استفسار عن اطارات (كفرات)

[bujassim]

السلام عليكم


اذكر ان كان في موضوع عن الكفرات، تحط فيه نوع سيارتك و حجم الاطار و صاحب الموضوع جزاه الله خير يقترح لك الاطار المناسب

لكن ما لقيت الموضوع


لذا اضطريت احط هالموضوع


نوع السيارة:
مازدا3 2005
حجم الاطار: 205/55/R16
نوع الكفر السابق: bridgeston turanza ER30

مميزاته: ثبات و قدر كبح (يساعد على التماسك لما استعمل البريك)- ما يصارخ لما ادوس بريك او لما ادخل منعطفات بسرعة عالية
سلبياته: يطلع صوت بعد قترة قصيرة (15000) و يجف (يتيبس)


المطلوب
كفرات جديدة

مميزاتها: هدوء -ثبات - قدرة على الكبح
السعر: 300 درهم او اقل
النقشة او رسمة الاطار غير مهمة عندي ابداً، لكن حامي الرنج مهم rim guard و هو الزائدة المطاطية اللي تحمي الرنجات من الاصطدام بالرصيف

طبع لحد يذكر لي اسم الشركة
لان ل شركة يها الزين و فيها الشين، اذكروا اسم الموديل مع اسم الشركة عشان يكون فيه تحديد


المهم انا لفيت الصناعية و لقيت مقترحات
firestone hawk TZ100
roadstar N5000 )هذا كوري، و المحل مدح فيه، بس انا شيكت في مصداقيته
uniroyal sport rain 1 هذا من نفس مصنع ميشلان و سعره 300 بالضبط، و الباقي اقل من 300

شو رايكم
ارجوكم ابي رد قبل يوم الجمعة 13\4\2007

[bujassim]

شكلي باخذ فايرستون

[افكر كثير]

شريت ولا بعدك يابو جاسم . :D

[ابداع2004]

مع احترامي لك firestone مثل bridgeston يمكن اختلاف السعر لصالح الفايرستون00

الكفر الاخير هذا uniroyal sport rain 1 اعجبني الصراحه00 للفائده فقط

[bujassim]

الى الاخ =افكر كثير=

الحمدلله اشتريت كفر فايرستون hawk tz100

الكفر ناعم على الشارع (الارتجاجات اقل) و هادىء بشكل ملحوظ (مقارنة بالكفر القديم)
الثبات قل عن قبل،لكن لايزال جيد جداً

الشركة تقول الاطار لوبروفايل، بس انا ما شكله ما يقول كذا


بشكل عام الاطار جيد جداً



الى الاخ =ابداع 2004=

انا كنت ناوي على uniroyal, بس خفت من مسألة الصوت، لانها هي اللي خلتني ابدل الكفر القديم

انا امش مسافات طويلة يومياً فأحتا لاطار هادىء ((اعصابي تتعب من الازعاج)

و محد كان عنده فكرة من محلات الاطارات، معظمهم شجعوني على الفايرستون، و الحمدلله مرتاح منه



افكر المرة الجاية آخذ uniroyal

انته عندك فكرة عنه؟ استعملته؟

[ابداع2004]

لأ بصراحه بس عند احد الشباب والله امدحه لأبعد الحدود صحيح انه غالي بس ممتاز 00 الله يبارك لك فيما اخترت00

تحياتي محمد الهاجري000

[bujassim]

=ابداع 2004=

يا ليت لو تسأله عن صوت الكفرات، هل هي هادئة او مزعجة شو كان مركب كفرات قبل، و هذي الكفرات مركبها الحين على اي سيارة

و السعر ما كان فرق كبير 50 درهم للكفر

[ابداع2004]

bujassim

لايهمك بس اللي اعرفه انه كان مركب بريجستون وذمها كثير هذي في اعتقادي من روحاتي معه مااسمع ضجيج زي اول اشوفها الين على الخط وانعم00

بس خلني اتأكد منه اكثر00

تحياتي محمد الهاجري000

[bujassim]

انا بعد قبل الفايرستون كنت مركب بريجستون، تطلع صوت حتى على سرعة 20، لكن اللي كان مصبرني عليها، هو تماسكها