتفاضة فلسطين(اقول لا يكثر)
طلعت وانا اهيم بين اسياب المستشفى..والسساتر يناظروني واسمعهم يقولون:غريبة ما جاء يتميلح عندنا هاللزقة...
تركتهم وانا انتظر نهاية موعد الزيارة..ويوم قربت نهاية الزيارة وانا واقف عند الباب واسمع امي تقول لامهم خلونا نوصلكم.وامهم تقول لا اخاف فيه كلافة على خالد..نطلت وجهي عليهم وقلت لا يا خالة ابدا ما فيه كلافة..المهم نشبت في حلوقهم حتى وافقوا..واسمع العجوز تقول لبنتها:يا نورة البسي عبايتكي وتعالي بسرعة ..الله اسمها نورة...اسم حلو مهوب اسمي قال ايش قال خالد وععععععع لا حتى ابزر واحد في حارتنا يجي يتميلح يقول: وش يقرب لك الامير خالد الفيصل اللي اشعاره طوال..والله عالم اخر زمن..يالله انا ودي اغير اسمي
الى وائل بس ابوي رافض (اقول خلك على خالد اصرف)....
واجيك واجيب الموتر عند باب الزوار واوقف عند باب الزوار وانزل وافتح الباب لنورة وتجي امها فرحانة وطايرة تحسب اني فاتح الباب لها وتركب وانا انواع السب في ذي العجوز وراحت نورة وركبت مع الباب الثاني..وركبت امي قدام(صحيح؟؟)..واجيك وانا في الطريق
مسوي فيها زعاطة عشان اوري نورة اني قوي..وانواع السب والتلعين للبشرية ..المهم يوم زهقت وما احد عطاني وجه وبغيت اروح فيها يوم بغى ينزل علي واحد عبد لكن ربك ستر وانحشنا
وقعدت اسبه وعائلته برمتها(ابوك ياللغة) على بالي مخليه رأفة فيه..
المهم....انتابنا في السيارة حالة صمت حاولت افتح موضوع عشان تتكلم نورة لكن امها اللزقة كل ما قلت شئ نقزت في حلقي..يوم ما دريت الا وتسألني ذاك السؤال اللي اضاء لي الامل من جديد..قالت لي وين تدرس يا خالد؟؟قلت في نفسي فرصة شكل هالبنت جامعية وتعرف سواليف الجامعة خلني اقعد اتفلسف واخلي العجوز ماتدري وش السالفة واخلي نورة تتكلم..(مخ)..
واجيك واقولها بنبرة فيها الكثير من الثقة:اني انا طالب جامعي..وما تدري اني حفرت في الجامعة حتى قلت امين..المهم خذتها فرصة وقعدت اتكلم عن نظام الجامعة وعن انظمة الجامعة
اللي ما اعرف فيها الا نظامين الحرمان والحمل..والعجوز تدربي دمجتها وتقول ما شاء الله ماتدري اني من جنبها..المهم والبنت ساكتة قعدت افكر وشو الحلالله يخلي البنت تتكلم.وفجأة
قلت يارب ينفقع الكفر عشان اوقف واخذ لهم ليموزين عشان افتح لها الباب واخليها تقول لي شكرا(الله على الفكرة)..و شمشون الله يهديه(هذا اسم الدلع حق موتري) ذاك اليوم صاير كانه شبح ما طاع يخرب..قلت في نفسي وش الحل يا خالد قربنا من بيتهم والبنت ما نطقت ولا بكلمة..قلت ما يبيلها الا التلميح عشان تفهم شعوري نحوها..واجيك واطلع شريط حجاب اللي في السيارة واحط اسمحيلي يالغرام حقت عبدالله رشاد..عشان تفهم..وقلب الشريط اربع مرات وامي تشاخر جنبي والبنت ما جابت خبري..ويوم وصلنا بيتهم وقفت عند الباب عشان ينزلون وفتحت الام الباب وهي تتشكر من الوالدة وانا انتظر من نورة كلمة شكر والبنت لازالت معطيتني اشكل..ويوم نزلوا والتفت عشان اخذ كرتون المناديل من الرتبة الورانية عشان امسح خشمي(اقول ادع بسلامة الشماغ) ويوم التفت..
والقى؟؟؟؟؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
تخليوا عاد انتم وش لقيت لاني صراحة تعبت من الكتابة
تحذير صحي:
*اخي القارئ ان المغازل يضر بصحتك وهو السبب في امراض القلق والوسوسةفننصحك بالامتناع عنه..

[squall]

والله تجنن :)
(وانواع التميلح عند السساتر واستخفاف الدم) هههههههههههههههههه وهذي رهيييييييييييبه والباقيين احلى واحلى :)
تسلم والله :)
بموت من الضحك :)
الله يعطيك العافيه :)
تحياتي لك

[moon cat]

تصدق بلله خالد أنا تعاطفت معاك ياطيب ! مسكين ولله معقوله مارق قلب ألبنت لك !!!!صدق بنات مايحسون ولايعبرون ؟؟ ميخالف ونا أخوك ألمهم تستمر لاحياه مع أليأس ولا يأس مع ألحياه أكيد حتعطيك وحده وجهه فد يوم :) جميله مش كذا :) يلله خيرها بغيرها mooncat

[moon cat]

أنا رجل ياخالد عشان مايحصل لبس ! mooncat

[نعنوعة النعنوشة]

بس عجبني رد فعل نورة إنها ما تكلمت :)

وأريدد أعرف النهاية :)


واسلوبك في الكتابة أكثر من رائع :) :)

[خالدالفيصل]

ان شاء تكون عجبتك القصة من جد وما تكون جاملتني باي شي وشكرا لك :)

[خالدالفيصل]

والله انك صادق قهرتني اقعد اسولف ومسوي زاحف وكل شي ومالقيت نتيجة ((بنات اخر زمن)):)

[خالدالفيصل]

وانا بعد رجل من المملكة العربية السعودية((16 سنة))مراهق بقوووه:)

[خالدالفيصل]

هذا اللي عجبك؟؟؟؟؟؟ان نورة ماردت؟تسلميلي وشكرا لك واحمد الله انه عجبك اسلوبي في كتابة القصة:)

[خالدالفيصل]

اقووووووول لا تخلوني اصدق نفسي وازيد لك من كتاباتي ((تكفى يا شكسبير)) اذا تبون القصة اللي بعدها انتم اشروا وحنا نقشر:)

[بنت الغربي]

هههههههههههههههههه يعطيك العافيه والله واسلوبك فضييع..بس لتصدق عمرك وتكتب قصه اطول من ذي..لان الصراحه حولت عيني من القراايه

[عمروبن كلثوم]

^1

تشوف يوم قلتلك تعال للطرائف معي حق ؟!

عموما اسلوبك ممتاز , والموضوع جميل .

وتسلم على هالجهد .

:)

هععععععع

[squall]

والقصه اكثر من رائع وانا ما اجاملك
تحياتي لك
:) :)

[خالدالفيصل]

هلالالالالالالا بنت الغربي مشكوررررة وتسلمي يالغالية وانا احمد الله الف مره ان هذا الموضوع نال اعجابكم صراااحة الفضل يعود على الله ثم على.......اكمل الفراغ؟:)

[خالدالفيصل]

انا قلت الفضل يعود على الله ثم على ...عمرو بن كلثوم... هذا هو الجوااااااب الصحيح وخلالالالالالاص لا تكبرون راااسي اكثر من كذا تراي صدقت نفسي(منتب عاقل يا جورج قرداحي) وش دخل جورج قرداحي؟؟ المهم مشكور الف مره وصراحة شكلي بستانس بذا القسم اكثر من الاصدقاء :)

[خالدالفيصل]

اشوا انك ما تجاملني شكلي بانشر القصة بكل المنتديات اللي مسجل فيها عشان انشهر ويكتبون عني بالجرايد والمجلات وكل شوي يطلعوني بالتلفزيون اسلم على راعي سوالف ((كفيلي)) واخذ جائزة نوبل ((اقول تراك مصدق نفسك)) وتلفونات وبعدها بتدق علي نورة ويتحقق حلمي:):):) (من قدي) :)

[خالدالفيصل]

تقترحون علي اني احط موضوع مثل ذا كل كم يوم؟؟
1-يومين
2- 4 ايام
3-وقت ما تحين الفرصة
4- اوقف عن الكتابة:(:(

[نعنوعة النعنوشة]

لا تصدق عمرك





بس توقيعك يهبل :)


ويا ريت مثل هذه القصص كل يومين عشان نلحق نقراها ونرد عليها بس عن جد اسلوبك رائع:)

[الظامي2001]

راجـــــــــــــــــــــــــــــــــــــــــع
(لو يشوف عسل الكلمة هذا ذبحني)

[squall]

على فكره انا بعد توهقت مع وحده اسمها نوره :)
بس نوره حقتك ارحم ماتتكلم بس اللي عندي ساحبينها من لسانها :)
اقرا الموضوعات القديمه وتلقى نوره حقتي وش مسويه لي :)
تحياتي للمشهور :)

[moon cat]

هم توقيعك عاجبنى بس أقول ليكون توقيع ألبنك !!!! هاهاهايه ترى أخوك مزور أوراق رسميه بس لاتطلع مديون نبتلش فيك !!!هاهاهايه !
:) mooncat

[خالدالفيصل]

سلامتك من الهبال (شوف الاسلوب في الكلام) اذا كانك بتنهبلين نغيره:) ان شاء الله كل يومين القصة ب تصير:)

[خالدالفيصل]

واشكرك ل قراءة القصة رغم طولها بس ان شاء الله كانت مسلية ولا حسيتوا بطولها(ايه هين ما حسيتوا بطولها):)

[خالدالفيصل]

والله ودي اشوف موضوعك يريت تعطيني اللنك حق الموضوع وشكرا:)

[خالدالفيصل]

حلوة اخوي الرجال كات مون (اعكسها) بس لاتعيدها ,مشتبه فيني:(

[squall]

الجزء الأول (http://www.swalif.net/sforum/showthread.php?threadid=77353)

الجزء الثاني (http://www.swalif.net/sforum/showthread.php?threadid=77483)

الجزء الثالث (http://www.swalif.net/sforum/showthread.php?threadid=77633)
وشكرا :)

[جاسم]

ما شاء الله تبارك الرحمن

لا ما شاء الله عليك لك شعبية هني

انت تقول كل كم يوم

اقولك توقف ومشكور



لا لا صدق الرجال

والله نحن نرحب بكل الاعضاء ونقرأ جميع المواضيع ومتى ما عندك موضوع كتبه ونحن نقرأ لو كل ساعة

واتمنى لك التوفيق والنجاح معنا

بقسم الطرائف

وتحياتي

[squall]

خطأ مطبعي :)
اتفضل

الجزء الأول (http://www.swalif.net/sforum/showthread.php?threadid=77353)

[squall]

الجزء الثاني (http://www.swalif.net/sforum/showthread.php?threadid=77483)

[squall]

الجزء الثالث (http://www.swalif.net/sforum/showthread.php?threadid=77633)




وشكرا

[aldossary]

القصه حلـــــــــــــــــــــوة

واحسن ما فيها شريط حجاب بن عبدالله.....

[سنفور غبي]

حلللللللللللللللللللللللللللللللللللللللللللللللللللللللللللللللوة :):):)

يحليلك انت... أحسن ما سوت لك سالفة.. تستاهل ;)

[توتة]

:)

اسلوب جميل نحتاج لمثلة في نادي الطرائف ... :)

و حبيت اقول :
وش لك في البحر و اهواله
و ارزاق الله على السيفة .... !!!


تــــ الحلوة ـــــوتة

[جوادالليل]

تجنن ...