الدروس الخصوصية !!!

[سديم]

هناك رأي يقول أن ( إنشاء مجاميع التقوية ، أو التساهل في عملية اجتياز الاختبارات ، أو الضغط على الجامعات لتقبل ذوي الدرجات المتدنية ، إنما هو عملية استبدال الدروس الخصوصية بأمور أخرى .. لأن الطالب أو الطالبة لا يلجئوا إلى الدروس الخصوصية إلا لعدم إدراكهم أو استيعابهم المواد التعليمية) ..إذا كنت من أنصار هذا الرأي فما هو الحل الأمثل الذي يمكنه من معالجة الضعف لدى الطالب أو الطالبة وعدم القدرة على الاستيعاب؟!

[سديم]

???

[wildorchid]

والله يا سديم الوضوع كبير
للاسف صار المدرس الخصوصي شيء اساسي في حياتنا
وماتقدر تحط يدك على السبب الرئيسي في انتشار هذي الظاهرة
يمكن يكون خلل في نظامنا التعليمي..
ويمكن الغبار اللي يعشش في عقول صفارنا..
لان احنا ماساعدناهم انهم يوجهون تفكيرهم وذكائهم
تجاه الافضل..
طبعا مفهوم الافضل مفهوم كبير لا يمكن للكلمات انه تختصره
او حتى تتفق على وصف معين..
فالافضل بالنسبه لي مو شرط يكون نفس الشيء بالنسبه لك
لكن انا ما فهمت حكاية النسب؟

[سديم]

بالنسبة للنسب
يعني ان ما يكون شروط القبول في الكليات للطلاب الممتازين ، لأن هذا يجعل الاهالي يحطوا دروس خصوصية لأبناءهم علشان في اعتقادهم انهم بيحصلوا نتائج اعلى ودرجات اعلى لتقبلهم الجامعات ..

[wildorchid]

لا طبعا
..
بس ممكن تخفض النسب شويه..لان النظام الان قاسي جدا..
مو كل الناس تقدر تجيب فوق ال97%

ممكن يتغير نظام الثانويه العامه..عشان نسهل ونتيح للطلبه
فرص اكبر..
بس للاسف ان احنا نعاني من عدم توفر الفرص الوظيفيه
حتى في القطاعات العلميه والمرموقه اللي كانوا اول يترجونهم
عشان يسجلون في كلياتها

يانام واكمل بعدين

[سديم]

بصراحه النسب المئوية للقبول صعبه جدا لكن المفروض يفتحوا مجال للانتساب علشان ما يكون هناك اي التزامات مالية على الحكومه ..
والوظائف تراها مليانه بس يبيلها تخطيط حقيقي من قبلهم ....

وين التكمله ؟؟؟

[ليالي]

اسألونا احنا على هذا الموضوع بالنسبه لي انا عمري ما حطيت مدرسه خصوصيه حتى اللحين وانا بثالث ثانوي ..........بس اغلب صاحباتي واللي معي عنده مدرسات لأنه يعتقدون انه المدرسات عندنا ما يعرفون يشرحون وهذا جزء من المشكله لكن المشكله انه ما في مناهج للفهم اللحين والله انه مدرسة الفيزياء اليوم تقولنا احفظوا يا بنات احفظوا .........و افهموا بس الحفظ اهم
تدرون انه في رسومات اجهزه بالفيزياء غلط موجوده بالكتاب والكتاب يطبع كم مره ولا تصحح الرسمات .........وبأختبارات الرئاسه لو رسمنا الصح نقصونا لأنهم يبونها زي ما هي بالكتاب يعني على غلطها ......اشكي ايش ولا ايش؟؟؟؟؟؟؟؟؟؟؟؟؟خلي لنا همنا ؟؟؟؟؟؟؟؟؟؟؟؟؟؟؟ البعض بس لأنها بثالث اذا لازم مدرسه خصوصيه لأنه ثالث موب علشان الدراسه .......
واذا جينا لموضوع الجامعه هذا شيء ثاني الواسطه ودورها الفعال (بس اقول اللي عنده واسطه بجامعة الملك فيصل منكم خل يجهزها لي)....
ليالي

[سديم]

هلا ليالي ..

كلام منطقي .. وخاصة بشأن عقم المقررات في افهام الطالبة ما هو المطلوب بكل يسر وسهولة ... لكن فيه سؤال ودي اطرحه وهو :

لماذا لا تطبق الرئاسة العامة ( المراكز التربوية لدروس التقوية ) التي تقام قبل شهرين من الامتحانات أسوة بوزارة المعارف؟

على فكرة - الواسطة موجوده - ولا يهمك ... http://www.swalif.net/swalif1/ubb/smile.gif

[ليالي]

ما ادري ليه ما يسوون هالفكره ....... انا احس انهم يدورون ايش شيء علشان يعقدون الأمور ......اول شيء نزلوا لنا نظام شهرين واللحين شهر واحد بس وياليت على كذا بس بامتحان الأنجليزي نزلوا قرار يمنع وجود الترجمه اللي كانت تجيب لنا درجات وتساعدنا ......

اقول بس لما استلم النتيجه عليك يا سديم تدخلني القسم اللي ابي بجامعة الملك فيصل ..................
ليالي