اول زيارة الى

[mouza]

اول زيارة لك الى طبيب الاسنان متى كانت وشو كان شعورك


اههاهاهااهاهاه
انا بقولكم شو سويت انا دخلت على الطبيبه اول مرة وانا صف ثالث
واول مرة ادخل فيها حجرة دكتور الاسنان كانت طبيبه والله كانت تخوف ويم شفت الاجهرة خفت زياده
وقالت لي نامي على ده وانا اشوف الجهاز اللي فوق راسي واسرط ريجي من الزياغ قلت ها ضرس ولا شو ؟ اللي يباله كل هاي الاجهزة
المهم سألتني قالت وين الضرس اللي يعورك مرة اقول هذا و مره اقل وهذاك ترا والله من الزياغ
بعد شوي قمت وجلست وقلت لها دكتورة دقيقه وقمت وطلعت من الحجرة تقولي وين سايره قلت لا برجع يلا باي
هاهاهااهاهاهاهاهاها هزبتي وخبرت على الممرضه مالت المدرسه
اهاهاهاهاهه

انتو شو اتخافون مثلي ولا انتو شجعان ؟
الصراحه انا لين الحين اخاف بس استحمل واسير

[BRABUS]

شو أنا بعدني ياهل لا تشوفوني جي :)

المهم أنا معروف عني في بيتنا بكثرة روحاتي لدكتور الاسنان

وكل مره أروح العياده أسويلهم مناحه هناك حتى الدكتور روحه اتطفر مني

ويوم أسير العياده أبوي يقولي موتقلب العياده مستشفى الوصل(هذا اسم مستشفى ولاده في دبي) لوووول

ويوم أيلس على كرسي الاعدام مالهم ايمعون كل الممرضات عشان يمسكوني حتى لو شافوا واحد في الشارع فاضي ما عنده شغل قالوله تعال يوده

:):)

[mouza]

فضحتنا ويا راسك ترافس وتحشر الدنيا انا من الزياغ ما عرفت ارمس وطلع قبل ما تحط الدكتورة المكينه في حلجي اظني الدكتورة انصدمت مني
اههاهااهاهاهاهاه

[BRABUS]

ما دريتي شو استوى في الدكتورة بعد هالموقف ؟؟؟

كتبوا في الجريده إنها اعتزلت مهنتها :):) لووووول :)

[mouza]

الله يعين قطعت رزقها المسكينه اكيد تتعالج في مصحه امراض نفسيه

[نجمة المساء]

مووووووووزه لييش اذكريني في اللي مضي

كنت في صف الثاني وكان في ضرسي سوس بس خفت من الااجهزه بالاضافه الي خوفي من ابره البنج بس طلعت احسن قلت للدكتور اني خايففه وخلاني

عقبها في وقت امي احضرت معاي بس المره هذى ماكو دلع :(

استسلمت حق ايد الجراحه ثقيله الايد :(

[mouza]

هاهاهاهاها
هلا اختي نجمه
شو انسوي طبيب الاسنان وايد يخوف يسويلي رعب

[BRABUS]

انتوا متأكدين إن على أيامكم كان شي عيادات للأسنان

ولا كنتوا اتلفون الضرس بخيط واتيرونه :):)

ههههههههههه

[mouza]

انا حليلي بعدني صغيرة توني 24 سنه شو ها
مواليد1975 الاتحاد والبترول كانو مكتشفينه من زمان ما بيكتشوف مكينه جلع الضروس
ويوم ميلادي اسبوع الياي زهب الهديه حقي :) يا برابوس
هاهااهاهاههاهااه

[سردال]

خفاف الدم كلكم! :)

أن صراحة كنت مستحمل، وحطوا الحفارة في ضرسي! وضربوا الأبرة في اللثة، وحطوا الحشو وأنا مستحمل وساكت! ولا ودي أصيح وأصرخ:

هذا انتهاك لحقوق الإنسان :p

[mouza]

تستاهل البطوله
هااهاهااهاههاهاها
صراحه انا احس البطل هو اللي يستحمل طبيب الاسنان
يحط يده في حلوجنا وغير المكينه
وغير يد الممرضه
عنبو مب حلج مغاره
هاهاهاااهاهاهاهاهاهها

[سردال]

إي صار الفم مغارة!!

مرة طبيب أسنان يشوف فم مريض، ويفحصه وينظر، فقال: أوووه، هذا الضرس محفوووور، محفوووور، محفوووور، محفووووور....

فقال المريض بغضب: وليش تكرر الكلمة

الطبيب: هذا الصدى داخل ضرسك!!

[mouza]

حلوة النكته
هاهااهاهاهاهاهاهاهاه
يا سردال

[ساهر1]

ذكرتيني بنفسي و انا في التمهيدي :)
جات الممرضة تبغا تلبسني لبس المستشفى (مريول ابيض)
قمت ضربتها و ركضت فتحت الباب و قعدت اركض الى ان صادون و حطولي منوم :)
ههههههههه

[mouza]

هاهااهاهاهاهاه
انا شردت بس انت انت هاهاهاها عطوك منوم
هاهاها انا ما قدرو على

[بردان]

مساكم الله بالخير
اما عن اول زياره لطبيب الاسنان فكانت عاديه كنت في الصف الثالث
وسرت عن طريق المدرسه الي طبيب الاسنان بس عند باب العياده الخارجي ومن الزيغه تكرفست و طحت ولحسن حضي الطيحه كانت علي الضري المسوس صحت شوي و روحت البيت وطبعا الاهل ماقتنعو بوجود القطنه في حلجي طلعوها و استبدلوها بشوية ماء و ملح اونه احسن!

[mouza]

طيحه بس بفايده عشان ما يستلمك الدختر ويا الاله هاي اللي تزيغ فريج

[ShaMsHoOoNaH]

سلامي عليج اول شي وثاني شي .. وع ذكرتيني باكثر شي اكرهه فحياتي ..:> تعرفين عاد اول مرة سرت فيها لدكتور الاسنان كنا ان واخوي اللي اصغر مني بسنتين انا ساعتها كان عمري سبع سنين .. المهم الوالد بعد ما سقى لين ما خذالنا موعد .. وتم يراكض وراه .. شلنا وسرنا .. احم .. فالوالد الله يسلمج .. سار يرمس ويا الدكتورة واحنا ( انا واخوي ) تمينا نحوط في العيادة نطمش ونطالع .. وقفنالتج عند حجرة .. وتشفنا الدكتور وهو يتعبل بضروس الريال المصري وهاذاكي يصارخ ويسب .. وحالته حاله .. وتمينا نطاله لين ما ظهر .. عاد انا واخوي قلنا اكيد نحن بيسوولنا تشيه .. بس سرنا نكمل الجولة السياحية في العيادة لين ما ايي دورنا .. وتشفنالج دكتور زاخ ابرة اشكبرا ودخلها فحلج الولد .. وعيونج ما تشوف الا الخير .. جان نلبس ابونا والموعد والممرضة والعيادة كل÷ا وطلعنا من العيادة ركض !! ما شاء اللع علينا اول مر’ نكتـشف انا سريعين ) .. وسرنا نتمشى في الشارع لين ما لقانا ابونا وودانا البيـ .. طبعا خذينالنا هزب’ معتبرة بس اهون من هاييـش الاب{ة !! .. ومن يومها ما دشيت عياد’ اسنان الا وانا في الجامع’ .. بالعكس الحين انا زب,نه دايمة ويفتقدوووني لو ما ييت م,عد .. هههه ) وسلامتج

[مدردش متقاعد]

أحلى شي نكتة سردال.. هههه حلوة وايد.. الله يقطع ابليسك ههه

أنا عاد بطل عيادات الأسنان.. يرتاحون وياي آخر راحة.. حتى يسويلي الطبيب حشو بدون بنج تخيلوا ؟ صوت ال ززززززززززززززززززززززززززززززززززز.. و أنا مستحمل..بس خلايا مخي تتصرقع والله .. و جنه ضاربني تماس كهربا..

بس لا تتحروني من صج قوي و أستحمل.. كل السالفة و ما فيها.. إني أستحي ههههههههه و ما أحب أسوي حشرة..(أكيد ما تصدقون إني أستحي:))

بس الشي الي يضايقني يوم اسير طبيب الأسنان.. الشفاطة الي يحطونها علشان تبلع الريج.. قبل ما يسيل و و يسوي فضايح.. مرة حطو لي ممرضةفلبينية دفشة.. زين ما شفطت لساني هههههه


تحياتي لكم :D:p:D:p:D

[متعب .ع.ع]

هلا بالجميع
تصدقو ان اول يوم في رمضان انكسر سني بسبب اني كنت امظغ لبانه وانا في السياره تفاجئت بالبانه اخرجت الحشوه الموجود بداخل السن ،، ومو بس كذا كسرت السن جوزئين ،
ذهبت للدكتوره فعانيت موعاناه لا يعلم بها الى رب العالمين
من ضرب الأبر للتخدير ومع ذلك يوجد الم وهياتشتغل بهذا السن الذي اشغلني بمرور اربعة ايام متتاليه وانا رايح جاي على العياده ومن ابره الى ابره ,, المشكله اني اعاني من عدم التخدير بسرعه ،،
الله يكون في عون الجميع // واقول حافظو على أسنانكم لكي لاتذهبو الى هذه العيادات المرعبه ،،
فكما يقول المثل // لاهم الى هم العرس ،، ولا وجع الى وجع الضرس ،،،،
ولكم مني بدوم الصحه والعافيه