سوالف للجميع - صــبــاح الــخــيــر ..... للـســهــرانـيـن

aziz2000

01-03-2001, 06:13 AM

السلام عليكم ورحمة الله وبركاته ..

طبعا السهر عادة سيئة .. ولكن ماذا نعمل معه ؟؟ ..:(

يالله شباب ..

مامعنى .. الـهـمـج و الـرعـاع ؟؟

إللي يجاوب له جائزة قيمة .. ;)

تحياتي لكم ..:)

مدردش متقاعد

01-03-2001, 06:18 AM

و بلا ثرثرة:)

الدكتور ريان

01-03-2001, 06:20 AM

عزيز سوالف .....
عزيزي ...لاتقول السهر عادة سيئة انا كل حياتي سهر....

واعتقد
الهمج :الناس الي مايعرفون يتكلمون عدل او يلبسون عدل.

الرعاع : الناس الي مايعرفون يتصرفون عدل ويضرون غيرهم وكالقطيع الناس تتحكم بهم وتلعب فيهم وهم اخس انواع المجتمع لانه صعب اقناعهم .

والله اعلم .بس الكلمتين جدا سيئتين في مجتمعنا.

AL3NEEED

01-03-2001, 06:22 AM

ما شاء الله الأحبة هنا ... وينكم ما شفنا لكم ردود على بعض الناس ؟؟;)

aziz2000

01-03-2001, 06:32 AM

مـدردش .. روح انت نااام ..:)

.
.
.

دكتور ريان .. هلا دكتور سوالف .. ياخي مشكلتي العظمى هي السهر ..:)
تعريفك جميل عن الهمج والرعاع ..

ويقول القاموس المحيط بأن الهمج هم الحمقى أو الجوع في بعض تعاريفه ..:)

الرعاع .. من لافؤاد له ولا عقل ..:)

لكن للأسف هم كثيرون في مجتمعنا الآن .. وإلا يادكتور ..منت معي ؟؟ ..:)

.
.
.

الـعـنـيـد ..:).. مو أنا مقصر على كل الناس مو بس بعض الناس .. ;)

ســامــر

01-03-2001, 06:32 AM

اهلا اخي عزيز....
مالك ومال السهر...عزيزي اولا عزوبيه فالسهر لابد منه...ثانيا مو بإراده الانسان لان طبيعه برنامج حياته كذا...
وبالنسبه للكلمتين...
الهمج......شبه الإمعه...ويقدمون على الخطوات بدون تفكير..
الرعاع.....هم تبيعه القادة....ولايملكون من القرار نقطه..
هذا مالدي من حصيله....اتمنى اني وفقت بجانب الحل وليس الحل....ومنكم نستفيد......

اخوك ..... سامر

bint_alriyadh

01-03-2001, 06:36 AM

عاد السهر وش نسوي فيه يالله ماورانا دوامات ولا شي ..

الهمج الظاهر انها ذولاك اللي ماعندهم اسلوب

الرعاع عاد مااعرفها

aziz2000

01-03-2001, 06:45 AM

ســامــر .. أهلا بساحر الكلمة ..:)

إيه والله انك صدقت عزوبية .. لا وألحين فاضين .. اجازة ..:)

تعريفاتك قيمة جدا .. وتنم عن حصيلة لغوية جميلة ..:)

المشكلة ياأخي بأنهم كثر في زماننا هذا .. ألست معي ياساحر الكلمة ؟ ..:)

.
.
.

بنت عاصمة بلادي ..:)..

صدقتي لادوامات ولايحزنون .. وش نسوي ؟؟ ..:)

عجبتني إللي ماعندهم أسلوب .. لايكون تقصديني ؟؟ ..:)

عاد تصدقين هم قليل عندنا ..:)

تحياتي لكِ أختي ..:)

الدكتور ريان

01-03-2001, 06:47 AM

وتسلم اذا اعتبرتني دكتور سوالف ..لقب عزيز ياعزيز ومجاملة حلوة منك ..لسانك ينقط عسل .

bint_alriyadh

01-03-2001, 06:53 AM

لا شدعوووه عزييز ..صاادق في سوالف ماعندنا منهم الا هه كم نفر مايتعدون اصابع اليد.الله لا يكثرهم لانهم بصراحه يقرفون ويكرهون الواحد بالسواليف.

الدكتور ريان

01-03-2001, 06:53 AM

اقلكم الصراحة انا باطالع ردودكم من موقع
http://www.kubbar.com/index-arabic.htm

"عيون القلب
وانا رمشي ماداق النوم وهو عيونه تشبع نوم ..
روح روح يانوم من عين حبيبي ..
حبيبي..حبيبي ..اه من حبيبي
تقولي كلام وافرحي فيه .....اسيب النوم وافكر فيه .....
انتا تقول وتمشي ..وانا اسهر مانمشي ..يلي مابتسهرش ..ليلة ياحبيبي

سهرني حبيبي حبك ياحبيبي باكتب علي اليالي اسمك ياحبيبي"

واعتذر اذا لم تعجبكم ..

الدكتور ريان

01-03-2001, 06:55 AM

بنت الرياض ..لاوجود لهم بسوالف حرام عليكي ..لاتزعليني منك .

aziz2000

01-03-2001, 07:04 AM

دكـتـور ريـان ..:)

دكتور سوالف تم تسجيله باسمك في الشهر العقاري ..:)

الأبيات حلوة .. بس الأغاني من زمان وأنا تاركها .. افتكيت منها ومن

عوار القلب فيها .. واستبدلتها بالقرآن والمحاضرات

والحمدلله ..:)

تقبل تحياتي يادكتور سوالف ..:)

.
.
.

بنت الرياض ..:).. لكل قاعدة شواذ ..:) .. ولازم نقابل من يعكر

الصفو ..بس لييه تزعليين دكتور سوالف ؟؟ .. خلاص يقول هو

مافيه .. يعني مافيه ..:)

تقبلي تحياتي ياابنة عاصمة الصحراء ..:)

الدكتور ريان

01-03-2001, 07:18 AM

اهلا عزيز سوالف وعزيزي ...

لقبك شهادة اعتز بها وان كانت كبيرة جدا علي ..جدا كبيرة ويساورني الشك اني لااستحقها هناك من هم اجدر....

الحمد لله انك تركت الاغاني عقبالي ..عزيز ..وافتك منها الى الابد
وبعدين بالنسبة لبنت الرياض ههههههه
كلماته جدا جميلة بس ..انا احب كل من في سوالف طيبهم وغير طيبهم فلا هناللك داعي لذكر سيئهم ..دعونا طيبين نجب الحياة ونتغاضى عن البعض ..مع انه في اشخاص والله يكرهون وجودي بشكل ماتتصوره ويتمنون اني اموت بأي لحظة ويكرهون جدا مواضيعي من يوم مارجعت لسوالف وحتى الان ..مع اني ماغلطت بحقهم والله شاهد على ذلك لكن الله يسامحهم وانا مسامحهم لاني احب سوالف بدرجة ماتتصورها ..هي قلمي وفراغي وحياتي الغير عملية وفيها اجد احبابي واصحابي ..فهل معي حق اولا ؟؟؟؟

bint_alriyadh

01-03-2001, 07:18 AM

افا لالالا كل شي زعل الدكتور خلااص مافيه منهم

(بس فيه)

:)

وش اسوي عاد اذا راحوا وماعاد جو قلت مافيه:)

تحياتي -ام عناد-

الدكتور ريان

01-03-2001, 07:20 AM

تسلمين بنت الرياض ...ههههههههههه لاتعاندين مو طيب العناد بليل هههههههههههههه وياهلا فيكي وبكل السهرانين.

aziz2000

01-03-2001, 07:52 AM

دكتور ريان ..:)

ياخي كلامك جميل وشعورك طيب .. ولكن الناس لابد لهم من بعض الإختلاف ..وليتهم يعملون بالقول المعروف .. الإختلاف في الرأي لايفسد للود قضية ..

دكتور سوالف شكرا ..:)

.
.
.

أم عـنـاد ..:)

أجل عز الله إنك ماراح تقولين .. مافيه .. ;)

الدكتور ريان

01-03-2001, 07:59 AM

ياهلا فيك ..اسنانك بياضها ناصع جدا جدا ماشاء الله عليك ..
بس انا سهران علشان خلاص اتعودت وانت ايش مسهرك .....اعترف ؟؟

aziz2000

01-03-2001, 08:06 AM

مافيه شئ مسهرني .. لكن هذا عادتي في الإجازات ..

سهر ونوم .. يعني مثلك تعودت ..

لا <---- لمن تقولها يادكتور ؟ ..:)

الدكتور ريان

01-03-2001, 08:18 AM

يعني مثل بعض .....نحن السهرانين فقط والبقية نائمين .

ولا اقولها ..لفكري عندما يسىء الظن بالناس.

aziz2000

01-03-2001, 08:26 AM

فعلا سوء الظن مغبة ..

ونحن يجب علينا ألا نسئ الظن بمن لا نعرفه حق المعرفة .. فلربما أننا نكون مخطئون في كثير من الأوقات ..

وكم من صديق فارق صديقه بسبب سوء الظن .. والأدهى والأمر .. كم من زوج فراق زوجته بسبب سوء الظن ..

وكم من مناوشات تحصل في المنتديات بسبب سوء الظن ..

سوء الظن فعلا مغبة .. ويجب أن نقول كما قلت لفكرنا .. لا لسوء الظن ..:)

تحياتي ..:)

شمعة

01-03-2001, 08:29 AM

صباح الخير .. عزيز2000 ..
وصباح الخير للجميع ..

وبما أني مسافرة ..
اقول لكم
كل عام وانتم بخير..

مع السلامة
والى لقاء قريب ..

مع أطيب تحياتي للجميع ..

الدكتور ريان

01-03-2001, 08:35 AM

فعلا سوء الظن وان كان الناس يعتبروه احيانا من حسن الفطن ,

لكنه والله يودي بمصيبة ..اولها الشك بمن تحب والشك اول طرق ابليس لانسان بعدها يدمر الانسان كل شيء يحبه مع من يحبه .
اما بلنسبة ...للمنتديات اول مشاكلها سوء الظن ومن ثم يقوم الاخر برد موضوع مشابه له وتبدأ الحرب البادرة حتى ينطرد احدهم بسبب ظن لو انه اخذ الناحية الاجابية والمشرقة منه لما اصابتهم المشكلة ..ومكسب صديق واحد احسن من مكسب عدو واحد ..

جاوبني عزيز سوالف :لماذا نحن البشر نكره اكثر ممانحب؟؟؟

aziz2000

01-03-2001, 08:47 AM

صباح الخيرات لشمـعـة سـوالـف المشرقة ..:)

وبما أنكِ مسافرة .. تروحين وترجعين بالسلامة إن شاء الله ..

وكل عام وانتي بخير وعيدك مبارك مقدما وقبل الزحمة ..:)

وإن شاء الله نرى اسمك منيرا في سماء سوالف عما قريب ..

تحياتي لكِ أختي ..:)

aziz2000

01-03-2001, 08:56 AM

والله هذه العبارة محيرة ,,

نكره أكثر مما نحب ..

يمكن تنطبق على بعض الناس الذين تغلغل الحسد في داخلهم ..

ولكن بالنسبة لي فالحمدلله مساحة الحب واسعة في قلبي ولاأكره إلا من أمرنا الله ورسوله صلى الله عليه وسلم بكرههم ..

ولكن ربما هناك أشياء كثيرة في حياتنا نكرهها بسبب أننا لم نتذوقها إلا في مرحلة حزينة في حياتنا .. فبعودتها نتذكر تلك المرحلة الحزينة من حياتنا (( فأوتوماتيكيا)) نكرهها ..:)

الدكتور ريان

01-03-2001, 09:02 AM

اهلين ...شمعة سوالف

تروحين وترجعين بألف سلامة ....مع انه راح نفتدك شمعة الجلاس او شمعة سوالف وراح نفتقد مواضيعك الحلوة ..بس رجاء لاتغيبين في اهل غير اهلك ينتظرونك هنا !!!!!!تعرفينهم ولا ...يمكن

الدكتور ريان

01-03-2001, 09:05 AM

ياريت كل الناس مثلك .
كان احلوت الدنيا .من جد مش مبالغة.

شمعة

01-03-2001, 09:15 AM

الله يسلمك .. اخوي .. عزيز 2000
وعيدك مبارك ..
ان شاء الله ألقاكم على خير .. :)
وشكرا لك ..

*********

الله يسلمك .. أخوي الدكتور ريان ..
وانا بعد راح أفتقدكم جدا ..
وان شاء الله ماراح اطول مسافة السكة وراجعه ..

أهلي اللي اهني طبعا أعرفهم ويشرفني اني منهم ..
وما لي غنى عنهم ..

تحياتي ..

توتة

01-03-2001, 09:29 AM

:)

شخباركم يا عزيز و د. ريان و شمعة و بنت دبي ..
أو بنت ... ما انتبهت يمكن الرياض أو زايد :)

خرفانة من السهر .... لوووووووووووول :)

دخلت موقع الدكتور ريان ...
و حبيت اهديكم هالأغنية .. لجمال كلماتها ...
http://www.kubbar.com/Music/miami-enya7remona.ram

مع تحياتي ....

تـــــ الشعنونة ــــــوتة :)

الدكتور ريان

01-03-2001, 09:33 AM

شمعة :بننتظرك على احر من الجمر (على قولهم )

اهلين توتة ..ياصباح الفل والنور والياسمين ...

انتي سهرانة بعد ...شيء جميل انه عجبك الموقع مشكور توتة ..
وعزيز اظنه نام !!!!!!

Huda76

01-03-2001, 09:33 AM

أسعد الله صباحك أخوي عزيز والجميـــــــــــــــع :)

أنا مو من السهرانين ( مع ان كان خاطري أسهر البارحة ) .. أنا من اللي ناموا بدري عشان يصحون من النوم بدري عشان يداومووووووون بدري :( :)

تحياتي

الدكتور ريان

01-03-2001, 09:36 AM

صباح الخيرات والمسرات ....
ماشاء الله عليكي نشيطة وعندك دوام مثلي ....بس انا دوامي بعد ساعتين ....نجهز الفطور!!!

aziz2000

01-03-2001, 09:36 AM

دكتور ريان .. شكرا ياذوق .. لكني ماأتمنى يكونون الناس مثلي .. لأني ماأستاهل كل هالكلام ياعزيزي .. وإن شاء الله يكونون أحسن مني ..:)

.
.
.

شمعة سوالف ..:) .. لاتطولين الغيبة ..:)

.
.
.

تـوتـة الـحـلـوة ..:).. بسج سهر ..:) ..وينك أجل في أول السهرة ؟؟ ..:) .. أدري سؤال فيه لقافة ..:) ..

تحياتي للشعنونة رقم واحد .. :)

aziz2000

01-03-2001, 09:41 AM

وعليكم السلام ورحمة الله وبركاته

أووه أجل ألحين انتي في الدوام ..:(

وأنا ألحين بنام ..:)

بس لازم أجلس الظهر .. يعني بنام ساعات قليلة ..:)

تحياتي لكِ ولأهل البحرين ..:)

واتركي دكتور ريان .. قال إييش قاال فطووور ..:)

توتة

01-03-2001, 09:41 AM

:)

بالعافية عليك ...

أنا فطرت من ربع ساعة ...
مسوين سنديشات جبن تشيدر و بيض .. و
الجبن سايح عالبيض .. يا سلالالالالالالالالام

.... عسى ما رجّّعت يا دكتور ... ! :)
بس والله لذيييييييييييذ الفطور ..

هيه صح بغيت اسألك :

و شو سالفة عتوي الليل ( مون كات وياك )؟

تـــ تحياتي ـــوتة :)

Huda76

01-03-2001, 09:43 AM

يسعد صباحك أخوي :)

والله حلو ان دوامك بعد ساعتين ..

أنا دوامي يبدأ الساعة 7 الصباح ..

أحلى شيء في دوام يوم الخميس ( الصباح ) ان الشوارع فااااااااضية :) :)

aziz2000

01-03-2001, 09:47 AM

نحن في إجازة لمدة عشرة أيام ياهدى ويادكتور ريان ..:)

Huda76

01-03-2001, 09:52 AM

شايف كيف عزيز .. ايه والله بالدوام .. انكسر خاطري على نفسي :) :)

البارحة كنت أقااااااااااااوم عشان أسهر بس ما قدرت والله ..

أجل انت عندك مشاوير الظهر .. الله يكون بعونك والله ..

أنا راح أسهر بس الظهر ههههههههههههه

توتة

01-03-2001, 09:53 AM

:)

سيييييييير نام يا عزيز ....

في بداية السهرة كنت اسوح في مواقع مختلفة ....

و اسمحوا لي عالغيبة ... :)

-----> انته شو تشتغل يا عزيز :)

تـــ تحياتي ـــوتة

Huda76

01-03-2001, 09:59 AM

دريت انكم باجازة وفرحت لكم بس تضايقت لنا :) :(

تدري ان المكان اللي أداوم فيه نداوم ثاني وثالث أيام العيد كمان :( .. بس الحمدلله اني ما راح أكون على الدوام 3 أيام العيد :) :)

الدكتور ريان

01-03-2001, 10:01 AM

عزيز :طبعا..ياعم ماعندك دوام فرحان ...اللهم لااعتراض
اللهم لااعتراض ..اللهم لااعتراض شكلك بتنحسد ياعزيز ههههههه ....نفسي انام بس لو نص ساعة لكن انسى العيون كأنها اكواب شاي ...والنشاط 100على المية

توتة: مصار هذا فطور ..ابد مو بفطور...معليش بس معدتي ماتتحمله ...تقولين سايحة على بعض....يعطيكي العافية هههههه

بالعافية ..انا فطوري ....تركش كوفي (قهوة تركي )وكرسون بالجبنة بس تكفيني.

هدى:ياهلا فيك ..فعلا اجمل شيء واسوء شيء انه الشوارع فاضية لايوجد مخلوقات غير انا اروح الدوام في شارعنا .

aziz2000

01-03-2001, 10:01 AM

هدى .. :)
يعني بتقهريني لأنك بتسهرين الظهر ..:)
أنا طول الليل جالس أسوولف مع هالدكتور ريان .. حتى رائحة ثيابي كلها أدوية .. ;) .. بس لاتقولين له ..:)

.
.
.

توتة الحلوة ..:).. أحين أنا متى قلت إنه عندي دواام ؟؟ .. :confused: ..

أنا طااااالب في الجااامعة ياشعنونة رقم واحد ..:) .. وتخصصي إدارة وتسويييق .. وادعي لي أتخرج بسرعة ..:)

.
.

تحياتي لهدى 2000 و لتوتة الشعنونة نمبر 1 ..:):)

الدكتور ريان

01-03-2001, 10:07 AM

توتة :صديقنا موون كات وقع بحب قطة شايفة نفسها عليه ومتعبته على الاخر...بس لاتقوليله.

عزيز سوالف :ههههههههههههههههههه رائحتك ادوية بس مش حلوة رائحة الادوية !!!!

توتة

01-03-2001, 10:09 AM

عزيز ...

شو هالتوقيع الحلو :
http://www.wsw.f2s.com/AZIZ2000.gif

و تقول ان الفرزدق اهداك اياه ... !
قول انك ما تبغي تسوي لنا توقيعات :)

لوووووووووووووووووووووول

تـــ تحياتي ـــــوتة

توتة

01-03-2001, 10:13 AM

:)
امزح .... دونت ووري ... !

د. ريان ...

اذا اللي متعبتنة قطوة فأنا عندي الحل ...
عندي قطوة عورا أم ريحة ... تنفع .. !! :)

شو رايك ابعثها للعتوي ؟

يمكن تنسيه قطوته :)
هاااههاهاههههاهاهاهاهاهاا

تــ تحياتي ـــوتة :)

aziz2000

01-03-2001, 10:14 AM

دكتور ريان .. أكيد رائحة الأدوية مب حلوة ..:) .. بس رائحة عطر أللور .. شانيل جميلة جدا .. ;)

.
.
.

توتة .. عاذرك ياختي عاذرك .. أدري ان عيونك ألحين حمرة وحاطة راسك على الكيبورد وكل دقيقة متثاوبة ..:)

التوقيع مسويه الفرزدق .. روحوا ضغطوا عليه ( بس مو ترعصونه :p ) وخللوه يسوي لكم كل واحد توقيع ..:)

تحياتي لسيدة الشعانين ..:)

Huda76

01-03-2001, 10:15 AM

الله يوفقك في دراستك يا عزيز :) :)

وتتخرج بسرعة :) :)

وتتوظف .. وتدااااااااااااااااااااااااااااااوم .. وأول شهر انت تداوم فيه أنا أقدم على اجازة وأسهر ههههههههههههههههههههه

الدكتور ريان

01-03-2001, 10:16 AM

يمكن تعجبه ....

توتة

01-03-2001, 10:23 AM

عزيز 2000 ===>> بالتوفيق في دراسة التسويق .. و الله
يعين كل الفريق ... و تاكلون سليق ... و بق بق بقييق
:):):) ... قصدي بالتوفيق ....:)

عزيز مب انت اللي كاتب مرة موضوع عن المراقب 555 ما ادري 6000 و جتلتة .. و تمينا نعزيه ... !!! و اللا انا غلطانة .. ؟

دكتور ريان ===>> انا جتني حالة .. عيوني حمرا ... و مب جاييني النوم ... و مع ان عندي اشغال وايدة اليوم .. بس مالي نفس انفذها ... الحقني يا دكتوووووووووووووووووور :(

aziz2000

01-03-2001, 10:23 AM

هاهاهاهاهاهاها .. :p

يعني تبين تردينها لي ... :)

ربنا يسمع منك .. أهم شئ الواحد يلقى وظيفة في هالوقت ..:)

بس ماراح أقول لك عشاان ماتاخذين إجازة .. ;)

تحياتي لأهل البحرين ..:) .. من زمان أهلي يحنون علي .. ودنا البحرين وودنا البحرين ... ونبي نرووح البحرين ..وأنا كسلااان جدا ( مو إللي في مجلة ماجد ;) ) ..

همسة ..

هم يظنون إني أدل في البحرين وأنا ماأدل فيها شئ .. إذا رحت أضييع هناك وأرجع للجسر على طوول ..:)

aziz2000

01-03-2001, 10:26 AM

إلا أنا إللي كتبت عن المراقب 600 .. وخلليتكم تعزون فيه المسكين .. :(
بس برجع لكم بسالفة ثانية بعدين ..:)

الدكتور ريان

01-03-2001, 10:27 AM

توتة .....عزيز هدى .....لاتستلمون للنعاس و الكسل خخخخخخخ

الدكتور ريان

01-03-2001, 10:30 AM

توتة ماشاء الله تعرفين السليق !!!!!

الجميع
عزيز
هدى

شباب ..جلستكم جدا رائعة وماتنمل .....انا بأخذلي شور سريع
واذهب الى عمل يوم الخميس (اللهم اجعله خير ) يلا باي
وتصبحون على الف خير

aziz2000

01-03-2001, 10:31 AM

أما أنا فقد استسلمت له .. :o

aziz2000

01-03-2001, 10:32 AM

حياك الله دكتور ريان ..:)

ويوم موفق إن شاء الله ..:)

Huda76

01-03-2001, 10:55 AM

حياك الله في البحرين أخوي .. نتشرف بوجودكم والله .. عزيز وغالي ..

ومن أمس ما شاء الله البحرين تقدر تقول انها صارت السعودية الثانية ( من كثر السيارات السعودية ) بس نتشرف والله بكم ..

أنت أهلك يطلبون منك توديهم البحرين وأنا مزعجة أبوي أبيه يوديني السعودية :) :)

أحسن لك ما تشوفنا لما أنا وأهلي نجيكم السعودية هههههههههههه .. كل مرة نضيع والله ..

مرة مسكنا شارع بالغلط ما طلعنا منه الا بطلعة الروح ..

ما شاء الله تبارك الله ديرتكم كبيرة .. وحنا حدنا الخبر والدمام ونضيع :) :)

Huda76

01-03-2001, 10:58 AM

دكتور ريان

تسلم والله ..

وبالتوفيق ان شاء الله :)

توتة

01-03-2001, 10:59 AM

عزيز ----> شو رايك بعد تقتل المراقب ابو ثلاث خمسات .. !!!
اسمه يذكرني بكلونيا مضروبة ريحتها قرف ... :(
و عقبال باقي المراقبين ..... :)

نياااااااهااااااهاااااااااااي

انته بعدك ما نمت ... !
انا بروح السوق ..
يالله قوووووووووووووووووووووووووووم

د.ريان ---> خخخخخخخخخ مرة وحدة ... !!!
واضح انك ما نمت ... !
لووووووووووووووووول
أقووووووووووووووول
عن لا ترقد في الدوام بس .... :)

تـــ تحياتي ـــوتة :)

Huda76

01-03-2001, 11:06 AM

عزيز 76

لابد من الاستسلام له http://www.swalif.net/sforum/images/smilies/redface.gif

شكلك راح تنام 3 ساعات بس يا عزيز

تحياتي للسهرانين :) :)

توتة

01-03-2001, 11:13 AM

:)

قلت بهديك هذي الاغنية :

http://www.saqer.net/cards/abdo5.htm

شو رايك فيها .... !!!

:) اذا ما عجبتك عادي قولي :)

تــــ ضد الصدمات ــــوتة :)

Huda76

01-03-2001, 11:41 AM

هلا والله أختي :)

أنا بالدوام الحين .. شوي شغل وشوي swalif.net :) :)

تسلمين والله على الأهداء الحلو ..

كلك ذوق والله ..

وأتمنى انك تقبلين مني هالاهداء البسيط :

http://onedas02.gettyonline.com/detail/10004105.jpg

توتة

01-03-2001, 03:46 PM

:)

1^

اشكرك عزيزتي على هالباقة الجميلة ...
و ما يهدي الجميل الا جميلا

و لك يسلموووووووووووووووووووووو :)

حبيت اهديكي هذي البطاقة .. علشان تفرحين بها
بعد الدوام ... :)

بس انتي شو تخصصك يا هدى ...؟ :)

http://www.saqer.net/cards/images/tadrywilamatadry.jpg

تـــ تحياتي ــــوتة :)

Huda76

01-03-2001, 05:08 PM

أخوي عزيــــــز 76 ;)

طبعا أنا جيت الحين عشان لازم أنفذ كلمتي بالسهر ظهراااااااااا :) :)

بس شكلي حتى السهر ظهرا مو قادرة عليه وبروح أنام من عقب تعب الدوام :) :)

------------------------------

هلا والله تووووووتة الحلــــــــوة :) :)

انتي ذووووووووووووووووق :)

أنا الله يسلمك بكالوريوس علوم كمبيوتر + نظم معلومات

متخرجة من الجامعة صار لي سنة و8 أشهر :) :)

وانتي تدرسين أو تخرجتي يالشعنونة نمبر 1 ؟
:) :)

جوادالليل

01-03-2001, 05:23 PM

الرعاع هم النحطين في المجتمع...

والهمج الناس غير المتطورين ...

وكلا الكلمتان سيئتان في مجتمعنا العربي

اخوك جودالليل

aziz2000

04-03-2001, 10:28 AM

هــدى 2000 ..:)

الله يحييج ويبارك فيج ..:) .. وانتوا إذا جيتوا السعودية بس روحوا الخبر ولاتقربون الدمام عشان ماتضيعون ..:)

وبعدين جيتي الظهر هاااااه ؟؟ .. :cool:

.
.
.

توتة .. :)

ابشري بو خمساات بجييب خبره عما قريب .. ماعليكِ إلا الانتظار .. ;)

وبعدين أشوفكم قلبتوها سوالف بينكم ..:)

تحياتي لكن ..:)

=========================

جوادالليل ..:)

ياهلا فيك وبمشاركتك ..:)

وتعريفك قريب من المعنى الحقيقي لهما ..:)

تقبل تحياتي ..:)