هـــــــــــــنــــــــــــــد

[BRABUS]

هند انتي للعمر منوه وغايه
هند انتي الهنا واجمل منايه
الهوى كله عطيته
والوفا منك لقيته
هند انتي
ايه احبك واعترف لك
منهو بس بالدنيا مثلك
يكفي انك هند انتي
..........
هند انتي
صرتي لي كل الطموح
منزلك قلبي
لو اجي والا اروح
آآآه يا احلى سنيني
في عنادك تجرحيني
لو بغيتي كل حياتي
فدوة لك يا غناتي
يكفي انك هند انتي
.......
هند انتي
قربي مني تعالي
شوفي نجمي
في وجودك دوم عالي
لجلك انتي امشي دروب صعيبه
هو يصيب الحظ والا ما يصيبه
كل هذا لجل عينك
ترخص الدنيا بدينك
وآه يا اجمل مشاعر
من غرامك صرت شاعر
واوعدك ابقى معاكي
من صباحك الى مساكي
هند انتي
يا حياتي ونور عيني
هند انتي
....

---------------------------------------

انشالله تعجبكم :)

------------------
ما أقولك لا تسوي عمرك اتعرف كل شي

[lip_gloss]

منو هند ؟؟!!!!

------------------
بعد ما أروح..يكفي تذكروني

[wildorchid]

بــــــرابوس :)
صار لي زمان وانا ادّور على بيت شعر فيه اسم هند
مادريت ان فيه قصـــــــــــايد كامله :)

يا حبي لهند :) :) :) :)

------------------
دع الزهور من كل لون تتفتح
ماوتسي تونج

[BRABUS]

اتعرفينها عز المعرفة :) لووووووووووول

بس عجبتج ؟؟

------------------
ما أقولك لا تسوي عمرك اتعرف كل شي

[BRABUS]

أفا عليج

بكتب لج مليووون بيت فيه اسم هند :)

------------------
ما أقولك لا تسوي عمرك اتعرف كل شي

[lip_gloss]

والله حلوه يا برابوس

------------------
بعد ما أروح..يكفي تذكروني

[BRABUS]

تسلمين والله ...

كلج ذوق :)

------------------
ما أقولك لا تسوي عمرك اتعرف كل شي

[lip_gloss]

الله يسلمك ويسلم غاليك (هند) من الشر ..
أدري كلي ذوق :)

------------------
بعد ما أروح..يكفي تذكروني

[بياع القلوب]

برابوس
يا بختك بهند
وصدقني تستاهل أكثر من كذا قصايد :)

[عسل]

بدون تعليق :(
----
عســــــ برابوس ...ابيك بكلمة ـــــــــــل

[na7ool]

مرحبا ...
برابوس اقول هذا كله حق هند والله يا حظها
اقول سلملي على هند ... يا بو هند


------------------
تهزمني النجلا وأنا ند فرسان

[BRABUS]

مرحبا بياع ....

تستاهل أكثر ؟؟؟ ليش إنت تعرفها :)

-------------------------------

عسل ...

أنا أنتظرك على الأيسيكيو :)

-------------------------------

نحول ....

وينج من زمان .....

المهم الله يسلمج وتسلمين والله :)



------------------
ما أقولك لا تسوي عمرك اتعرف كل شي

[بياع القلوب]

برابوس
لا ما اعرفها
ماحصل لي الشرف بذلك
بس عموما اي انسانه بنكتب لها هذه القصيدة تستاهل :)

[na7ool]

هلا برابوس
والله أنا موجوده...بس مالي بارظ أقعد على النت كثير
لأن الحبايب مسافرين..والله يردهم بالسلامه :) :(
قول امين

------------------
تهزمني النجلا وأنا ند فرسان

[BRABUS]

آمين :)

[lip_gloss]

يا عيني عل توقيعج يا نحول ..
برابوس تراها تستاهل كل خير (هند)

------------------
بعد ما أروح..يكفي تذكروني

[BRABUS]

lip_gloss

خلاص عرفنا كم مره اتقولين

ذليتينا :)

وليش ما رديتي على الإيميل ؟؟

------------------
ما أقولك لا تسوي عمرك اتعرف كل شي

[wildorchid]

الله يخليك برابوس :) :) :)
قدها والله..
بس ابيات حلـــــــــــــــــــوه :)

------------------
دع الزهور من كل لون تتفتح
ماوتسي تونج

[UAE_BaBe]

http://207.228.238.18/swalif1/ubb/salam.gif

ماشالله عليك...وين كانت هاي المواهب مدفونة؟ :)
خلاص من اليوم انا بسميك اسير هند...شو رايك؟؟

صراحة كلامك وايد حلو
wish u all the best bro :)

[بنت الأحزان]

مساكم الله بالخير :)
أهلين برابوس....
أشوف قريحتك الأدبية طلعت :)
وماشاءالله عليك... :)

-----------
تحياتي لك :)

------------------
ماهو صحيح ان البشر سهل ينسون
وشلون ننسى والظماير تنــــوحي
هــم وغم وليل واحزان وشــــجون
يالله تعيــن القلـب وتعـيــن روحي
======= ========
قابل للتغيير ؟؟!!

[BRABUS]

بيبي ....

أسير هند مره وحده

قويه :)

ومشكوووووووووووووره :)

-----------------------------

حزونة ...

تسلمين والله .. بس العين ما تعلى عن الحاجب :)


-----------------------------

أوركيد ...

تسلمين والله :)

------------------
ما أقولك لا تسوي عمرك اتعرف كل شي



[b]<small><small>[ تم تعديل الموضوع بواسطة &nbsp; BRABUS &nbsp; يوم &nbsp; 15-06-2000]

[الشرقاوي]

الظاهر ان هند اغلى انسانه عندك


بس منهي هند؟؟؟؟؟؟؟؟؟؟؟

------------------
الهوى شرقي
و
قلبي هاوي الشرقية

[شاب إماراتي]

صح لسان و سلمت لك هند

[b]<small><small>[ تم تعديل الموضوع بواسطة &nbsp; شاب إماراتي &nbsp; يوم &nbsp; 16-06-2000]

[BRABUS]

الشرقاوي ....

وانت الصادق ... :)

--

بس هذا سر ;)

------------------
ما أقولك لا تسوي عمرك اتعرف كل شي

[BRABUS]

شاب اماراتي ...

تسلم والله إنت وغاليك :)

------------------
ما أقولك لا تسوي عمرك اتعرف كل شي

[lip_gloss]

برابوس اي ايميل قصدك

------------------
بعد ما أروح..يكفي تذكروني

[BRABUS]

إيميل سوالف

------------------
ما أقولك لا تسوي عمرك اتعرف كل شي

[lip_gloss]

اوكيه :)

------------------
بعد ما أروح..يكفي تذكروني

[lip_gloss]

رديت عليك :)

------------------
بعد ما أروح..يكفي تذكروني

[مشكله]

رائع جدااااً يا برابوس :) :) :)

وهند تستاهل كل خير :) :) :)

[BRABUS]

lip_gloss

شفت الرد وشكرا :)

---------------------------

بوغازي ...

تسلم والله :)

------------------
ما أقولك لا تسوي عمرك اتعرف كل شي

[lip_gloss]

لا شكر بين الاخوان

------------------
بعد ما أروح..يكفي تذكروني

[ma3gool]

يا الهي ماذا ارى!!!!!!!هند بنت عتبه!!!!!ياللهول!!!انا بعد عندي قصيده

امي لها قلب كبير امي لها.......نسيت!! :) :)

او..ماما زمانها جييه..جيييه بعد شويه...قايبه شنط وحاجات...ويق ويق.. :)

[BRABUS]

أشكرك يا معقول :)

------------------
ما أقولك لا تسوي عمرك اتعرف كل شي

[المعشوقه]

هاهاهاههاهاها
خوش قصيده
هاهاهاها http://www.harrythecat.com/graphics/k/baby6.gif
كل هاذي المواهب من إمتحان اللغه العربيه؟؟؟؟؟؟؟

بس آنا ما شفت هالقصيده بالكتاب؟؟؟؟؟
يمكن كتابك غير؟؟؟؟؟؟؟؟؟؟

يالله يا نزار الإمارات
روح ادرس لك كلمتين احسن لك
بلا هند بلا بطيخ
خلي هند بعد الإمتحانات
أصبر عنها كم يوم


زين؟؟؟؟؟؟؟؟

------------------
المعشــــــ http://www.harrythecat.com/menu/scream.jpg ـــــوقه

[b]<small><small>[ تم تعديل الموضوع بواسطة &nbsp; المعشوقه &nbsp; يوم &nbsp; 16-06-2000]

[BRABUS]

انشالله عموووه :)



------------------
ما أقولك لا تسوي عمرك اتعرف كل شي

[سديم]

برابوس
حروفك اقوي من اي تعبير آخر
واستطعت باسلوبك المباشر ان توصل رسالتك لحبيبتك
واذا كانت شخصية هند حقيقية في حياتك
فهنيئا لها بك ....
تحياتي


------------------
تحياتي / الســــــديــم
http://www.zyworld.com/khawater
ALSADEEM@HOTMAIL.COM

[unique]

برابوس
كلام جميل
كلام معسول
ما اقدرش اقول
انا ما اقدرشي
والله انك فنان

------------------
من عذابي قلت لعيونك هلا

[BRABUS]

سديم تسلم والله

والله يخليك :)


----------------------

يونيك فنان مره وحده مب مطرب :)

على العموم مشكورة على المشاركة وانتي بعد لج إبداعات مشهودة :)

------------------
ما أقولك لا تسوي عمرك اتعرف كل شي

[BRABUS]

منو بعد :)



------------------
ما أقولك لا تسوي عمرك اتعرف كل شي

[click]

BRABUS
قصيده فعلا رائعه
اذا انت تقصد هندنا(هند سوالف) فأعتقد ان اي قصيده لن توفيها حقها ابدا
يعني لا تضيع وقتك
القوافي تعجز في مدحها
واذا كان هند ثانيه..يمكن القصيده تمشي حالها

صح لسانك :) :)

[منال]

متاكد انها من كتاباتك ؟؟؟؟؟؟


منــــــــــــــــ :) اظن عندك امتحان باجر :) ـــــــــــــــــال

[BRABUS]

مرحبا كليك

والله يشرفني أشوف ردك على موضوعي

هند وحدة ثانية غير اللي في سوالف ... وانا أعرف تقصد منو :)

بس تقدر تقول إن هند شخصية خيالية أو حقيقية ... من يدري

-------------------------

منال ما في داعي للشك أكيد من كتاباتي :)



------------------
ما أقولك لا تسوي عمرك اتعرف كل شي

[lip_gloss]

منال قولي ماشاء الله لأنه هذي من كتاباته ..

------------------
بعد ما أروح..يكفي تذكروني

[click]

منال
لا لا لا لا
سؤال في غير مكانه
اكيد من شعر BRABUS

شوفي الكلمات زين
حاس انها موزونه و"مدوزنه" وايد
وبعدين طالما ان "هند" مبسوطه ليش تخربين "البسطه" عليها

تراني بس احب امزح :) :)

[BRABUS]

عاشت محاميتي lip_gloss عاشت :)



------------------
ما أقولك لا تسوي عمرك اتعرف كل شي

[lip_gloss]

تسلم يا برابوس ,,,وعشت وياي :) :) :)

------------------
بعد ما أروح..يكفي تذكروني

[منال]

عيل اسمحي لي اقول لك لانك انت اللي كاتبنها طبعا

انها روعة وما شاء الله عليك

طلع مواهبك يا برابوس

طبعا بعد الامتحانات مب الحين

**************

lip_gloss

امــــــــــــــــي

خررررررعتيني :) :) :)

[منال]

حتى انت يا كليك

صرت محامي

يا حظظظظظظظظظظظك يا برابوس :) :)

[lip_gloss]

بسم الله عليج يا منال ..
لا تخافين ماباكلج :)

------------------
بعد ما أروح..يكفي تذكروني

[BRABUS]

مشكووورة يا منال انتي الأروع

واحتمال هذا آخر شي أكتبه ..... احتمال :)

----------------------------

lip_gloss :)

----------------------------

يللا أشوفكم على خير .... بروح أذاكرلي كلمتين :)



------------------
ما أقولك لا تسوي عمرك اتعرف كل شي

[The Ocean]

حلو :)
---------------
الارادة تصنع المعجزات

[منال]

وليش اخر شي تكتبه

كيف تخش علينا مواهبك

لا ما يصير هالكلام

الحين ما راح نطالبك باي شي

لكن بعد الامتحانات ما بنسمح لك :)

[Huda76]

هلا والله برابوس

أثاريك شاعر :) :) :)
صح لسانك :)

[زهرة الليلك]

برابوووووووووس .. أوه أقصد مجنون هنــــــــد

حلوة منك هالكلمات .. والله يهنيك بهنودة ولا يحرمك منها :)

------------------
من الدنيـا أنـا مابـي سوى عـفـو العلي التـواب

.. ويحسـن خـاتمـة فعـلي ويغـفـر لـي ضـلالاتـي

[BRABUS]

مرحبا هدى ...

صح بدنج وأنا أخوج :) :)

-----------------------------

زهرة ....

مجنون هند مره وحدة

تسلمين والله يسمع منج .... آمين :)



------------------
ما أقولك لا تسوي عمرك اتعرف كل شي

[BRABUS]

ما أدري ليش رفعته مره ثانية :)



------------------
ما أقولك لا تسوي عمرك اتعرف كل شي

[غرام]

برابوس ماشاءالله وكل هذا الإبداع عشان هند
شوقتني أعرفها...وانشاءالله اتكون تستاهل
وما تخيب ظنك في يوم وإلا أنا راح أراويها
النجوم في عز الظهر
برابوس علمني كتابة الخواطر
عشان أكتب مثلك ;)

------------------
مع تحياتي: غرام الليالي
تسألني أحبك يا شاري الروح بغلاك..وانت غرامك دايم الدوم محتويني

[BRABUS]

غرام ...

غرام اترد عليي ... وأنا أقول الموضوع منور :)

يا أهلا والله بهالطلة
اشتقنا لعيونك والله
عذبنا فراقك يالغالي
خاف الله فينا خاف الله

--------------------------
بعدين انا اللي أعلمج تكتبين ؟

نسيتي ولا تبيني أذكرج :)



------------------
ما أقولك لا تسوي عمرك اتعرف كل شي