View Full Version : اللومينا به عيوب!
ألأعرابي
15-02-2001, 05:09 AM
أخي لومينا س س, انا من البحرين و جديد على سوالف ماتعرفني....الزبده, أنك على خطاء, الومينا به عيوب, انا امتلك كابريس س س موديل 2000 , و لاتقولي ان التصميم غير, فهم شبه متطابقتان. أن تبي تعرف العيوب و هي ان جودة الصناعه تقدر تقول رخيصه, فأن سيارتي من يوم ما شراتها من سنه راحت ثلاث مرات الكراج الوكاله حق تصليحات علما انني لا أسرع ولا أكسر السياره. كما ان بعض الأشياء داخل السياره تكسرت من أقل لمسه. فسبب رخص هذي السياره هو أستعمال أغراض رخيصه في صناعتها, بمعنى أخر عقوب خمس سنين بتكون شبه رايحه علاها. لكن بيني و بينك المكينه عسل (: ,
بس هالمكينه تخليك تنسى لعيوب كلها! يخليك تهزء لك كم موتار من مال بو بابين. و بعدين بيني و بينك الومينا أكشخ من هالسفيك اللي يمياودين علينا هني سريع سريع. هذي الومينا يوديك ويا الهاي كلاس. لكن الخمه مصنعين السيارات, أي سياره حق الخليج يسونها أسرع من اللي يوزعونها على العالم, يبونا نموت!
أقول؟ صايره سالفم بايخه في البحرين, صج ال لكسز 430 يطوف الومينا س س؟
ترى أنا أعتقد أنه مايطوف حتى الكابريس مالي
أبو نايف
16-02-2001, 04:23 AM
الاخ الاعرابي
أهلا بك في المنتدى صديق جديد...ومن البحرين العزيزه.
يا أخي احنا قفلنا هذا الموضوع وأنت تبغى تفتحه من جديد:)
يعني عندنا 2 شباب عزيزين... معهم لومينا SS وهم حساسين حبتين
للنقد.
لكن أنا أتفق معك أن اللومينا والكابريس قويه وسريعه جدا.
عشان كذا صممت للخليج ...لانهم يعرفون أن الشباب هنا أول شي
يبغونه السباق مع السيارات الثانيه.
لكن معظم المواصفات الاخرى والمواد المصنعه منها للاسف رخيصه وتعبانه مثل ما تفضلت.
والاخوان في المنتدى فصلوا كثير وتكلموا كثير حتى صار الموضوع
ممل وسبب شوية حزازات.
اللوميناSS أو الكابرس ...يطوف على اللكزس430.
هذي مزحه ذي والا كلام جد :)
مرحبا بك مره أخرى
[تم تعديل الموضوع بواسطة أبو نايف يوم 16-02-2001 في 03:00 PM]
ألأعرابي
16-02-2001, 08:42 PM
والله مادري كان قفلتوه أو لا أنا توني ياي أنا مادري شسالفه
حبيت أوضح بس...
والله مادري شاقولك, يقولون اللكسز يطوف
أبو نايف
16-02-2001, 10:16 PM
عزيزي الاعرابي
وسع صدرك... ترى الموضوع مو جدي لهذه الدرجه.
حنا قفلنا الموضوع مو بشكل رسمي لانه ما أحد يقدر يمنع أي موضوع
ولكن يعني تقدر تقول... قفلناه أدبيا بعد زيادة حدة النقاش
بين بعض الاعضاء..............
وصار الحوار غير موضوعي لكن عاطفي...شي يفشل صراحه.
يعني تخيل أحد الاعضاء النشطاء ترك المنتدى عشان هذا الموضوع.
وعضو اخر مهم قسمنا حزبين...حزب مع اللومينا وحزب المعارضه :)
تعرف الاحزاب ممكن تقسم دول كامله...مو بس منتدى.
طبعا أنت غير ملزم بعدم فتح هذا الموضوع.
انت حر ياعزيزي...لا أنا ولاغيري يقدر يمنعك
لكن الله يعينك على بعض الردود...العاطفيه.
أخيرا تقبل اعتذاري الشديد اذاكنت قد ضايقتك.
ترى قصدي...فقط...المصلحه العامه.
حلوه هذي المصلحه العامه يا أبونايف......والله مانتب سهل...:)
ألأعرابي
16-02-2001, 10:23 PM
لا أنا أوكي موب مشكله بس شاكلكم وايد سنستف على قولت الأجانب,
شدعوه ماصارت قطع حديد هاذي اللي تسوي أحزاب :)
caprice and lumina مصنوعة من استراليا !!!!
العزيز ابونايف
كيف حالك
يا سيدي انت ماتقدر تمنع احد انه يكتب عن اي سيارة يعني خلي الأعرابي يكتب براحته
الموضوع صحيح برد لكن باقي مارسينا على بر
ولا انا غلطان
أبو نايف
19-02-2001, 01:12 AM
OK
يازعيم...
الأعرابي
غريب جداً !!!
عنوان الموضوع عن عيوب اللومينا
والسيارة اللي تكلمت عنها هي الكابريس ؟
أبو نايف
حلوة هذي المصلحة العامة :):)
ألأعرابي
19-02-2001, 05:49 AM
هلا بe55, أنا ناوي اطلع e55 بس موب قريبا. ألكابرس هو اللومينا و اللومينا هو الكابرس. أنا شفت ثناينهم من الداخل و برع. افرق الشكل الخارجي و أن الكابرس فيه حطب من الداخل و ان الكابس أثقل, فقط