مخيم و كشتت اهل سوالـــــــــــــــــــــــــــــــــف

[سعودية]

يا جر قلبي جر الأدنى الغصوني **** وغصون سدر جرها السيل جرا:)

كان يا ما كان في قديم الزمان كان فيه ديرة ونيسة توسع الصدر

اسمها سوالف وكان فيها عجز وشيبان كلهم متصابيين تتراوح اعمارهم

من " 50 - 90 " سنه :(وقرروا يكشتون ويسون مخيم ويطاعسون ويسهرون عند الظوية مع الزنجبيل وسواليف الجن ومهابيل منول اللي بالحواري والعواير .

وبدوا يخظظون وش يبون يسون وش راح يأخذون معهم ووشلون يقظون وكم راح تكون القطه ومنهو المسؤول عنه.

قامت عطيت الله " سعودية " واقترحت عليهم يخيمون بنفد القصيم اللي ياالله من فضلك :) وقالوا الشبيبه تم وقولتس :) وهداية الله.

المهم قراروا يخيمون ووزعوا على كل واحد وش راح يسوي وشي هي شغلته.

القرار الأول:

الحريم ما يشتغلن ولا يسون ولا شي غير انهن يأخذن الدداسن كل سته يبناوبن على سواقة ديتسن ويطاعسن به
" الأماراتيات ، الكويتيات ، البحرينيات ، القطريات ، العمانيات، وباقي العربيات " مالهن حق المطاعس والسواقة بس السعوديات " شعارنا دع السواقة لنا السعوديات وتمتع بكيتكات":)

القرار الثاني:

اللرجال هم اللي يسون الفطور ويتكون من الأتي " حنيني او قرص جمر"

القرار الثالث:

الرجال هم اللي يسون الغداء ويغسلون الكراث ويسون الشاهي والزنجبيل و القريض وحب القرع والفصفص كلش الا الفصفص:)

القرار الرابع:

لازم على البنات يلبسن براقع وأجله وكل وحده تجيب معه الفروته لانه برد وجميده:)

القرار الخامس:

لازم على كل واحد بسوالف يكمل قصت الكشته والمخيم وما يهج ويتركنا بلحالنا زين ترى قضاء بانزيني:)


******

من اراد ان نفك له هذه الطلاسم التي كتبتها ليس لدينا مانع بس اللي ما يفهم وش انا قلت راح يتحمل نصيبي من القطه:)

[شيرمان]

اولاً ذكرتينا بايام البر
ثانياً لا حظة في موضوعك العجيب والغريب انكي جعلتي الرجال محل االنساء والعكس صحيح ولا انا غلطان:p:p

[سعودية]

عندنا قاعده تقول الحريم يشتغلن بالبيت والرجال بالبر:)

بعدين نستاهل دلعونا

الحين راح نطاعس وناكل قريض وحب قرع وفصفص وزنجبيل ما يكفيكم هذا شغل وتعب:)

المهم الله الله بالكماله الفزعه يا الخو:)

[شيرمان]

:p:p

[سعودية]

كمل وش راح نسوي بالكشته الله يهديك

اقول كمل بلهجتك وكل واحد ووحده يكملون بلهجتهم:)

[aziz2000]

من زمان وأنا أنتظر نكشت بعد مارزقنا الله الخير والمطر ..
ربييييييييييع ياجماعة هالسنة .. ثلاث سنيين ماجااانا ربيييييع ..
أنا عندي شاص .. بأحمل الخيام كلها معي .. والعدة مع النابغة بالسوبر حقه ..:)
ومعي كم قطييييع غنم بودييهم معي عشاان كل يوم نتغدى ونتعشى مفطح ..
ناوي أرجع الشبااااب من البر وهم منتفخييين وبصحة وعافية .. والله لأخلي أمهاتهم يدعون لي إني أكلتهم و نفختهم وخليتهم مدبدبين ..:):):) ..
وبرنامج الرحلة بيكون مبدئيا ..
مسابقات من النابغة ..
لعب كورة طائرة و قدم .. ( للشباب فقط ) .. :cool:
تطعيييس .. :)
إللي يحبون صيد الضبااااان ... فيه لهم يوم كامل يصيدون ضبان .. ( وع ماأحب الضباان ) ..:):)
إللي يبي يجربع .. موجود ..:)
وباقي الرحلة بعدين .. بروح أصلي ..:)
تحياتي لحليب السعودية ..:) الراعي الرسمي للرحلة ..:)

[سعودية]

حنا نتأسف عن يوم الضبان شكراً " وع الضبان ":)
اما الجربعة انا اول وحدة ان كان تجربعون بالسيارة لا تنهبلون ان شفتوا وحدة مهبوله تراكض وراء الجرابيع:)

يالله متى الحزة اللي حطيتوه للكشته :)

حنا الحريم مسموح نلعب طائرة وكرة قدم وكل اللي نحبه ولو سمحتم تتعاقدون مع راعي دبابات وبقيات علشان نوسع الصدر :)

ما تفقنا على القطة :)

****

حليب السعودية الراعي الرسمي للكشته:)

هين هين يا عزيز:)

[عيون الهواوي]

هلا والله توي جديد معكم بس هاوي البر

انا مبدئيا بحكم المباريات

واقترح مباراه بين البنات والاولاد

واي احتكاك من قبل الاولاد ( ضربة جزاء ) حتى لو من نص الملعب

وفي الليل سلموني الربابه واونسكم بهاك المواويل اللي تشرح الخاطر

بس ماقلتولي غسيل الصحون على مين ؟؟؟

[سعودية]

اما عن غسيل الصحون والقدور فهي طبعا عليك :)

اما عن الربابه الله الله :)

انا ابا هيجن :) معك ترى انا من الي عطاهم شلاح المطيري كاس الباديه :)

المباريات الله يستر من ضربات الجزاء:) صر الحكم تكفا:)

لا تنسى تجيب ابو فروه علشان نحطه بالجمر وانت تعزم سنفونية الربابة:)

[مدردش متقاعد]

زين كشتة و عرفناها
باجي الكلمات شو معناها؟

ههههههههههه

[عيون الهواوي]

سعوديه ياسعوديه ...

سويتيها فيني اوكي انا مستعد اغسل الصحون ( بس دسم مافيه كلها نواشف )

بعدين انا قايلكـ بصير حكم للمباراه وشكلي والله اعلم بعطيك كرت برتقالي من اول دقيقه...

[aziz2000]

الــشــبــاب .. 200 ريال / درهم .. 20 دينار

الــبــنــات .. 100 ريال / درهم .. 10 دينار

يالله الفلوس تنحط عندي .. وبسرعة عشان أروح أشتري الأغراض .. :cool:

تحياتي لحليب السعودية ..:) .. الراعي الرسمي للكشتة ..:)

[سعودية]

القطة عليك يا باشا:)

[سعودية]

سبع كروت حمر :)

راح تشوف سعودية وش تسوي الله لا يوريك ما ادخل مباراة مع احد الا يطلعوني من اول لعبة قال ايه غشاشه:)

[سعودية]

عزيز اذا راح تصرف العملات هاتها عندي انا اصرف بمبلغ يوسع الصدر:)

واذا راح تاكلها عليهم النص بالنص زين :)

ولا تنسى مدردش تاخذ منه قطتين الله لا يهينك علشان طلب ترجمة :)

[مدردش متقاعد]

ما عندي فلوس
نسيتي إنه آخر الشهر:)

شو رايج تسلفيني؟

[سعودية]

عزيز 100000000 الرجال ضعيف لا تاخذ منه قطة لا عنه ولا عني والله رحمته ولو سمحت قل للشلة فيه قطة ثانية علشان مساعدة مغترب مفلس
الله يعينه سندوتشات التونه عنده ب17 ريال :)

[مدردش متقاعد]

ما شاء الله عليج
نبيهة مثل ما عهدتج:)

تصدقين الفلافل هني ب 9 ريال؟

ههههه

حرمت آكل فلافل:(

[النابغة الطائي]

بس بشرط ...

[aziz2000]

ليييييه الشرط ,, أو وشو الشرط ....

خلاص ياسعودية .. القطة حقة مدردش نحطها أنا وانتي النص بالنص ..:)
طيب ياشباب ويابنات .. ماقلتوا .. شلون تبونا نروح الكشته ..
تبون نستأجر باص ونروح .. أخاف يغرز ..

أنا أقول نستأجر دتاتسن ( جمع ديتسون نيسان ) .. ونروح .. طبعا الشباب هم إللي يسوقون .. والبنات يجلسن في الحوض ورى ..

ياحليلهن .. ماتشوف إلا عبايات تتطاير من الهواء ..هههه .. :p

طيب .. والنابغة يقول عنده ناقة .. بيشربنا من حليبها .. وفي آخر يوم بيذبحها وبناكلها .. :):)

يا أخت سعودية ... لو سمحتي مانبي بزارييين .. انتوا يالحريم مانبيكم تجيبون بزارينكم معكم .. ماحنا رايقين ,,تجون تقولون واحد ضاع وللا واحد عضه ضب .. مالنا شغل .. وقد أعذر من أنذر .. :p

وبعديم مااتفقتوا وين تبووون الكشته فيه ؟.. عندكم في نجد وللا في الشرقية ..

أنا أقول الشرقية أحسن عشان دول الخليج قريبة منها .. مافي أحلى من رمال الدهناء الحمرااااء ...:):)

وبعدين إرسال الجوال مايوصل هناك .. فمانبي أحد يجيب جواله معه ..:):)

تحياتي لحليب السعودية ...:):)