نفسيتك هذا الصباح

[عاندني]

أول شي .. صبــــــــــاح الخيـــــــــــر..

أكيد كل واحد مرت عليه مثل هذي الحالات.:
مرة تقوم و أنت مستانس و خرشان ...
و مرة تقوم مال غصب ( لين يكون عليك دوام ) :)
و مرة تقوم و أنت معصب أو زعلان أو مالك خلق حق أ شي ...
و هكذا ... و تعتمد على هذي الحالات بقية اليوم ...


فيا ترا كيف نفسيتك هذا الصباح ؟؟؟
يعني مثلاً أنا مستانس ( ليش إني صار لي زمان ما شفت الصبح و اليوم شفته ) :) :)
قايم بالغلط ترا ..
:) :) :)

[شجون المحبه]

صـــــبــــاح النـــــور والســـــرور...:)

انشاءالله دوم نفسيتك زينه ...


انا عني حاولت انام بس ناحس فيني نوم وماطاع ييني ..:(

نفسيتي .......اممممممممممممم والله هنها ....

[عاندني]

يعني إنتي لحين ما راقدة ..؟
كيف تبين النوم إييش و إنتي قاعدة على الكمبيوتر ها .. أفهم يعني.. :)

[الجوري]

الصراااحه أنا ماأدري اذا مستانسه أو متضايقه الصرااحه تونا اول اليوم وماأدري.. وبعدين أنا مانمت من أمس " ياحراااام بدي نام"
صباح الخير...

[عاندني]

بس أنا كنت أقصد إن اللي توا قايم يكون في حالة تستمر معه لآخر اليوم ..
و لا اشاريكم ..؟؟

[طيبة]

يسعد لي هذا الصباح
واتمنى من الله أن يكون دوما صباحك مشرق
وصباح الفل والياسمين على الجميع

طيبـــــــــــــ http://www.send4fun.com/IMAGES/maybasket_sm_clr.gif ـــــــــــــــــــة

[شجون المحبه]

والله اني من فتره وانا احاول انام ....

ويوم ما طاع قلت برايه عنه ما يانى وفتحت النت وقعدت ..

ثلاث ساعات وانا احاول انام بس مافيه فايده ...:(

واخر شيء فتحنا النت خير ونيس ..:)

[طيفان]

تمام و الحمد لله .. اخذت لي غطّه ليلة امبارح .. ارتحت و ارتاح

نفوخي ..

الاّ اقول وش تبون الفطور " الريوق " ؟

أنا ناوي أسوّي احلى فطور لاحلى سوالف ...

[عاندني]

يا هيا أختي طيبة ..
شجون المحبة .. الله يعينش...
طيفان .. أنت و ذوقك عاد ..
شوف نبي ريوق لا صار و لا استوا ..:)
أوكي..

[الجوري]

أنا معاج في هذي النقطه...
وانتي صح..
بس الانسان ممكن يغير حالته ومايستمر طوال اليوم منزعج أو فرحان وعلى سبيل المثال...
أنا رايحه المدرسه فرحانه ومستانسه وفي حصة الرياضيات اكتشفت أني ماكتبت الواجب فراحت المعلمه هاوشتني وزفتني وعفست اليوم كله على...
أو ممكن أني اقوم من النوم مكسله وتعبانه ومتضايقه واتفاجأ أنه في مفاجئه محظرينها لي وتفرحني...
أنتي معاي والا لا..
وأنا اسفه طولت عليج....

[طيفان]

تكرم عيونك عاندني .. بس إذا سوّيت ريوق ما يعجبك لا تعاندني ..

OK ..

[لمسه]

هلا اخوي ..
صباح الورد .. ولا اقولك .. مساء الورد .. لأني العصر قمت "صحيت" ..:)
والله نفسيتي ..... اممممممممممم .. مش ولا بد .. لأني قايمة على اسطوانه حلووووووووووة و قصيييييييييييرة* و العكس صحيح * من وزارة الداخلية "امي الله يحفظهاو يخليها لي قولوا آميين :) " ..
بس الحين انا مزاجي " great" :)

اقول ..ماشاءالله عليك قايم الساعه 7:30 !!! و شفت الصبح بعد .. مبروووووووووووووووووووووك :) "عقبالنا" :)
=====
أختي الجوري ..
ترا عاندني واحد مب وحدة ... " ذكر مب انثى "
اعطيج ماي اتطفين فيه الحريقة " من الفشلة .. قلت يمكن احترق ويهها" هههه امزح وياج اختي .. لا تزعلين :)
بس انا وياج في كلامج ... :)

[عاندني]

هلا لمسة ...
شفتي كيف عاد..شفت الصبح !!! سبحان الله ! :)
و شكراً لردج بالنيابة عني.. :)

[لميس]

اول ماقمت حسيت اني يوعانه (لأني ماكنت متعشيه)..تريقت..صليت..طالعت التلفزيون..بدلت ثيابي ورحت الشغل..و مزاجي عجيـــــــــــــــــــــــــــــب لأني وصلت قبل مديري :) :) :)

[لمسه]

العفو :)

[شوق الامارات]

هلا بالاخ عاندني
يسعد صباحك
الا قولي بغيت صباح الامس والا اليوم
كأنك قلت الامس
كان صباح عجييب يا اخي
شفت فيه كيف نور الصباح يزيل ظلمة الليل ( و هذا دليل اني ما رقدت )
و كان يومي مليء بالاحداث ( يعني كان يوم غير عادي )
وحده مب راقده و تقضي يومها شذيه ( الله يعينها )

عاندني .. كأن تبي صباح اليوم ( بصراحه ماشفته )
لان راقد امس كان عن يومين
اما كيف صرت الحين
فانا باحسن حال

و احلى صباح لكل أعضاء سوالف

تحياتي لكم
شوق