موضوع حلو

[ألأعرابي]

أنتوا يا جماعه وايد باردين ما تتكلمون وايد, كل المواضيع بارده, خل أفتح لكم موضوع حلو,

لاتقولون لي أنكم خليجيين و ماتحبون سيارات الجيب أو سيارات ذات الدفع الرباعي, بذمتكم أي موتر جيب هو ألأفضل طبعا مع أعطاء الأسباب, و خلوا السعر على صوب, مانبي موناقشت الأسعار

[سردال]

بالنسبة لي شخصياً... :)

أفضل Rav4 الجديدة، صغيرة وعملية وجودة عالية وتنفع للبر :) وسعرها بالكثير 80 ألف درهم، وشكلها شبابي وجميل وواسعة. هذي بالنسبة للسيارة الصغيرة :)

[ألأعرابي]

هلا سردل, أنا عاجبني هالموتر بعد, بس من داخل ما أعرف شلون ما قط ركبت في واحد, أنشالله بأجر واحد و بجربه

[أبو نايف]

با النسبه لي افضل الباترول

لانه مريح جدا في الخط وهو أيظا قوي في الصحراء

والتطعيس عليه أحسن من اللاند كروزر لانه اخف.



ولو أن سكان المنطقه الجنوبيه في السعوديه يفضلون اللاندكروزر

لانه قوي التحمل وثقيل وهذايناسب المناطق الصخريه والجبليه.

[بارق]

السلام عليكم
انا افضل الجيب رانجلر من بين السيارات الفورويل الصغيره
اما الكبيره النيسان باترول سياره مريحه وين ما تروح بس
لو يزيدون فيه القوه شويه

[ألأعرابي]

ها ها ها, ولا تزعل يا بارق نركب لك على البترول تربو,
أنا يا جماعه أخوي كان عنده لاندكروزر (جي أكس أر) عاد أنقلب فيه و تكنسل, حتى كان موديل 99 ماتهنانا فيه:(, الزبده, بيشتري دفع رباعي جديد يقول بياخذ بترول بس أنا أقوله اللاندكروزر أحسن, أنتوا شتقولون و لو سمحتوا توضحون مميزات كل منهم
و شكرا!

[S8]

مع احترامي الشديد لكم جميعا انتم وسياراتكم
لأنها ما تسوا شئ عند
الـ
X5 ولا حاجة
سيارة بي ام
الماني
286حصان
شاشة تلفزيون
نظام تحكم خاص بالمنحدرات(خاص بها)
تبترونيك
توزيع القوة 48 في الأمام
53 في الخلف
الشكل لا يعلى عليه
متانة
تحمل
من 0الى100 ====>7ث/تقريبا
جنوط مقاس 19 بوصة
زينون
جلد
مستوى ركوب مريح
وووووووووووووووالخ
(آسف المعلومات ما هي مرتبة)

[NFS]

ودي أشارك معاكم بس أنا مش من عشاق سيارات الجيب 4×4... لكن إذا فكرت يمكن في سيارة من حجم الراف 4 أو الباثفيندر...

[ألأعرابي]

ما قلنا لك شي يا أس8, أنت و متوريك اللي عاجبك, صحيح ما قلته عن ال أكس5, بس شاقولك يا حلاله هالوتر كنه قوطي, هو في البر أثبت كفائته, و يتحدى الاندكروزر و البترول, لكن شكله مو مال سفر, و لا يقدر يحمل فوق الخمس أشخاص اللا أذا بتحط ناس في الصندوق. بعد الموتر موب عائلي و شكله يناسب البنات أكثر من الرجال, (لا تخذون فكره خطاء و تقولون أني قلت اللي عنده أكس5 بناتي), في شي واحد ما أعرف عنه و هو أن الأكس 5 فخم و لا أدري اذا كل مادخل بر شويه و الا صعد له كم هضبه يبي أنوديه كراج الوكاله. بمعنى أخر ما أعرف أن كان متين و قوي و يستحمل أم لا!

و شكرا, و لا تزعل اذا قلت شي يزعلك ترى أنا أبي أكس5 بعد :)

[سردال]

مع احترامي الشديد لكم جميعا انتم وسياراتكم
لأنها ما تسوا شئ عند
الـ
X5 ولا حاجة
--------------------

أنت خليت فيها احترام؟!! :)

بعدين يا أخي من يقارن X5 مع الرانجلر ولا Rav4؟! :)

هذي سيارة وهذي سيارة غير... هذي فخامة وقوة الأكس فايف

يعني ما تقارن الصغير بالكبير :)

[S2000]

اسأل مجرب....

يوكون 2000 وانت طالع :)

[Net Master]

http://www.swalif.net/sforum/showthread.php?threadid=79476

[S8]

أخوي سردال
آسف ماكان قصدي
لكن الأخ الأعرابي ذكر
وخلى السعر على صوب مانبي مناقشة الأسعار
فجاء مني هذا الحماس
لأنها ماهي مقارنة هذه ابداء رأي فقط

ولك مني 286 تحية

[E55]

أنا أعتقد ان 3 سيارات تتنافس على زعامة سيارات الدفع الرباعي في الخليج وهم بالترتيب :

1) تويوتا لاندكروزر
2) نيسان باترول
3) GMC سوبربان

الأعرابي
أنا عن نفسي ، أكره سيارات الدفع الرباعي ... يمكن لأني أحب السرعة ولكن ما أعتقد إني في يوم بشتري سيارة دفع رباعي

[ألأعرابي]

أخ e55, يمكن تفكر مره ثانيه, لأن بنزلون قريبا كادلك دفع رباعي مكينته 354 حصان (شوي و يصير كورفيت :)) , و أكس 5 عقب سنتين أسمه أم أكس 5, طبعا أم بور, مكينته بتكون أقل من مكينة الأم 5 بشويه,
والا شرايك؟

[مكلارين F1]

ياشباب لا تقعدوا تدوروا على افضل دفع رباعي لانه على اسمه لاجيب الا جيب يعني تبي سياره قويه من جد لا تطلع عن وكاله الشيروكي يعني جراند او شيروكي او رانجلر وبس

[المجهول]

أذا الحديث عن الجيب أسئل أهل الخبرة
أهل قطــروالامارات معا أحتامي لجميع
دول مجلس التعاون
وطبعاً لأني منهم أقول أن GX-Rهو
الأفضل من جميع النواحي
6سلندراترVالسعر
والشكل ممتازين
هذا والله أعلم

[Panadol-Extera]

الى ابو نايف....
بصراحه اذا تبي سيارة لجميييع الظروف (الجبلية-الصخرية-الرملية...الخ) مالك الا اللاندكروزر و اذا تبيه فخامة مع قوة خذاللاندكروزر VXR3
الي يجي معاه ونش و فتحة و هايدروليك سستم (قلبت انجليزي-عربي) لووول


الى S8
انا معععاك بالنسبة للبي ام اكس فايف و اذا ما كان عندك علم عن البي ام اكس فايف اللومان بس للاسف مو للبيع
محرك V12
القوة 700 حصان
العزم 73م/كلغ عند 5000د/د
السرعه القصوى 278كلم/س
من 0-100 4.3

و فيه بي ام اكس فايف بتعديل من شركة هامان موتور سبورت
المحرك سعة 4.8 بقوة 350 حصان

و السرعة القصوى 250كلم/س
و الجنوط مقاس 20
(المعلومات الي وردت بالنسبة للبي ام اكس فايف ماخوذة من مجلة سبور اوتو العدد 300-301 بتاريخ اغسطس 2000)


و احب اقول ان الراف فور حلوة ما عليها و فيه من السيارات الي الجيب الحلوووة الرانج روفر و الفورد اكسكيرجن و الشكل الجديد للاكسبلورر و فيه الاكسبدشن و غيرررره كثييييييييير

[mrcedes]

مع أحترامي الشديد
الاندكروزر أفضل سيارة4×4
لأنها قوية