تواير البوالين، إيش أهميتها الكبيرة؟

[loolicpolic]

أهلين شباب..

ملاحظ عندنا في الدوحة معظم الشباب إذا مو كلهم يركبون تواير البوالي على الكروزرات والنياسين.. ممكن نعرف فايدتهم؟ وهل هم أرخص ولا أغلى من التواير العادية؟


تحياتي..


تواير = كفر = عجل

[سنـاري]

هذه الاطارات للرمل بس مع انها ما تعجبني

سعرها ارخص بكثير من الاطارات العادية بالتحديد 250 ريال للكروزر و النيسان من احدى الشركات و توصل لـ 190 ريال لشركات اخرى

و باقي المواصفات كلها سلبية ازعاج في الخط - مافي توازن - ما تقدر توصل اعلى سرعة زي الكفرات العادية و الخ

[loolicpolic]

هلا أخوي سنـاري..

أشكرك على ردك السريع..

إذا كل هاي المشاكل فيها، ليش معظم الشباب يركبها؟ يمكن يروحون الرمل وايد :think: ..

أنا سامع إنها في الحصى مريحة " البر "، هل هذا صحيح؟


تحياتي..

[سنـاري]

والله ياخوي ما ادري ليش يركبوها

عموما انا ركبتها و طلعت فيها البر تحس السيارة كأنها تسبح في الرمل :D

عجبتني الصراحة في الرمال

لكن ما جربتها على الحصى و الحجار و هناك فرق :cool:

[TOP-SECRET]

توضيح لسناري

البوالين اقل سعر لها تجي الماليزيه الماكسس وسعر الواحد 370 ريال

مستحيل يوصل 250 ريال

ثاني شي اخوي ليش الشباب يركبونها

اول شي انت يمكن ماتعرف شباب قطر وايد

شباب قطر يركبونها حق استعراض

تروح ساحة الصناعيه ولا الوكره ولا خط طيب الرقده تحصل كل خميس استعراضات

ولو تحط تواير وكاله مع البوالين بتكون تواير الوكاله ثقيله يعني بتطق عليك الكارونه

مب نفس البوالين خفيفه في الاستعراض وبسرعه تدور,,,

وثاني شي حق العديد وضرب الطعوس تنزل هواها ومن غير دبل تضرب طعس لو كان وسط

ثالث شي كشكل يجي حلو شكل الموتر ببوالين :banana:

رابع شي في السباق تفيد في الخط وايد

يعني تجيب واحد عليه بريللي ولا ميشلان ولا دنلوب حجري

مع واحد عنده بوالين راعي الدنلوب بيوصل 200 وراعي البالون تحصله يمشي 185

والشي الاخير صارت عاده عند شباب قطر اي واحد يطلع كروزر ولا نيسان من قريب يروح

الصناعيه يبدل تواير الوكاله على طول

تقدر تقول عشان يحس بطعم موتره من اول يوم :D

[Nas1]

لا لا لا لا يا حمد,, ما يصير هالكلام


نسيت تقول السبب الأهم لشباب قطر :D و الي هو الشل على تايرين :D

ما كان المفروض انك تغفل عن هذه النقطه :D

[ss 2001]

البوالين او الـ900 يركبونها الشباب للشكل و للبر و للاستعراض ...


لأن تواير الـ 900 خفيفه وبنفس الوقت تعطيك شكل فنان وخاصة على الفتك والستيشن ..



وبعض الشباب يركبونها على جموس وعلى البيكبات ..

[توربو]

:shy:

[GT-40]

TOP -SECRET ما خلالي شي اقوله....

well said :cool:

[loolicpolic]

هلا بالشباب كلهم..

أخوي سنـاري..
أنا أذكر مرة إني سقت كروزر عليه بوالين على الحصى وكانت فعلا مثل ما قلت تسبح.. وعلى الشارع جميلة بس ما كنت مسرع، حدي كنت 80..

أخوي حمد..
والله إنك كفيت و وفيت.. بس إنت وش مركب على كروزرك؟
وهل تنصح فيه ولا لأ، مع العلم إني مو شغل رمل وطعوس ولا حتى بر؟

أخوي Nas1..
فعلا، كل سيارات الشيل في قطر مركبين بوالين :banana: ..

أخوي ss 2001..
من حيث الشكل، فالشكل فنان وعجيب وبعد لما يكون عيهم إس تي بي ويكونون يلمعون :eek: .. يا حليلهم :knight: ..

أخوي توربو..
شكلك مركبهم على شبح ولا حتى سيارة سبورت :think: ..

أخوي GT-40..
هلا بيك وأخونا حمد ما قصر :-) ..



تحياتي..

[ميكانيكي]

طيب يا جماعه انا مركب بوالين
لكن المشكلة انها بعد سرعة 110 كيلو ..وانت طالع
تهتز بشكل مزعج ..وتحس ان ميزانية السيارة راحت
..
حاولت اعمل لها ميزانية ...لكن مافي فايده ...نفس الحال :mad1:

اللي عندي ابو ست خطوط

انا حاليا افكر ابدلهم بالنوع الثاني ابو ثمان خطوط

هل هناك فرق في الميزانية بين الحجمين ؟؟