قصيده لشخص عزيز في صفحة سوالف الاصدقاء

[نايف الاول]

مريت ياقصد الشعر صفحة الشعر............وشرفتنا واكرمتنا بالزياره ـــ
من نسل عتبان الكرامات والفخر...........روقي صمول القلب صعب انكساره
ترقص ابيوتي بالفخر فوقه السطر..........واكتب انا فالسطر زين العباره
مثلك عريب الجد مايعرف الغدر.............ياعزوة اللي ماغدر يوم جاره
لياك تسال عالي ٍ عندي القدر..............شعر ٍ كتبته زاد فيك افتخاره
والخاتمه ان كان انا اخطيت فالعذر.........ومثلك نبيه وفاهمن للاشاره

------------------
مع تحيات نايف الاول

[قف]

نايف الاول

الله يشرف مقدارك

والله ما قلت لك الا اللي بقلبي و بدون مجاملة

صدقني ان الكل مبهورين بشعرك انت والحفار

لانه ارتجالي و يبين فيه طول النفس وقوة الالفاظ

و انا بودي ارد عليك بابيات لكن هيهات ابياتي ترقى الى ابياتك

و حق لسوالف انها تفخر بوجودكم انتم الاثنين

و ليتكم تطورون الشعر النبطي في صفحة الشعر و تصححون الاخطاء لبعض المبتدئين وتبينون لهم انواع الاوزان و تكونون مدرسه مستمرة في صفحة سوالف مشابهة لمدرسة نزار

تحياتي الخالصة لك

http://www.swalif.net/swalif1/ubb/smile.gif

[نايف الاول]

اخوي قف: عندي خبر انك من العنوان بتعرف ان القصيده موجها لك ولايهونون
اخواني الاعضاء المحترمين في هذه الصفحه .
وشكرا على كل كلمه قلتها عني وعن اخوي العزيز الحفار،لاني حقيقه اعتز
برايك،وشهادتك لي افتخر فيها.وانت عزيزي قد الشعر واكثر،ولكن ماودك
فصفحة سوالف الاصدقاء تستاهل من يقعد فيها،لانها وبصراحه اميز الصفحات
تقديري واحترامي لاعضائها المميزين........

------------------
مع تحيات نايف الاول

[قف]

هذا من طيبك طال عمرك

و فعلا سوالف ميزتها ان اغلب اللي فيها ناس محترمين و تجبر الواحد انه يتواصل معهم

و انتم من الناس الذين اثبتوا و جودهم وحضورهم بفترة قصيرة جدا

و بوجودكم مع بقية الاعضاء القدامى والجدد نستطيع تطوير الصفحات لتكون مفيدة في كل او اغلب المواضيع, ولا مانع من ان يتخللها شيء من المرح والمزح

الله يدوم المحبه والالفه بين جميع الاعضاء


و دمتم