مذكرات

[عنود الصيد]

الله خلقني كذا .. اموت واحيابك
واحد وعشرين عام راح من عمري
افرش عيونك وطن واتلحف اهدابك
طفل احب العبث وانام من بدري
مليت اردد لنفسي .. طول غيابك
اخاف يجرح لساني حبك العذري
من كثر ماتذكرك وشفاي تغتابك
صرت اذكر اسمك بقلبي واطعن فصدري
ابكي .. واقول بصراحه مش من اسبابك
متعود ابكي على هالحال من صغري
كيف اشهقك وازفرك واهدي اعصابك
لين انفخ الروح في ضحكاتك وشعري
امر في الشارع اللي يوصل لبابك
اتخيل اني وصلت وماوصل عذري
وامشي على اثار رجلك والمس ترابك
اقوم .. لكن يرد وينحني ظهري
ليه الشجر من ورى هالسور متشابك
كيف اقدر المح نوافذ غرفتك واجري
واطل مره .. عشان اطالع العابك
واتشبث بأي شي وماحد يدري
اتخيل اني لمست بكفي ثيابك
واشم في راحة ايدي عطرك المغري
وارجع بنفس الطريق اسابق اعتابك
يتساقط الشيب من راسي ومن قهري
واحد وعشرين عام آموت واحيابك
والحين .. توك سألت الحين كم عمري؟؟

[almushtag2000]

متعوده ابكي على هالحال من صغري

الكلمات مره حلوه. لكن ش اللي صاير أكيد غلطة مطبعيه !!

[عشاق]

ما تكتبين يا عزيزتي ..فن راقي ..أحاسيس جيّاشه..هي كل ما نحتاج أن تراه على صفحات هذا المنتدى ..الله يعطيكي ألف عافيه..ولا يحرمنا من ابداعاتك..انه على ذلك قدير..سبحانه

[اديب]

افرش عيونك وطن ، وتلحف أهدابك ..

أختي أقسم بالله أنكِ لو لم تكتبي سوى هذه الخاطرة لأغنت وغنت ..
ماهذا الإبداع وماهذه الأريحية ..
إنكِ تغردين خارج السرب .. نعم فماتكتبيه قمة الروعة وهرم الإبداع ..
لقد شنفتي أذاننا بهذا التغريد ، وملكت أسماعنا بهذا القصيد ..

شكرا .. شكرا .. وإلى الأمام دائما ..