View Full Version : الصراحه صرنا نلقط وجيهنا
الحفار
08-10-2000, 10:50 AM
بتقولون كيف
اقول لكم
ماتلاحظون كل يوم والثاني يطلع لنا عضو جديد
ونرحب ونهللي ونقيم الولائم والافراح والليالي الملاحي
,,
واللي يصير بعدها
انه حتى علينا مايرد ,وهذاك علمنا فيه ولا عاد يبان
واذا رد على نفس الموضوع كانه تكرم علينا ,وبعدها يختفي ولا عاد يبان
,,
فكروا بكلامي هذا وشوفو العشر ايام الاخيره كم واحد رحبنا فيه
وسالوا انفسكم وينه الان :(:(:(
لذلك
انا قررت ماعاد ارحب باحد الا اذا شفته صار عضو نشيط ويرد على الاعضاء ويشاركهم مواضيعهم,,
ولا تعتقدون اني ابيه يرد علي انا لا ابدا المهم انه يكون موجود ويرد على الاعضاء بصفه عامه
,,
شوفو مثلا النابغه الطائي كم عزيمه عمل خلال الشهر الاخير
وخسر مخاسير كثيره ,
حسافه الفلوس هذي اللي راحت هباء منثور ,ولو كان عمل لنا فيها استراحه نروحها الخميس والجمعه كان استفدنا :)اكثر :)
,,
او على الاقل سددنا فواتير جوالات الساهروعسل ويوينك اللي صارت تستقبل ولا ترسل :):)
.
.
.
.
.
.
وهذا كله مهو موضوعنا
موضوعنا شيء ثاني
..
البارح كنت اتابع اكثر من محطه اخباريه وشفت مظاهرات ومسيرات قام بها عرب في اغلب اوربا وحتى في روسيا
ويطالبون بدعم الشعب الفلسطيني وينادون بالجهاد الجهاد
وفيه واحد من المتظاهرين قال( ما سلب بالدم لا يسترد الا بالدم))
وهذا كلام سليم
بس ليش هذا ما يجي لفلسطين ويطبق النظريه هذي ,,
بصراحه انا اشوف ان هاللي يرددون الشعارت وهم بعيدين عن موقع الحدث ماهم الا فئه نصابين ويضحكون علي انفسهم قبل لا يضحكون علينا
..
يعني واحد عايش بباريس ويقول الجهاد الجهاد,,
هل هذا صادق وعنده سالفه ؟؟؟؟؟؟؟ لا اعتقد
تابعوا قناة الجزيره وال aan
وتحياتي
khalid99
08-10-2000, 11:06 AM
الموضوع الاول اتفق معك فيه قلبا وقالبا
الموضوع الثاني
للاسف كلامك صحيح واصبحت هذه الظاهره مجرد مزايدات سياسيه
على حساب دماء وارواح الفلسطينين
تصدق امس فيه رئيس دولة عربيه ينادي بالجهاد
ويطالب بفتح الحدود مع اسرائيل
تدري ليش لان بينه وبين اقرب حدود
اكثر من خمسة الاف وخمسمئه وتسع طعش كيلو( حاسبها بالدقيقه ):)
يعني العمليه محاولة تحقيق مكاسب على الصعيد الداخلي
وتحيا الوحده العربيه
زهرة الليلك
08-10-2000, 11:55 AM
سلم لي على أصحاب الجوالات المقطوعة :) ياخوفي ألحقهم والله :)
بنت الأحزان
08-10-2000, 12:10 PM
بعده عندنا باقي خمس دقايق ع المسا..
وعندكم تقريبا ساعة وشويه!!:)
المهم..
خلنا من الجدد.. ترانا نرحب فيهم .. وهم اخوان جدد:)
يغيبوا لفترة.. ويرجعوا من جديد ((بعد فترة)) ويقولوا رجعنا :)
...
أما الفواتير..
فأظن بأن ثلاث أربعا مرتباتكم على فواتير الجوال وال..؟!!:)
الله يستر عليكم لما تفتحوا بيوت .. من وين راح تصرفوا على البيت؟!:(:)
ولا كيف راح تتكموا في الميزانية السليمة للبيت؟؟!!
الله يعينكم بس :)
=============
وللجد وقته وحقوقه..
تصدق اني مرات أقول باننا شعب يستحق الشفقة!!
(وهالشفقة تكون من أحقر الخلق!!)
لأننا نقول كلااااااااااااام.. ونحن نبطن أفعاااااااااااال!!
وكل يقول يالله نفسي..
ويصرخ على غيره ليش قاعدين!!
كلامي مفهوم صــــح؟! =======>>> أتمنى :(
تحياتي لكم..
الحفار
08-10-2000, 01:11 PM
شيء يسعدني انك معي قبا وقالبا
:):)
والامر الثاني
اسمعهم يقولون افتحوا باب الجهاد افتحوا باب الجهاد
؟؟
انا ودي اعرف من اللي قال انه مقفل:)
البارح سمعت عبد الباري عطوان يردد هالكلام !!! وهو متربع على طاوله بعاصمة الضباب
:)
ناس بياعة حكي وبس
المسطول
08-10-2000, 01:23 PM
الحفار والباقي
اكيد اكيد الكلام ماينطبق على ولا شرايك
لانى ما اعلنت وجودى ولا صجيت الدنيا
(ولا فيى راى ثانى)
وبعدين ياحفار اغلبهم يدخلون مضيعة للوقت ولقله الحيا
يعنى ناس فيهم نقص (انت معاى؟ )
يعنى اسفهم ولا تدوش راسك فيهم
روح شوفهم شمسوين بالمنتديات الثانيه
على العموم الموضوع الثانى الكلام فيه منتهى من زمان
وانا انشاء الله لما اوصل للسن اللى ياهلنى انى اكون
مجند انا بسلم نفسى للجهاد في سبيل رفع رايه الاسلام
بقدره واحد احد
khalid99
08-10-2000, 01:23 PM
قصدك عبد الباري دولالالالار:)
الحفار
08-10-2000, 01:29 PM
فعلا صدقت هذا اسمه الحقيق
يا لطيف يا هو حاقد على دول الخليج
,,,
وبعدين بيني وبينك انا لا يمكن انسى موقف الفلسطينيين
مع الكويت رغم ان مافيه دوله عربيه لها فضل على الفلسطينيين
مثل دولة الكويت
,,
ومع ذلك اظنك تعرف الموقع اللي مسويه هالكلب ...... يخسى والله اني اذكر اسمه
وكله ضد الكويت :
لكن فيه مثل يقول
ذيل الكلب عمره ما يعتدل
ma3gool
08-10-2000, 01:36 PM
ابشرك من زمان وانا ما عاد اهلي وارحب بالاعضاء الجدد والسبب كما ذكرت انت انهم يوم يومين ويختفون او تبان نواياهم!!!
الموضوع الثاني..حرام عليك تعمم وانت عرفت وش في نفوسهم!!!الله اعلم بنواياهم..لكن المظاهرات لها نتائجها الايجابيه انشاء الله...
تونا اليوم في الجامعه كنا نتكلم عن الموضوع نفسه (الموضوع الثاني طبعاً:))....
كان معانا واحد من الزملاء وكنا نتكلم عن المظاهرة الي صارت عندنا امس في الجامعه.. كان يتسائل هل هذيلا الي قاعدين يصرخون ويقولون شعارات وينددون ويشجبون صادقين في كلامهم؟؟.. هل هذا هو فعلاً شعورهم؟؟؟
وطرح فكرة.. كانت فكرته ان نجيب طائرة وبدل ما ندعو للمظاهرة ندعوهم انهم يركبون هالطائرة ويروحون للجهاد..
ياترى كم واحد ممكن يركب؟؟؟؟؟
الصراحة.. أشك أن عددهم يزيد عن عدد اصابع اليد:(..
والله ياريت لو تصفني مع ساهر وعسل ويونيك..
أو سولي خانه بروحي وشوف لي أحد يدفعلي بيل النت:):):)
الحفار
08-10-2000, 02:07 PM
زهرة
لا تخافين الدور عليك
:):).
.
.
.
.
.
.
.
.
هلا حزونه
فعلا شوف يكم واحد قاعد ينادي الجهاد الجهاد
وهو قاعد عندي بهذا
ياعمي تبي تجاهد روح واللي سيروا هالمظاهرات في كل بقاع اوربا
اغلبهم فلسطينيين
وش مانعهم لا يروحون
هذا هو السؤال
.
.
.
.
.
.
.
.
.
.
.
.
يا معقول
يخلليك ربي
معروفين حنا عربوش مجرد شعارات صدقني
والسالفه ما يبي لها اني ادخل قلب احد
على قولت المثل اللي يقول
خط تقراه الضبعه
وقل لي
ليش هاللي قاعدين ينادون بالجهاد والموت لاسرائيل
الكلام عمره ما يوكل عيش
اللي صادق هذا جنوب لبنان موجود
وهذي فلسطين موجوده
يركب ويروح لهم وش مانعه
انا انهم قاعدين يصارخون عندي بهذا وفي باقي الدول
وآخر الليل يروحون ينامون على اسرتهم ملء الجفون
!!!!
هذا اعتبره ضحك على الدقون ومجرد حب ظهور
وعلى قولت الساهر
مين قال الحدود مقفله ؟؟؟
وسلامتك
الحفار
08-10-2000, 02:17 PM
والله انك جبتيها
وقابليني اذا راح احد
صدقيني
شعارات وحب تغيير
,,,,
وابي اعرف شيء واحد وش اللي تغير
من عام 48 وفلسطين هذي فلسطين وينهم عن هالكلام من زمان
الجهاد عمره ما توقف ولا انتظر اشاره حتى يبدا
ولكن هيهات ان يبصرون ..
وتحياتي
هند93
08-10-2000, 02:39 PM
السلام عليكم ورحمةالله وبركاته
للمعلومية بس ، نحن نقرأ بالتأكيد ما تكتبون ، ولكن إن لم يكن في ردنا وكتابتنا هدف فما الفائدة مجرد رد ؟؟؟
أما قضية الساعة وما أكثر جراح أمتي ، فما لنا إلا الدعاء لإخواننا ، والرجال عليهم الجهاد إن استطاعوا والجهاد ليس فقط بالسلاح فالقلم سلاح والمال سلاح والدعاء لله تعالى أيضا سلاح فعال !!!
أعود للنقطة الأولى أحيانا أجد موضوع أريد المشاركة به ، فأجده تحول إلى حوار !! فأجد إضافتي حينها ليس لها معنى !
ما الحل ؟
وفي الحقيقة لدي اشتراك في منتدى آخر أكتب به ولكن يختلف الحال بين مرتادي ذاك المنتدى وهذا حيث الفئة المستهدفة وهنا يجب أن تختلف المواضيع ، هنا أحتاج لوقفة و إعداد للمادة التي أكتبها إن أراد لي الله
ولي طلب صغير ربما تكونوا عملتموه سابقا وهو بيان أعمار الرواد أو حتى تقريبا بتصنيف موظف يدرس بالمدرسة ، جامعي ، حتى تكون لدي فكرة عن من أخاطب ، وإن كان هذا موجودا فالرجاء التكرم بإطلاعي عليه سواء برابط أو اسم الموضوع حتى أبحث عنه
تحياتي للجميع
شمس الشموسة
08-10-2000, 02:59 PM
والله يا الحفار كلامك صح.. بس شو انسوي.. يلاه نصبر ونتحمل.. :(:(
اقول.......
سلملي على كل عضو جديد ومبتدئ اوكي... لا تنسى.. :):):)
اقول......
اليه يبغي الجهاد.. يقول حي الجهاد.. حي على الجهاد.. ويسير لموقع الحدث ويجاهد في سبيل الله تعالى وحده وبس.. مو بس عشان يقولون انه ابن فلان جاهد... وانه الفلان الفلاني عمل مظاهره عشان فلسطين ولا الشيشان..
وسلامتكم..
الحفار
08-10-2000, 04:12 PM
هلابك
والمعذره ما نتبهت لردك
سامحني هالمره بس ك)
بس تعال
ماقلت لي وش مسوين بالمنتديات الثانيه
؟؟؟؟؟؟؟؟؟؟؟؟؟؟؟؟؟؟
المسطول
08-10-2000, 05:34 PM
زين انك رديت ولا كنت بقومها زعله
بس سماح هاالمره ومره بعد قدام
المنتديات الثانيه انت ما تدرى ايش صاير فيها
طيب اسمع يا سيدى :لما تكون مروق وتكتب علشان
الاعضاء اللى معاك يردون ,بعد فترة تلقى ناس اول
مره تعرف بوجودهم ولا تعرف نيتهم
يدخلون عليك سب وشتم وانا تايه في الطوشه
واللى مره معاك تلقاة ضدك وينقلب 180درجة عن رأيه
ولما افتح لهم موضوع اشرشحهم واغسل شراعهم فية
تنصدم من النائج
اول نتيجة :بعضهم يقولون انسى اللى حصل واعذرنا
وخذ وخل من الكلام الحلو اللى يلحس المخ
والصاعقة الثانيه :يقولون انت شفيك انا هذاك
العضو بس امغير النك نيم حقه
:::::لما تشوف هالخرابيط تعرف انهم ناس مايسوون شى
وسوالف انا ما اقولك ما فية بس اقل بكثير
وانا ما احب ااكد يمكن تشابه في الاسلوب وتوارد خواطر
يعنى هنا مستر وي بس
أخوي الحفار
انا احكي عن نفسي لاتحكم علي اخوي لاتنسى اني جديده والله اني اتنافض منكم يعني اكيد احتاج فرصه اني اعرفكم اكثر
وماتتخيل وشلون عانيت لحد ماسجلت يعنى مادخلت الا علشان اقعد واشارك معكم
والله العالم في نيتي اني اتمنى اكون اخت لكم كلكم
أخوي الحفار
أنا صحيح أني عضوة جديدة.... وما سجلت في سوالف إلا لرغبتي في المشاركة وإبداء الرأي
بسسسسسسس..... إذا بتحضر المحاضرات بدالي...
وبتدرس الإمتحانات اللي تتحذف علينا كل يوم والثاني......حسب مزاج الدكتور.....
وبتنش كل يوم الصبح.....عشان تلحق على المحاضرة...هذا إذا لحقت....شايف المعاناة....
انا مستعدة اقعد طول النهار على سوالف....لأن سوالف هي المتنفس الوحيد لي وسط كل ها الدوامة.....
بس صدقني انا أحاو ل كل ماحصلت وقت........
المهم:
زين بعد إذا طلعت المظاهرات...
أيام كانو ا اليهود يقتلون ويذبحون ويسوون اللي يبونه في المسجد الأقصى والشعب الفلسطيني....
وما نحصل إلا الدول العربية تشجب وتستنكر (و هذا اللي قادرين عليه) وماحد من العرب حتى يعترض....
بس بصراحة أحس بسعادة يوم أشوف المظاهرات... على الأقل نحس إن في حد متأثر.....
إن الشعوب العربية كلها توحدت مشاعرها..أفكارها....مواقفها ....ان في قضية ندافع عنها...
مع إني مع ان الموضوع مو لازم يتوقف عند حد المظاهرة وبس.....لازم يكون لنا رد فعل قوي ومؤثر...
مع تحياتي....
تفاحة
08-10-2000, 11:44 PM
انا ماراح اعلق على الشئ الاول تدري ليش لاني في يوم من الايام كنت جديده واتمنى اي احد يرد عليّ :)// لان هذا يحدد تواجدي من عدمه :(
خلينا في المهم //
انت افتح جهاز التلفزيون وشف منهو اللي يقول خلينا نحارب ونجاهد هذولا ما عندهم من الثقافة السياسية الا تغيير الوزراء بس على انها ما تتعدى حارتهم //
يا اخي الكلام قول وفعل ولا يا كثر من تكلم ويا كثر ما سمعنا //
تحياتي //
زهرة الليلك
09-10-2000, 01:25 AM
انسى يجي دوري معاهم .. لا يكون انت بعد هههههه
تدري ليه ..لأني أسددها أول بأول وحتى لو ماوصلتني أطلع بدلها وأسدد عشان ماينقطع ..
أمال إيه .. مو أنا اللي الناس تدق علي وتطلع لهم : "لعدم سدادك الفاتورة قمنا بقطع الخط عليكم واذا ماسددتوها ان شاء الله بنسحب الرقم منكم " :)
الحفار
09-10-2000, 01:52 AM
ما قصدت شيء مهو زين
انا ماقلت هالكلام الا والله من حرصي على بقاء سوالف الاصدقاء افضل ملتقى للاصدقاء في كل المنتديات
وفيه شيء ثاني
منى عمري وخاطري
ان كل شخص يكتب باسم واحد بس
لاني والله ما اشوف فايده من استخدام اكثر من اسم
’’’
وشيء آآآخر
وهو ان اي عضو يكتب لنفسه ماراح يلقى اي تفاعل من الاعضاء
واللي ما يشارك الكل ويتفاعل معاهم عمره ماراح يلقى احد يرد عليه ..
وفعلا فيه اعضاء كتاباتهم حلوه لكنهم منعزلين وراح يبقون على عزلتهم , حتى يجون يجلسون مع الناس ساعتها ممكن نسمع ونتهم وشكوتهم
وسلاااااااااااااامتكم
wildorchid
09-10-2000, 01:57 AM
بالنسبه للجزء الأول..فأنا معاك قلبا وقالبا..
أما بالنسبه للمظاهرات اللي تقام في الخارج .هممممممم
خليني أقول لك شيء ..
المظاهرات والاضرابات تقوم للضغط على اي حكومه أو حتى شركه..
تعتبر هذي وسيله للضغط عليها..لأنها تعبر عن السخط وعدم الرضا..
ليش؟
لأنها تحظى على اهتمام الاعلام..وانت عارف كيف الاعلام الغربي وماهية سلطته - بضم السين وليس بفتحها-
المظاهرات في الخارج لها صدى أكبر من أي مكان في العالم..
مو كل انسان يقدر يروح ويجاهد..بس ممكن يتبرع وومكن يتظاهر..
وسلامتك :)
النابغة الطائي
09-10-2000, 02:00 AM
لكن البعض يستاهل والبعض ما يستاهل ... ومتى تعرف هذا .. فيما بعد ..
أما الموضوع الثاني .. الأخوة ما قصروا ..
النابغة الطائي
09-10-2000, 02:15 AM
للأسف هذه النهاية ..
هند93
09-10-2000, 02:17 AM
السلام عليكم ورحمة الله وبركاته
أخي الكريم الحفار
ذكرني كلامك بشيء حصل في منتداي الأول الذي أيضا فتح فيه باب التسجيل فترة وكتب أخ لنا نفس الكلام أو بالمعنى طبعا سبحان الله
هناك أشياء تتكرر في كل مكان ، ربما هي سنة الحياة ، على كل أنا هنا جديدة وهناك قديمة أو قديم بالأصح ، أتمنى أن لا يتكرر ما حدث هناك في هذا المنتدى حيث هجرها أهلها أو قل معظمهم ولا أعلم الأسباب إلى هذا اليوم ، على كل أنا هنا أتكلم عن منتدى آخر لا حاجة لكم به ، أعتذر وتحيتي لك ، أتمنى أن أجد الخير بينكم
أختك
طيب الاول .. نفس الشيء.. والسبب من وجهة نظري ان اكثرهم رحبت فيه قبل كذا .. وممكن يكون عضو اقدم مني :(
ثانيا .. انت وخشتك .. وش رايك اخلي جوالك يرسل وما يستقبل :)
ثالثا .. من ضحك عليك وقال جوالي يستقبل بس ... يا عيوني مقطوووووووووووووووووووووووووووووع ... بس بكيفي :)
ثالثا ... وهو الاهم ..انا من جماعة اللي يقولون
يا حرااااااااااام .. والله مساكين هذولا الفلسطينين .. ليتهم ما باعوها من اول :(
---------
عســــــــــــ عن جد .. يا حراااااااااااااام ــــــــــل
تفاحة
09-10-2000, 02:38 AM
والله كلنا نتمنى اننا نكون يد وحده وبقلب واحد //
والاعضاء المنعزلين يمكن يكون لهم عذرهم >>> لكن مصير العذر ينتهي //
تحياتي // بروح انام تعبت :(
WEBMASTER
09-10-2000, 02:42 AM
عساكم لقطتوا كل الوجيه .......ومابقى شيء
:)
معاك حق .......بس لكل واحد عذره
انا مثلا عندي عقده من الكيبورد......ياحليل الماوس بس لو تكتب.
الحفار
09-10-2000, 02:57 AM
لا والله مالقطنا كل الوجيه
فيه وجيه معفنه تركناها بالارض :)
هههههههههههه