شي غريب !!

[BRABUS]

أول شي السلام عليكم جميعا

---------

موضوعي هو استفسار عن شي

طبعا الأغلبية منا يعرف المسنجر ويستخدمه

افرض أو (تخيل) إنك اتعرفت على انسان عن طريق المسنجر وصارت علاقتك معاه صادقه وقوية وحميمه في نفس الوقت

لدرجة إن الطريفين يبوحون بأسرارهم (تقريبا) لبعض .

لا تستغربون من هالعلاقات لأنها موجوده !!!

المهم يوم من الأيام وانت عالمسنجر شفته أونلاين وقالك أنا تعبان وأبا أرتاح وما إلى ذلك ... فإنت بحكم علاقتك معاه بتقوله روح ارتاح مع إنك تبي اتسولف وياه !!!

بس اكتشفت عن طريق الصدفه (ويا أغربها من صدفه) إنه حاطنك حضر على اسمك (بلوك) يعني بالمعنى الصريح ما يبا يكلمك !!!

طبعا كل واحد منا بتكون ردة فعله مختلفه عن الثاني ... والله يستر من ردة الفعل :)



ممكن لو تتكرمون يعني تذكرون الاسباب المحتمله اللي تخلي هالحركه البايخه تستوي ؟

[الممتع]

خوي برابوس
السلام عليكم
الحقيقة هذا الموضوع يشغلني كما يشغلك
بس ما أقول الا الله يهدي سرك
واعلم أن من يبينا نبيه والعكس صحيح
ما أعرف هو صحيح أو خطأ أن تصدق من تخاطب أو من تعرفت عليه أو خطأ والمفروض منك أن تقوم بالتدليس عليهم
أنا لا أستطيع أن أقول إلا الحقيقة والي يبي يتأكد أنا مستعد

[BRABUS]

وتفكيري كان نفس تفكيرك

بس الاختلاف كان في جملة : (واعلم أن من يبينا نبيه والعكس صحيح)

لأن مب من طبعي أتخلى عن حد حتى لو ما كان محتاج لي

يمكن هذا عيبي :(

و الله يستر من باقي العيوب :)

[E55]

إطلع يا برابوس إطلع :)

طال عمرك ، مثل ما قال الأخ الممتع ، اللي ما يباك لا تصيح تباه

وبعدين إنت ذكرت إن العلاقة صادقة وقوية وحميمة

كل هذا عن طريق الماسنجر ؟

قصدي ، ليش ما تحولت إلى صداقة واقعية ، يعني تقابله وتتكلم معاه في التلفون مب بس عالماسنجر !

وبعدين عندي سؤال : بصراحة ، كيف عرفت إنه مسوي حضر على إسمك ؟؟ :)

[BRABUS]

هاه طلعنا .... آمر يالغالي :)

لا تستغرب من هالعلاقات لأنها موجوده

وكل واحد يحب يخلي علاقته شكل يعني مب لازم تلفون وطلعات وزيارات .... ولا تنسى إني أنا ما حددت الجنسين :) يعني يمكن يكون في اختلاف في الجنسين :)

وحبيت أنوه على شي .... الكلام بوجه عام لا سالفة استوت لي ولا شي لكن سمعتها أكثر من مره :)

[نجمة المساء]

احتمال ان عنده ضروف
او يواجهه مشاكل

[BRABUS]

كان أسهله يقول هالكلام بدل ما يجذب

ويدعي إنه تعبان ويبي يرتاح

وفرضا ما كان يبي يقول !! ليش ؟

[mouza]

ومثل ما قالت الاخت نجمه اكيد كانت هناك ظروف تمنعه وما قدر يقول بالصريح ومثل ما يقول جد لاخيك سبعون عذرا
وبعدين من الواضح انك ما تثق فيه لانه من اقل هبه ريح قومت الدنيا وما نزلته الله يعينك صراحه

[BRABUS]

طيب

أنا ذكرت قبل إن العلاقة قوية وصادقه وحميمه

والطرفين يبوحون بأسرارهم (تقريبا) لبعض

ما كان بيستوي شي لو ذكر هالظروف (بحكم العلاقه)

بالعكس الطرف الثاني كات بيتفهم أكثر :)

صح ولا أنا غلطان ؟ :)

[UAE_BaBe]

وعليكم السلام

مرحبا اخويه برابوس :)

يمكن يكون ها الشخص متضايق وما كان حاب انه يتكلم مع حد عشان جيه سوا بلوك ..
وانته تعرف اذا الواحد كان متضايق ما يعرف شو يقول
واذا شفت الشخص مرة ثانية اون لاين بحاول اعرف السبب ..وبس

:) :)

[بردان]

يا اخ برابوس ما ازيد واعيد علي كلام الاخوان و الاخوات بس احب الفت انتباهك انك متشكك في علاقتك مع الشخص وانك تسرعت بالحكم اسمع كلام اخت موزه واعطه اكثر من عذر ... الانسان تجارب وتري مافي صديق كامل و بدون عيوب و الكامل الله سبحانه .. و الواحد لازم يتقبل صديقه و يحاول يعدل من سلوكياته ... اختبر مشاعرك الحين وشاور نفسك اذا كنت تصلح من صديقك او تقطع العلاقه و مره ثانيه لاتحاول تبني علاقات هشه مبنيه علي الشك تراك تتعب واو اخوك

[البسمة الحزينة]

يا أخ BRABUS يقولون اللبيب بالاشارة يفهمَ وأذا هاشي صار من هاالشخص عدة مرات ...ما أدري بس يمكن يكون معنتها You are not welcome anymore...أنته طبعاًلازم أتفكر بعد أذا صدر منك أي تصرف ضايق هالشخص....:)

[BRABUS]

البسمه الحزينه

توقيعج عيبني :):)

UAE_BaBe
بردان

مشكورين عالرد :)

بس ملاحظه لأخوي بردان .... اقرأ ردي على الأخ E55