أبو النصر
17-04-2000, 01:13 AM
جدي وماجد عبدالله ( 1 ) :
في مباراة النصر والاتحاد ( الدور الثاني ) التي انتهت بالتعادل .. كان جدي الذي تجاوز الثمانين من عمره قريباً مني في المجلس وأنا أتابع المباراة وأتحسر مع الهجمات الضائعة للنصر .. كان يتابع حركاتي وعباراتي ..
فجأة قال جدي : ( ورى ما يلعبون ماجد ويرتاحون يجيب لهم كم قول وترجهن يا وليدي ) !!!!
عندها التفت إليه وقلت : آه يا جدي لو ماجد فيه كان ما شفت هالمطامر مني كان جلست عندك وانا مرجهن على قولك !!! .
قال جدي : وراه وين راح مويجد ؟
قلت : اعتزل وترك الكورة من سنتين .
قال جدي : ورى يا وليدي ما تعتزل مثله وتترك الكورة . تراه أحسن لك .
قلت : الظاهر يا جدي هذا اللي أبي أسويه .. بس حب العالمي في القلب .. وش نسوي .
جدي .. وماجد عبدالله ( 2 ) :
كان ذلك ما حدث بيني وبين جدي - حفظه الله -
في هذا اليوم سألت جدي : وش تعرف عن ماجد عبدالله ؟
قال : أعرف إنه يجيب أقوال .
قلت : ومن تعرف غيره ؟
قال جدي : والله يا وليدي ما أعرف أحد ولا ودي أعرف أحد .
قلت : لكن اخوي - فهد - ( وهو هلالي متعصب ) يقول إن ماجد ما يجي شيءٍ عند ( ...... ) !
قال جدي : وهذا اللي يقول أخوك يسجل أقوال مثل مويجد ؟
قلت : إيه بس أقواله شويه !!
قال : قال أجل مهوب مثله !! ما نيب أشوفكم ( تطامرون ) إلا إذا جت الأقوال !!
قلت : بس أخوي يقول إن (........) تفرغ لصناعة الأهداف !!
قال جدي : وين يصنعها فيه ؟
قلت : يعني هو اللي يوصل الكورة لغيره علشان يدخلونها في القول !!
قال جدي : طيب ورى ما إذا وصلها لهم .. ما يدخلها هو !! وراه يخلي غيره يدخلها !! مهوب إذا دخلها عطوه قروش ؟
قلت : الله أعلم !! لكن - فهد - يقول : اللي يصنع الأقوال أهم من اللي يسجلها !!
قال جدي : هين فهيد ما عنده الا الخرطي .. وراه قبل يطامر ويفصخ شماغه إذا جابوا قول !! ورى ما يطامر إذا صنعوا قول ؟
قلت : إسئله يا جدي .. وتراه يقول إن الهلال فيه افضل صانعين الألعاب .. وأحسن اللاعبين .. وهو الزعيم وهو .. وهو ..
قال جدي : طيب ورى ما ها اللي يقول ما يجلس ما دام عنده أحسن اللاعبين ويسجل ولو نصف أقوال مويجد !!
قلت : يا جدي ترى أخوي - فهد - يبي يقول إنك متعصب للنصر .. وتمدح ماجد باللي ما هوب فيه ..
قال : خله عنك .. مثل (مويجد) ما فيه !!!
قلت : أجل يا جدي أنت تشجع النصر !!
قال جدي : يا وليدي والله ودي كلكم تهونون عن الكورة مثل ماجد وترتاحون !!
ـــــــــــــــــــــــــــــــــــــــ
هذا ما دار بيني وبين جدي ( أطال الله في عمره ) لم أزد فيه حرفاً أو أنقص آخر !!
ولكنني أورد هذا الكلام ليس كشهادة لماجد تضاف إلى رصيده المرصع .. ولا أهدف إلى ما قد يفهمه الآخرون .. ولكنني فقط أُعجبت بهذا الحوار التلقائي مع جدي ورغبت أن أنقله لكم .. ولمحبي ماجد .
ولكم تحيات / أبو ناصر
في مباراة النصر والاتحاد ( الدور الثاني ) التي انتهت بالتعادل .. كان جدي الذي تجاوز الثمانين من عمره قريباً مني في المجلس وأنا أتابع المباراة وأتحسر مع الهجمات الضائعة للنصر .. كان يتابع حركاتي وعباراتي ..
فجأة قال جدي : ( ورى ما يلعبون ماجد ويرتاحون يجيب لهم كم قول وترجهن يا وليدي ) !!!!
عندها التفت إليه وقلت : آه يا جدي لو ماجد فيه كان ما شفت هالمطامر مني كان جلست عندك وانا مرجهن على قولك !!! .
قال جدي : وراه وين راح مويجد ؟
قلت : اعتزل وترك الكورة من سنتين .
قال جدي : ورى يا وليدي ما تعتزل مثله وتترك الكورة . تراه أحسن لك .
قلت : الظاهر يا جدي هذا اللي أبي أسويه .. بس حب العالمي في القلب .. وش نسوي .
جدي .. وماجد عبدالله ( 2 ) :
كان ذلك ما حدث بيني وبين جدي - حفظه الله -
في هذا اليوم سألت جدي : وش تعرف عن ماجد عبدالله ؟
قال : أعرف إنه يجيب أقوال .
قلت : ومن تعرف غيره ؟
قال جدي : والله يا وليدي ما أعرف أحد ولا ودي أعرف أحد .
قلت : لكن اخوي - فهد - ( وهو هلالي متعصب ) يقول إن ماجد ما يجي شيءٍ عند ( ...... ) !
قال جدي : وهذا اللي يقول أخوك يسجل أقوال مثل مويجد ؟
قلت : إيه بس أقواله شويه !!
قال : قال أجل مهوب مثله !! ما نيب أشوفكم ( تطامرون ) إلا إذا جت الأقوال !!
قلت : بس أخوي يقول إن (........) تفرغ لصناعة الأهداف !!
قال جدي : وين يصنعها فيه ؟
قلت : يعني هو اللي يوصل الكورة لغيره علشان يدخلونها في القول !!
قال جدي : طيب ورى ما إذا وصلها لهم .. ما يدخلها هو !! وراه يخلي غيره يدخلها !! مهوب إذا دخلها عطوه قروش ؟
قلت : الله أعلم !! لكن - فهد - يقول : اللي يصنع الأقوال أهم من اللي يسجلها !!
قال جدي : هين فهيد ما عنده الا الخرطي .. وراه قبل يطامر ويفصخ شماغه إذا جابوا قول !! ورى ما يطامر إذا صنعوا قول ؟
قلت : إسئله يا جدي .. وتراه يقول إن الهلال فيه افضل صانعين الألعاب .. وأحسن اللاعبين .. وهو الزعيم وهو .. وهو ..
قال جدي : طيب ورى ما ها اللي يقول ما يجلس ما دام عنده أحسن اللاعبين ويسجل ولو نصف أقوال مويجد !!
قلت : يا جدي ترى أخوي - فهد - يبي يقول إنك متعصب للنصر .. وتمدح ماجد باللي ما هوب فيه ..
قال : خله عنك .. مثل (مويجد) ما فيه !!!
قلت : أجل يا جدي أنت تشجع النصر !!
قال جدي : يا وليدي والله ودي كلكم تهونون عن الكورة مثل ماجد وترتاحون !!
ـــــــــــــــــــــــــــــــــــــــ
هذا ما دار بيني وبين جدي ( أطال الله في عمره ) لم أزد فيه حرفاً أو أنقص آخر !!
ولكنني أورد هذا الكلام ليس كشهادة لماجد تضاف إلى رصيده المرصع .. ولا أهدف إلى ما قد يفهمه الآخرون .. ولكنني فقط أُعجبت بهذا الحوار التلقائي مع جدي ورغبت أن أنقله لكم .. ولمحبي ماجد .
ولكم تحيات / أبو ناصر