اوكي اطلعي بس مو كل يوم

[الحفار]

سواء كانت زوجه او اخت او بنت

هل ترون ان من الضروري ان تطلع كل يوم تتمشى خارج البيت

سواء مع السائق او مع اخوها او مع صديقتها او زوجها

..
المرأه في نظري جوهره ثمينه

وكل ما عرضت للمشاهدين كلما فقدت بريقها

..
اوكي اثق فيها

واعرف انها نزيهه عن امور كثيره

لكن لا يعني اذا شافت نفسها فاضيه لازم تطلع تتمشى او تروح للسوق,,

لا طبعا انا ما اوافق على هالشيء ,,

اذا كانت بنت
فما المفروض انها تطلع الا للشياء الضروريه او الترفيه عن النفس والطلعه مالازم تكون اكثر من مرتين بالاسبوع او بالكثير ثلاث مرات طبعا هذا في اوقات العطل
اما اوقات الجامعات او المدارس او اذا كانت موظفه
كفايه عليها الدوام او الدراسه
والطلعه تكون في نهاية الاسبوع اما زيارة اقارب او سوق او تمشيه او الثلاث مجتمعات
..
اذا كانت زوجه
مالازم تطلع من البيت اكثر من ثلاث مرات بالاسبوع
وليس مسئوليتها انها تروح تشتري مقاضي للبيت فشراء احتياجات المنزل من مسئولية الزوج

,,
ممكن تتطلع تتمشى مع زوجها او تزور اهلها او تروح للسوق اذا هي تبي تشتري شيء سواء لها او لاطفالها ,
يعني خروج لسبب او للترفيه ولكن مو كل يوم لابسه عباته وعلى الشارع

,,
والان
انا مو معقد او اني متسلط على المرأه بس
المرأه الاسلام كرمها باشياء كثير فلازم نحافظ عليها
انها اكسير الحياة للرجل
وهي نصفه اذا لم تكن كله
وطبعا والشيء الاكيد
انه.
.
.

.
.
.
.
مو كل امرأه امرأه
.
.
.
.
توقيعي هو كل حياتي لولا وجودك

[click]

نعم
أذا كانت عامله...أكيد راح تطلع كل يوم
أذا كانت راعية غنم :) أكيد راح تطلع كل يوم ترعى الغنم
أذا كانت طالبه... أكيد راح تطلع

أذا كانت ربة بيت...تطلع على كيفها بس للضروره
يعني يالحفار مو المهم عدد المرات...المهم ليش هي طالعه ؟؟
الطلوع من غير سبب...قلة أدب :)

صح؟؟

[تركي المنصور]

اذا الاسلام سمح للمرأة انها تصلي في المسجد ..
وقال ..
وصلاتها في بيتها افضل ..
وهذي الصلاة ..
مو السوق ولا التماشي ..
.
.
الزبده ..
مافيه داعي للطلعه الا لضروره ..

[LEENA]

كلامك صح ....

بس بعض الازواج يترك زوجته في البيت ويقضي اليوم كله مع اصحابه

بحجة انها حرمه ولازم تقعد في البيت ..

اكبر شي يدفع الزوجات للخروج هو اهمال ازواجهن وعدم تواجدهم ف

البيت.














لينا

[القط الوردي]

حـــفـــار بـاشــــا:)
شــوف اذا الرجــال كان له ولاء لاسـرته
(زوجته واولاده) ويـقضي لهم احتياجاتهم
ويذهب معهم الى الترفيه في اوقات منتظمـة
لااعتقد انهم يحتاجون يطلعون بدونه الا نادرا
اما اذا الرجـال دوبه نفسه فقط ولا يهتم
بنفسيات واحتياجات من في البيت والتزاماتهم
الشخصية والنفسـية والاجتماعـية فأكيد خروجهم
لوحدهم لقضـاء احتياجاتهم راح يكون فيه احراج
له ,وتخيل رجل يأخذ زوجته او بناته الى السوق في
مواعيد معروفه ومنظمة وهناك مواعيد للترفيه
ايضـا معروفه وموعد واحد في الاسبوع او الاثنين
لزيارة اقارب او صديقة .
يعني ماخلى عليهم شي , وش راح يكون حـال بيته
اكيد ماراح يعاني معهم .
لكن بصراحة وحسب ماالاحـظ بالمجتمع ان الرجـال
يفكرون بأنفسـهم اكثر من تفكيرهم بنفسيات
نسـائـهم , لدرجة ان السواق يجيبه للفكة
اكثر من اعتقاده ان السواق يساعد في تسهيل
امور الاهـل والبيت .

[نجمة المساء]

مو من الضروري ان نطلع يوميا وحسب ما قلت اننا جواهر
ولكن اذا كان الامر يلزم عليك ان تخرج يوميا فلما لا
تقضي اشغالك ثم تجلس في البيت

[مجروح]

فعلاً موضوع مهم يستحق المشاركة .
طبعاً الموضوع لايُقصد به حالات خاصة بل كل من في المجتمع من النساء حتى العاملات والمقصود هنا كثرة الخروج لأتفه الأسباب .

ورأيك ياحفار صحيح وكذلك الأخ تركي وكليلك وازيد من عندي اجابة على تساؤل احدى الأخوات هنا حيث قالت ان الزوج دائماً خارج المنزل .
اقول لها يااختي اذا كان هذا الرجل لايقدر المسئولية الملقاة على عاتقه نحو زوجته وأطفاله فهل تتخلى هي عنها بالخروج اللذي لاحاجة له .
اما بعض الرجال المهملين لأهليهم فلا تخافي فالله المنتقم .


تحياتي .

[الحفار]

كليك

لا ياعزيزي

كثر الخروج من البيت لاي سبب فيه اهمال كثير للبيت اللي هو اول مسئوليات الزوجه
البيت قبل العمل وقبل الاهل
اما البنت اللي مو متزوجه
فخروجها لا يمكن انه يخدم شخصيتها او انه ممكن ينفعها بل بالعكس تتعود على الاسواق والزيارات ولما تتزوج تستمر على هالحاله
والله يعين بعلها:)
حلوه راعية الغنم
على الاقل عذر شرعي:)
.
.
.
.
.
هلا تركي
وزبدة الزبده
انه عيب كمان كثر الخروج من المنزل

تحياتي لك وكمان للافندي كليك

[زهرة الليلك]

موضوعك كثير حلو حفار بس ايش ممكن نسوي ..
أنا مثلاً موظفة وعندي دوامين ،، الصباح والمساء .. يعني طلعة من البيت مرتين في اليوم .. ولما تجي عطلة نهاية الاسبوع أضطر أطلع مع أهلي عشان أزور أقاربي .. ولو مارحت تعال اسمع الكلام والناس زعلانة .. يعني معقولة ما أطلع أزور جدتي وأهلي والله لو علي ما طلعت ..
اتصدق صار فيه ناس من أهلى ما أشوفهم إلا في المناسبات .. كل هذا عشان ما أطلع كثير ..
وبعدين صدقني إذا الناس تبغى تتكلم بتتكلم سواء كنت في البيت أو بره البيت .. فيه ناس همهم الكلام وبس " مرضى الله يشفيهم "

[الحفار]

شوفي رد مجروح

فيه جواب على كلامك

يعني اذا زوجها مو مقدر المسئوليه

لازم تصير مثله وتخرج من البيت

ما اظن هذا تصرف عاقله

وانا هنا اتكلم عن المرأه السويه وعن الرجل السوي

وسلامتك.
.
.
.
.
.
هلا بالقط الوردي

انا هنا اتكلم عن الازواج او الناس الطبيعيين

الناس اللي تهمها بناتها وزوجاتها الناس اللي تهتم لكلام الجيران

اظن انك فاهمني


وسلامتك

[الحفار]

انا ما اعترض على الطلعات المسببه
انا اعني

يعني
تمشيه وحده بالاسبوع تكفي و مرتين على الاكثر
اماالسوق فمره وحده بالاسبوع تكفي ولا اكثر من هذا

...
.
.
.
.
.
هلا مجروح

كلام والله اعجبني

ياريت النساء تؤمن بكلامك

والرجال تعمل فيه

كان الدنيا بخير والله

تحياتي لك يالغالي

[ونات]

مش على كيفك ...
بقصد المزاح
:):):)

[ArMaNi]

مرحبا

بصراحة وبدون مجاملة، كلامك فيه نوع من الصحة.
أوكي خلينا نقول: حبيبتي لا تطلعين اقعدي في البيت جابلي ريلج و عيالج أو اتسلي بأي شي... يعني في أشيا بتشغلها و بتنسيها الطلعة و العالم الخارجي كله مثلا زوجها، إذا كان يجلس معاها يسليها و يتكلم معاها عن أشيا عامة أو خاصة، المهم إنه يهتم بها إذا ما كان وده يطلعها أو يمشيها في أي مكان ..

بس هذي المسكينة شو راح تسوي إذا كانت متزوجة من " أبو الهول" مع احترامي لـ "آدم" ... والله بعد ما يصير تجلس بروحها في البيت وتكلم روحها في المنظرة ..في هذي الحالة من حقها على الأقل إنها تروح بيت أهلها، وهناك بتحصل ناس يونسونها.

هذا في حالة المرأة المتزوجة


و أرجع و أقول اللي قلته يا الحفار: كلااااام جميل و كلام معقول مقدرش أقول حاجه عنه ( مع مراعاة الاشيا اللي ذكرتها سابقا)

[شرخشين2000]

صحيح ،، الطلعة مو لازم كل يوم ،،
الا اذا كانت حاجات ضرورية مثل زيارة مريض أو حاجة زي كذا يعني

[الحفار]

زين انك ما تقولين حاجه عنه

اما ملاحظاتك
فهي ممكن تحصل لكن انا اتكلم عن الامور العاديه
.
.
.
.
.
.
الحبيب شرخشين

تعجبني وزين انك معي

هذا اسعدني والله

[منال]

تعرف شو تسوي علشان الكنترول

تسوي لك سجل صغير فيه عدد الطلعات المسموح بها بالاسبوع

عاد هي كل ما تطلع توقع على الطلعة وتكتب ريماركس يلخص سبب

الطلعة ،، واذا استنفذت طلعات الاسبوع عاد هي بكيفها محد قالها

ما تخلي لها رصيد ،، مو بعدين تقول لك بليز ورجاءا ابي اطلع

تقوم انت وتسمح لها ،، لا ما يصير ،، النظام هو النظام ولازم

تتعلم تمشي عليه من البداية.


بس اذا مر الاسبوع وما طلعت فيه ما تقوم وتسلبها رصيدها من

الطلعات ،، لا ما يصير بعد تاكل حقها ،، على الاقل ممكن بعد

نهاية الشهر تطلب بدل طلعات ،، يعني لازم تكون حقاني وآتوا كل

ذي حق حقه ،، ويقول - صلى الله عليه وسلم - اعطوا الاجير حقه قبل

ان يجف عرقه ،، عاد هي اقرب لك من الاجير مو جذي

ودمتم......

[شوق الامارات]

الصراحه كلام يعقد

اشكرك يا اخ عبد الله على هذا الطرح الجميل
على العموم اعرف ان الناس العاديين الطبعيين يعرفون متى يطلعون
لكن المفروض يكون هذا الكلام موجه للنوع الثاني من الناس
و اعتقد تنظيم الطلعات ما لازم يكون على النوته
و قت الطلعه و تنظيمها تعتمد على الوقت و الظروف في وقت واحد

لكن ان تحكم على المرأة بعدم الخروج الا مرتين في الاسبوع
اعتقد لو تم التخطيط لها
فالتنفيذ لمثل هذا العمل شيء صعب بدرجة كبيرة

و اهم ما في الموضوع
انت كم مرة تطلع في اليوم
أخي العزيز ليس من باب المقارن بين المرأة و الرجل ( العياذ بالله )
لكن هل جربت أن تكون حبيس البيت
جرب يوما أخي العزيز ان تقوم بواجبات البيت كما تفعل المرأة
ليوم واحد فقط
ومن ثم عد واكتب هذا الموضوع
هل تتوقع ان تكتبه كما هو مكتوب الآن



والسموحة
تلميذتك
شوق


-----
و الاختلاف في الرأي لاا يفسد للود قضية

[الحفار]

منال و شوق الامارات

(( منال ))
ردك فيه طنازه وانا ما احب الاسلوب هذا لذلك مابرد عليك
...........................................................

يا شوق الامارات

مين جاب سيرة السجن

او يعني قريتي رد منال وتاثرتي

انا قلت كثرة الطلعات مالها داعي في اغلب الاحيان

لكن اذا فيه شيء يستاهل ما فيه مانع انها تطلع

ولكن ان يصير الخروج من المنزل مجرد عاده فهذا ارفضه

المراه لها دور كبير في تربية اولادها وفي اضفاء السعاده على المنزل

العلاقه بين الرجل والمراه اكبر من سجن وكلام فاضي

,,,,,
اقول لكم شيء
يعني اذا حب انها تجلس معاه في البيت صار يبي يسجنها
اذا حب يسهر معاها لوحدهم ومنعها من الخروج صار سجن

,,
وشيء ثاني
البنات قبل الزواج تلااقيها مطيعه وش حليلها مع حبيبها لو يقول لها اي شيء توافق

وبعد الزواج يصير حرام انه يقول لها شيء او انه يمنعها من شيء


,,,
وما اقول الا
تفكير حريم

[شوق الامارات]

فعلا يا اخي كثرة الطلعات مالها داعي
طيب انا معاك فهذا الكلام
لكن
إذا كانت المرأة قايمه بكل واجبها في المنزل
وطلعاتها مب وايد
يعني هي ما تطلع الا للضرورة
ما تستحق من هذا الزوج سهرة خارج المنزل
تغيير عن العادة وعن جو البيت
والا الطلعة ومنها فايده الا كل فين وفين ( امزح )

على العموم
الطلعة لها وقتها ( اقصد بالطلعة - الخروج للنزهه )
الخروج للضرورة كأن تخرج لشراء الحاجيات و لاوازم البيت وغيرها من الامور فانا لا اعدها طلعه
ولا تقول لي ان لاوازم البيت من اختصاص الرجال ( اسمحلي )
هذا الامر لازم يكون من الطرفين المرأه والرجل

تقبل تحياتي
شوق

[الحفار]

كانك

احسستي بما اعنيه

اسمعي
.....
كل شيء يجب ان ناخذه بالعقل

واي شيء بدون تنظيم

صبح فوضى ومثلك لا تخفى عليه سلبيات الفوضى

احسبيها بالعقل والمنطق وحب الزوج والاهتمام بالاولاد

ومن ثم

عودي واقراي ما كتبت
تجيديني قد اشرت ان من واجب الزوج
ان يعزمها على العشاء خارج البيت في مناسبات كثيره
وان يجلس معاها بالبيت ويسهر معاها لوحدهم
,,,,

ومن ثم قولي ما تقولين