تخيل أنك تعرفت على شخص من النت , وش بيصير ؟...

[صميدع]

قبل ماأبدى الحكي عن اللي صار معي , أعرف أن الله خلق وفرق , وأعرف أن

الطيبين واجد ...

فيه أنسان الله يستر عليه ويوفقه , كنت أسولف معه دائم في أحدى

المنتديات , مع الأيام ترسخت الصداقه في النت , وحدث أن طلب هاتفي

وعطيته , راحت الأيام وجاءت , وأتصل فيني قال أنا جاءي للرياض وأبي أجيك

قلت : حياك الله البيت بيتك ...

جاء هالشخص وأول مره أشوفه وقتها كان أصغر مني بسنتين , اهلين وكيف

الحال؟ ... المهم قال : ودي أستاجر لي مكان انام فيه ؟ . قلت : لاوالله الا

البيت بيتك , ولو عرفت أنك جئيت للرياض ونمت في غيري بيتي أقطع العلاقه

اللي بيني وبينك ...

طبعا أتقهوينا , أشوي الا قام يشوف النت , قلت له تفضل هناك , دخل النت

وجلس يسولف فيه ((ماأدري كم ساعه ؟ )) المهم أنا جالس أطالع التلفزيون ,

وكل اشوي وهو قائل لي : اسمع قصة فلان واسمع قصة فلانه (( قلت في خاطري

أيوا بدينا)) خلص من النت , ومسك تلفوني وسوالف وسوالف الين طلعت من

عنده ورحت أنام ...

وصار على هالموال مدة أسبوع كامل , يدخل النت متى مابغى , ويستخدم

التلفونات متى مابغى , ويجلس في مكاني (طبعا مااقدر اقول له شئ ((ضيف )) ...

وياليت الا جاءني ضيوف , مايفشلني قدامهم , حكيه ناعم وكلها بنات ×بنات

, حتى ربعي انقدوني علي ...

لا وتعطلت سيارته الفخمه وصلحتها له بعد , ولاحس ابد أنه مثقل علي , يمكن

لأني مالمحت له ابد بشكل واضح ...

كيف تخلصت من هالضيف , قصيت تذكره وقلت ابسافر أتخاويني , قال توكل على

الله, يوم بلشت صدق , قلت بس الأهل بيروحون معي , قال أجل أبجيك السبوع

الجاءي , قلت حياك الله في اي وقت ...

وفعلا جاء الأسبوع الجاءي ولا لقاني وصار يكلم ويحط تلفون الغرفه اللي هو

ساكن فيها...

وحلفت على نفسي حلف مانيب قائله , لأني اخاف أفجر حلفي :( , سؤالي لو

واجهك هالموقف , كيف تتصرف , لأني فعلا ضقت من نفسي لأني ماعرفت أتصرف معه

من أول تصرف خاطئ له , بس أعذر نفسي الأ تذكرت أنه في بيتي :(

[نملة]

شو هذا ما يستحي؟؟؟... عدنا ناس نفس الشي بس مب من النت... :( :(

------------------
نملة تحييكم

[سنفور غبي]

سير له وسو له نفس الشي..... هههههههههههههه :) :)

------------------
سوسو غوغو
snfoor_g@yahoo.com

[سليمان.]

هذا من ثالث يوم اطرده تدري ليش يا صميدع
على شان ما احترم المكان اللي هو فيه لذلك ما له داعي اني احترمه
بعد ما قمت بالواجب اللي هو 3 ايام
----------
تراني في الرياض بس منيب جاي ضيف ههههههههه

[حجايه]

http://207.228.238.18/swalif1/ubb/salam.gif
انا شفت ناس قليلون ذوق وحيا لكن مثل رفيجك يا صميدع ماشفت ولا سمعت !!

انا لو منك كنت المح له انه مصخها وطولها واذا كلش كلش ماحس مثل اللي صار معاك ابطها اقووله والله ترا مو عدله قعدتك معاي بالبيت وكل بيت وله حرمته مايجوز قعدته عندك على طول ..

------------------
عشوووووووووووووون عيل

[الغريب1]

هاهاهاهاهاهاها !!

على راي سنفور غبي !! :)

------------------
للمراسلة :
algareeb1@swalif.com
ما من غريب إلاّ الشيطان

[صميدع]

هلا فيك نمله دائم الدوم :)

أجل مأساتكم أكبر من مأساتي اللي صادفتها ماينفع معهم لاتصريف بأدب ولاتصريف بجيح :)

------------------
سنفور غبي هلا فيك دائم الدوم :)

ماأدري وين بيته والا كان سيرت عليه وخذيتك أنت والغريب 1 أتكملون اللي ناقص ههههههههههههه :) :) :)

-------------------
سليمان هلا فيك دائم الدوم :)

لو سويتها أعتبرها شينه في حق نفسي :( , بعدين والله ماتجئني الجراءه أطرد احد من بيتي :(,

وأنا اللي بسير عليك :) :) :)

العنوان ؟ ههههههههههه
-------------------
حجايه وعليكم السلام والرحمه وياهلا فيك :)

الله يسامحك خلاص صار ضيف عندي أعتبرتيه صديقي :(

لا الحمد لله ماهوب صديقي والا كان شلخته بالعقال ( وجه رجال حمش :) )

بعدين عشت معاناه وأنا افكر بنفس تفكيرك وتفكير سليمان أني أطرده :(
------------------

طيبه هلا فيك دائم الدوم :)

فعلا ماأحتاج لهالنوعيات من الأشخاص , الله يعديكم ويعديني بجاحتهم :(

[نجمة المساء]

السلام عليكم
اشلونكم

صميدع : انا رجعت لكم بس تفاجأت من الضيف الثقيل بس كان تصرفك ممتاز
اما ان ضيفك ايجيلك الاسبوع التالي

هذا الشي في غايه الغرابه

الله يعيينك علي البشر