shahab
10-12-2000, 04:34 AM
^1
بهدوء وبلا اي انفعالات خصوصا لمن سبب الازرق لهم المتاعب على جميع المستويات **** اود ان اوجه لهم سؤالا؟
لماذا يلعب الهلال في الدوري السعودي خصوصا ان من يلعب في الدوري يكون له طموح الفوز ببطوله او بطولتين او عشره لذا فاني اقترح ان يتاهل الهلال الى دوري الاربعه مباشرة خصوصا ان نجوم الازرق هم نجوم المنتخب والذي نحرص جميعا عليه وعلى الاقل **** مشاركه للهلال لكي يخرجوا لنا
في وسائل الاعلام التي لولا الزعيم لما راءهم احد .....وسامحونا
ملاحظه:****
-------
الأخ المشارك
الرجاء إحترام قوانين الموقع
*مراقب998*
ليش ما يحطون كاس للهلال ويطلق عليه ( كاس الهلال العالمي ) :)
وتكون المبارة بين الهلال + بلقولة او المهنا او اي حكم من اهل الأرصدة المعروفة مع فريق محمود الفشقه ( اللي في طاش ما طاش ) :)
دائماً الهلال يحب الطريق المختصر والبطولات السهلة :mad:
عفواً البطولة نصراوية ..... :cool:
نصــــــــ( ياسر )ــــــــــراوي
:confused:
نايف1
17-12-2000, 10:55 AM
ههههههههه
ضحكتنى وانا صايم
قال ايش البطوله نصراويه
بصراحه تكسرون الخاطر يا النصراويه
وش رايكم نسوى لكم طبخه تروقكم
المقادير
1-عسل
2-فاصوليا
بس ويطبخها لكم فيلهو على سمر وتاكلونه على صك الخمسين عام
ويفضل تاكلونه فى الثمامه الثمامه الثمامه
تدلون الثمامه.
علي فكره انتبهو لانفسكم من الثعـــــــــــــــــابين
bint_alriyadh
17-12-2000, 10:31 PM
انا اقولك ليه ما تاهل للمربع العام مو عشانه اخذه من ثلاث سنوات لاء....بس النجار اللي موصينه يسوي دولاااب جديد للكؤوس (لان الدوااليب الباقيه امتلت) ما خلصه بوقته بعدين احنا قلنالهم خذوا راحتكم مثلك عارف بطولات الموسم اللي فات كلها خذناها قلنا خلوا لهم هذي يتطاقون عليها:) قبل ما تقعدون تناقشون اخذتوها والا ما اخذتوها روحوا حلوا المشاكل اللي ماليه ناديكم ديووون ورئيس غير محبوب من اعضاء الشرف واللاعبين والجمهور مشاكلكم تشيب الراس اقعدوا حلوها اي صح نسييييييت قطيتوا لاعتزال بيليه الصحراء والا مابعد هذا جزاه ثلاثين سنه يلعب ويجمع جمهور وبالاخير حتى حفل اعتزال ما سويتواله يابن الحلال انشغلوا بناديكم صاحب اكثر الانديه مشاكل مع الاتحاد الدولي والحكام ....سلااام
اهلاوي طيبه
18-12-2000, 05:30 AM
اولا السلام عليكم ورحمة الله وبركاته
ثانيا اشكركم لتقبلكم لي عضوا
ثالثا بصراحه السبب الرئيسي اللي خلاني اشترك معاكم فيه مواضيع حلوه تطرحوها بالمنتدى لذلك اتمنى لكم التوفيق جميعا
رابعا وهذا الاهم بصراحه حبيت ارد على موضوع لماذا يلعب الهلال بالدوري السعودي؟؟؟؟
اخي الكريم ولماذا لايلعب الهلال بالدوري السعودي؟؟؟؟
بكل صراحه وبدون نكران نعم اعترف ان الهلال من افضل الفرق مو السعوديه او الخليجيه ولا العربيه لالالالالالالا الهلال من افضل الفرق الاسيويه لكن هذا مايعني انه تعصبك ياخذك الى قول ان الهلال المفروض مايعلب بالدوري الا بالمربع الذهبي ... لانه وبكل بساطه اين كان الهلال عن المربع الذهبي العام الماضي ؟؟؟ على فكره لاتنسى ان الهلال العام الماضي اخذ اربع بطولات... ياخي هذي كوره وانت قلت في بداية مقالك فلنترك العصبية؟؟؟ الا ترا انك في مقالك اعتمدت على العصبية بشكل كبير ؟؟؟ وبعدين لاتنسى ان الهلال زيه زي اي فريق بالدوري السعودي بعدين لاتنسى انكم لعبتوا السنه هذي مع الانصار مرتين ولا فزتوا عليهم
ملاحظه( الانصار احد الانديه الصاعده حديثا للمتاز ...؟؟؟)
King Dived
18-12-2000, 10:21 AM
كالعادة ياخوان مالها الا هلالها
انا اقترح انه يلعب في الدوري الانجليزي مع المهاجم العالمي الكبير والنجم الجماهيري الكبير ونجم النجوم
وكبير محترفي العالم وافضل لاعب على الاطلاق
وافضل مهاجم في تاريخ السعوديه
وافضل لاعب في تاريخ العرب
واول من اخترع الهدف بالرجل اليسار
واول من صوب وجاب هدف ومافي احد قدامه غير الحارس
وصاحب اكبر جماهيريه في العالم
ويحترفون مع مانشستر الانجليزي (بس مانشستر كذا بيخسر البطولات قدام الهلال) والله مشكله
طيب يحترفون في الدوري الايطالي (بس اعضاء المافيا في ايطاليا يزعلون )
اقولكم خلوه هنا في السعوديه
ازين بدال البهذله والمصاريف الزايده خاصه هناك الحكام يتعاملون بالجنيه الاسترليني
والجنيهالواحد = 6 ريال (والله كثير )
لكن هنا المهنا والا ابو زندة والا الزيد
زي ما قلت لكم قلها قطعت ارض في شرورة تكفي وزيادة
والمهنا زراعه شعر ويجيب لهم الدوري غصب
بالعربــــــــــــــــي
مالها الا هلالها
هههههههههههههههههههههههههههههههههههههههههههه
ونعم الفريق والله
shahab
19-12-2000, 03:30 AM
^1
اخواني الكرام
شر البلية مايضحك 000 مقالتي عن الهلال كان المقصود منها اراحة اعصاب بعض الناس الاانهم لايرغبون ذلك وعموما الهلال يجب ان نفرح لانتصاراته لانها انتصار للوطن ولكن لام الله من لامكم 00
**** ولمن لايعرف التاريخ فهذا الرئيس كلف بادارة المنتخب يوما من الايام واول نتيجه كانت هزيمتنا من منتخب تركيا 7/0 لذلك اتمنى ان يحسن الله الخاتمه 00 وللاخ الاهلاوي اقول مع احترامي الشديد للاهلي الا ترى ان ثلاثة عشر عاما من السنين العجاف كافيه 00
اهلاوي طيبه
20-12-2000, 02:28 AM
اقول يااخ شهاب الثلاثة عشر عاما دون بطولات اللي تتكلم عنهاماهي الا فرصه لكم لكي تتجاوزوا ببطولاتكم الاهلي بعدين ياخ شهاب لاتنسى ان ماكان احد ياخذ بطولات الا الاهلي هذا شي الشي الثاني ياخي طفشنا من كثر البطولات ومع هذا مالقينا منافس عشان كذا قلنا نوقف كم سنه عشان الناس تلحقنا وتتعدانا عشان بعد كذا احنا نحس انه فيه ناس تنافسنا بعدين ياخ لاتنسى اللي قال: قدم الغشيم والحقه ...... على فكره احنا يكفينا من الاهلي لعبه الحلو. واقل شي تحس بالمتعه وانت تترفج على فريق زي الاهلي ياخ!
King Dived
22-12-2000, 10:23 AM
سؤال بسيط
الاهلي ما جاب البطوله من 13 سنه ؟؟؟؟؟؟؟
الاهلي جاب البطولات قبل 13 سنه
وقدم محاضرات على مدار 13 سنه في كيفيه الحصول على البطولات
االه يطول بعمرك يا عبدالله الفيصل
جبت لهم كورة وعلى يدك عرفوة اني فيه كورة اسمها اديداس
وفي شورت وجزمه ينلبس معاها شراب
والحين ما صار الاهلي فريق
والغالي اصله غالي.......... والزين يفرض نفسه
ـــــــــــــــــــــــــــــــ
للماسنجر
agg030@hotmail.com
للمراسله
Hopkinz@hehe.com
Panadol-Extera
22-12-2000, 05:08 PM
انا الحين بقول شي لكل المشجعين النصراويين و الاهلاويين و الشبابيين و الاتحاديين و غيرهم........
ترا الهلال افضل فريق موجود على سطح الارض و لا يضاهيه احد في روعته ....و لا احد يقدر يقول ان اي فريق بالعالم مو بالسعودية انا اقوول العالم يسوي الي سواه الهلال ......الهلال جاب اربع بطولات في موسم واحد بعد ما كان النصر مستانس بالثلاثية (على حد قول النصراويين) الهلال حقق الرباعية الموسم الي فات ......
و بالنسبة لمشكلة الحكام......مجرد كلام علشان يعلق عليه النصراويين فشلهم في البطولات.....
و عادي تكلمو الى بكرة الهلال راح يضل هو الافضل في العالم .
و يا اهلاوي طيبة مو عيب ان يخسر فريق من فريق الكورة فوز و خسارة ....و هذيك المباراة بالذات ما كان يلعب نص النجوم .
نايف1
22-12-2000, 11:34 PM
بصراحه مدرى وش اقولك أنت تتكلم عن بطولات اهلاويه
بس قديمه أيام ابيض وأسود
انا في اليوم الله يهديك
ولا لان الزعيم هو عقدتكم فى النهائيات تتكلم عليه
أو ممكن منقهر على اللاعب الهلالى (عبد الله سليمان)
ولا تزعل من الصراحه
وخلك واقعى
وقول الحق لو على نفسك
الزعيم هو الافضل
King Dived
23-12-2000, 09:29 AM
تحيه للجميع
موضوع الابيض والاسود على ايامه صارت احداث بالتاريخ ما ينساها الا الجاهل
ايام الابيض والاسود كانو البرازيليين اسياد العالم ( قويه تقول الهلال الحين افضل )
ايام الابيض والاسود وحد الملك عبدالعزيز الله يرحمه الجزيرة كلها
وايام الابيض والاسود اشياء كثير صارت اكيد درستها
واذا بتمحيها عشان بكلمه حنا في اليوم معناته مالك تاريخ تتكلم عنه
وانته تقول ايام الابيض والاسود كنا ابطال انته كنت فين ايامها ( كبيرة تقول ما تاسس الهلال )
بعد مين اللى مفروض يكون فينا منطقي انا والا انت
مين اللى ما خذ بطولات من ظهر ابو زندة والمهنا وبلقوله والزيدعلى قولك في السنين الاخيرة
لمن تتكلم عن المنطق قول الحق لو على نفسك
انا اقولها لك الهلال فريق كبير بس مو بحاجه الحكام
كلمه اخيرة ( اللى ماله ماضي ماله حاضر )
ـــــــــــــــــــــــــ
للماسنجر
agg030@hotmail.com
للمراسله ( بس )
Hopkinz@hehe.com
نايف1
23-12-2000, 10:15 AM
أقول يا حليلك
ضحكتني
دخلتنا في السياسه ...ترانا نتكلم في رياضه وليس في الحروب
وبعدين البرازيل ما زالو أبطال
وبعدين من يقولك الهلال ما له تاريخ!
.
.
.
وبعدين ياعزيزى الوصول للقمه صعب .. لكن المحافظه على البقاء
في الـــــــــــــــــــقــــمــــــــــــه أصعب
King Dived
23-12-2000, 10:28 AM
فاكرني يا شاطر ويش تاريخك اللى تتكلم عنه
اذا عمرك مالحق تاريخك ممكن تسال اللى اكبر منك
هذا للى نقص
قال عندك تاريخ
السيساسه ما دخلت فيها لانك يادبو تذكر حرب الخليج
اما موضوع الملك عبدالعزيزذكرته عشان عارف انك درسته
وعلى قولك الوصول للقمه صعب والمحافظه عليه اصعب
ما قلت لك الله يطول بعمر المهنا والزيد وابو زندة
قول امين بس روح اشرب الحليب ونام يابو تاريخ
ـــــــــــــــــــــــــ
للماسنجر
agg030@hotmail.com
للمراسله ( بس )
Hopkinz@hehe.com
King Dived
28-12-2000, 01:52 PM
ناقص ومذمه هههههههه
نايف عيوني سمعت بالحليب كامل الدسم
,,,,,,,,,,,,,,
,,,,,,,,,,,,,,,,,,,,,
,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,
كل عام وانتم بخير
وقولو امين
الله يطول بعمرك يا عبدالله الفيصل
لولاك كان الحين الاخوان يلعبون طاق طاقيه والا برجون
ـــــــــــــــــــــــــ
للماسنجر
agg030@hotmail.com
للمراسله ( بس )
Hopkinz@hehe.com
سيد الملاعب
28-12-2000, 03:41 PM
السلام عليكم ورحمة الله وبركاته .
كل عام وأنت بخير .
أسمحولي أتدخل من الخارج .
الكثير يتكلم عن فريقه يوم عز شبابه [ ايام البطولات ] ولا يتكلم يوم ينهزم الفريق وإلا مايحقق بطوله أخواني أستقبلو فريقكم بروح رياضيه عاليه ولو بدون بطوله .
وتكلم يوم ينهزم الفريق بصراحه . وين الهلا ل قبل قبل سنتين على ما أذكر أو ثلاث ما شفناه ينافس وإلا هي كانت كبوة !!!!!!!
والآ ن ماتبغيه يلعب في الدوري السعودي .
طيب وديه إيطاليه الدرجه الثالثه علشان يطلع الأخير !!!!!!!!!!!!1
العفو !!!!!!!!!!!!!!
النصراوي
01-01-2001, 04:16 AM
لن اطيل عليك اريد ان اسالك سؤال من هو هداف الدوري اليمني للموسم الماضي ؟؟ان لم تعرف اجاوبك 9\10
واتمني ان تضع صورة الجابر جمب صورة نسيم حميد وعمل مقارنة
اما للخوجلي فاسمه محمد البكروولقد سمعته في احد القنوت الاروبية
وعلي يزيدالقرني
بنسبة لمصطفى فهو الان في الحزم وبيلحقه حسين هادي
نكوبي
01-01-2001, 07:46 PM
لا تنسون أن على الهلال دين مباريات فوزوا فيها بعدين تصيرون زي النصر ...
وعلى الثمامة تبغني أدلك على كبري الموينع في الرياض وإلا عارف الطريق .. أتمنى ذلك ..
والله يخلي عبدالرحمن بن سعود عنما سأله أحد مراسلين قناة الإم بي سي في أحد من أخوانك أو أبناءك يشجع الهلال فرد رد لا ينساه الهلاليين فقال الحمدلله كلهم طلعوا رجال ...
صدق والله
إذا بتقول الهلال قول بعدها وأنتم كرامة ...
والله يخلي المرزوق ... رئيس لجنة التحكيم ,.. وأقول ليه شالوا مثيب الجعيد .. تعرف ليه .. أحسلك لا تعرف ..
لكم تحياتي ..
نايف1
02-01-2001, 02:16 AM
با النسبه لنادي النصر فان التحكيم هو الشماعه التي
تعلق عليها الاخطاء في اي مباراه
وبعدين رئيس النصر يناقض نفسه ينتقد الحكام الاجانب
ثم يطالب بهم ؟؟؟
وبعدين الهلال افضل الانديه حالياً من ناحيه
الجماهير
اللاعبين
اعضاء الشرف
يعني الهلال أفضل بكل شى
يكفي 35 بطوله
لو النصر يبلط البحر ما جاب مثلها.
السلام عليكم لهلاللين خاصة والوحداويين
فريق سبحان الله كامل والكامل وجه يعني خوش إدارة خوش لعيبة أي مدرب ماله داعي ينجح معاهم لإنهم لعيبة يساعدوا الواحد عشان يطلع وتذكرون كارلوس بريرا وكاندينوا وأوسكار والبقية
لكن اللي خلاني أرد الأخ اللي جاب طاري عبدالرحمن بن سعود
تراه ياأخي هو فاكهة الكرة السعودية بتصريحاته اللي أكل عليها الدهر وتخلينا نضحك شوي من الهموم اللي فينا بصراحة,
وأنا من عندي أبذيدكم بعض الحاجات. خوذوا مني
!- قالوله الهلال أخذ بطولة الخطوط السعودية وش قال
قال عقبال النقل الجماعي.
2- قالوله وش رايك بسامي الجابر كهداف وش قال
قال سامي الجابر أحسن هداف وأحسن اهدافه اللي بشماغ المراسيم.
3- شال الهلال اللي بمسجد نادي النصر وحط الله أكبر وش قال
قال بدعة عثمانية.
4- يقول الهلال يشبه إسرائيل .
5- سألوه عن نور الشريف وش قال
قال عكس إسمه
6-سألوه عن نوال الزغبي وش قال
قال مثل إسمها
7- إتصل عليه أحد الأخوة الكويتيين وسأله هل السعودية تستطيع أن تستضيف كأس العالم وش قال طال عمره
قال حنا إستضفنا دولة أكثر من سبع شهور نقدر نستضيف أٌقل منهم بكثير خلال شهر.
8- إذا سألوه عن الهريفي باللقاءات الصحفية ما يقول إسم الهريفي بل يطلق عليه المدعو أو المذكور سابقا أو المذكور أعلاه
والكثير الكثير بس صراحة فاكهة الكره العربية عموما
ودمتم
كككككككككككككككككككككككككككككككك
حنا العرب يا مدعين العروبة
وحنا هل التوحيد وإنتم له أجناب
رياضي(2001)
03-01-2001, 11:14 PM
الى النصراوى ياعزيزي ماهذا الكلام الا مسؤول اذا كان عندك نقد بناء عن اي فريق اتكلم وكلامك في الهلال وسامي الجابر غير منطقي ومتعصب ولاتنسى انك تتكلم عن هرم من اهرام المنتخب السعودى وليس عن ملاكم كم اشرت والسلام0