سوالف للجميع - الدجاج: الدجاج المتبل بالبهارات الايطالية مع الفيتوتشيني

View Full Version : الدجاج: الدجاج المتبل بالبهارات الايطالية مع الفيتوتشيني

ابداع2004

30-07-2007, 03:34 PM

السلام عليكم ورحمة الله

الجوعان يحضر نفسه للأكل :)

هذا طبق سهل في اعداده ومكوناته تعريف ( نبذه ) عن الطبق

صدر دجاج , زيت زيتون , ثوم مفروم , بهارات , مكرونة
مدة التحضير: 35 دقيقة
مدة الطهي: من 35-40دقيقة او حتى النضوج
الكمية تكفي: 4 أشخاص

المقادير :

- 4 قطع من انصاف صدور الدجاج

- 4 ملاعق اكل من زيت الزيتون

- 1 ونصف ملعقة شاي من الثوم المفروم جيدا

- ¾ ملعقة شاي من البهارات الايطالية

- علبة من مكرونة الفيتوتشيني ( وتطهى حسب العلبة )

طريقة التحضير :

- يسخّن الفرن على درجة حرارة 350 فهرنهايت، ونأخذ وعاء طهي للفرن ويدهن بالزيت.

- يخلط زيت الزيتون مع الثوم والبهارات الإيطالية في وعاء.

وتضاف على الدجاج بالفرشاة وتدهن كل ناحية من الدجاج فيها.

تتبل في الثلاجة لمده ربع ساعة الى نصف ساعة ، وبعدها تزال

من وعاء التتبيل وتوضع في وعاء الفرن مده 35 الى 40 دقيقة الى ان يستوي الدجاج.

- يقدم الدجاج في طبع مع الفيتوتشيني والذرة المسلوقة ويزين حسب الذوق.

http://elsusi.com/blocks/images/cock/20070.jpg

وبالهنا والعافيه.....

تحياتي الشيف محمد الهاجري :D

افكر كثير

30-07-2007, 07:10 PM

احلى ياشيف . :D

بالله طريقة المندي الله يخليك . :D

ابداع2004

31-07-2007, 12:24 AM

ههههههههههه

لايهمك يابوسعيد انت بس جب لي العزبه :D

تحياتي محمد الهاجري000

افكر كثير

31-07-2007, 01:57 AM

هههههههههههههههههههه

الله يستر عليك يامحمد انا قريت كلمة العزبه ضحكت لين دخت ذكرتني بواحد من اخوياي الله يستر عليه كنت انا وهو ساكنين سوا قبل ما نتزوج اثنينا .

المهم جا شهر رمضان وطبعاً قررنا اننا نسوي الفطور بنفسنا . عاد اثنين كل واحد يبي يخرج ابداعاته . طبعاً الاكل لازم فيه سنبوسه و شربه وعصير توت ( فيمتو ) وطبق رئيسي . حن نرجع من العمل الساعه 3 والمغرب ايامها يأذن بين الخمسه والخمسه ونص . تخيل بنسوي كل هالاكلات بساعتين . طبعاً اول يومين مش حالك ماضبط الاكل . لكن ثالث يوم طلع ميه ميه ولا فراخ الجمعيه . يوم شفنا الشغله كذا قلنا خلنا نكسب الاجر ونفطر صائم . فقررنا كل يوم نعزم واحد ولا اثنين من العزوبيه اخويانا يعني المقاطيع اللي مثلنا . ويوم عزمنا اول مره اثنين من الشباب انهبلوا ماصدقو ان حن اللي مسوين الفطور . وصرنا كل يوم نعزم ناس . طبعاً الخطه ان اللي نعزمه مره ماعاد نعزمه مره ثانيه تعرف ليش ؟

لان الاكل نفسه مكرر كل يوم . :D

بس ياهو كان شهر كنا كل يوم نفطر نفس الفطور لين بلاخير قررنا ناخذ اجازات من العمل ونروح لاهالينا قبل ما يجينا تسمم . :laugh:

هذي القصه وسلامتكم .

ابداع2004

31-07-2007, 02:12 AM

ههههههههه وش هالافكار يابوسعيد صحيح افكر كثير اسم على مسمى

وفكره انك ماتعزم اللي عزمته من قبل ادهشتني هنا :D

لأن الاكل نفسه مكرر :laugh:

لايجيكم تسمم ههههههههه السنبوسه شكلها مبطي :OO:

الله يعطيك العافيه اخوي بوسعيد ولاعدمناك...

تحياتي محمد الهاجري000

بنت الكويت

31-07-2007, 11:13 AM

وااااو حده يشوووق لذييذ

تسلم يا شييف عالوصفات الحلوه هذي

لا عدمناك :)

ابداع2004

31-07-2007, 02:44 PM

الله يسلمكِ اختي بنت الكويت هذا بسبب بوسعيد كل يوم يبي وصفه :damp:

تحياتي محمد الهاجري000